DROPS Lima
DROPS Lima
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 7040.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Reykjavik

Prjónuð peysa með norrænu íslensku mynstri með laskalínu úr DROPS Lima. Stykkið er prjónað ofan frá og niður. Stærð S - XXXL.

DROPS 205-18
DROPS Design: Mynstur li-110
Garnflokkur B
-------------------------------------------------------

STÆRÐ:
S - M - L - XL - XXL - XXXL

EFNI:
DROPS LIMA frá Garnstudio (tilheyrir garnflokki B)
350-350-400-450-500-550 g litur 0100, natur
150-150-150-150-200-200 g litur 0519, dökk grár

PRJÓNFESTA:
20 lykkjur á breidd og 26 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4,5.
DROPS HRINGPRJÓNAR NR 4,5: lengd 40 cm og 80 cm fyrir sléttprjón.
DROPS SOKKAPRJÓNAR NR 3,5.
DROPS HRINGPRJÓNAR NR 3,5: lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Lima
DROPS Lima
65% Ull, 35% Alpakka
frá 704.00 kr /50g
Þú færð garn sem þarf í að gera þetta mynstur frá 7040.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.6.
Mynstur A.1 er prjónað í stroffprjóni.
Mynstur A.2 til A.6 er prjónað í sléttprjóni.

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 88 lykkjur) og deilið lykkjum með fjölda útaukninga sem á að gera (t.d. 8) = 11.
Í þessu dæmi er aukið út með því að slá 1 sinni uppá prjóninn á eftir 11. hverja lykkju. Í næstu umferð er uppslátturinn prjónaður snúinn slétt svo ekki myndist gat.

UPPHÆKKUN (á við um aftan í hnakka):
Hoppaðu yfir þennan kafla ef ekki er óskað eftir að hafa upphækkun.
Byrjið frá röngu með litnum natur og prjónið brugðið þar til prjónaðar hafa verið 9-9-9-10-11-11 lykkjur fram hjá prjónamerki í byrjun á umferð mitt að aftan, snúið, herðið á þræði og prjónið 18-18-18-20-22-22 lykkjur slétt til baka. Snúið, herðið á þræði og prjónið 27-27-27-30-33-33 lykkjur brugðið, snúið, herðið á þræði og prjónið 36-36-36-40-44-44 lykkjur slétt til baka. Snúið, herðið á þræði og prjónið 45-45-45-50-55-55 lykkjur brugðið, snúið, herðið á þræði og prjónið 54-54-54-60-66-66 lykkjur slétt til baka. Snúið, herðið á þræði og prjónið brugðið til baka þar til prjónaðar hafa verið 17-17-17-17-21-21 lykkjur fram hjá prjónamerki í byrjun á umferð. Færið prjónamerkið hingað. Prjónið síðan BERUSTYKKI eins og útskýrt er í uppskrift.

LEIÐBEININGAR:
Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðunum á bakhlið á stykkinu. Skiptið e.t.v. yfir á grófari prjóna þegar mynstrið er prjónað.

AFFELLING:
Til að koma í veg fyrir að affelingarkanturinn verði stífur er hægt að fella af með ½ númeri grófari prjónum.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 2 lykkjur eru eftir á undan prjónamerki, prjónið 2 lykkjur slétt saman með litnum natur (prjónamerki situr hér), takið 1 lykkju óprjónaða eins og prjóna eigi slétt, 1 lykkja slétt með litnum natur, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA – STUTT ÚTSKÝRING Á STYKKI:
Kantur í hálsmálli með uppábroti, berustykki og fram- og bakstykki er prjónað í hring á hringprjón, ofan frá og niður. Eftir kant í hálsimáli er hægt að prjóna upphækkun aftan í hnakka til að flíkin passi betur þannig að berustykkið verði aðeins hærra í hnakka. Hægt er að sleppa þessari upphækkun, þá verður hálsmálið alveg eins að framan og að aftan – sjá útskýringu í uppskrift. Ermar eru prjónaðar í hring á stuttan hringprjón/sokkaprjóna, ofan frá og niður.

