Fitjað upp - hefðbundinni aðferð / Basic, Long tail cast on

Í þessu DROPS myndbandi sýnum við algengustu aðferðina til að fitja upp lykkjur. Þessi uppfitjunaraðferð hefur mörg nöfn og er einnig kölluð: Evrópsk uppfitjun / Föst uppfitjun / Hefðbundin uppfitjun / Silfurfit / Long-Tail cast on

MYNDBANDIÐ SÝNIR:
BYRJUN:
Dragið þráðinn úr dokkunni og búið til upphafslykkju sem á að vera aðeins innan við þráðinn (um 40-80 cm af þræði er notaður til að búa til 20 lykkjur, allt eftir garni og prjónastærð). Setjið upphafslykkjuna á hægri prjóninn og herðið lykkjuna örlítið að prjóninum. Frá upphafslykkjunni á prjóninum eru tveir þræðir: A= frá dokkunni og B= frá endanum.

ÞRÁÐUR UM HÖNDINA:
Leggðu þræði A og B utan um vinstri hönd þína á eftirfarandi hátt:
A: Þráðurinn frá dokkunni er lagður á ytri hlið þumalfingurs.
B: Þráðurinn frá endanum er lagður yfir vísifingurinn og niður á milli vísifingurs og löngutangar.
Baugfingur og litli fingur halda þráðunum tveimur saman í hendinni – ekki of fast.

FJÖLDI ÞRÁÐA:
Lyftu vinstri hendi um 5 cm hærra en hægri höndina og þú getur nú talið 4 þræði í vinstri hendi. Í útskýringunni hér að neðan hafa þræðirnir fengið eftirfarandi númer:
Þráður-1 = þráður fyrir framan þumalfingur, þráður-2 = þráður fyrir aftan þumalfingur, þráður-3 = þráður fyrir vísifingur, þráður-4 = þráður eftir vísifingur.