Forest Vines Jacket |
|||||||||||||
|
|
||||||||||||
Prjónuð peysa úr DROPS Alpaca og DROPS Kid-Silk. Stykkið er prjónað ofan frá og niður með tvöföldum kanti í hálsmáli, hringlaga berustykki og áferðamynstri á berustykki. Stærð S - XXXL.
DROPS 215-23 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.3. Veldu mynsturteikningu fyrir þína stærð (á við um A.1A, A.2A og A.3A). Mynsturteikning sýnir allar umferðir í mynstri séð frá réttu. ÚTAUKNING/ÚRTAKA (jafnt yfir): Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 165 lykkjur), mínus kanta að framan (t.d. 10 lykkjur) og deilið þeim 155 lykkjum sem eftir eru með fjölda útaukninga/úrtöku sem á að gera (t.d. 23) = 6,7. Í þessu dæmi er aukið út með því að slá 1 sinni uppá prjóninn til skiptis á eftir ca 6. og 7. hverja lykkju og ekki er aukið út yfir kanta að framan. Í næstu umferð er uppslátturinn prjónaður snúinn svo ekki myndist gat. Ef fækka á lykkjum þá er prjónuð í þessu dæmi til skiptis ca 5. og 6. hver lykkja og 6. og 7. hver lykkja slétt saman. ÚRTAKA (á við um miðju undir ermi): Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). ÚTAUKNING (á við um miðju undir ermum): Byrjið 2 lykkjum á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki situr mitt á milli þessa 4 lykkja), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo ekki myndist gat. Prjónið síðan nýjar lykkjur í sléttprjóni. HNAPPAGAT: Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo það myndist gat. Fellið af fyrir fyrsta hnappagatinu þegar stroff í hálsmáli mælist ca 2 cm. Fellið síðan af fyrir næsta hnappagati þegar kantur í hálsmáli mælist ca 8 cm. Þessi 2 hnappagöt eiga að passa yfir hvort annað þegar kantur í hálsmáli er brotinn saman tvöfaldur. Fellið af fyrir 5-5-6-6-7-7 næstu hnappagötum með ca 9½-10-8½-9-8-8 cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 6. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Tvöfaldur kantur í hálsmáli og berustykki er prjónað fram og til baka á hringprjón frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna frá miðju að framan, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður. TVÖFALDUR KANTUR Í HÁLSMÁLI: Fitjið upp 93-99-105-105-111-117 lykkjur á hringprjón 4 með 1 þræði Alpaca og 1 þræði Kid-Silk (= 2 þræðir). Prjónið 1 umferð brugðið (= ranga). Næsta umferð er prjónuð frá réttu þannig: 1 kantlykkja í GARÐAPRJÓN – sjá útskýringu að ofan, * prjónið 1 lykkju slétt, 2 lykkjur brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju í garðaprjóni. Haldið svona áfram með stroff – munið eftir 2 HNAPPAGAT í hægri kanti að framan – sjá útskýringu að ofan. Þegar stroffið mælist 9 cm, prjónið næstu umferð frá réttu þannig: S, M og L: Prjónið 1 lykkju slétt, 2 lykkjur snúnar slétt saman, 1 lykkja slétt, 2 lykkjur snúnar slétt saman, 1 lykkja slétt, * prjónið 1 lykkju slétt, sláið 1 sinni uppá prjóninn, prjónið 2 lykkjur brugðið, sláið 1 sinni uppá prjóninn *, prjónið frá *-* þar til 8 lykkjur eru eftir í umferð, prjónið 2 lykkjur slétt, 2 lykkjur slétt saman, 1 lykkja slétt, 2 lykkjur slétt saman og endið með 1 lykkju slétt = 141-151-161 lykkjur í umferð (og fækkað hefur verið um 2 lykkjur í hvorri hlið við miðju að framan). Farðu áfram í ALLAR STÆRÐIR! XL, XXL og XXXL: Prjónið 1 lykkju slétt, 2 lykkjur snúnar slétt saman, 1 lykkja slétt, 2 lykkjur snúnar slétt saman, 1 lykkja slétt, * prjónið 1 lykkju slétt, sláið 1 sinni uppá prjóninn, prjónið 1 lykkju brugðið, sláið 1 sinni uppá prjóninn, prjónið 1 lykkju brugðið, sláið 1 sinni uppá prjóninn *, prjónið frá *-* þar til 8 lykkjur eru eftir í umferð, prjónið 2 lykkjur slétt, 2 lykkjur slétt saman, 1 lykkja slétt, 2 lykkjur slétt saman og endið með 1 lykkju slétt = 191-203-215 lykkjur í umferð (og fækkað hefur verið um 2 lykkjur í hvorri hlið við miðju að framan). Farðu áfram í