Nordic Trails |
|||||||
|
|
||||||
Prjónuð peysa úr DROPS Air. Stykkið er prjónað ofan frá og niður með hringlaga berustykki, stroffi og norrænu mynstri. Stærð S - XXXL.
DROPS 218-10 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. LEIÐBEININGAR: Til að koma í veg fyrir að stykkið missi teygjanleika þar mynsturprjón er prjónað, er mikilvægt að herða ekki á þráðum á bakhlið á stykki. Skiptið e.t.v. yfir á grófari prjóna þegar mynstrið er prjónað ef það herpist aðeins saman. AUKIÐ ÚT UM 4 LYKKJUR ÞANNIG: Prjónið 1 lykkju slétt í slétta lykkju, en sleppið ekki lykkjum af prjóni, sláið 1 sinni uppá hægri prjón, prjónið 1 lykkju slétt í sömu lykkju, en bíðið með að lyfta lykkjum af prjóni, sláið 1 sinni uppá hægri prjón og prjónið 1 lykkju slétt í sömu lykkju, sleppið síðan lykkjunni af vinstri prjóni (= 4 lykkjur fleiri). ÚTAUKNING (jafnt yfir): Allar útaukningar eru gerðar frá réttu! Til þess að reikna út hvernig auka eigi jafnt út, teljið fjölda lykkja í umferð (t.d. 161 lykkjur), mínus kantlykkjur að framan (t.d. 10 lykkjur) og deilið þeim lykkjum sem eftir eru með fjölda útaukninga sem á að gera (t.d. 34) = 4,4. Í þessu dæmi er aukið út með því að slá 1 sinni uppá prjóninn til skiptis á eftir 4. og 5. hverja lykkju. Í næstu umferð (ranga) er uppslátturinn prjónaður snúinn brugðið svo ekki myndist gat. HNAPPAGAT: Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo það myndist gat. Fellið af fyrir fyrsta hnappagatinu á eftir stroffi í hálsmáli. Fellið síðan af fyrir 5-6-6-6-6-6 næstu hnappagötum með ca 8-9 cm millibili. ÚRTAKA (á við um ermi): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð (= 2 lykkjur færri). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjóna frá miðju að framan, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður. Kantur í hálsmáli er brotinn saman tvöfaldur og saumaður saman í lokin. KANTUR Í HÁLSMÁLI: Fitjið upp 87-93-99-99-105-105 lykkjur (meðtalin 1 kantlykkja í hvorri hlið við miðju að framan) á hringprjón 4 með litnum beige. Prjónið 1 umferð brugðið (= ranga). Prjónið nú stroff þannig: 1 lykkja GARÐAPRJÓN – sjá útskýringu að ofan, 1 lykkja slétt, 2 lykkjur brugðið, 1 lykkja slétt, * 2 lykkjur brugðið, 1 lykkja slétt *, endurtakið frá *-* þar til 7 lykkjur eru eftir í umferð, prjónið 2 lykkjur brugðið, 1 lykkja slétt, 2 lykkjur brugðið, 1 lykkja slétt, 1 lykkja í garðaprjóni. Haldið svona áfram fram og til baka þar til stroffið mælist 10 cm, stillið af að síðasta umferð í stroffi sé prjónuð frá röngu. Setjið 1 prjónamerki hér, héðan frá er stykkið mælt. BERUSTYKKI: Skiptið yfir á hringprjón 5. Munið eftir HNAPPAGAT í hægri kanti að framan – sjá útskýringu að ofan. Prjónið síðan þannig – frá réttu: 5 lykkjur garðaprjón, * 2 lykkjur brugðið, 1 lykkja slétt *, endurtakið frá *-* þar til 7 lykkjur eru eftir og endið með 2 lykkjur brugðið og 5 lykkjur garðaprjón. Haldið áfram með stroff og garðaprjón í kanti að framan eins og áður, en þegar stykkið mælist 1 cm er aukið út um 1 lykkju í öllum brugðnum