Straight A |
|||||||
|
|
||||||
Prjónuð peysa úr DROPS Air. Stykkið er prjónað ofan frá og niður með hringlaga berustykki og vösum. Stærð S - XXXL.
DROPS 227-38 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚTAUKNING (jafnt yfir): Til þess að reikna út hvernig jölga eigi jafnt í umferð, teljið fjölda lykkja í umferð (t.d. 104 lykkjur) mínus kanta að framan (t.d. 10 lykkjur) og deilið þeim lykkjum sem eftir eru með fjölda útaukninga sem á að gera (t.d. 16) = 5,8. Í þessu dæmi er lykkjum fjölgað með því að slá 1 sinni uppá prjóninn á eftir ca 6. hverja lykkju og ekki er aukið út yfir kantlykkjur að framan. Í næstu umferð er uppslátturinn prjónaður snúinn, svo ekki myndist gat. MYNSTUR: Sjá mynsturteikningu A.1. Mynsturteikning sýnir allar umferðir í mynstri séð frá réttu. HNAPPAGAT: Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkjur slétt. Í næstu umferð er uppslátturinn prjónaður slétt svo það myndist gat. Fellið af fyrir fyrsta hnappagatinu þegar stykkið mælist ca 1 cm á eftir kanti í hálsi. Fellið síðan af fyrir 5-5-5-6-6-6 næstu hnappagötum með ca 9½-9½-10-9-9-9 cm millibili. ÚRTAKA (á við um mitt undir ermum): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjóna ofan frá og niður. Kantur í hálsmáli og berustykki er prjónað fram og til baka á hringprjóna frá miðju að framan, ofan frá og niður. Lykkjur eru auknar út á berustykki. Berustykkið skiptist fyrir fram- og bakstykki og ermar. Fram- og bakstykki er síðan prjónað fram og til baka á hringprjóna, ermar eru prjónaðar í hring á sokkaprjóna / stuttan hringprjón. Annar helmingurinn af báðum vösunum er prjónaður á undan berustykkinu, þannig að hægt sé prjóna hann í stykkið. Vasinn er prjónaður fram og til baka og saumaður saman eins og útskýrt er í uppskrift. VASI (fyrri helmingur): Fitjið upp 24-24-26-26-28-28 lykkjur (meðtalin 1 kantlykkja í hvorri hlið) á sokkaprjóna 5 með DROPS Air. Prjónið sléttprjón með 1 kantlykkju í GARÐAPRJÓN í hvorri hlið – sjá útskýringu að ofan. ATHUGIÐ PRJÓNFESTUNA! Þegar stykkið mælist 11-11-12-12-13-13 cm fellið kantlykkjur af = 22-22-24-24-26-26 lykkjur. Setjið lykkjur á þráð. Prjónið annan vasa alveg eins. Geymið vasana og prjónið berustykkið. Hinn helmingurinn af vösunum tveimur eru prjónaðir eftir að peysan hefur verið prjónuð til loka og frágangur er í lokin. KANTUR Í HÁLSMÁLI: Fitjið upp 84-92-96-100-104-108 lykkjur á hringprjón 4 með DROPS Air (meðtaldar 5 kantlykkjur að framan í garðaprjóni í hvorri hlið). Prjónið 1 umferð brugðið frá röngu, prjónið síðan næstu umferð þannig – frá réttu: 5 kantlykkjur að framan í garðaprjóni, stroff (= 2 lykkjur snúnar slétt, 2 lykkjur brugðið) þar til 7 lykkjur eru eftir, prjónið 2 lykkjur snúnar slétt og 5 kantlykkjur að framan í garðaprjóni. Frá röngu er prjónað þannig: 5 kantlykkjur að framan í garðaprjóni, stroff (= 2 lykkjur snúnar brugðið, 2 lykkjur slétt) þar til 7 lykkjur eru eftir, prjónið 2 lykkjur snúnar brugðið og 5 kantlykkjur að framan í garðaprjóni. Prjónið stroff í 9 cm (= kantur í hálsmáli). BERUSTYKKI: Skiptið yfir á hringprjón 5. Setjið 1 prjónamerki í byrjun á umferð (= mitt að framan), berustykkið er nú mælt frá þessu prjónamerki! Fellt er af fyrir HNAPPAGAT í hægri kanti að framan – sjá útskýringu að ofan. Prjónið 1 umferð slétt frá réttu þar sem aukið er út um 1-3-4-15-16-17 lykkjur