Vísbending #8 - Gleym-mér-ei

Nú er kominn tími til að hekla aftur litla ferninga – og nú er ekkert leyndarmál hvernig við förum að því við höfum heklað þessa í vísbendingu #3. Munurinn er sá að nú heklum við 28 ferninga í tveimur litasamsetningum.

Ertu orðin CAL sérfræðingur? Þá getur þú hoppað yfir myndirnar og farið beint inn í mynsturteikningu (eða myndband) neðst á síðunni.

Litir

Við heklum 4 umferðir af ferning A.4B í eftirfarandi litum:

UMFERÐ + 1.UMFERÐ: 06 ljós gallabuxnablár
2.-3.UMFERÐ: 05 ljós þveginn
4.UMFERÐ: 01 hvitur

Nú er bara að byrja!

UPPFITJUN:
Heklið 4 loftlykkjur með litnum ljós gallabuxnablár, tengið þær saman í hring með 1 keðjulykkju í fyrstu loftlykkju.

1.UMFERÐ:
Heklið 1 loftlykkju (jafngildir 1. fastalykkju).

Heklið * 2 loftlykkjur, 2 fastalykkjur um hringinn *, endurtakið frá *-* 3 sinnum alls.

Heklið 2 loftlykkjur, 1 fastalykkja um hringinn og endið umferð með 1 keðjulykkju í 1. loftlykkju frá byrjun umferðar, ekki skipta um lit.

Heklið 1 keðjulykkju um 1. loftlykkjuboga jafnframt er skipt yfir í litinn ljós þveginn, lesið LITASKIPTI að neðan. Klippið frá þráðinn í litnum ljós gallabuxnablár.

LITASKIPTI:
Til að fá fallega skiptingu þegar skipt er um lit er síðasta lykkjan í umferð hekluð með nýja litum.

2.UMFERÐ:
Heklið 3 loftlykkjur (jafngilda 1. stuðli), 1 stuðul um 1. loftlykkjuboga, 2 loftlykkjur, 2 stuðlar um sama loftlykkjuboga, 1 loftlykkja.

Heklið * 2 stuðla um næsta loftlykkjuboga, 2 loftlykkjur, 2 stuðlar um sama loftlykkjuboga, 1 loftlykkja *, endurtakið frá *-* 3 sinnum alls.

Endið umferð með 1 keðjulykkju í 3. loftlykkju frá byrjun umferðar.

3.UMFERÐ:
Heklið 1 keðjulykkju um 1. loftlykkjuboga, 3 loftlykkjur (jafngilda 1. stuðli), 2 stuðlar um sama loftlykkjuboga, 2 loftlykkjur, 3 stuðlar um sama loftlykkjuboga, 1 loftlykkja.

Heklið * 3 stuðla um næsta loftlykkjuboga, 2 loftlykkjur, 3 stuðlar um sama loftlykkjuboga, 1 loftlykkja *, endurtakið frá *-* 3 sinnum alls.

Endið umferð með 1 keðjulykkju í 3. loftlykkju frá byrjun umferðar, jafnframt er skipt yfir í litinn hvítur. Klippið frá þráðinn í litnum ljós þveginn.

4. UMFERÐ:
Heklið 1 loftlykkju, lesið LEIÐBEININGAR að neðan.

LEIÐBEININGAR:
Umferðin byrjar með 1 loftlykkju fyrir fyrstu fastalykkju (þessi loftlykkja kemur ekki í stað fyrstu fastalykkju).

Heklið * 1 fastalykkju í hverja af næstu 3 lykkjum, 2 fastalykkjur um loftlykkjuboga, 2 loftlykkjur, 2 fastalykkjur um sama loftlykkjuboga, 1 fastalykkja í hverja af næstu 3 lykkjum, 2 hálfa stuðla í kringum loftlykkju frá 2. og 3. umferð *, endurtakið frá *-* 4 sinnum alls.

Endið umferð með 1 keðjulykkju í 1. fastalykkju frá byrjun umferðar. Klippið frá og festið enda!

Tilbúið!

Nú höfum við lokið við ferning A.4B, sem á að vera 8 x 8 cm.

Heklið 14 svona ferninga í sömu litasamsetningu og þú sérð hér:

Nú er bara eftir að hekla 14 st í annarri litasamsetningu (eins og þú sérð á mynd að neðan).

UPPFITJUN +1. UMFERÐ: ljós fjólublár
2.-3.UMFERÐ: fjólublár
4.UMFERÐ: hvitur

Allt mynstur fyrir vísbendingu #8

	=	4 loftlykkjur, tengið þær í hring með 1 keðjulykkju í fyrstu loftlykkju – sjá punkt í hring, umferðin byrjar og endar hér
	=	loftlykkja
	=	keðjulykkja í/um lykkju
	=	fastalykkja um loftlykkjuboga/loftlykkjuhring
	=	fastalykkja í lykkju
	=	stuðul um loftlykkjuboga
	=	1 hálfur stuðull í kringum loftlykkju frá 2. og 3. umferð

Vantar þig aðstoð við hekl aðferðirnar? Skoðaðu myndbandið fyrir vísbendingu #3.