Dancing Aurora Jacket |
|
|
|
Prjónuð peysa úr DROPS Air og DROPS Big Delight. Stykkið er prjónað ofan frá og niður í tveggja lita klukkuprjóni. Stærð S – XXXL.
DROPS 218-25 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- KLUKKUPRJÓN (prjónað fram og til baka): UMFERÐ 1 (ranga): Prjónið með Air: Prjónið 1 lykkju garðaprjón, * sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið 1 lykkju slétt *, prjónið frá *-* þar til 2 lykkjur eru eftir, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið 1 lykkju garðaprjón. Snúið stykkinu. UMFERÐ 2 (rétta): Prjónið með Air. Prjónið 1 lykkju garðaprjón, * prjónið uppsláttinn og lyftu lykkjuna slétt saman, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið frá *-* þar til 2 lykkjur eru eftir, prjónið uppsláttinn og lyftu lykkjuna slétt saman, prjónið 1 lykkju garðaprjón. Færið til baka lykkjurnar að hinni hliðinni á hringprjóninum (án þess að snúa stykkinu), þannig að prjónað sé frá sömu hlið eins og fyrri umferð. Skiptið um lit (sjá LEIÐBEININGAR). UMFERÐ 3 (rétta): Prjónið með Big Delight: Prjónið 1 lykkju garðaprjón, * sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið uppsláttinn og lyftu lykkjuna brugðið saman *, prjónið frá *-* þar til 2 lykkjur eru eftir, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið 1 lykkju garðaprjón. Snúið stykkinu. UMFERÐ 4 (ranga): Prjónið með Air. Prjóni 1 lykkju garðaprjón, * prjónið uppsláttinn og lyftu lykkjuna brugðið saman, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið frá *-* þar til 2 lykkjur eru eftir, prjónið uppsláttinn og lyftu lykkjuna brugðið saman, prjónið 1 lykkju garðaprjón. Færið til baka lykkjurnar að hinni hliðinni á hringprjóninum (án þess að snúa stykkinu), þannig að prjónað sé frá sömu hlið eins og fyrri umferð. Skiptið um lit. UMFERÐ 5 (ranga): Prjónið með Big Delight: Prjónið 1 lykkju garðaprjón, * sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið uppsláttinn og lyftu lykkjuna slétt saman *, prjónið frá *-* þar til 2 lykkjur eru eftir, sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið 1 lykkju garðaprjón. Snúið stykkinu. Endurtakið umferð 2-5. LEIÐBEININGAR: Ef þú ert ekki viss um hvaða lit á að prjóna með í næstu umferð, þá getur þú alltaf séð hvaða lit fyrri umferð var prjónuð með á því sjá litinn í kantlykkju. KLUKKUPRJÓN (prjónað í hring – á við um ermar): UMFERÐ 1: Prjónið með Big Delight. * Prjónið uppsláttinn og lyftu lykkjuna brugðið saman, sláið 1 sinni uppá prjóninn, lyftið 1 lykkju af prjóni eins og prjóna eigi brugðið *, prjónið frá *-* út umferðina – sjá LEIÐBEININGAR. UMFERÐ 2: Prjónið með Air. * Sláið 1 sinni uppá prjóninn, lyftið 1 lykkju af prjóni eins og prjóna eigi brugðið, prjónið uppsláttinn og lyftu lykkjuna slétt saman *, prjónið frá *-* út umferðina (athugið, að síðasti uppslátturinn lítur ekki út eins og uppsláttur á prjóninum, en þráðurinn með Big Delight er á framhlið á stykki, leggið þráðinn yfir þannig að hann verði að uppslætti). Endurtakið umferð 1 og 2. ÚTAUKNING-1: Öll útaukning er gerð með Air! Útaukning er gerð frá réttu þannig: Aukið út um 2 lykkjur í slétta lykkju og uppsláttinn með því að prjóna 3 lykkjur í lykkjuna og uppsláttinn þannig: Prjónið lykkjuna og uppsláttinn slétt saman, en bíðið með að lyfta lykkjunni og uppsláttinn yfir á hægri prjón, sláið 1 sinni uppá hægri prjón og prjónið sömu lykkju og uppsláttinn slétt saman einu sinni til viðbótar (= 2 lykkjur fleiri). Prjónið síðan nýjar lykkjur í klukkuprjóni, en passið uppá að brugðna lykkjan er prjónuð án uppsláttar, þar sem ekki er neinn uppsláttur. ÚTAUKNING-2 (á einungis við um stærðir XXL og XXXL): Öll útaukning er gerð með Air. Þegar aukið er út frá röngu er aukið út í brugðna lykkju og uppslátt hvoru megin við 4 laskalykkjurnar (á við um slétta lykkju séð frá réttu). Aukið út frá röngu þannig: Aukið út 2 lykkjur í brugðna lykkju og uppslátt með því að prjóna 3 lykkjur í lykkjuna og uppsláttinn þannig: Prjónið lykkjuna og uppsláttinn brugðið saman, en bíðið með að steypa lykkjunni og uppslættinum yfir á hægri prjón, sláið 1 sinni uppá hægri prjón og prjónið sömu lykkju og uppsláttinn brugðið saman einu sinni til viðbótar (= 2 lykkjur fleiri). Prjónið áfram nýjar lykkjur í klukkuprjóni, en takið vel eftir að slétta lykkjan er prjónuð án uppsláttar, því það er enginn uppsláttur. ÚRTAKA (á við um mitt undir ermum): Fækkið lykkjum hvoru megin við 3 lykkjur mitt undir ermum (1 lykkja brugðið + 1 klukkuprjónslykkja) + 1 lykkja brugðið. Öll úrtaka er gerð í umferð þar sem uppslátturinn og slétta lykkjan er prjónað slétt saman (= í umferð sem prjónuð er með Air). FÆKKIÐ UM 2 LYKKJUR TIL VINSTRI ÞANNIG (þ.e.a.s. byrjið strax á eftir fyrstu lykkju brugðið á eftir lykkju með prjónamerki í: Lyftið yfir fyrstu sléttu lykkjunni og uppslættinum á hægri prjón eins og prjóna eigi slétt saman, prjónið 2 næstu lykkjur slétt saman (þ.e.a.s. 1 lykkja brugðið + slétt lykkja og uppslátt), steypið síðan lyftu lykkjunni og uppslættinum yfir lykkjurnar sem prjónaðar voru saman (= 2 lykkjur færri). FÆKKIÐ UM 2 LYKKJUR TIL HÆGRI ÞANNIG (þ.e.a.s. byrjið 4 lykkjum + 2 uppsláttum á undan lykkju með prjónamerki í): Lyftið yfir fyrstu sléttu lykkjunni og uppslættinum á hægri prjón eins og prjóna eigi slétt saman, prjónið 1 lykkju brugðið, steypið lyftu lykkjunni og uppslættinum yfir brugðnu lykkjuna, lyftið lykkjunni til baka á vinstri prjón, lyftið lykkjunni og uppslættinum næst brugðnu lykkjunni með prjónamerki yfir lykkjuna sem var sett til baka á vinstri prjón, lyftið að lokum yfir lykkjuna sem eftir er á hægri prjóni (= 2 lykkjur færri). AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). HNAPPAGAT (á við um hægri kant að framan þegar flíkin er mátuð): Fellið af fyrir 5 hnappagötum í hægri kanti að framan. 1 hnappagat = prjónið 2 lykkjur saman og sláið 1 sinni uppá prjóninn. Í næstu umferð er uppslátturinn prjónaður slétt, svo það myndist gat. Neðsta hnappagatið á að vera ca 2 cm frá neðri kanti og efsta hnappagatið þar sem v-hálsmálið byrjar. Þau 4 hnappagöt sem eftir eru, eru staðsett jafnt yfir með ca 8 cm á milli hnappagata. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Berustykkið er prjónað fram og til baka á hringprjóna frá miðju að framan, ofan frá og niður. JAFNFRAMT er aukið út fyrir v-hálsmáli og laskalínu. Ermar eru prjónaðar í hring á sokkaprjóna/stuttan hringprjón. Fram- og bakstykki er prjónað fram og til baka á hringprjón. Að lokum er prjónaður kantur í hálsmáli/kantur að framan hringinn í kringum allt opið á peysunni. Berustykki, fram- og bakstykki og ermar er prjónað í tveggja lita klukkuprjóni með Air sýnilegt frá réttu og Big Delight sýnilegt frá röngu. Kantur í hálsmáli, kantur að framan og stroff neðst á ermum og fram- og bakstykki er prjónað með Air. ATH: Allur lykkjufjöldinn sem gefinn er upp þegar klukkuprjón er prjónað er án uppsláttar þar sem uppslátturinn er talin sem 1 lykkja saman með lykkju sem hefur verið lyft af prjóni. BERUSTYKKI: Fitjið upp 53-55-61-61-61-61 lykkjur á hringprjón 5 með Air. Prjónið 1. umferð í KLUKKUPRJÓN (prjónað fram og til baka) – sjá útskýringu að ofan – frá röngu. Þegar 1. umferð hefur verið prjónuð til loka, setjið 