DROPS Delight
DROPS Delight
75% Ull, 25% Polyamide
Hætt í framleiðslu
finna valmöguleika
DROPS Super Sale

November Flowers

Prjónuð peysa með laskalínu úr 2 þráðum DROPS Delight. Stykkið er prjónað ofan frá og niður. Stærð S - XXXL.

DROPS 206-40
DROPS Design: Mynstur de-200
Garnflokkur A + A eða C
-------------------------------------------------------

STÆRÐ:
S - M - L - XL - XXL – XXXL

EFNI:
DROPS DELIGHT frá Garnstudio (tilheyrir garnflokki A)
200-250-250-300-300-350 g litur 01, grár
200-250-250-300-300-350 g litur 05, beige/grár/bleikur

PRJÓNFESTA:
17 lykkjur á breidd og 22 umferðir á hæð með sléttprjóni og 2 þráðum = 10 x 10 cm.

PRJÓNAR:
DROPS SOKKAPRJÓNAR NR 5.
DROPS HRINGPRJÓNAR NR 5: lengd 40 cm og 80 cm fyrir sléttprjón.
DROPS SOKKAPRJÓNAR NR 4.
DROPS HRINGPRJÓNAR NR 4: lengd 40 cm og 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Delight
DROPS Delight
75% Ull, 25% Polyamide
Hætt í framleiðslu
finna valmöguleika

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

ÚTAUKNING (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 76 lykkjur) og deilið lykkjum með fjölda útaukninga sem á að gera (t.d. 4) = 19.
Í þessu dæmi er aukið út með því að slá 1 sinni uppá prjóninn á eftir 19. hverja lykkju. Í næstu umferð er uppslátturinn prjónaður snúinn slétt svo ekki myndist gat.

UPPHÆKKUN (á við um aftan í hnakka):
Hoppið yfir þennan kafla ef ekki er óskað eftir upphækkun.
Byrjið frá röngu og prjónið brugðið þar til prjónaðar hafa verið 7-7-8-8-9-9 lykkjur fram hjá prjónamerki í byrjun á umferð, snúið, herðið á þræði og prjónið 14-14-16-16-18-18 lykkjur slétt til baka. Snúið, herðið á þræði og prjónið 22-22-24-24-27-27 lykkjur brugðið, snúið, herðið á þræði og prjónið 29-29-32-32-36-36 lykkjur slétt til baka. Snúið, herðið á þræði og prjónið 36-36-40-40-45-45 lykkjur brugðið, snúið, herðið á þræði og prjónið 43-43-48-48-54-54 lykkjur slétt til baka. Snúið og prjónið brugðið til baka í byrjun á umferð. Færið prjónamerkið sem sýnir byrjun á umferð 14-14-15-17-18-20 lykkjur til hægri. Klippið þráðinn frá. Prjónið síðan BERUSTYKKI eins og útskýrt er að neðan.

LASKALÍNA:
Aukið út fyrir laskalínu í hverri skiptingu á milli fram- og bakstykkis og erma þannig: Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki situr mitt á milli þessa 4 lykkja), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo ekki myndist gat. Prjónið síðan nýjar lykkjur í sléttprjóni. Aukið út alls 8 lykkjur í hverri útauknings umferð.

AFFELLING:
Til að koma í veg fyrir að affelingarkanturinn verði stífur er hægt að fella af með ½ númeri grófari prjónum.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Kantur í hálsmáli, berustykki og fram- og bakstykki er prjónað í hring á hringprjón, ofan frá og niður.
Eftir kant í hálsmáli er hægt að prjóna upphækkun aftan í hnakka til að flíkin passi betur og þá verður berustykkið aðeins hærra í hnakka. Hægt er að sleppa þessari upphækkun og þá verður hálsmálið alveg eins að framan og að aftan – sjá útskýringu í uppskrift. Ermar eru prjónaðar í hring á stuttan hringprjón/sokkaprjóna, ofan frá og niður.

