DROPS Big Merino
DROPS Big Merino
100% Ull
frá 924.00 kr /50g
Þú færð garn sem þarf í að gera þetta mynstur frá 11088.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS SS24

Prairie Rose Sweater

Prjónuð peysa úr DROPS Big Merino. Stykkið er prjónað neðan frá og upp í sléttprjóni með klauf í hliðum. Stærð S - XXXL.

DROPS 231-19
DROPS Design: Mynstur mb-065
Garnflokkur C eða A + A
-------------------------------------------------------

STÆRÐ:
S - M - L - XL - XXL - XXXL

EFNI:
DROPS BIG MERINO frá Garnstudio (tilheyrir garnflokki C)
600-700-750-800-900-1000 g litur 01, natur

PRJÓNAR:
DROPS HRINGPRJÓNAR NR 5: lengd 40 cm og 80 cm.
DROPS HRINGPRJÓNAR NR 4: lengd 40 cm og 80 cm.
DROPS SOKKAPRJÓNAR NR 5.
DROPS SOKKAPRJÓNAR NR 4.
Hægt er að nota MAGIC LOOP aðferðina – þá þarf einungis hringprjón 80 cm í hverju prjónanúmeri.

PRJÓNFESTA:
17 lykkjur á breidd og 22 umferðir á hæð með sléttprjóni = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Big Merino
DROPS Big Merino
100% Ull
frá 924.00 kr /50g
Þú færð garn sem þarf í að gera þetta mynstur frá 11088.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

ÚTAUKNING (á við um fram- og bakstykki og ermar):
Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt á milli þessa 4 lykkja), sláið 1 sinni uppá prjóninn. Í næstu umferð eru uppslættirnir prjónaðir snúnir slétt, svo ekki myndist gat. Prjónið síðan nýjar lykkjur í sléttprjóni.

ÚRTAKA (á við um hálsmál þegar fækkað er um 1 lykkju):
Fækkið lykkjum fyrir hálsmáli innan við 3 lykkjur í sléttprjóni.
Öll úrtaka er gerð frá réttu!
FÆKKIÐ LYKKJUM Á EFTIR 3 LYKKJUR Í SLÉTTPRJÓN ÞANNIG:
Lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri).
FÆKKIÐ LYKKJUM Á UNDAN 3 LYKKJUR Í SLÉTTPRJÓNI ÞANNIG:
Prjónið þar til 5 lykkjur eru eftir við miðju að framan, prjónið 2 lykkjur slétt saman, prjónið 3 síðustu lykkjur í sléttprjóni (= 1 lykkja færri).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Bakstykkið og framstykkið er prjónað fram og til baka á hringprjóna, neðan frá og upp þar til klaufin hefur verið prjónuð til loka. Síðan eru stykkin sett saman og fram- og bakstykkið er prjónað í hring á hringprjóna upp að handveg. Síðan er bakstykkið og framstykkið prjónað til loka hvort fyrir sig. Ermar eru prjónaðar í hring á sokkaprjóna / stuttan hringprjón, neðan frá og upp. Að lokum er prjónaður kantur í hálsmáli í stroffprjóni.

BAKSTYKKI:
Fitjið upp 95-105-113-127-141-153 lykkjur á hringprjón 4 með DROPS Big Merino. Prjónið 1 umferð brugðið frá röngu.
Prjónið síðan stroff (1 lykkja slétt, 1 lykkja brugðið) yfir allar lykkjur – ATH: Fyrsta og síðasta lykkjan í umferð er prjónuð slétt frá réttu og brugðið frá röngu. Prjónið þar til stroffið mælist 6 cm, endið eftir umferð frá röngu og geymið stykkið.

