DROPS Super Sale - 30% AFSLÁTTUR á 4 tegundum af ullargarni!

Hvernig á að setja prjónamerki, auka út fyrir laskalínu og prjóna stuttar umferðir

Í þessu DROPS myndbandi sýnum við hvernig við setjum 4 prjónamerki í stykki, hvernig við aukum út fyrir laskalínu við þessi prjónamerki jafnframt því sem prjónaðar eru stuttar umferðir. Við klippum þráðinn frá og byrjum stuttar umferðir við 3. prjónamerkið, en þegar stuttar umferðir hafa verið gerðar til loka klippum við þráðinn frá og byrjum aftur mitt að aftan. Við höfum nú þegar prjónað tvöfaldan kant í hálsmáli og sýnum fyrst í myndbandinu hvernig við prjónum umferð þar sem við setjum 4 prjónamerki og aukum út fyrir laskalínu hvoru megin við þessi prjónamerki. Í næstu umferð er útaukningin prjónuð snúin slétt, svo ekki myndist gat. Þegar stuttar umferðir eru prjónaðar er aukið út fyrir laskalínu í hverri umferð og þegar stuttar umferðir hafa verið prjónaðar til loka, aukið út fyrir laskalínu í annarri hverri umferð. Við notum garnið DROPS Nepal í myndbandinu.
Fylgja þarf uppskrift og mynsturteikningu til þess að geta fylgt myndbandinu eftir.
Þú finnur mynstur þar sem þessi aðferð er notuð með því að smella á myndirnar að neðan.

Mynstur þar sem þessi aðferð er notuð

DROPS 231-57

DROPS 231-57
Annað tungumál:

Myndband #1717, skráð í: Lærðu að prjóna, Laskalína, Laskalína ofan frá og niður

Myndböndin okkar hafa ekkert hljóð. Við erum alþjóðlegt fyrirtæki og fólk sem skoðar myndböndin okkar talar mörg mismunandi tungumál og margir skilja ekki ensku. Þar sem það er ekkert gefið tungumál fyrir okkur að nota, höfum við í staðinn skrifaðar leiðbeiningar fyrir myndböndin og ekkert hljóð sem truflar þegar þú horfir.

Þú getur breytt hraðanum á þessu myndbandi með því að smella á táknið á spilastikunni.

Country flag Teresa skrifaði:

Hi I’m just going to start pattern 221-13 and I want to know do I do all A1 till I’ve done the 8 rows , please this is a new challenge! Then carry on wit A2

30.06.2022 - 13:19

DROPS Design :

Dear Teresa, correct you first repeat A.1 in the round (decreasing on the last 3 rows), then when A.1 is done, work A.2 in the round (A.2 over each A.1). Happy knitting!

30.06.2022 - 16:58

Skrifaðu athugasemdir eða spurningar fyrir þetta myndband

Netfangið þitt verður ekki birt. Það verður að merkja við svæði merktri með *.

Þú gætir líka haft gaman af...

Video thumbnail for Hvernig á að auka út 1 lykkju til hægri (ranga)
1:05
Hvernig á að auka út 1 lykkju til hægri (ranga)

Í þessu DROPS myndbandi sýnum við hvernig á að auka út 1 lykkju frá röngu, sem snýr til hægri, þ.e.a.s. aftari lykkjan á lykkjunni er efst þegar lykkjan er prjónuð. Áður en myndbandið byrjar: Við höfum þegar prjónað 12 cm með útaukningum og byrjum myndbandið með því að prjóna brugðið þar til 4 lykkjur eru eftir á prjóninum. Í myndbandinu: Útaukningin er prjónuð með því að nota vinstri prjóninn til að taka upp þráðinn á milli 2 lykkja frá neðri umferð, þráðurinn er tekinn upp að framan og lykkjan er prjónuð brugðið í aftari lykkjubogann (= lykkjan á bakhlið prjónsinns).
Video thumbnail for Hvernig á að auka út 1 lykkju til vinstri (ranga)
1:03
Hvernig á að auka út 1 lykkju til vinstri (ranga)

Í þessu DROPS myndbandi sýnum við hvernig á að auka út um 1 lykkju frá röngu, sem snýr til vinstri, þ.e.a.s. fremri lykkjan á lykkjunni er efst þegar lykkjan er prjónuð. Áður en myndbandið byrjar: Við höfum þegar prjónað 12 cm með útaukningum og byrjum myndbandið með því að prjóna 4 lykkjur brugðið áður en aukið er út. Í myndbandinu: Útaukningin er prjónuð með því að nota vinstri prjóninn til að taka upp þráðinn á milli 2 lykkja frá umferðinni fyrir neðan, þráðurinn er tekinn upp að aftan og lykkjan er prjónuð brugðið í fremri lykkjubogann (= lykkjan á framhlið prjónsinns).
Video thumbnail for Hvernig á að auka út 1 lykkju til hægri (rétta)
1:01
Hvernig á að auka út 1 lykkju til hægri (rétta)