KANTUR Í HÁLSMÁLI:
Fitjið upp 76-80-84-88-92-96 lykkjur á stuttan hringprjón 4 með 1 þræði í litnum grár og 1 þræði í litnum beige/grár/bleikur (= 2 þræðir).
Prjónið 1 umferð slétt. Prjónið síðan stroff (= 2 lykkjur slétt, 2 lykkjur brugðið) í 2 cm. Prjónið 1 umferð slétt þar sem aukið er út um 4-0-0-4-4-8 lykkjur jafnt yfir – sjá ÚTAUKNING = 80-80-84-92-96-96-104 lykkjur. Skiptið yfir á hringprjón 5. Setjið eitt prjónamerki í byrjun á umferð. Nú er hægt að prjóna UPPHÆKKUN aftan í hnakka – sjá útskýringu að ofan, eða fara beint áfram í BERUSTYKKI.

BERUSTYKKI:
Setjið 4 prjónamerki í stykkið án þess að prjóna lykkjurnar þannig: Fyrsta prjónamerkið er sett í byrjun á umferð, annað prjónamerki eftir 28-28-30-34-36-40 lykkjur (= bakstykki), þriðja prjónamerki eftir nýjar 12 lykkjur (= ermi), fjórða prjónamerki eftir 28-28-30-34-36-40 lykkjur (= framstykki), nú eru eftir 12 lykkjur fram að fyrsta prjónamerki (= ermi).
Prjónið sléttprjón hringinn, JAFNFRAMT í 2. umferð byrjar útaukning fyrir LASKALÍNA – sjá útskýringu að ofan. Aukið svona út í annarri hverri umferð alls 18-21-23-25-27-30 sinnum. ATHUGIÐ PRJÓNFESTUNA!
Eftir síðustu útaukningu eru 224-248-268-292-312-344 lykkjur í umferð. Prjónið áfram án útaukningar þar til stykkið mælist 19-21-23-25-27-29 cm frá kanti í hálsmáli mitt að framan.
Næsta umferð er prjónuð þannig:
Prjónið 65-71-77-85-92-102 lykkjur slétt (= bakstykki), setjið næstu 46-52-56-60-62-68 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi), prjónið 66-72-78-86-94-104 lykkjur slétt (= framstykki), setjið næstu 46-52-56-60-62-68 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi), prjónið 1-1-1-1-2-2 lykkjur sem eftir eru (= bakstykki). Klippið frá. Fram- og bakstykki og ermar er prjónað hvert fyrir sig. HÉÐAN ER NÚ MÆLT!

FRAM- OG BAKSTYKKI:
= 144-156-172-188-208-228 lykkjur. Setjið 1 prjónamerki í hvora hlið, mitt í 6-6-8-8-10-10 lykkjur sem fitjaðar voru upp undir hvorri ermi. Látið prjónamerkin fylgja með í stykkinu, það á að nota þau síðar þegar auka á út.
Byrjið umferð við prjónamerki í hægri hlið (þegar flíkin er mátuð) og prjónið áfram í sléttprjóni. Prjónið þar til stykkið mælist 20-20-19-19-18-18 cm frá skiptingu.
Næsta umferð er prjónuð þannig:
Prjónið 72-78-86-94-104-114 lykkjur á bakstykki og prjónið 25-25-28-28-32-33 lykkjur á framstykki. Prjónið næstu 22-28-30-38-40-48 lykkjur og setjið síðan þessar lykkjur á þráð (= mitt að framan). Nú eru eftir 25-25-28-28-32-33 lykkjur á framstykki og fram að byrjun á umferð = 122-128-142-150-168-180 lykkjur í umferð.
Nú byrjar bogalaga framstykki, þ.e.a.s. nú er prjónað sléttprjón fram og til baka þannig:
* Prjónið sléttar lykkjur (rétta) þar til 3 lykkjur eru eftir og setjið þessar 3 lykkjur á sama þráð og lykkjur mitt að framan, snúið stykkinu, prjónið brugðið (ranga) þar til 3 lykkjur eru eftir og setjið þessar 3 lykkjur á sama þráð og lykkjur mitt að framan, snúið stykkinu *, prjónið frá *-* alls 1-1-2-2-4-5 sinnum = 116-122-130-138-144-150 lykkjur í umferð. * Prjónið sléttar lykkjur (rétta) þar til 2 lykkjur eru eftir og setjið þessar 2 lykkjur á sama þráð og lykkjur mitt að framan, snúið stykkinu, prjónið brugðið (ranga) þar til 2 lykkjur eru eftir og setjið þessar 2 lykkjur á sama þráð og lykkjur mitt að framan, snúið stykkinu *, prjónið frá *-* alls 10-10-10-10-9-8 sinnum = 76-82-90-98-108-118 lykkjur í umferð.
Setjið lykkjur af þræði á sama hringprjón = 144-156-172-188-208-228 lykkjur. Prjónið síðan í hring til loka. Prjónið 1 umferð slétt þar sem aukið er út um 36-36-40-44-52-56 lykkjur jafnt yfir – munið eftir ÚTAUKNING = 180-192-212-232-260-284 lykkjur. Skiptið yfir á hringprjón 4 og prjónið stroff (= 2 lykkjur slétt, 2 lykkjur brugðið). Þegar stroffið mælist 2 cm er aukið út um 1 lykkju í hverri brugðinni einingu. Prjónið nú stroff þannig: * 2 lykkjur slétt, 3 lykkjur brugðið *, endurtakið frá *-* umferðina hringinn. Þegar allt stroffið mælist 6 cm fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING.