FRAMSTYKKI:
Fitjið upp 95-105-113-127-141-153 lykkjur á hringprjón 4 með DROPS Big Merino. Prjónið 1 umferð brugðið frá röngu.
Prjónið síðan stroff (1 lykkja slétt, 1 lykkja brugðið) yfir allar lykkjur alveg eins og á bakstykki. Prjónið þar til stroffið mælist 6 cm, endið eftir umferð frá röngu. Setjið nú þessi stykki saman eins og útskýrt er að neðan.

FRAM- OG BAKSTYKKI:
Setjið framstykkið og bakstykkið á sama hringprjón 5 = 190-210-226-254-282-306 lykkjur. Prjónið 1 umferð slétt og fækkið jafnframt um 50-54-58-66-74-78 lykkjur jafnt yfir = 140-156-168-188-208-228 lykkjur.
Setjið 1 prjónamerki í byrjun á umferð og 1 prjónamerki eftir 70-78-84-94-104-114 lykkjur (í hliðar á fram- og bakstykki). Látið prjónamerkin fylgja með í stykkinu, prjónamerkin eru notuð þegar auka á út í hliðum á fram- og bakstykki.

Prjónið sléttprjón hringinn yfir allar lykkjur. ATHUGIÐ PRJÓNFESTUNA!
Þegar stykkið mælist 10 cm, aukið út um 1 lykkju hvoru megin við bæði prjónamerkin – sjá ÚTAUKNING (= 4 lykkjur fleiri). Endurtakið útaukningu þegar stykkið mælist 20-20-21-21-22-22 cm = 148-164-176-196-216-236 lykkjur.
Þegar stykkið mælist 28-29-30-31-32-33 cm, fellið af fyrir handveg þannig: Byrjið 2-2-2-4-6-8 lykkjur á undan prjónamerki í byrjun á umferð, fellið af 4-4-4-8-12-16 lykkjur fyrir handveg, prjónið 70-78-84-90-96-102 lykkjur sléttprjón (framstykki), fellið af 4-4-4-8-12-16 lykkjur fyrir handveg, prjónið 70-78-84-90-96-102 lykkjur sléttprjón (bakstykki). Bakstykkið og framstykkið er prjónað til loka hvort fyrir sig.

BAKSTYKKI:
= 70-78-84-90-96-102 lykkjur. Prjónið sléttprjón fram og til baka yfir allar lykkjur þar til stykkið mælist 46-48-50-52-54-56 cm. Í næstu umferð eru felldar af miðju 26-28-28-30-30-32 lykkjur fyrir hálsmál og hvor öxl er prjónuð til loka fyrir sig eins og útskýrt er að neðan.

YFIRLIT YFIR NÆSTA KAFLA:
Fækkið lykkjum fyrir hálsmáli og setjið lykkjur á þráð fyrir skáhallandi öxl eins og útskýrt er að neðan. Lestu því kaflann HÁLSMÁL og SKÁHALLANDI ÖXL áður en þú prjónar áfram.

HÁLSMÁL:
Fækkið um 1 lykkju fyrir hálsmáli í hverri umferð frá réttu alls 3 sinnum – sjá ÚRTAKA.

SKÁHALLANDI ÖXL:
Setjið ystu lykkjur við handveg á þráð fyrir skáhallandi öxl, en til að sleppa við að þurfa að klippa þráðinn frá sem prjónað er með, prjónið lykkjur áður en þær eru settar á þráðinn. Setjið 5-5-6-7-7-8 lykkjur á þráð 3 sinnum og síðan síðustu 4-7-7-6-9-8 lykkjur á þráð. Allar lykkjur hafa nú verið felldar af eða settar á þráð.
Setjið til baka 19-22-25-27-30-32 lykkjur af þræði á hringprjóna 5. Prjónið 1 umferð brugðið frá röngu, en til að koma í veg fyrir göt þar sem snúið er við mitt í stykkinu, sækið þráðinn á milli 2 lykkja upp og prjónið snúið brugðið saman við fyrstu lykkju frá vinstri prjóni. Fellið síðan laust af allar lykkjur með sléttum lykkjum frá réttu. Stykkið mælist ca 50-52-54-56-58-60 cm frá uppfitjunarkanti og að efst á öxl.
Prjónið hina öxlina á sama hátt.

