Call It a Day |
|||||||||||||
|
|
||||||||||||
Prjónuð peysa úr DROPS Snow. Stykkið er prjónað ofan frá og niður með hringlaga berustykki og norrænu mynstri með áferð. Stærð XS - XXL.
DROPS 226-22 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- MYNSTUR: Sjá mynsturteikningu A.1 til A.3. ÚTAUKNING-1 (á við um kant í hálsi): Aukið út um 1 lykkju í byrjun á hverri brugðinni einingu með því að slá 1 sinni uppá prjóninn. Í næstu umferð er uppslátturinn prjónaður snúinn brugðið, svo ekki myndist gat. Aukið út um 1 lykkju í byrjun á hverri brugðinni einingu með því að slá 1 sinni uppá prjóninn. Í næstu umferð er uppslátturinn prjónaður brugðið slétt, svo ekki myndist gat. ÚTAUKNING-2 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 78 lykkjur) og deilið lykkjum með fjölda útaukninga sem á að gera (t.d. 18) = 4,3. Í þessu dæmi er aukið út með því að slá 1 sinni uppá prjóninn á eftir ca 4. hverja lykkju. Í næstu umferð er uppslátturinn prjónaður snúinn, svo ekki myndist gat. ÚRTAKA (á við um mitt undir ermum): Fækkið um 1 lykkju til skiptis á undan og á eftir prjónamerki mitt undir ermi. FÆKKIÐ LYKKJUM Á EFTIR PRJÓNAMERKI ÞANNIG: Prjónið 1 lykkju slétt, lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri). FÆKKIÐ LYKKJUM Á UNDAN PRJÓNAMERKI ÞANNIG: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 1 lykkju slétt (= 1 lykkja færri). AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 8. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað í hring á hringprjóna frá hægri öxl að aftan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring á hringprjón, ofan frá og niður. Ermar eru prjónaðar í hring á sokkaprjóna / stuttan hringprjón, ofan frá og niður. KANTUR Í HÁLSMÁLI: Fitjið upp 52-52-56-60-60-64 lykkjur á stuttan hringprjón 6 með DROPS Snow. Prjónið 1 umferð slétt. Næsta umferð er prjónuð þannig: 1 lykkja slétt, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir í umferð, prjónið 2 lykkjur brugðið og 1 lykkju slétt. Haldið svona áfram með stroff í 4 cm. Setjið 1 prjónamerki í byrjun á umferð – stykkið er síðar mælt frá þessu prjónamerki. Í næstu umferð eru allar 2 lykkjur brugðið auknar út til 3 lykkjur brugðið – sjá ÚTAUKNING-1 = 65-65-70-75-75-80 lykkjur. Haldið áfram með stroff með 2 lykkjur slétt, 3 lykkjur brugðið. Þegar kantur í hálsmáli mælist 8-8-8-9-9-9 cm (4-4-4-5-5-5 cm frá prjónamerki), prjónið 1 umferð slétt þar sem allar 2 lykkjur slétt frá fyrri umferð eru auknar út til 3 lykkjur slétt – munið eftir ÚTAUKNING-1 = 78-78-84-90-90-96 lykkjur. Prjónið síðan berustykki eins og útskýrt er að neðan. BERUSTYKKI: Skiptið yfir á hringprjón 7. Prjónið A.1 hringinn. JAFNFRAMT í hverri umferð með ör í A.1 eru lykkjur auknar út jafnt yfir eins og útskýrt er að neðan – sjá ÚTAUKNING-2 og ATHUGIÐ PRJÓNFESTUNA! ATH: A.1 mælist meira en sjálft berustykkið, þ.e.a.s. A.1 er prjónað til loka á fram- og bakstykki og ermum. Ör-1: Aukið út 18-22-24-22-22-24 lykkjur jafnt yfir = 96-100-108-112-112-120 lykkjur (nú er pláss fyrir 24-25-27-28-28-30 mynstureiningar með A.1 með 4 lykkjum). Ör-2: Aukið út 24-28-34-36-36-38 lykkjur jafnt yfir = 120-128-142-148-148-158 