KANTUR Í HÁLSMÁLI:
Fitjið upp 88-92-96-104-108-112 lykkjur á stuttan hringprjón 3,5 með litnum dökk grár. Skiptið yfir í litinn natur og prjónið 1 umferð slétt. Prjónið stroff (= 2 lykkjur slétt, 2 lykkjur brugðið) í 4 cm, prjónið síðan A.1 í stroffprjóni. Prjónið 1 umferð slétt með litnum natur þar sem aukið er út um 8-4-0-8-20-16 lykkjur jafnt yfir – sjá ÚTAUKNING = 96-96-96-112-128-128 lykkjur. Skiptið yfir á hringprjón 4,5. Setjið eitt prjónamerki í byrjun á umferð mitt að aftan ef prjóna á UPPHÆKKUN aftan í hnakka – sjá útskýringu að ofan, eða farðu beint áfram í BERUSTYKKI.

BERUSTYKKI:
Fyrsta umferð er prjónuð þannig: Prjónið A.2 (= 1 lykkja), A.3 yfir næstu 32-32-32-32-40-40 lykkjur (= 4-4-4-4-5-5 mynstureiningar með 8 lykkjum) og A.4 (= 1 lykkja) = bakstykki, prjónið A.5 (= 2 lykkjur) = laskalína, prjónið A.2 (= 1 lykkja), A.3 yfir næstu 8-8-8-16-16-16 lykkjur (= 1-1-1-2-2-2 mynstureiningar með 8 lykkjum) og A.4 (= 1 lykkja) = ermi, prjónið A.5 (= 2 lykkjur) = laskalína, prjónið A.2 (= 1 lykkja), A.3 yfir næstu 32-32-32-32-40-40 lykkjur (= 4-4-4-4-5-5 mynstureiningar með 8 lykkjum) og A.4 (= 1 lykkja) = framstykki, prjónið A.5 (= 2 lykkjur) = laskalína, prjónið A.2 (= 1 lykkja), A.3 yfir næstu 8-8-8-16-16-16 lykkjur (= 1-1-1-2-2-2 mynstureiningar með 8 lykkjum) og A.4 (= 1 lykkja) = ermi, prjónið A.5 (= 2 lykkjur) = laskalína.
Nú er fyrstu útaukningu fyrir laskalínu lokið og það eru 104-104-104-120-136-136 lykkjur á prjóni (það eru 36-36-36-36-44-44 lykkjur á bakstykki og á framstykki, 12-12-12-20-20-20 lykkjur á hvorri ermi og 2 lykkur í hverri af 4 laskalínum).
Haldið áfram með þetta mynstur upp úr. Þ.e.a.s. aukið út um 1 lykkju hvoru megin við A.2 og A.4 (= alls 8 lykkjur fleiri í annarri hverri umferð). Sjá LEIÐBEININGAR og ATHUGIÐ PRJÓNFESTUNA! Þegar A.2 til A.4 hefur verið prjónað 1 sinni á hæðina, eru 176-176-176-192-208-208 lykkjur í umferð.
Haldið áfram með mynstur á saman hátt upp úr, þ.e.a.s. mynstrið endurtekur sig eins og útskýrt er í A.2/A.4. Mynsturteikning A.3 er prjónuð 2 sinnum fleiri á breiddina fyrir hvert skipti sem 16 umferðirnar eru endurteknar á hæðina. Haldið svona áfram með útaukningu þar til aukið hefur verið út alls 22-26-30-32-32-34 sinnum á hæðina hvoru megin við A.2/A.4. Þegar síðasta útaukningin hefur verið gerð eru 272-304-336-368-384-400 lykkjur í umferð og stykkið mælist ca 17-20-23-25-25-26 cm frá kanti í hálsmáli. Haldið áfram með mynstur eins og áður, en án útaukninga þar til stykkið mælist 19-21-23-25-27-29 cm frá kanti í hálsmáli.
Næsta umferð er prjónuð þannig, byrjið 1-1-1-3-3-5 lykkjum á undan byrjun á umferð:
Prjónið 80-88-96-104-112-120 lykkjur eins og áður (= bakstykki), setjið næstu 56-64-72-80-80-80 lykkjur á þráð fyrir ermi, fitjið upp 8-8-8-8-16-16 nýjar lykkjur á prjóninn (= í hlið undir ermi), prjónið 80-88-96-104-112-120 lykkjur eins og áður (= framstykki), setjið næstu 56-64-72-80-80-80 lykkjur á þráð fyrir ermi, fitjið upp 8-8-8-8-16-16 nýjar lykkjur á prjóninn (= í hlið undir ermi). Klippið frá. Fram- og bakstykki og ermar er nú prjónað hvort fyrir sig. HÉÐAN ER NÚ MÆLT!

