DROPS Children 49 · Fullt af nýrri hönnun fyrir börn!

Hvernig á að prjóna laskalínu fram og til baka

Í þessu DROPS myndbandi sýnum við hvernig við prjónum laskalínu fram og til baka á hringprjóna.
Setjið inn ermar á sama prjón og fram- og bakstykki þar sem fellt var af fyrir handveg. Setjið 1 merkiþráð í allar skiptingar á milli framstykkis, bakstykkis og erma. Byrjið úrtöku fyrir laskalínu.
Í myndbandinu fækkum við lykkjum hvoru megin við 2 lykkjur í hverri skiptingu í annarri hverri umferð, þ.e.a.s. í hverri umferð frá réttu. Það gera 4 lykkjur í sléttprjóni við hverja skiptingu.
Byrjið 3 lykkjum á undan merkiþræði, 2 lykkjur slétt saman, 1 lykkja slétt, merkiþráður, 1 lykkja slétt, lyftið 1 lykkju af prjóni, 1 lykkja slétt, steypið lyftu lykkjunni yfir. (Fyrir 2 sléttprjónaðar lykkjur í hverri skiptingu: Byrjið 2 lykkjum á undan merkiþræði: Prjónið 2 lykkjur slétt saman, merkiþráður, lyftið 1 lykkju af prjóni, 1 lykkja slétt, steypið lyftu lykkjunni yfir).
Fylgja þarf uppskrift til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS Baby 33-32

DROPS Baby 33-32
DROPS Children 34-30

DROPS Children 34-30
DROPS 206-34

DROPS 206-34
DROPS 186-16

DROPS 186-16
Annað tungumál:

Myndband #122, skráð í: Lærðu að prjóna, Prjónað berustykki aðferðir, Laskalína

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Claudia skrifaði:

In Spanish 3 " (Para 2 pt jersey en cada transición: Inicio 2 pts antes del marcador, 2 pjd, marcador, deslice 1 pt como al derecho, 1d, pasar el punto pasado por encima)"

30.06.2014 - 20:01

Claudia skrifaði:

In Spanish 2 "En nuestro video estamos disminuyendo en cada lado 2 pts en cada vuelta en vueltas alternas, es decir, cada vta por el Lado Derecho, esto da 4 pts en jersey en cada vuelta. Comience 3 pts antes del marcador; 2 pjd, 1d, marcador, 1d, deslizar 1 pt de derecho, 1d, pasar el punto pasado por encima.-..."

30.06.2014 - 20:00

Claudia skrifaði:

In Spanish 1 "Deslizar las mangas en la misma aguja que la pieza del cuerpo para realizar las sisas. Colocar un marcador en todas las uniones entre la pieza del cuerpo y las mangas. Ahora disminuir para el raglán...."

30.06.2014 - 19:59

Country flag Margit skrifaði:

Här visas inte hur man gör när man stickar fram o bakstycket på rundsticka.

25.11.2013 - 18:33

Linda skrifaði:

Hola, gracias por compartir sus patrones y por las indicaciones, pero no se como debe tejerse el reglan en un pullover, sos

23.09.2013 - 19:04

Country flag Eliana skrifaði:

Quero parabenizar essas pessoas maravilhosas que se dispõe a ensinar, explicar e auxiliar tanto as pessoas que assim como eu querem fazer coisas bonitas e não sabem, com esses videos essas explicações eu consigo fazer tanta coisa no trico que eu amo tanto, muuuuito obrigada. Abraços Eliana

08.07.2013 - 16:13

Country flag Corniou Gigi skrifaði:

Cette métode est simple etplus rapide bravo

06.03.2013 - 19:08

Country flag Marie skrifaði:

Expliquer ainsi comme c'est simple et si bien terminé de façon parfaite. Vous êtes vraiment pro Un grand merci.