lykkjur. Ör-3: Aukið út 20-26-26-34-34-38 lykkjur jafnt yfir = 140-154-168-182-182-196 lykkjur (nú er pláss fyrir 10-11-12-13-13-14 mynstureiningar með A.1 með 14 lykkjum). Ör-4: Aukið út 16-28-14-26-26-38 lykkjur jafnt yfir = 156-182-182-208-208-234 lykkjur (nú er pláss fyrir 12-14-14-16-16-18 mynstureiningar með A.1 með 13 lykkjum). Lokið er við útaukningar í stærð XS, S, M og L. Ör-5: Aukið út (á einungis við stærð XL og XXL): Aukið út um 8-2 lykkjur jafnt yfir = 156-182-182-208-216-236 lykkjur. Prjónið A.1 eins langt og hægt er áður en stykkið mælist 20-22-24-25-27-29 cm frá prjónamerki við háls – munið eftir að A.1 er prjónað til loka á fram- og bakstykki og ermum. Nú skiptist berustykkið fyrir fram- og bakstykki og ermar, þ.e.a.s. næsta umferð er prjónuð þannig: Setjið fyrstu 30-37-37-42-42-46 lykkjur á þráð fyrir ermi, fitjið upp 8-6-10-8-10-10 nýjar lykkjur á prjóninn (= í hlið undir ermi), haldið áfram með A.1 yfir næstu 48-54-54-62-66-72 lykkjur (= framstykki), setjið næstu 30-37-37-42-42-46 lykkjur á þráð fyrir ermi, fitjið upp 8-6-10-8-10-10 nýjar lykkjur á prjóninn (= í hlið undir ermi), og haldið áfram með A.1 eins og áður yfir síðustu 48-54-54-62-66-72 lykkjur (= bakstykki). Klippið þráðinn. Fram- og bakstykki og ermar er síðan prjónað hvert fyrir sig. HÉÐAN ER NÚ STYKKIÐ MÆLT! FRAM- OG BAKSTYKKI: = 112-120-128-140-152-164 lykkjur. Setjið 1 prjónamerki í hlið á fram- og bakstykki undir annarri erminni (þ.e.a.s. mitt í 8-6-10-8-10-10 lykkjur sem fitjaðar voru upp undir ermi). Byrjið umferð við prjónamerki og haldið áfram með A.1 hringinn, en passið uppá að mynstrið haldi beint áfram yfir mynstur á berustykki og prjónið eins langt og hægt er út að hvorri hlið á fram- og bakstykki – A.1 kemur ekki til með að ganga jafnt upp undir ermum í öllum stærðum. Þegar A.1 hefur verið prjónað til loka, prjónið A.2 hringinn yfir allar lykkjur (= 28-30-32-35-38-41 mynstureiningar með 4 lykkjum). Þegar A.2 hefur verið prjónað til loka, prjónið sléttprjón hringinn yfir allar lykkjur. Prjónið þar til stykkið mælist 25 cm frá skiptingu í öllum stærðum. Nú eru eftir ca 6 cm að loka máli, mátið e.t.v. peysuna og prjónið að óskaðri lengd. Til að koma í veg fyrir að stroffið sem prjóna á dragi stykkið saman, aukið nú út lykkjur eins og útskýrt er að neðan. Prjónið 1 umferð slétt þar sem aukið er út um 20-24-24-28-28-32 lykkjur jafnt yfir = 132-144-152-168-180-196 lykkjur. Skiptið yfir á hringprjón 6. Prjónið stroff hringinn (= 2 lykkjur slétt, 2 lykkjur brugðið) í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 54-56-58-60-62-64 cm frá öxl og niður. ERMI: Setjið 30-37-37-42-42-46 lykkjur af öðrum þræðinum í annarri hlið á stykki á sokkaprjóna / stuttan hringprjón 7 – prjónið að auki upp 1 lykkju í hverja af 8-6-10-8-10-10 lykkjum sem fitjaðar voru upp undir ermi = 38-43-47-50-52-56 lykkjur. Setjið 1 prjónamerki mitt undir ermi (þ.e.a.s. mitt í 8-6-10-8-10-10 lykkjur sem fitjaðar voru upp undir ermi). Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi. Að auki er sett 1 prjónamerki í 20.-22.-24.-26.-27.