Hvernig á að prjóna brugðna lykkju

Gagnstætti við sléttar lykkjur eru brugðnar lykkjur. Ef prjónuð er önnur hver umferð slétt og önnur hver umferð brugðin er það kallað sléttprjón.

Svona prjónar þú brugðnar lykkjur:

Mynd 1: Haltu prjóninum með lykkjunum í vinstri hönd og þráðurinn liggur yfir vísifingur vinstri handar og þú heldur þræðinum föstum í lófanum með baugfingri og litlafingri. Þráðurinn á alltaf að vera fyrir framan prjóninn þegar prjónuð er brugðin lykkja.

Mynd 2: Oddi hægrihandarprjóns er stungið aftan í fyrstu lykkju vinstrihandarprjóns til þess að mynda nýja brugðna lykkju.

Mynd 3: Setjið þráðinn frá vísifingri vinstri handar yfir á hægrihandarprjón.

Mynd 4: Notaðu oddinn á hægrihandarprjóni og dragðu þráðinn í gegnum lykkjuna.

Mynd 5: Nú ertu með nýja lykkju á hægrihandarprjóni, en gamla lykkjan situr enn á vinstrihandarprjóni.

Mynd 6: Slepptu gömlu lykkjunni af vinstrihandarprjóni og togaðu gætilega í þráðinn aftan við nýju lykkjuna með vinstri vísifingri.

Mynd 7: Þetta er endurtekið þar til þú hefur prjónað allar lykkjur af vinstrihandarprjóni yfir á hægrihandarprjón.

Nú er fyrstu umferð lokið með brugðnum lykkjum.

Þú getur einnig skoðað þetta myndband