jafnt yfir – sjá ÚTAUKNING = 85-95-100-115-120-125 lykkjur. Prjónið sléttprjón fram og til baka með 5 kantlykkjur að framan í garðaprjóni í hvorri hlið þar til stykkið mælist 3 cm frá prjónamerki. Nú er prjónað þannig – frá réttu: 5 lykkjur garðaprjón (= kantlykkjur að framan), A.1 yfir næstu 75-85-90-105-110-115 lykkjur (= 15-17-18-21-22-23 mynstureiningar með 5 lykkjum), endið með 5 kantlykkjur að framan í garðaprjóni. Þegar A.1 hefur verið prjónað til loka hafa verið auknar út 30-34-36-42-44-46 lykkjur = 115-129-136-157-164-171 lykkjur. Haldið áfram í sléttprjóni og garðaprjóni þar til stykkið mælist 9-9-10-10-11-11 cm frá prjónamerki. Prjónið nú þannig – frá réttu: 5 kantlykkjur í garðaprjóni, 0-2-1-1-2-1 lykkjur slétt, A.1 yfir næstu 105-115-125-145-150-160 lykkjur (= 21-23-25-29-30-32 mynstureiningar með 5 lykkjum), prjónið 0-2-0-1-2-0 lykkjur slétt og endið með 5 lykkjur garðaprjón. Þegar A.1 hefur verið prjónað til loka hafa verið auknar út 42-46-50-58-60-64 lykkjur = 157-175-186-215-224-235 lykkjur. Haldið áfram í sléttprjóni þar til stykkið mælist 15-16-17-18-19-20 cm frá prjónamerki. Prjónið nú þannig – frá réttu: 5 kantlykkjur að framan í garðaprjóni,1-0-1-0-2-0 lykkjur slétt, A.1 yfir næstu 145-165-175-205-210-225 lykkjur (= 29-33-35-41-42-45 mynstureiningar með 5 lykkjum), 1-0-0-0-2-0 lykkjur slétt og 5 lykkjur garðaprjón. Þegar A.1 hefur verið prjónað til loka hafa verið auknar út 58-66-70-82-84-90 lykkjur = 215-241-256-297-308-325 lykkjur. Prjónið 1 umferð þar sem aukið er út um 27-29-26-17-26-29 lykkjur jafnt yfir = 242-270-282-314-334-354 lykkjur. Haldið áfram í sléttprjóni og garðaprjóni yfir kanta að framan þar til stykkið mælist ca 20-22-23-25-27-29 cm frá prjónamerki. Berustykkið skiptist nú fyrir fram- og bakstykki og ermar þannig: Prjónið 39-44-45-49-54-58 lykkjur slétt (= framstykki), setjið næstu 48-52-56-64-64-66 lykkjur á þráð fyrir ermi, fitjið upp 6-6-8-8-10-12 nýjar lykkjur á prjóninn (= í hlið undir ermi), prjónið 68-78-80-88-98-106 lykkjur slétt (= bakstykki), setjið næstu 48-52-56-64-64-66 lykkjur á þráð fyrir ermi, fitjið upp 6-6-8-8-10-12 nýjar lykkjur á prjóninn (= í hlið undir ermi) og prjónið þær 39-44-45-49-54-58 lykkjur sem eftir eru slétt (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ STYKKIÐ MÆLT! FRAM- OG BAKSTYKKI: = 158-178-186-202-226-246 lykkjur. Haldið áfram í sléttprjóni og 5 kantlykkjur að framan í hvorri hlið við miðju að framan. Prjónið þar til stykkið mælist 13-14-15-16-17-18 cm frá skiptingu. Næsta umferð er prjónuð þannig – frá réttu: Prjónið fyrstu 11-11-11-13-13-13 lykkjur eins og áður, setjið næstu 22-22-24-24-26-26 lykkjur á þráð (hinn helmingurinn af vasanum er prjónaður aðeins síðar), prjónið 22-22-24-24-26-26 lykkjur frá öðrum vasanum (passið uppá að prjóna áfram frá réttu vasanum), prjónið þar til eftir eru 33-33-35-37-39-39 lykkjur í umferð, setjið næstu 22-22-24-24-26-26 lykkjur á þráð (hinn helmingurinn af vasanum er prjónaður aðeins síðar), prjónið 22-22-24-24-26-26 lykkjur frá hinum vasanum (passið uppá að prjóna áfram frá réttu á vasanum) og prjónið síðustu 11-11-11-13-13-13 lykkjurnar í umferð eins og áður. Prjónið þar til stykkið mælist 24-24-25-25-25-25 cm. Nú eru eftir ca 10 cm að loka máli. Mátið e.t.v. peysuna og prjónið að óskaðri lengd. Nú á að auka út lykkjur til að