Í þessu DROPS myndbandi sýnum við hvernig á að auka út 1 lykkju frá réttu, sem snýr til hægri, þ.e.a.s. aftari lykkjan á lykkjunni er efst þegar lykkjan er prjónuð. Áður en myndbandið byrjar: Við höfum þegar prjónað 12 cm með útaukningu og byrjum myndbandið með því að prjóna slétt þar til 4 lykkjur eru eftir á prjóninum. Í myndbandinu: Útaukningin er prjónuð með því að nota vinstri prjóninn til að taka upp þráðinn á milli 2 lykkja frá umferðinni fyrir neðan, þráðurinn er tekinn upp frá aftari hlið og lykkjan er prjónuð slétt í fremri lykkjubogann (= lykkjan á framhlið prjónsinns).
Video thumbnail for Hvernig á að auka út 1 lykkju til vinstri (rétta)
1:02
Hvernig á að auka út 1 lykkju til vinstri (rétta)

Í þessu DROPS myndbandi sýnum við hvernig á að auka út um 1 lykkju frá réttu, sem snýr til vinstri, þ.e.a.s. fremri lykkjan á lykkjunni er efst þegar lykkjan er prjónuð. Áður en myndbandið byrjar: Við höfum þegar prjónað 12 cm með útaukningu og byrjum myndbandið með því að prjóna 4 lykkjur slétt áður en aukið er út. Í myndbandinu: Útaukningin er prjónuð með því að nota vinstri prjóninn til að taka upp þráðinn á milli 2 lykkja frá umferðinni fyrir neðan, þráðurinn er tekinn upp að framan og lykkjan er prjónuð slétt í aftari lykkjubogann (= lykkjan á bakhlið prjónsinns).
Video thumbnail for Hvernig á að fá miðlægari úrtökulínu með því að prjóna 2 lykkjur saman
1:38
Hvernig á að fá miðlægari úrtökulínu með því að prjóna 2 lykkjur saman

Í þessu DROPS myndbandi sýnum við hvernig á að fækka um 2 lykkjur þannig að það náist miðlægari og áberandi úrtökulína, eins og sést í laskalínunni í peysunni «Clear Winter Sky» í DROPS 236-24. Prjónið þar til 1 lykkja er eftir áður en lykkjan kemur með merki í, lyftið 2 lykkjum af prjóni eins og prjóna eigi slétt saman, prjónið 1 lykkju slétt, steypið 2 lyftu lykkjunum yfir lykkjuna sem var prjónuð. Við notum garnið DROPS Snow í myndbandinu. Þú finnur mynstrið með því að smella á myndina að neðan.
Video thumbnail for Hvernig á að auka út fyrir laskalínu jafnframt því sem stuttar umferðir eru prjónaðar
17:18
Hvernig á að auka út fyrir laskalínu jafnframt því sem stuttar umferðir eru prjónaðar

Í þessu DROPS myndbandi sýnum við hvernig aukið er út fyrir laskalínu á meðan prjónaðar eru stuttar umferðir. Setjið 4 prjónamerki í mynstrið sem þú prjónar og klippið þráðinn frá. Byrjið nú í vinstri hlið við hálsmál að framan (séð þegar flíkin er mátuð). Byrjið frá réttu, 2 lykkjur á undan lykkju með 3. prjónamerki og prjónið samkvæmt mynstri (sléttprjón / samkvæmt mynsturteikningu) og aukið út fyrir laskalínu á undan og á eftir 4 prjónamerkjum þar til prjónaðar eru 2 lykkjur fram hjá lykkju með 2. prjónamerki (nú hafa verið auknar út 8 lykkjur fyrir laskalínu). Snúið stykkinu, herðið á þræði og prjónið til baka frá röngu þar til prjónaðar hafa verið 2 lykkjur fram hjá þar sem stutta umferðin byrjaði við 3. prjónamerki. Haldið áfram með stuttar umferðir eins og stendur í mynstri og þegar stutta umferðin hefur verið prjónuð til loka er þráðurinn klipptur frá og þú byrjar að prjóna aftur frá miðju að aftan. Uppslátturinn / útaukningar eru prjónaðar eins og útskýrt er í mynstri sem prjónað er eftir. Mundu að uppslátturinn / útaukningar eru prjónaðar mismunandi á undan og á eftir prjónamerkjum og þegar prjónað er frá réttu / röngu. Við notum garnið DROPS Snow í myndbandinu. Fylgja þarf uppskrift og mynsturteikningu til þess að geta fylgt myndbandinu eftir. Þú finnur mynstur þar sem þessi aðferð er notuð með því að smella á myndirnar að neðan.