FRAM- OG BAKSTYKKI:
= 176-192-208-224-256-272 lykkjur. Setjið 1 prjónamerki í aðra hliðina mitt í 8-8-8-8-16-16 lykkjur sem fitjaðar voru upp undir ermi. Látið prjónamerkið fylgja með í stykkinu, prjónamerkið merkir byrjun á umferð. Prjónið A.6 hringinn (= 22-24-26-28-32-34 mynstureiningar með 8 lykkjum) – byrjið á sléttri lykkju og réttri umferð í mynsturteikningu, þannig að mynstrið endurtaki sig eins og áður á breiddina og á hæðina.
Prjónið áfram þar til stykkið mælist ca 24 cm frá skiptingu – stillið af eftir 1 heila mynstureiningu á hæðina. Skiptið yfir á hringprjón 3,5 og prjónið 1 umferð slétt með litnum natur þar sem aukið er út um 36-36-40-44-48-52 lykkjur jafnt yfir = 212-228-248-268-304-324 lykkjur. Prjónið A.1 í stroffprjóni (= 2 lykkja slétt, 2 lykkjur brugðið). Þegar A.1 hefur verið prjónað til loka, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur með litnum dökk grár – sjá AFFELLING.

ERMI:
Setjið 56-64-72-80-80-80 lykkjur af þræði í annarri hlið á stykki á hringprjón/sokkaprjóna 4,5 og prjónið að auki upp 1 lykkju í hverja af 8-8-8-8-16-16 lykkjum sem fitjaðar voru upp undir ermi = 64-72-80-88-96-96 lykkjur. Setjið 1 prjónamerki mitt í 8-8-8-8-16-16 lykkjur undir ermi og látið prjónamerkið fylgja með í stykkinu. Það á að nota prjónamerkið aðeins síðar þegar fækka á lykkjum mitt undir ermi. Byrjið umferð við prjónamerki. Prjónið A.6 hringinn (= 8-9-10-11-12-12 mynstureiningar með 8 lykkjum) – byrjið á sléttri lykkju og í réttri umferð í mynsturteikningu, þannig að mynstrið endurtakið sig eins og áður á breiddina og á hæðina, en fyrsta og síðasta lykkjan í umferð er alltaf prjónuð í litnum natur (þetta er gert til að fá fallega úrtöku undir ermi).
Þegar stykkið mælist 2 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 3½-2½-2-1½-1-1 cm millibili alls 11-14-17-20-23-22 sinnum = 42-44-46-48-50-52 lykkjur eftir í umferð. Prjónið áfram þar til stykkið mælist 41-39-38-36-34-33 cm frá skiptingu (eða að óskaðri lengd, nú eru eftir ca 4 cm að loka máli – ATH: Styttra mál í stærri stærðum vegna víðari hálsmáls og lengra berustykkis) – stillið af eftir heila mynstureiningu á hæðina. Skiptið yfir á hringprjón 3,5. Prjónið 1 umferð slétt með litnum natur þar sem aukið er út um 2-0-2-0-2-0 lykkjur jafnt yfir = 44-44-48-48-52-52 lykkjur. Prjónið A.1 í stroffprjóni (= 2 lykkjur slétt, 2 lykkjur brugðið). Þegar A.1 hefur verið prjónað til loka er fellt af með sléttum lykkjum yfir sléttar lykkjur og brugðnum lykkjum yfir brugðnar lykkjur með litnum dökk grár – munið eftir AFFELLING.
Prjónið hina ermina á sama hátt.