4 prjónamerki í stykkið án þess að prjóna lykkjur þannig: Teljið 2 lykkjur (= framstykki), setjið 1 prjónamerki í næstu lykkju (= laskalykkja), teljið 11-11-13-13-13-11 lykkjur (= ermi), setjið 1 prjónamerki í næstu lykkju (= laskalykkja), teljið 23-25-27-27-27-31 lykkjur (= bakstykki), setjið 1 prjónamerki í næstu lykkju (= laskalykkja), teljið 11-11-13-13-13-11 lykkjur (= ermi), setjið 1 prjónamerki í næstu lykkju (= laskalykkja). Það eru 2 lykkjur eftir á framstykki á eftir síðasta prjónamerki. Haldið síðan áfram frá 2. umferð í KLUKKUPRJÓN (prjónað fram og til baka), JAFNFRAMT er aukið út fyrir LASKALÍNA og V-HÁLSMÁL eins og útskýrt er að neðan. ATHUGIÐ PRJÓNFESTUNA! LASKALÍNA: Þegar prjónaðar hafa verið alls 5-5-5-5-5-5 umferðir fram og til baka í klukkuprjóni (og næsta umferð er prjónuð frá réttu), aukið út um 2 lykkjur í slétta lykkju og uppsláttinn hvoru megin við 4 laskalykkjur með prjónamerki í – sjá ÚTAUKNING-1 (= 16 lykkjur fleiri í útaukningsumferð). Aukið svona út í 8.-8.-8.-8.-6.-6. hverri umferð (þ.e.a.s. í 4.-4.-4.-4.-3.-3. hverri umferð með sýnilegum klukkuprjóns lykkjum á hæðina) alls 8-9-10-11-13-14 sinnum á hæðina. Athugið vel að í stærð XXL og XXXL er aukið út í annað hvert skipti frá réttu og frá röngu - lesið ÚTAUKNING-2. V-HÁLSMÁL: JAFNFRAMT þegar auka á út fyrir laskalínu í 2. skiptið á hæðina, byrjar útaukning fyrir v-hálsmáli - aukið er út fyrir v-hálsmáli alltaf í sömu umferð þegar aukið er út fyrir laskalínu. Aukið út 2 lykkjur í hvorri hlið við miðju að framan - lesið ÚTAUKNING-1 og ÚTAUKNING-2 (= 4 lykkjur fleiri í hverri útaukningsumferð). Fyrsta útaukningin er gerð í 2. lykkju og næst síðustu lykkju í umferð (þ.e.a.s. 1 klukkuprjónslykkja (slétt lykkja + uppsláttur) innan við 1 kantlykkju í garðaprjóni við miðju að framan séð frá réttu - munið að í stærð XXL og XXXL er aukið út í annað hvert skipti frá réttu og frá röngu. Setjið 2 merki á prjóninn á milli 2 lykkja þannig: 1. merki er sett í byrjun umferðar eftir 3 lykkjur (uppsláttur ekki talinn með), 2. merki er sett þannig að það eru eftir 3 lykkjur í lok umferðar (uppsláttur ekki talinn með). Látið merkin fylgja með í stykkinu, áfram er aukið út fyrir v-hálsmáli alltaf 1. lykkju innan við merki (þ.e.a.s. aukið er út í 4. lykkju frá byrjun og lok umferðar) - þannig að það verður 1 klukkjuprjónslykkja (slétt lykkja + uppsláttur) á milli útaukninga fyrir v-hálsmáli og kantlykkjum við miðju að framan séð frá réttu. Aukið út fyrir v-hálsmáli alls 5-5-6-6-6-7 sinnum (þegar útaukning fyrir v-hálsmáli er lokið, eru eftir 2-3-3-4-6-6 útaukningar fyrir laskalínu). Þegar öll útaukning fyrir laskalínu og v-hálsmáli er lokið, eru 201-219-245-261-293-313 lykkjur í umferð. Haldið áfram í klukkuprjóni og 1 kantlykkju garðaprjón í hvorri hlið við miðju að framan þar til stykkið mælist 18-20-22-24-26-28 cm frá uppfitjunarkanti (stykkið mælist ca 22-24-26-28-30-32 cm frá öxl). Nú skiptist berustykkið fyrir fram- og bakstykki og ermar. Þ.e.a.s. næsta umferð er prjónuð frá röngu þannig: Prjónið 28-30-34-36-40-44 lykkjur eins og áður (= framstykki), setjið næstu 45-49-55-59-67-69 lykkjur á þráð fyrir ermi, fitjið upp 9 nýjar lykkjur á prjóninn (= í hlið undir ermi), prjónið 55-61-67-71-79-87 lykkjur eins og áður (= bakstykki), setjið næstu 45-49-55-59-67-69 lykkjur á þráð fyrir ermi, fitjið upp 9 nýjar lykkjur á prjóninn (= í hlið undir ermi) og prjónið þær 28-30-34-36-40-44 lykkjur sem eftir eru eins og áður (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 129-139-153-161-177-193 lykkjur. Haldið áfram fram og til baka í