24.02.2013 - 16:38

Country flag Yousra Sawaf skrifaði:

Super !voila une manière elégante pour faire le raglan شكراًلجهودكم طريقةفنية لتنفيذ الريكلان

16.02.2013 - 22:22

Country flag Vanessa skrifaði:

MERCI beaucoup pour ses explications

15.12.2012 - 02:30

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að fá miðlægari úrtökulínu með því að prjóna 2 lykkjur saman
1:38
Hvernig á að fá miðlægari úrtökulínu með því að prjóna 2 lykkjur saman

Í þessu DROPS myndbandi sýnum við hvernig á að fækka um 2 lykkjur þannig að það náist miðlægari og áberandi úrtökulína, eins og sést í laskalínunni í peysunni «Clear Winter Sky» í DROPS 236-24. Prjónið þar til 1 lykkja er eftir áður en lykkjan kemur með merki í, lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð. Við notum garnið DROPS Snow í myndbandinu. Þú finnur mynstrið með því að smella á myndina að neðan.
Video thumbnail for Hvernig á að auka út fyrir laskalínu jafnframt því sem stuttar umferðir eru prjónaðar
17:18
Hvernig á að auka út fyrir laskalínu jafnframt því sem stuttar umferðir eru prjónaðar

Í þessu DROPS myndbandi sýnum við hvernig aukið er út fyrir laskalínu á meðan prjónaðar eru stuttar umferðir. Setjið 4 prjónamerki í mynstrið sem þú prjónar og klippið þráðinn frá. Byrjið nú í vinstri hlið við hálsmál að framan (séð þegar flíkin er mátuð). Byrjið frá réttu, 2 lykkjur á undan lykkju með 3. prjónamerki og prjónið samkvæmt mynstri (sléttprjón / samkvæmt mynsturteikningu) og aukið út fyrir laskalínu á undan og á eftir 4 prjónamerkjum þar til prjónaðar eru 2 lykkjur fram hjá lykkju með 2. prjónamerki (nú hafa verið auknar út 8 lykkjur fyrir laskalínu). Snúið stykkinu, herðið á þræði og prjónið til baka frá röngu þar til prjónaðar hafa verið 2 lykkjur fram hjá þar sem stutta umferðin byrjaði við 3. prjónamerki. Haldið áfram með stuttar umferðir eins og stendur í mynstri og þegar stutta umferðin hefur verið prjónuð til loka er þráðurinn klipptur frá og þú byrjar að prjóna aftur frá miðju að aftan. Uppslátturinn / útaukningar eru prjónaðar eins og útskýrt er í mynstri sem prjónað er eftir. Mundu að uppslátturinn / útaukningar eru prjónaðar mismunandi á undan og á eftir prjónamerkjum og þegar prjónað er frá réttu / röngu. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna útaukningu frá röngu
2:53
Hvernig á að prjóna útaukningu frá röngu

Í þessu DROPS myndbandi sýnum við hvernig við aukum út með uppslætti frá réttu, bæði á undan prjónamerki og á eftir prjónamerki og hvernig uppslátturinn er prjónaður frá röngu. Til að nýju lykkjurnar komi til með að snúa fallega að hverri annarri er uppslátturinn í næstu umferð prjónaður frá röngu þannig: Uppslátturinn á undan prjónamerki er prjónaður brugðið í aftari lykkjubogann (svo ekki myndist gat). Uppslátturinn á eftir prjónamerki er prjónaður þannig: Takið uppsláttinn af vinstra prjóni og setjið til baka yfir á vinstri prjón, nema í gagnstæða átt (stingið vinstra prjóninum aftan í þegar hann er settur til baka á prjóninn). Prjónið uppsláttinn brugðið í fremri lykkjubogann (það eiga ekki að myndast göt). Við notum garnið DROPS Snow í myndbandinu. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að prjóna uppslátt mismunandi til að hann leggist til hægri eða vinstri
11:19
Hvernig á að prjóna uppslátt mismunandi til að hann leggist til hægri eða vinstri