FRAMSTYKKI:
= 70-78-84-90-96-102 lykkjur. Prjónið sléttprjón fram og til baka yfir allar lykkjur þar til stykkið mælist 44-46-47-49-50-52 cm. Í næstu umferð eru miðju 22-24-24-24-24-26 lykkjur settar á þráð fyrir hálsmáli og hvor öxl er prjónuð til loka fyrir sig eins og útskýrt er að neðan.

YFIRLIT YFIR NÆSTA KAFLA:
Fækkið lykkjum fyrir hálsmáli og setjið lykkjur á þráð fyrir skáhallandi öxl eins og útskýrt er að neðan. Lestu því kaflann HÁLSMÁL og SKÁHALLANDI ÖXL áður en þú prjónar áfram.

HÁLSMÁL:
Fækkið um 1 lykkju fyrir hálsmáli í hverri umferð frá réttu alls 5-5-5-6-6-6 sinnum – sjá ÚRTAKA.

SKÁHALLANDI ÖXL:
JAFNFRAMT þegar stykkið mælist 46-48-50-52-54-56 cm, setjið ystu lykkjur við handveg á þráð fyrir skáhallandi öxl á sama hátt og á bakstykki. Þegar allar lykkjur hafa verið felldar af og settar á þráð, setjið 19-22-25-27-30-32 lykkjur af þræði til baka á hringprjón 5. Prjónið 1 umferð brugðið frá röngu á sama hátt og á bakstykki og fellið síðan laust af allar lykkjur með sléttum lykkjum frá réttu. Stykkið mælist ca 50-52-54-56-58-60 cm frá uppfitjunarkanti og að efst á öxl.
Prjónið hina öxlina á sama hátt.

ERMI:
Fitjið upp 36-38-38-40-42-42 lykkjur á sokkaprjóna 4 með DROPS Big Merino.
Prjónið 1 umferð slétt. Prjónið síðan stroff (1 lykkja slétt, 1 lykkja brugðið) í 8 cm.
Prjónið 1 umferð slétt og aukið jafnframt út um 2-2-2-4-4-4 lykkjur jafnt yfir = 38-40-40-44-46-46 lykkjur.
Skiptið yfir á hringprjón 5. Setjið 1 prjónamerki í byrjun á umferð og 1 prjónamerki eftir 19-20-20-22-23-23 lykkjur. Prjónamerkið merkir mitt undir ermi og mitt á ermi. Látið prjónamerkin fylgja með í stykkinu, prjónamerkin eru notuð þegar auka á út.
Prjónið sléttprjón. Þegar prjónaðar hafa verið 3 umferðir sléttprjón eftir stroffið, aukið út um 1 lykkju hvoru megin við bæði prjónamerkin – sjá ÚTAUKNING (= 4 lykkjur fleiri). Aukið svona út í 4. hverri umferð alls 6-6-7-7-7-8 sinnum á hæðina = 62-64-68-72-74-78 lykkjur (skiptið e.t.v. yfir í stuttan hringprjón 5 þegar nægilega margar lykkjur eru í umferð).
Prjónið sléttprjón þar til stykkið mælist 51-49-49-47-44-42 cm.
Prjónið nú sléttprjón fram og til baka frá miðju undir ermi, þar til ermin mælist 52-50-50-49-48-47 cm, þ.e.a.s. það er klauf ca 1-1-1-2-4-5 cm efst á erminni. Fellið af.
Prjónið hina ermina á sama hátt.

FRÁGANGUR:
Saumið axlasaumana.
Saumið ermakúpuna við handveg innan við ystu lykkjuna á framstykki/bakstykki. Síðan er klaufin efst á erminni saumuð við botninn á handveginum – sjá teikningu.

