DROPS Super Sale - 30% AFSLÁTTUR á 6 garntegundum í allan júní!

Hvernig á að hekla mynstur

Video thumbnail for Hvernig á að hekla mynstur
Í þessu DROPS myndbandi sýnum við hvernig er hægt að hekla mynstur í stykki með því að nota marga liti. Notið aðskildar dokkur fyrir hvert litasvæði. Þegar hekluð er síðasta lykkja með lit, bíðið með að draga þráðinn í gegn í lokin og dragið þráðinn í gegnum lykkju með næsta lit sem á að nota. Þegar skipt er um lit passið einnig uppá að vefja litunum / þráðunum utan um hvorn annan og herðið aðeins, þannig er hægt að koma í veg fyrir að það myndist göt.
Annað tungumál:

Myndband #147, skráð í: Hekl myndbönd, Hekl aðferðir & tækni, Hekluð litrík verkefni - aðferðir

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag De Keyser Frieda skrifaði:

Kan geen video's bekijken hoe ik steken kan haken of breien HELP...... groetjes Frieda

28.05.2016 - 17:35

Country flag Ugolin Lydie skrifaði:

Merci pour ces explications simples et facile à comprendre !

14.04.2011 - 08:42

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að hekla stuðla með 2 litum og litaskiptum
4:25
Hvernig á að hekla stuðla með 2 litum og litaskiptum

Í þessu DROPS myndbandi sýnum við hvernig við heklum með 2 litum. Þegar heklað er með tveimur litum er þráðurinn sem ekki er heklað með látinn liggja YFIR lykkjurnar frá fyrri umferð (ekki aftan við) og heklað er utan um þráðinn þannig að hann sé falinn innan í lykkjunum, þráðurinn fylgir þar með áfram hringinn. Þegar skipta á um lit er heklað þannig: Heklið síðasta stuðulinn með fyrsta litnum, en bíðið með að draga þráðinn í gegn í lokin, skiptið yfir í næsta lit og dragið þráðinn í gegn með nýja litum í lokin, heklið næsta stuðul. Við notum garnið DROPS Snow í myndbandinu. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla í hring með fastalykkjum og 2 litum
3:17
Hvernig á að hekla í hring með fastalykkjum og 2 litum

Í þessu DROPS myndbandi sýnum við hvernig hægt er að hekla í hring með fastalykkjum og með 2 litum. Þegar þú heklar er í hring með 2 litum og langar til að láta báða þræðina fylgja með, þá getur þú heklað utan um þráðinn sem þú ætlar ekki að vinna með. Þegar þú heklar síðustu lykkjuna, bíður þú með að draga þráðinn í gegn í lokin, skiptir um lit og dregur þráðinn í gegn í lokin með nýja litnum. Þú getur látið litinn fylgja með hringinn með því að hekla utan um hann eins lengi og þú vilt og þegar þú átt að skipta um lit, þá notar þú hinn litinn þegar draga á þráðinn í gegn í lokin og heldur áfram með nýja litnum og heklar utan um þann lit sem þú ætlar að hvíla. Mundu – þegar margir litir eru látnir fylgja með þá verður efnið þykkara en þegar þú vinnur með einum þræði. Í myndbandinu notum við DROPS Snow. Fylgja þarf uppskrift með þessari aðferð til þess að geta fylgt myndbandinu eftir. Þú finnur mynstrið með því að smella á myndina að neðan.
Video thumbnail for Hvernig á að hekla rendur með 2 litum
7:12
Hvernig á að hekla rendur með 2 litum

Í þessu DROPS myndbandi sýnum við hvernig við heklum rendur með 2 litum. Þegar rendur eru heklaðar með tveimur litum fram og til baka þá skrifum við stundum að lykkjan sé látin bíða í lok umferðar síðan er næsta umferð hekluð frá hlið þar sem þráðurinn var geymdur frá fyrri umferð. Þetta er falleg aðferð sem hægt er að nota og þá þarf ekki að klippa endana né ganga frá mörgum endum í lokin. Fylgja þarf uppskrift til þess að geta fylgt myndbandinu eftir. .
Video thumbnail for Hvernig á að byrja hekl með stuðli og nýjum lit
2:43
Hvernig á að byrja hekl með stuðli og nýjum lit

Í þessu DROPS myndbandi sýnum við hvernig við byrjum að hekla nýjan hring með stuðlum og nýjum lit. Með þessu kemur þráðarendinn til með að vera efst á lykkjunni og þannig er hægt að hekla utan um hann í næstu umferð. Jafnvel þó að skipt sé um lit í hverri umferð þá er hægt að fækka þráðarendum sem þarf að festa í lokin. Gerið 1 rennilykkju (upphafslykkju) + bregðið þræðinum um heklunálina, stingið heklunálinni í síðustu lykkju frá fyrri umferð, bregðið þræðinum um heklunálina og dragið þráðinn í gegn, bregðið þræðinum um heklunálina og dragið í gegnum 2 lykkjur, bregðið þræðinum um heklunálina og dragið þráðinn í gegnum 2 síðustu lykkjurnar. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla rendur í hring
4:27
Hvernig á að hekla rendur í hring

Í þessu DROPS myndbandi sýnum við hvernig við heklum rendur í hring og skiptum um lit. Að skipta um lit þegar heklað er í hring: Þegar hekluð er keðjulykkja í lok umferðar, sækið nýja litinn þegar þráðurinn er dreginn í gegn í lokin og dragið nýja litinn í gegn. Haldið áfram með nýja litinn. Hægt er að festa endann frá litaskiptunum með því að hekla endann inn með stykkinu áður en klippt er frá (heklið með nýja litnum utan um þráðarendann). Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að hekla fram og til baka með 2 litum
3:50
Hvernig á að hekla fram og til baka með 2 litum

Í þessu DROPS myndbandi sýnum við hvernig við heklum fram og til baka með 2 litum. Heklið lítil form, lóðréttar línur, doppur, bókstafi .... Þegar heklað er með 2 litum fram og til baka og báðir þræðirnir eiga að fylgja með er hægt að hekla í kringum þráðinn sem ekki er notaður. Þegar hekluð er síðasta lykkja með litnum, bíðið með að draga þráðinn í gegn í lokin og dragið þráðinn með nýja litnum í gegn. Hægt er að láta litinn fylgja með og hekla utan um hann eins lengi og þörf er á og þegar komið er að því að skipta, þá er liturinn sóttur þegar draga á þráðinn í gegn í síðasta sinn og haldið er áfram með nýja litnum, sá fyrri er látinn fylgja með. Athugið - ef einn litur eða fleiri eru látnir fylgja með þá verður stykkið mun þykkara en ef heklað er með einum lit. Fylgja þarf uppskrift til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.