klukkuprjóni og 1 kantlykkju í garðaprjóni í hvorri lið við miðju að framan eins og áður. Prjónið áfram þar til stykkið mælist 30 cm frá skiptingu í öllum stærðum. Skiptið yfir á hringprjón 4 og prjónið með Air til loka. Prjónið stroff fram og til baka (= 1 lykkja slétt, 1 lykkja brugðið) með 1 kantlykkju í garðaprjóni í hvorri hlið eins og áður – í fyrstu umferð er uppslátturinn prjónaður slétt saman með sléttum lykkjum. Þegar stroffið mælist 4 cm, fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 56-58-60-62-64-66 cm frá öxl og niður. ERMI: Setjið 45-49-55-59-67-69 lykkjur af þræði í annarri hliðinni á stykki á sokkaprjóna eða stuttan hringprjón 5 og fitjið upp 1 nýja lykkju í hverja af 9 nýjum lykkjum sem fitjaðar voru upp undir ermi = 54-58-64-68-76-78 lykkjur. Setjið 1 prjónamerki í miðju af 9 lykkjum sem fitjaðar voru upp undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi. Prjónið KLUKKUPRJÓN (prjónað í hring) – sjá útskýringu að ofan – og passið uppá að byrja í réttri umferð í mynstri þannig að umferð með Air verði mest sýnileg frá réttu alveg eins og á berustykki. JAFNFRAMT í 6. umferð (þ.e.a.s. í 3. sýnilegu umferð með klukkuprjóns lykkjum á hæðina), fækkið um 4 lykkjur mitt undir ermi – sjá ÚRTAKA (fækkið um 2 lykkjur til vinstri á eftir lykkju með prjónamerki í og fækkið um 2 lykkjur til hægri á undan lykkju með prjónamerki í). Fækkið lykkjum svona í 8.-8.-8.-8.-6.-6. hverri umferð (þ.e.a.s. í 4.-4.-4.-4.-3.-3. hverri umferð með sýnilegum klukkuprjóns lykkjum á hæðina) alls 4-4-5-6-6-6 sinnum á hæðina = 38-42-44-44-52-54 lykkjur. Prjónið áfram þar til stykkið mælist 41-40-38-37-36-35 cm frá skiptingu (nú eru eftir ca 4 cm að loka máli, mátið e.t.v. peysuna og prjónið að óskaðri lengd). Skiptið yfir á sokkaprjóna 4 og prjónið með Air til loka. Prjónið stroff hringinn (= 1 lykkja slétt, 1 lykkja brugðið) – í fyrstu umferð er uppslátturinn prjónaður slétt saman með sléttum lykkjum. Þegar stroffið mælist 4 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 45-44-42-41-40-39 cm frá skiptingu. Prjónið hina ermina á sama hátt. KANTUR AÐ FRAMAN/KANTUR Í HÁLSMÁLI: Setjið 1 prjónamerki mitt aftan í hnakka á bakstykki, prjónamerkið er notað þegar telja á helming af lykkjum í kanti að framan/kanti í hálsmáli. Kantur að framan er prjónaður upp innan við 1 kantlykkju í garðaprjóni á framstykki og það er 1. umferð sem er prjónuð í kringum hálsmál. Byrjið neðst á hægra framstykki frá réttu með hringprjón 4 og prjónið upp ca 119-125-131-137-143-149 lykkjur meðfram öllum kantinum að framan upp að prjónamerki í hnakka. Haldið áfram að prjóna upp ca 120-126-132-138-144-150 lykkjur meðfram öllum kantinum að framan niður að kanti á vinstra framstykki, alls á lykkjufjöldinn að vera deilanlegur með 2 + 1 = ca 239-251-263-275-287-299 lykkjur. Það er mikilvægt að stroffið verði ekki of laust með of margar lykkjur, en ekki heldur að draga kanta að framan saman vegna of fárra lykkja. Næsta umferð er prjónuð frá röngu þannig: 2 lykkjur garðaprjón, * 1 lykkja brugðið, 1 lykkja slétt *, prjónið frá *-* þar til 3 lykkjur eru eftir, prjónið 1 lykkju brugðið og endið með 2 lykkjur garðaprjón. Haldið svona áfram með stroff. Þegar stykkið mælist 1 ½ cm, fellið af fyrir HNAPPAGAT í hægri kanti að framan – sjá útskýringu að ofan. Haldið áfram þar til stroffið mælist 3 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, munið eftir AFFELLING. FRÁGANGUR: Saumið tölur í vinstri kant að framan. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (7)
Maryam wrote:
Can I do the double knitted band for this pattern?