ALLAR STÆRÐIR! ALLAR STÆRÐIR: Næsta umferð er prjónuð frá röngu þannig: 5 kantlykkjur að framan í GARÐAPRJÓN – sjá útskýringu að ofan, prjónið brugðnar lykkjur yfir brugðnar lykkjur og sléttar lykkjur yfir sléttar lykkjur þar til 5 lykkjur eru eftir í umferð (uppslátturinn er prjónaður snúinn slétt svo ekki myndist gat) og endið með 5 kantlykkjum að framan í garðaprjóni. Setjið 1 prjónamerki innan við kant við miðju að framan. Prjónið berustykki eins og útskýrt er að neðan, berustykkið er nú mælt frá þessu prjónamerki. BERUSTYKKI: Skiptið yfir á hringprjón 5 og prjónið fyrstu umferð frá réttu þannig: 5 kantlykkjur að framan í garðaprjóni, prjónið A.1A þar til 6 lykkjur eru eftir í umferð (= 13-14-15-15-16-17 mynstureiningar með 10-10-10-12-12-12 lykkjur), prjónið A.1B (= 1 lykkja) og endið með 5 kantlykkjum að framan í garðaprjóni. Haldið svona áfram með stroff. ATHUGIÐ PRJÓNFESTUNA! Þegar stykkið mælist 5-6-6-6-7-7 cm frá prjónamerki við háls, prjónið næstu umferð frá réttu þannig: 5 kantlykkjur að framan í garðaprjóni, prjónið A.2A þar til 6 lykkjur eru eftir í umferð (= 13-14-15-15-16-17 mynstureiningar með 10-10-10-12-12-12 lykkjur), prjónið A.2B (= 1 lykkja) og endið með 5 kantlykkjur að framan í garðaprjóni. Eftir fyrstu umferð í A.2 eru 197-211-225-255-271-287 lykkjur í umferð og þegar 2 fyrstu umferðir hafa verið prjónaðar til loka, endurtakið A.x á hæðina. Þegar stykkið mælist 10-12-12-13-14-14 cm frá prjónamerki við háls, prjónið næstu umferð frá réttu þannig: 5 kantlykkjur að framan í garðaprjóni, prjónið A.3A þar til 10 lykkjur eru eftir í umferð (= 13-14-15-15-16-17 mynstureiningar með 14-14-14-16-16-16 lykkjur), prjónið A.3B (= 5 lykkjur) og endið með 5 kantlykkjur að framan í garðaprjóni. Eftir fyrstu umferð í A.3 eru 249-267-285-315-335-355 lykkjur í umferð og þegar 2 fyrstu umferðirnar hafa verið prjónaðar til loka, endurtakið A.y á hæðina. Haldið svona áfram með mynstur þar til stykkið mælist ca 18-20-22-23-24-26 cm frá prjónamerki við háls. Prjónið 1 umferð slétt frá réttu þar sem aukið er út um 0-6-4-2-2-6 lykkjur jafnt yfir = 249-273-289-317-337-361 lykkjur. Prjónið síðan sléttprjón fram og til baka (slétt frá réttu, brugðið frá röngu) með 5 kantlykkjum að framan í garðaprjóni í hvorri hlið við miðju að framan. Þegar stykkið mælist 20-22-24-26-27-29 cm frá prjónamerki við hálsmál, skiptist berustykkið fyrir fram- og bakstykki og ermar. Þ.e.a.s. næsta umferð er prjónuð þannig: Prjónið 41-45-47-52-56-61 lykkjur í garðaprjóni og sléttprjóni eins og áður (= framstykki), setjið næstu 48-52-56-60-62-64 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi), prjónið 71-79-83-93-101-111 lykkjur í sléttprjóni (= bakstykki), setjið næstu 48-52-56-60-62-64 lykkjur á þráð fyrir ermi, fijtið upp 6-6-8-8-10-10 nýjar lykkjur á prjóninn (= í hlið undir ermi) og prjónið þær 41-45-47-52-56-61 lykkjur sem eftir eru í sléttprjóni og garðaprjóni eins og áður (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 165-181-193-213-233-253 lykkjur. Prjónið sléttprjón fram og til baka með 5 kantlykkjum að framan í garðaprjóni í hvorri hlið við miðju að framan þar til stykkið mælist 27 cm frá skiptingu. Nú eru eftir 4 cm að loka máli, mátið e.t.v. peysuna og prjónið að óskaðri lengd. Prjónið 1 umferð slétt þar sem aukið er út um 23-25-28-29-33-37 lykkjur jafnt yfir – sjá ÚTAUKNING/ÚRTAKA = 188-206-221-242-266-290 lykkjur. Skiptið yfir á hringprjón 4. Næsta umferð er prjónuð frá röngu þannig: Prjónið 5 kantlykkjur að framan í garðaprjóni, * 1 lykkja brugðið, 2 lykkjur slétt *, prjónið frá *-* þar til 6 lykkjur eru eftir í umferð, prjónið 1 lykkju brugðið og endið með 5 kantlykkjum að framan í garðaprjóni. Haldið áfram með stroff svona í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 54-56-58-60-62-64 cm frá öxl og