FRÁGANGUR:
Brjótið uppá hálsmálið inn að röngu. Saumið við uppfitjunarkantinn með litnum dökk grár – saumið með smáu, fallegu spori innan á peysunni (passið uppá að saumurinn sjáist ekki á framhlið og að saumurinn verði ekki of stífur).

Þetta mynstur hefur verið leiðrétt.

Yfirfarið á vefsvæði: 12.08.2021
Leiðrétting: Uppskriftin hefur verið uppfærð, það er gefinn upp fjöldi lykkja á ermum og fram- og bakstykki eftir fyrstu útaukningu fyrir laskalínu. Mynsturteikning A.2, A.3 og A.4 hefur verið skipt upp. Í viðbót hefur verið leiðrétt villa við skiptingu á fram- og bakstykki og ermum.

Mynstur

symbols = natur
symbols = dökk grár
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn slétt svo að ekki myndist gat
symbols = sýnir 1 mynstureining á hæðina og hvernig mynstrið er staðsett yfir hvert annað
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Reykjavik

Tuuli, Estonia

Reykjavik

Alexandra, Sweden

Reykjavik

Alexandra, Sweden

Reykjavik

Alexandra Pettersson, Åland Islands

Reykjavik

Alexandra Pettersson, Åland Islands

Reykjavik

Johanna, Sweden

Reykjavik

Tonerose2, Denmark

Reykjavik

Erika, Sweden

Skrifaðu athugasemd um DROPS 205-18

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (118)

country flag Gunnhild Lindgren wrote:

Det står at mønsteret er rettet , men det stemmer jo ikke . jeg legger opp 104 m til hals kant , ok økes til 112... etter forklaring til første del av bærestykke så står det at jeg nå skal ha 104 masker ????

16.03.2024 - 22:49

country flag Arezo wrote:

Hei, jeg er ferdig med halskant og skal videre til raglan. Jeg forstår ikke diagram A4 og A2: er første maske i disse diagrammene bare en vanlig økning med kast? Og skal man bevege seg "oppover" i diagrammet gjennom hele omgangen, slik som med A3?

10.03.2024 - 17:26

DROPS Design answered:

Hei Arezo. Første maske i A.2 og siste maske i A.4 er 1 kast . I diagramforklaringen står det = mellom 2 masker lages det 1 kast om pinnen, på neste omgang strikkes kastet vridd rett slik at det ikke blir hull. Ja, diagrammet leses fra høyre mot venstre, nedenfra og oppover. mvh DROPS Design

18.03.2024 - 12:37

country flag Frode Pedersen wrote:

Hei. Har dere en adresse? Ønsker å sende medalje for tidenes dårligste, mest kronglete og uforståelige oppskrift. Bra dere ikke tar betalt for den, i alle fall.

08.03.2024 - 22:07

DROPS Design answered:

Hei Frode. Adressen vår finner du under "Kontakt oss" nederst på Hovedsiden/Start siden ;) mvh DROPS Design

11.03.2024 - 14:12

country flag Louise wrote:

Har ni löst problemet med förhöjningen bak, börja på avigsidan fungerar dåligt

29.01.2024 - 12:34

DROPS Design answered:

Hej Louise, jo opskriften som ligger online er opdateret, så den stemmer :)

31.01.2024 - 10:55

country flag Renathe wrote:

Heisann. Finnes denne i oppskrift med start nedenfra og opp? Får ikke til å strikke ovenfra og ned. Mvh Renathe