07.03.2024 - 06:30DROPS Design answered:
Dear Maryam, probably if you are familiar to this technique you might be able to adapt it to this pattern, otherwise rather work the bands as explained here. Happy knitting!
07.03.2024 - 08:14Ellen wrote:
Så jag har tolkat mönstret. Lägg upp maskor sticka helpatent VARV 1-5 och börja öka för Raglan på varv 6 ( dvs. VARV 2 I helpatentmönsteret) försökt räkna på olika sätt och finner mönstret något oklart. För de större storlekarna borde man då sticka VARV 1-4, sen VARV 5 och öka på 6e. På de mindre stickar man ett varv mindre... annars får man ju vänta tills varv 10 innan man börjar med Raglan. Får se hur det går...ser ut som bilden än så länge i alla fall.
24.02.2023 - 22:10Brigitte Grov wrote:
Ref mitt og Marits spørsmål, så tror jeg det står litt feil, eller misvisende, i teksten. I påvente av svar testet jeg etter min forståelse, altså at når det står "6 pinner frem og tilbake" ble "frem og tilbake" telt som 1 pinne, altså 12 pinner og det ble seende ut som bildet i oppskriften.. Dersom man teller 6 enkle pinner får man problemet Marit beskriver, at man noen ganger må øke på en vrangpinne. I tillegg vil økningene bli for ofte i forhold til hvordan bildet ser ut.
03.09.2022 - 08:58Brigitte Grov wrote:
Hei! Bare for å være HELT sikker: Når dere skriver under RAGLAN: Når det er strikket totalt 6-6-6-6-4-4 pinner frem og tilbake med helpatent, så teller frem og tilbake som 1, slik at det da strikkes 12 eller 8 pinner totalt, 6 og 4 av hvert garn? Må ha dette inn med teskje når man skal holde styr på alle økningene :)
01.09.2022 - 11:18DROPS Design answered:
Hej Birgitte, nej du tæller hver pind, så skriver vi 6 pinde så er det 6 pinde :)
02.09.2022 - 14:28Marit wrote:
Det står at alle økninger skal gjøres fra retten. Samtidig står det for det største størrelsene at man skal øke på hver 6. pinne (dvs på hver 3. pinne med synlige patentmasker i høyden). Betyr ikke dette at man må øke på vrangsiden annenhver gang?
05.02.2021 - 17:01DROPS Design answered:
Hei Marit, Økningene er alltid fra retten, hver 6. pinne. Det med synlige patentmasker er fordi med patentstrikk synes ikke radene på samme måten som i vanlig glattstrikk. Håper dette hjelper og god fornøyelse!
09.02.2021 - 07:47Eveline Gradussen wrote:
Beste lezer heel fijn zijn de videoinstructies die ik echt nodig had bij het patroon. Wat lastig was voor mij, en wellicht voor veel Nederlandse breisters is dat de videoinstructies van de engelsepatensteek allemaal worden uitgevoerd door breisters die een andere dan de nederlandse manier van breien hebben. Ze hebben de draad waarmee je breit over de links ipv rechtse hand. Dit maakt het begrijpen van de video's ( rondbreien, meerderen en minderen engelsepatensteek ) lastig voor mij
24.01.2021 - 13:27Guro Kjølstad Grande wrote:
Jeg har nettopp startet å strikke Dancing Aurora jacket. Jeg lurer på hvordan de fire merkemaskene skal strikkes?
21.12.2020 - 15:24