einingum = 113-121-129-129-137-137 lykkjur. Aukið út með því að slá 1 sinni uppá prjóninn í lok hverrar brugðinnar einingar, uppslátturinn er prjónaður snúinn í næstu umferð, það eiga ekki að myndast göt. Haldið áfram með 3 lykkjur brugðið í öllum brugðnu einingum. Þegar stykkið mælist 5-5½-6-6½-7-7½ cm, prjónið þannig – frá réttu: 5 lykkjur garðaprjón, * 3 lykkjur brugðið, 1 lykkja slétt, 3 lykkjur brugðið, AUKIÐ ÚT UM 4 LYKKJUR Í NÆSTU LYKKJU – sjá útskýringu að ofan *, prjónið frá *-* þar til 12 lykkjur eru eftir, prjónið 3 lykkjur brugðið, 1 lykkja slétt, 3 lykkjur brugðið og 5 lykkjur garðaprjón = 161-173-185-185-197-197 lykkjur (aukið er út í annarri hverri sléttri lykkju). Næsta umferð er prjónuð þannig – frá röngu: 5 lykkjur garðaprjón, * 3 lykkjur slétt, 1 lykkja brugðið *, prjónið frá *-* þar til 8 lykkjur eru eftir, prjónið 3 lykkjur slétt og 5 lykkjur garðaprjón. (Frá réttu eru nú prjónaðar 5 lykkjur garðaprjón, * 3 lykkjur brugðið, 1 lykkja slétt *, endurtakið frá *-* þar til 8 lykkjur eru eftir, prjónið 3 lykkjur brugðið og 5 lykkjur garðaprjón). Haldið svona áfram með mynstur þar til stykkið mælist 10-11-12-13-14-15 cm frá prjónamerki í hálsi. Prjónið sléttprjón með 5 lykkjur garðaprjón í hvorri hlið í 0-0-1-1-2-2 cm, stykkið mælist nú ca 10-11-13-14-16-17 cm frá prjónamerki. Haldið nú áfram með mynstur og aukið út lykkjur jafnt yfir í umferð með ör í mynsturteikningu: Prjónið 5 kantlykkjur að framan í garðaprjóni, prjónið A.1 þar til 6 lykkjur eru eftir í umferð, prjónið fyrstu lykkju í A.1 og 5 kantlykkjur að framan í garðaprjóni. ATHUGIÐ PRJÓNFESTUNA! Sjá LEIÐBEININGAR og ÚTAUKNING! ÖR-1: Aukið út 34-38-42-50-54-62 lykkjur jafnt yfir = 195-211-227-235-251-259 lykkjur. ÖR-2: Aukið út 26-28-30-40-42-52 lykkjur jafnt yfir = 221-239-257-275-293-311 lykkjur. ÖR-3: Aukið út 18-24-30-36-36-42 lykkjur jafnt yfir = 239-263-287-311-329-353 lykkjur. ÖR-4: Aukið út 4-4-4-4-2-2 lykkjur jafnt yfir = 243-267-291-315-331-355 lykkjur. Nú er eftir 1 umferð í A.1 og stykkið mælist ca 19-20-22-23-25-26 cm. Prjónið síðustu umferð í mynsturteikningu frá röngu þannig: Prjónið fyrstu 39-43-46-49-53-58 lykkjur (= framstykki), setjið næstu 48-52-58-64-64-66 lykkjur á þráð (= ermi) og fitjið upp 6-6-6-8-10-12 nýjar lykkjur á prjóninn (= í hlið undir ermi), prjónið næstu 69-77-83-89-97-107 lykkjur (= bakstykki), setjið næstu 48-52-58-64-64-66 lykkjur á þráð (= ermi) og fitjið upp 6-6-6-8-10-12 nýjar lykkjur á prjóninn (= í hlið undir ermi), prjónið þær 39-43-46-49-53-58 lykkjur sem eftir eru (= framstykki). HÉÐAN ER NÚ MÆLT! FRAM- OG BAKSTYKKI: = 159-175-187-203-223-247 lykkjur. Prjónið nú mynstur þannig (fyrsta umferð = rétta): Prjónið 5 kantlykkjur að framan í garðaprjóni, prjónið A.2 þar til 6 lykkjur eru eftir í umferð, prjónið fyrstu lykkju í A.2 og 5 kantlykkjur að framan í garðaprjóni. JAFNFRAMT eru lykkjur auknar út í hverri umferð með ör, þannig: ÖR-5: Aukið út 4-4-0-0-4-4 lykkjur jafnt yfir = 163-179-187-203-227-251 lykkjur. ÖR-6: Aukið út 