stroffið sem á að prjóna dragi ekki stykkið saman. Prjónið 1 umferð slétt frá réttu þar sem aukið er út um 34-34-38-42-46-50 lykkjur jafnt yfir = 192-212-224-244-272-296 lykkjur. Skiptið yfir á hringprjón 4 og prjónið næstu umferð þannig – frá röngu: 5 kantlykkjur að framan í garðaprjóni, * 2 lykkjur snúnar brugðið, 2 lykkjur slétt *, prjónið frá *-* þar til 7 lykkjur eru eftir, prjónið 2 lykkjur snúnar brugðið og 5 kantlykkjur að framan í garðaprjóni. Frá réttu er prjónað þannig: 5 kantlykkjur að framan í garðaprjóni, * 2 lykkjur snúnar slétt, 2 lykkjur slétt *, prjónið frá *-* þar til 7 lykkjur eru eftir, prjónið 2 lykkjur snúnar slétt og 5 kantlykkjur að framan í garðaprjóni. Prjónið stroff svona í 12 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING. Peysan mælist 58-60-62-64-66-68 cm frá öxl og niður. ERMI: Setjið 48-52-56-64-64-66 lykkjur af þræði í annarri hlið á stykki á sokkaprjóna 5 og prjónið upp 1 lykkju í hverja og eina af 6-6-8-8-10-12 lykkjum sem fitjaðar voru upp undir ermi = 54-58-64-72-74-78 lykkjur. Setjið 1 prjónamerki mitt undir ermi, þ.e.a.s. mitt í 6-6-8-8-10-12 lykkjur sem fitjaðar voru upp undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi. Byrjið umferð við prjónamerki og prjónið sléttprjón hringinn. Þegar ermin mælist 3 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 8-5-3-2½-2-2 cm milliblil alls 4-5-7-10-10-11 sinnum = 46-48-50-52-54-56 lykkjur. Prjónið án úrtöku þar til ermin mælist 32-30-30-29-28-26 cm frá skiptingu (nú eru eftir ca 10 cm að loka máli, mátið e.t.v. peysuna og prjónið að óskaðri lengd). Prjónið 1 umferð slétt og aukið jafnframt út um 6-4-6-4-6-4 lykkjur jafnt yfir = 52-52-56-56-60-60 lykkjur. Skiptið yfir á sokkaprjóna 4. Prjónið stroff hringinn (= 2 lykkjur snúnar slétt, 2 lykkjur brugðið) í 10 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 42-40-40-39-38-36 cm frá skiptingu. Prjónið hina ermina á sama hátt. VASI: Prjónið fram og til baka á 2 sokkaprjóna. Setjið 22-22-24-24-26-26 lykkjur af þræði á hægra framstykki á sokkaprjóna 5. Í fyrstu umferð er fitjuð upp 1 kantlykkja í hvorri hlið = 24-24-26-26-28-28 lykkjur. Prjónið sléttprjón með 1 kantlykkju í garðaprjóni í hvorri hlið þar til vasinn mælist 11-11-12-12-13-13 cm, fellið laust af. Prjónið vasann á vinstra framstykki á sama hátt. FRÁGANGUR: Saumið vasana innan við 1 kantlykkju í kringum allan vasann. Festið síðan vasana niður að innanverðu á peysu með nokkrum smáum sporum í bæði neðstu hornin (það á ekki að sjást frá réttu á peysu). Saumið tölur í vinstri kant að framan. |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (5)
Lisa wrote:
Jag har upptäckt ett fel i mönstret :när man kommer till resåren i nederkanten på koftan, står det på räta varvet : "två vridna rätmaskor, två rätmaskor" . Det ska väl vara "två vridna rätmaskor, två aviga maskor".
15.02.2023 - 09:09Ann wrote:
Var finns diagram A. ? Hittar ingen bild eller diagram
16.09.2021 - 19:48DROPS Design answered:
Hej Ann. Du hittar diagram A.1 längst ner på mönstret, till höger om måttskissen. Mvh DROPS Design
17.09.2021 - 09:31Alicia wrote:
Ya lo localicé , muchas gracias
05.09.2021 - 15:53Alicia wrote:
Hola , mucha salud gracias por tan hermosos tejidos. Disculpen no encuentro el diagrama A 1
05.09.2021 - 15:49Alena wrote:
Krásný kardigan
03.08.2021 - 17:56