Vinsælir flokkar
Ertu að leita að garni?
Hvenig á að hekla mörg hjörtu
Fitjið upp þann fjölda lykkja sem er deilanlegur með 7 (+8) með grunnlit. Fylgja þarf uppskrift til þess að geta fylgt myndbandinu eftir. Við höfum fitjað upp 28 LAUSAR loftlykkjur (= 4 heil hjörtu) + 8 = 36 loftlykkjur.
HEKLLEIÐBEININGAR: Fyrsta stuðul í umferð er skipt út fyrir 3 loftlykkjur.
UMFERÐ 1: Heklið 1 stuðul í 4. loftlykkju frá heklunálinni. 1 stuðul í hverja af næstu 33 lykkjum = 34 stuðlar, skiptið um lit (hjartalit 1) þegar draga á þráðinn í gegn í lokin, klippið frá og snúið stykkinu.
UMFERÐ 2 (hjartaumferð): Heklið 3 loftlykkjur, 1 stuðul í 1. stuðul, 2 loftlykkjur, hoppið yfir 5 lykkjur, * í næsta stuðul er heklað þannig: 2 stuðlar, 1 loftlykkja, 2 stuðlar, 2 loftlykkjur, hoppið yfir 6 lykkjur *. Endurtakið frá *-* 3 sinnum til viðbótar, en í síðustu endurtekningunni er hoppað yfir 5 lykkjur (í stað 6 lykkjur) og heklið 2 stuðla í 3. loftlykkju frá fyrri umferð. Skiptið yfir í grunnlit þegar draga á þráðinn í gegn í lokin, snúið stykkinu.
UMFERÐ 3: Heklið 1 loftlykkju, 1 fastalykkja í 1. stuðul. Nú er heklað um loftlykkjurnar í umferðinni að neðan og í stuðlana 2 í umferðinni að neðan þannig: Hoppið yfir 1 stuðul 1 umferð að neðan og 1 stuðul 2 umferðum að neðan, heklið 1 stuðul í hvorna af næstu 2 stuðlum. * Heklið 2 loftlykkjur, 1 fastalykkja um loftlykkjuna í hjarta, 2 loftlykkjur, hoppið yfir 2 stuðla í hjarta og 2 stuðla frá 2 umferð að neðan, 1 stuðull í hvorn af næstu 2 stuðlum, hoppið yfir 2 stuðla *, endurtakið frá *-* 2 sinnum til viðbótar. Heklið 2 loftlykkjur, 1 fastalykkja um loftlykkju í hjarta, 2 loftlykkjur, hoppið yfir 2 stuðla frá 2 umferð að neðan, 1 stuðul í hvorn af næstu 2 stuðlum, 1 loftlykkja og 1 fastalykkja í 3. loftlykkju, snúið stykkinu.
UMFERÐ 4: Heklið 3 loftlykkjur, 1 stuðul í næstu loftlykkju, 1 stuðul í hvorn af næstu 2 stuðlum. * 2 stuðlar um næsta loftlykkjuboga, 1 stuðul í næstu fastalykkju, 2 stuðlar í næsta loftlykkjuboga, 1 stuðul í hvorn af næstu 2 stuðlum *, endurtakið frá *-* 3 sinnum til viðbótar. Endið með 2 stuðla í síðustu lykkju og skiptið um lit (hjartalitur 2) þegar draga á þráðinn í gegn í lokin, snúið stykkinu og klippið frá. Endurtakið 2-4 umferð að óskaðri lengd.
Við notum DROPS Snow frá Garnstudo í myndbandinu og það er DROPS Cotton Merino frá Garnstudio í litlu prufunni.
Myndband #1214, skráð í: Hekl myndbönd, Heimilið / hekluð mynstur, Heklmynstur, Heklað skraut, Hekluð hjörtu
Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.
Þú getur breytt hraðanum á þessu myndbandi með því að smella á táknið á spilastikunni.
Skrifaðu athugasemdir eða spurningar fyrir þetta myndband
Netfangið þitt verður ekki birt. Það verður að merkja við svæði merktri með *.
Þú gætir líka haft gaman af...
Með yfir 40 ára prjón- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 319 vörulista og 11910 mynstur - 7493 mynstur sem eru þýdd á [íslensku].
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright sem er neðst á öllum mynstrunum okkar.