niður. ERMI: Setjið 48-52-56-60-62-64 lykkjur af þræði í annarri hlið á stykki á sokkaprjóna eða stuttan hringprjón 5 og prjónið að auki upp 1 lykkju í hverj af 6-6-8-8-10-10 lykkjum sem fitjaðar voru upp undir ermi = 54-58-64-68-72-74 lykkjur. Setjið 1 prjónamerki mitt í 6-6-8-8-10-10 lykkjur undir ermi og látið prjónamerkið fylgja með í stykkinu. Það á að nota það síðar þegar fækka á lykkjum mitt undir ermi. Þegar ermin mælist 3 cm frá skiptingu, fækkið um 2 lykkjur mitt undir ermi – sjá ÚRTAKA. Endurtakið úrtöku þegar ermin mælist 6 cm frá skiptingu = 50-54-60-64-68-70 lykkjur. Þegar stykkið mælist 14 cm frá skiptingu, aukið út um 2 lykkjur mitt undir ermi – sjá ÚTAUKNING. Aukið svona út með 4 cm millibili alls 5-5-4-4-4-4 sinnum = 60-64-68-72-76-78 lykkjur. Prjónið áfram þar til ermin mælist 42-40-39-38-38-36 cm frá skiptingu. Nú eru eftir ca 5 cm að loka máli, mátið e.t.v. peysuna og prjónið að óskaðri lengd. ATH: Það er styttra mál í stærri stærðum vegna víðari hálsmáls og lengra berustykkis. Prjónið 1 umferð slétt þar sem fækkað er um 24-28-29-33-37-36 lykkjur jafnt yfir = 36-36-39-39-39-42 lykkjur. Skiptið yfir á sokkaprjón 4. Prjónið stroff hringinn (= 1 lykkja slétt, 2 lykkjur brugðið) í 5 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 47-45-44-43-43-41 cm frá skiptingu. Prjónið hina ermina á sama hátt. FRÁGANGUR: Brjótið uppá kant í hálsmáli tvöfaldan að röngu og saumið niður með smáu, fallegu spori – passið uppá að hnappagötin 2 passi yfir hvort annað. Saumið tölur í vinstri kant að framan. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (6)
Halina wrote:
Czy ten wzór występuje również z rzędami skróconymi dla podniesienie tyłu dekoltu.
10.02.2024 - 22:01DROPS Design answered:
Witaj Halino, niestety nie, ale z łatwością wykonasz kilka dodatkowych rzędów z tyłu, aby go nieco podnieść. Powodzenia!
12.02.2024 - 09:11Mie wrote:
Når havbrise er udsolgt, er der så andre farver, der kan matches med en farve i silk?
10.11.2022 - 22:39DROPS Design answered:
Hej Mie, ja du kan vælge at strikke sammen med en grøn i DROPS Flora eller DROPS Nord eller DROPS Baby Merino og stadigvæk få samme strikkefasthed :)
11.11.2022 - 13:28Segalen wrote:
Bonjour. dans le modèle 215-23 je ne comprends pas comment vous obtenez 141 mailles pour la taille L. après 2 diminutions de chaque côté. Moi j' en obtient que 139. J' ai bien recompté je n ai pas oublié de jeté. Merci de votre réponse.
10.01.2021 - 09:25DROPS Design answered:
Bonjour Mme Segalen, vous devez avoir 161 m en taille L (et 141 m en taille S): les 7 m du début du rang sont diminuées à 5( = 2 m ens torse à l'end x 2), vous répétez 30 fois (1 m end, 1 jeté, 2 m env, 1 jeté) (= vous avez 150 m) et tricotez les 8 dernières m en diminuant 2 m = 5+150+6=161 m. Bon tricot!
11.01.2021 - 09:16Gilles YENN wrote:
Comment faire une cote anglaise sur ce modèle
22.12.2020 - 16:56DROPS Design answered:
Bonjour Mme Yenn! Suivez les diagrammes A.1 à A.3. Voir diagrammes (A.1A, A.2A et A.3A) appropriés à la taille. Les diagrammes montrent tous les rangs du point fantaisie, vus sur l'endroit. Bon tricot!
22.12.2020 - 17:15Nzina wrote:
Bonsoir pour les boutonnières on dit de tricoter jusqu'à 3 mailles avant la fin du rang. Est-ce que la maille lisière est incluse dans ces 3 mailles ou non ? Merci pour votre réponse. A bientôt.
24.11.2020 - 22:27DROPS Design answered:
Bonjour Nzina, en fait il n'y a pas de mailles lisières à proprement parler vu qu'il n'y a pas de coutures, donc les 5 mailles de la bordure devant se tricotent au point mousse de chaque côté, et les boutonnières se font - en fin de rang - après les 2 premières des 5 m point mousse (= 2 m point mousse, jeté, 2 m ens à l'end, 1 m end). Bon tricot!
25.11.2020 - 07:49Aschenbach, Ellen wrote:
Attraktiv!
06.06.2020 - 15:10