16.12.2023 - 08:27

country flag Trine Malvik wrote:

Kommet til «Diagram A.3 strikkes 2 ganger mer i bredden for hver gang de 16 pinnene gjentas i høyden» str s. Som mange andre sliter jeg med å forstå denne! Jeg har strikket mønsterrapporten en gang i høyden nå. Sliter med å vite hvordan jeg skal starte første omgang på mønsterrapporten nå, skal jeg nå starte mønsterrspporten med å strikke A2(kast, maske) A3 (48 ) siden man skal strikke 2 ganger mer i bredden på hver 16 pinne ? Så a4 (maske, kast ) a5(2masker) å så om igjen?

04.12.2023 - 22:37

DROPS Design answered:

Hej Trine, det er samme mønster som strikkes på hele gensere, det vil sige at når du tager ud til raglan, får du flere masker som da strikkes ind i mønsteret. Udtagningerne til raglan sker på hver 2. pind (de er tegnet ind i diagrammerne) og det er samme diagrammer i alle 4 raglanovergange. God fornøjelse!

06.12.2023 - 12:23

country flag Helene wrote:

Er på bærestykket og strikker L så har 96 masker. Tallene som står på bærestykket uten kastene tilsvarer 88 masker så da har jeg for mange masker på pinnen enn hva rapportene viser. Kan dere få rettet opp i dette?

20.11.2023 - 20:59

DROPS Design answered:

Hej Helene, jo det stemmer, kan du have glemt de 2 masker i A.5 i hver raglanlinje? Strikk A.2 (= 1 maske), A.3 over de neste 32m og A.4 (= 1 maske) = bakstykke, strikk A.5 (= 2 masker) = raglanlinje, strikk A.2 (= 1 maske), A.3 over de neste 8m og A.4 (= 1 maske) = erme, strikk A.5 (= 2 masker) = raglanlinje, strikk A.2 (= 1 maske), A.3 over de neste 32m og A.4 (= 1 maske) = forstykke, strikk A.5 (= 2 masker) = raglanlinje, strikk A.2 (= 1 maske), A.3 over de neste 8m og A.4 (= 1 maske) = erme, strikk A.5 (= 2 masker) = raglanlinje.

24.11.2023 - 13:41

country flag Mia wrote:

Det må være feil i lengde på bolen. Det står at det kun skal strikkes 24 cm før vrangborden. Det må vel være 34 cm , det skal stå, ellers ender genseren midt på magen

22.10.2023 - 19:19

DROPS Design answered:

Hei Mia, Ermene og ermehullene er ganske vide på denne genseren. Det er allikevel alltid mulig å forlenge bolen hvis du vil, før du begynner på vrangborden, og få lengden du ønsker deg. God fornøyelse!

23.10.2023 - 07:30

country flag Christa Törn-Lindhe wrote:

Hej! Tack för bra beskrivning! Jag är alldeles strax klar med min Fiskartröja i M och undrar om den ska blockas och isåfall hur? Tack på förhand!

20.10.2023 - 12:04

DROPS Design answered:

Hej Christa, det skall inte vara nödvändigt, vi brukar inte göra det :)

24.10.2023 - 08:28

country flag Mariann wrote:

Hei. I oppskriften for størrelse L står det for ermer: * fell 2 masker hver 2,5 cm - 17 ganger. dette betyr at ermet må bli 2,5cm *17 = 42,5 cm. * MEN -så står det at man skal strikke til ermet måler ca 38 cm ! for deretter å strikke til ønsket lengde ! Dette blir jo feil! En annen ting. Når det skal måles strikkefasthet så kan man ikke snakke om glattstrikk ! dere burde si at man må strikke prøvelapp i mønster!

14.10.2023 - 14:11

DROPS Design answered:

Hej Mariann. I storlek L ska du felle på erme på hver 2 cm (ikke 2,5 cm). Mvh DROPS Design

19.10.2023 - 09:46