KANTUR Í HÁLSMÁLI:
Byrjið við aðra öxlina og prjónið upp frá réttu ca 78 til 92 lykkjur í kringum hálsmál (meðtaldar lykkjur af þræði að framan) á stuttan hringprjón 4. Prjónið 1 umferð slétt þar sem aukið er út jafnt yfir til 94-98-100-104-106-110 lykkjur. Prjónið stroff (1 lykkja slétt, 1 lykkja brugðið) í 4 cm. Fellið aðeins laust af.

Mynstur

symbols = ermakúpan er saumuð við handveg þannig: Saumið a við A og b við B
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 231-19

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (5)

country flag Catherine Maes wrote:

Como hacer hombros diagonal

28.01.2024 - 17:45

DROPS Design answered:

Hola Catherine, para hacer la forma diagonal de los hombros, primero deslizas los puntos como en el siguiente video: https://www.garnstudio.com/video.php?id=301&lang=es. Por ejemplo, para la talla más pequeña, trabajar y deslizar los primeros 5 pts a un gancho auxiliar. Repetir esto en las siguientes 2 filas hasta haber deslizado los puntos 3 veces en total. Ahora deslizar los últimos 4 pts al gancho auxiliar. Pasa todos los puntos del gancho auxiliar de vuelta a la aguja y continuar trabajando como se indica. En aquellos puntos en los que quedan agujeros por los giros y deslices de puntos coge el hilo entre 2 puntos y trabájalo retorcido para evitar que se formen agujeros.

30.01.2024 - 00:04

country flag Phi wrote:

Bonjour, Quand l'ouvrage mesure 10 cm, augmenter 1 maille de chaque côté des 2 marqueurs – voir AUGMENTATIONS (= on augmente 4 mailles). Les 10cm c’est à partir du début des côtes qu’il faut mesurer ou après les côtes? Merci d’avance! Phi

25.10.2023 - 22:41

DROPS Design answered:

Bonjour Phi, mesurez à partir du rang de montage, autrement dit, y compris la partie tricotée en allers et retours. Bon tricot!

26.10.2023 - 06:58

country flag Maureen Taylor wrote:

Thank you for answering my last question, very clear instructions, thank you. I am about to start sewing up my sweater and doing the neck. I am knitting the second size. The patterns says knit up 78 to 92 stitches around the neck, how many is it for the second size please? Thank you

08.02.2023 - 17:30

DROPS Design answered:

Hi Maureen, The number of stitches can be anything between 78 and 92, depending on how loose a neck you wish to work. For the second size we would suggest approx. 82 stitches, which will then be increased to 98 evenly on the knitted round. Happy knitting!

09.02.2023 - 06:55

country flag Maureen Taylor wrote:

For the diagonal shoulder and the second size, when placing 5 stitches on a thread 3 times, does this mean on 3 separate rows? So I would knit 5 -place on thread - then knit remaining stitches. Next row work the row, place the last 5 stitches on a thread and so on. Do all stitches go on the same thread? Thanks for your help

23.01.2023 - 17:20

DROPS Design answered:

Dear Mrs Taylor, this will be worked on 3 separate rows from the same side (right or wrong side), this means, starting from the armhole, work the first 5 stitches and slip them on a thread, work to the end of the row, turn and work return row. Repeat these 2 rows a total of 3 times (= there are 15 sts on the same thread), then slip the remaining stitches on a thread and work 1 row over all stitches. Happy knitting!

24.01.2023 - 12:00

country flag Claudia Carolina wrote:

Buongiorno Spett.le Drops, grazie per i modelli fantastici; Non comprendo dove si applicano i 6 bottoni della taglia xxxl; grazie ancora. Claudia

17.06.2022 - 14:28

DROPS Design answered:

Buonasera Claudia, grazie per la segnalazione, era un refuso: abbiamo corretto il testo, non servono bottoni per questo maglione. Buon lavoro!

17.06.2022 - 21:23