-29. lykkju í umferð (= ca mitt á ermi). Byrjið við prjónamerki mitt undir ermi og haldið áfram með A.1 hringinn, en passið uppá að mynstrið haldist rétt yfir mynstur á berustykki (A.1 kemur ekki til með að ganga jafnt upp mitt undir ermi). Þegar A.1 hefur verið prjónað til loka, prjónið A.2 hringinn – teljið út frá miðjulykkju hvar mynstrið eigi að byrja mitt undir ermi. Þegar A.2 hefur verið prjónað til loka, prjónið sléttprjón hringinn yfir allar lykkjur. JAFNFRAMT þegar ermin mælist 2 cm frá skiptingu í öllum stærðum, fækkið um 1 lykkju á undan prjónamerki mitt undir ermi – sjá ÚRTAKA. Þegar ermin mælist 4-4-4-3½-3½-3½ cm frá skiptingu, fækkið um 1 lykkju á eftir prjónamerki. Endurtakið úrtöku með 2-2-2-1½-1½-1½ cm millibili til skiptis á undan og á eftir prjónamerki þar til fækkað hefur verið alls 4-7-9-10-10-10 sinnum á hæðina = 34-36-38-40-42-46 lykkjur eftir. Prjónið án úrtöku þar til ermin mælist 27-26-24-24-23-21 cm frá skiptingu (það er styttra mál í stærri stærðum vegna víðari hálsmáls og lengra berustykkis). Nú eru eftir ca 17 cm að loka máli í öllum stærðum. Mátið e.t.v. peysuna og prjónið að óskaðri lengd. Prjónið A.3 hringinn – teljið út frá miðjulykkju hvar mynstrið eigi að byrja mitt undir ermi. Þegar A.3 hefur verið prjónað til loka, mælist ermin ca 38-37-35-35-34-32 cm frá skiptingu. Prjónið 1 umferð slétt þar sem aukið er út um 6-8-6-8-6-6 lykkjur jafnt yfir = 40-44-44-48-48-52 lykkjur. Skiptið yfir á sokkaprjóna 6. Prjónið stroff hringinn (= 2 lykkjur slétt, 2 lykkjur brugðið) í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 44-43-41-41-40-38 cm frá skiptingu. Prjónið hina ermina á sama hátt. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (5)
ROSA PASCUAL wrote:
Buenos días, ¿Para cuando tendremos el patrón en Español? Muchas gracias
29.03.2022 - 12:06Ria Pol wrote:
Als ik de steken van de arm opneem en de steken onder de mouw erbij kom ik, bij maat s, op 43 steken. Dan moet ik in totaal 7 maal aan beide zijden van de markeerdraad 1 steek minderen. Dat zijn dan totaal 14 steken. Ik zou dan 43 - 14 = 29 steken overhouden. Maar het patroon zegt 36 steken. Er zijn dus ergens 7 steken kwijtgeraakt. Hoe nu verder? Met vriendelijke groet, Ria Pol
15.01.2022 - 12:05DROPS Design answered:
Dag Ria,
Je mindert onder de mouw niet steeds aan beide kanten van de markeerdraad, maar je mindert afwisselend voor en na de markeerdraad. Dus de ene keer voor de markeerdraad en de andere keer na de markeerdraad. Per mindering minder je dus 1 steek in plaats van 2.
16.01.2022 - 14:28Anita Frost wrote:
Der står i starten at man skal bruge rundpinde både på 40 cm og på 60-80 cm i både str. 6 og 7. I opskriften står der hvornår man skal skifte mellem nr. 6 og 7 men jeg kan ikke se noget om hvornår jeg skal bruge hvilken længde. Er den på 40 cm kun til hals og evt. bærestykke eller hvordan skal det forstås.
09.01.2022 - 19:31DROPS Design answered:
Hej Anita, når maskerne ikke kan nå rundt på den lange rundpind, skifter du til en kortere :)
13.01.2022 - 11:40Carly wrote:
Already got the wool. Waiting for this pattern to be available.
24.09.2021 - 16:47Mimi M Routh wrote:
I love the texture stitches and also the fit.
03.08.2021 - 22:43