Axlarsæti berustykki - sýnt á líkama við mátun

Í þessu DROPS myndbandi gefum við ykkur stutta yfirsýn yfir hvernig flík með berustykki með axlarsæti mun sitja á líkamanum við mátun og hvar útaukningar-/úrtökulínur eru staðsettar.

STUTT YFIRLIT MEÐ VERKLÝSINGU:
Verkið er prjónað/heklað ofan frá og niður eða neðan frá og upp og oft án þess að þörf sé á að sauma það saman í lokin.

OFAN FRÁ OG NIÐUR:
Berustykkið er prjónað/heklað yfir allar lykkjur á berustykki. 4 svæði merkt hvoru megin við lykkjur ofan á hvorri öxl = axlarsæti.
Axlarsæti getur verið mismunandi á breidd, en oft á bilinu 6-15 cm. Aukið er út hvoru megin við axlarsætið þar til axlarbreidd er náð. Síðan er berustykkið prjónað/heklað niður á við á meðan aukið er út fyrir fram- og bakstykki og ermar í sömu línu og 4 merktu svæðin. Þegar berustykkið er tilbúið er haldið áfram með fram- og bakstykki og ermar niður á við. Hægt er að gera hálsmálið annað hvort til að byrja með eða í lokin.

NEÐAN FRÁ OG UPP:
Byrjað er á að prjóna/hekla fram- og bakstykki og ermar hvert fyrir sig, upp að byrjun á berustykki. Síðan er berustykkið prjónað/heklað yfir allar lykkjur á fram- og bakstykki og ermar jafnframt því sem lykkjum er fækkað hvoru megin við 4 svæði merkt á berustykki (= í hverri skiptingu á milli fram- og bakstykkis og erma). Lykkjum er fækkað þar til efsti hluti axlarinnar er eftir. Það eru einnig lykkjur eftir efst á erminni = axlarsæti. Axlarsæti getur verið mismunandi á breidd, en oft á bilinu 6-15 cm. Eftir það er prjónaður/heklaður efsti hluti axlar samtímis sem lykkjum er fækkað yst á hvorri öxl. Þegar berustykkið er tilbúið er hálsmálið gert.