Í þessu DROPS myndbandi sýnum við hvernig við prjónum uppslátt á mismunandi hátt þannig að annað hvort leggst uppslátturinn til hægri eða til vinstri, eins og er gert í húfunni í DROPS 234-12. Við sýnum 1 umferð þar sem uppslátturinn er prjónaður slétt, eftir það 2 umferðir þar sem við prjónum uppsláttinn brugðið. Uppslátturinn er prjónaður þannig: Á EFTIR PRJÓNAMERKI: Prjónið uppsláttinn í aftari lykkjubogann, lykkjan snýr til vinstri. Það á ekki að myndast gat! Á UNDAN PRJÓNAMERKI: Takið uppsláttinn af prjóni og setjið til baka yfir á prjóninn í gagnstæða átt og prjónið uppsláttinn í fremri lykkjubogann, lykkjan snýr til hægri. Það á ekki að myndast gat! Útauknar lykkjur eru prjónaðar inn í stroffprjón 2 lykkjur slétt / 2 lykkjur brugðið – þ.e.a.s. í 2 fyrstu skiptunum sem aukið er út eru lykkjurnar prjónaðar slétt, í 2 næstu skiptum er prjónað brugðið. Húfan í DROPS 234-12 er prjónuð úr DROPS Karisma, en í myndbandinu notum við grófara garn: DROPS Snow. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að setja prjónamerki, auka út fyrir laskalínu og prjóna stuttar umferðir
23:26
Hvernig á að setja prjónamerki, auka út fyrir laskalínu og prjóna stuttar umferðir

Í þessu DROPS myndbandi sýnum við hvernig við setjum 4 prjónamerki í stykki, hvernig við aukum út fyrir laskalínu við þessi prjónamerki jafnframt því sem prjónaðar eru stuttar umferðir. Við klippum þráðinn frá og byrjum stuttar umferðir við 3. prjónamerkið, en þegar stuttar umferðir hafa verið gerðar til loka klippum við þráðinn frá og byrjum aftur mitt að aftan. Við höfum nú þegar prjónað tvöfaldan kant í hálsmáli og sýnum fyrst í myndbandinu hvernig við prjónum umferð þar sem við setjum 4 prjónamerki og aukum út fyrir laskalínu hvoru megin við þessi prjónamerki. Í næstu umferð er útaukningin prjónuð snúin slétt, svo ekki myndist gat. Þegar stuttar umferðir eru prjónaðar er aukið út fyrir laskalínu í hverri umferð og þegar stuttar umferðir hafa verið prjónaðar til loka, aukið út fyrir laskalínu í annarri hverri umferð. Við notum garnið DROPS Nepal í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.
Video thumbnail for Hvernig á að auka út fyrir laskalínu og hvernig á að prjóna lykkjurnar í næstu umferð
6:46
Hvernig á að auka út fyrir laskalínu og hvernig á að prjóna lykkjurnar í næstu umferð

Í þessu DROPS myndbandi sýnum við hvernig við aukum út um 2 lykkjur hvoru megin við laskalínu og hvernig við prjónum útauknar lykkjur í næstu umferð. Prjónið þannig: Prjónið fram að laskalínu, sláið 1 sinni uppá prjóninn, prjónið 1 lykkju slétt (= laskalína), sláið 1 sinni uppá prjóninn. Aukið svona út við hverja laskalínu (= 8 lykkjur fleiri í umferð). Í næstu umferð er uppslátturinn prjónaður þannig: Á UNDAN LASKALÍNU: Lyftið uppslættinum yfir á hægri prjón eins og prjóna eigi slétt, setjið til baka yfir á vinstri prjón, þ.e.a.s. uppslátturinn verður snúinn, prjónið slétt í fremri lykkjubogann (uppslátturinn snýr til hægri). Á EFTIR LASKALÍNU: Prjónið uppsláttinn slétt í aftari lykkjubogann (uppslátturinn snýr til vinstri). Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.