4-0-4-0-0-0 lykkjur jafnt yfir = 167-179-191-203-227-251 lykkjur. ÖR-7: Aukið út 0-1-2-3-5-7 lykkjur jafnt yfir = 167-180-193-206-232-258 lykkjur. ÖR-8: Aukið út 0-5-4-3-1-5 lykkjur jafnt yfir = 167-185-197-209-233-263 lykkjur. Þegar A.2 hefur verið prjónað til loka á hæðina, haldið áfram með litnum beige, sléttprjón og 5 kantlykkjur að framan í garðaprjóni í hvorri hlið við miðju að framan. Þegar stykkið mælist 26-27-27-28-28-29 cm, aukið út um 12 lykkjur jafnt yfir innan við 5 kantlykkjur að framan í garðaprjóni í hvorri hlið = 179-197-209-221-245-275 lykkjur. Skiptið yfir á hringprjón 4. Prjónið stroff þannig: 5 kantlykkjur að framan í garðaprjóni, * 1 lykkja slétt, 2 lykkjur brugðið *, prjónið frá *-* þar til 6 lykkjur eru eftir í umferð, 1 lykkja slétt, 5 kantlykkjur að framan í garðaprjóni. Þegar stroffið mælist 5 cm, fellið af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur. Stykkið mælist ca 54-56-58-60-62-64 cm frá öxl og niður. ERMI: Setjið 48-52-58-64-64-66 lykkjur af þræði í annarri hlið á stykki á sokkaprjóna / stuttan hringprjón 5 og prjónið að auki upp 1 lykkju í hverja af 6-6-6-8-10-12 nýjum lykkjum sem fitjaðar voru upp undir ermi = 54-58-64-72-74-78 lykkjur. Setjið eitt prjónamerki mitt undir ermi, þ.e.a.s. mitt í 6-6-6-8-10-12 lykkjur sem fitjaðar voru upp undir ermi. Prjónamerkið fylgir með í stykkinu og er notað við úrtöku undir ermi. Haldið síðan áfram hringinn með mynstur A.2. ATH! Vegna úrtöku undir ermi, kemur mynstureining í A.2 ekki til með að ganga jafnt upp mitt undir ermi. Lykkjur eru því ekki auknar út við örvar í A.2 eins og á fram- og bakstykki. Þegar stykkið mælist 4 cm, byrjar úrtaka undir ermi – sjá ÚRTAKA. Fækkið lykkjum svona með ca 5-4-3-2½-2-2 cm millibili alls 6-7-9-12-12-13 sinnum = 42-44-46-48-50-52 lykkjur. Þegar A.2 hefur verið prjónað til loka, prjónið áfram með litnum beige og sléttprjóni. Haldið áfram þar til ermin mælist 35-35-34-34-32-32 cm frá skiptingu (nú eru eftir ca 5 cm til loka, mátið e.t.v. peysuna og prjónið að óskaðri lengd). ATH: Það er styttra mál í stærri stærðum vegna víðari hálsmáls og lengra berustykkis. Skiptið yfir á sokkaprjóna 4 og prjónið 1 umferð þar sem aukið er út um 0-1-2-0-1-2 lykkjur jafnt yfir = 42-45-48-48-51-54 lykkjur. Prjónið stroff (1 lykkja slétt, 2 lykkjur brugðið) í 5 cm. Fellið af með sléttum lykkjum yfir sléttara lykkjur og brugðnum lykkjum yfir brugðnar lykkjur. Ermin mælist ca 40-40-39-39-37-37 cm. Prjónið hina ermina á sama hátt. FRÁGANGUR: Saumið tölur í vinstra framstykki. Brjótið strofið niður efst í hálsmáli að innanverðu á stykki. Saumið stroffið niður þannig að það myndist uppábrot og saumið saman hvora hlið á uppábroti við miðju að framan. Til að koma í veg fyrir að kantur í hálsmáli verði stífur og beygist út, er mikilvægt að saumurinn sé teygjanlegur. |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (1)
Mountain High wrote:
Superschöne Jacke! Könnte ich mir auch mit Color blockig vorstellen, z.B Orange und Pink.
06.06.2020 - 20:21