ERMI:
Setjið 46-52-56-60-62-68 lykkjur af þræði í annarri hlið á stykki á stuttan hringprjón/sokkaprjóna 5 og prjónið að auki upp 1 lykkju í hverja af 6-6-8-8-10-10 lykkjum sem fitjaðar voru upp undir ermi = 52-58-64-68-72-78 lykkjur.
Setjið 1 prjónamerki mitt í 6-6-8-8-10-10 lykkjur undir ermi og látið prjónamerkið fylgja með í stykkinu. Það á að nota prjónamerkið aðeins síðar þegar fækka á lykkjum mitt undir ermi. Haldið áfram í sléttprjóni. Þegar stykkið mælist 2 cm frá skiptingu er fækkað um 2 lykkjur undir ermi – sjá ÚRTAKA. Fækkið lykkjum svona með 5-3½-3-2-2-1½ cm millibili alls 8-10-12-14-15-17 sinnum = 36-38-40-40-42-44 lykkjur. Prjónið áfram þar til ermin mælist 40-38-37-35-33-32 cm frá skiptingu (styttra mál í stærri stærðum vegna víðari hálsmáls og lengra berustykkis). Prjónið 1 umferð slétt þar sem aukið er út um 8-6-8-8-10-8 lykkjur jafnt yfir = 44-44-48-48-52-52 lykkjur. Skiptið yfir á sokkaprjón 4 og prjónið stroff (= 2 lykkjur slétt, 2 lykkjur brugðið) í 6 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING.
Prjónið hina ermina á sama hátt.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 206-40

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (13)

country flag Ayse Sari wrote:

Hallo habe nach der Anleitung die Wolle bestellt ,bei diesem Modell muss man zwei Garne zusammen stricken dabei blieb am ende von der wolle drops Delight 05 Beige Grau Rosa mehr übrig als von der Drobs Delight 01 Grau könnten sie mir weiterhelfen

20.02.2021 - 11:35

DROPS Design answered:

Liebe Frau Sari, so kann auch passieren, wenn man 2-Fädig strickt, kann man von 1 Garn etwas mehr benutzen/stricken. Gerne wird Ihnen Ihr DROPS Laden damit weiterhelfen. Viel Spaß beim stricken!

22.02.2021 - 07:57

country flag Marie Thouvenin wrote:

Bonjour, Merci pour ce joli modèle. Je suis en train d'entamer le bas du dos et devant. Quand je place mes mailles sur le fil et que je tourne, cela crée un trou. Comment faire pour éviter cela Merci Marie

29.12.2020 - 16:11

DROPS Design answered:

Bonjour Mme Thouvenin, lorsque vous tricotez les rangs raccourcis du bas du pull, vous pouvez utiliser la technique de base en serrant le fil pour éviter les trous ou bien celles des mailles enveloppées (= voir ici sur l'endroit et sur l'envers). Bon tricot!

04.01.2021 - 11:45

country flag THOUVENIN wrote:

Bonjour j'aimerai faire ce modèle mais il n'y a plus de gris en stock. Si je choisis la couleur n° 8 quel fil dois je joindre à la place du gris. Cordialement marie

25.11.2020 - 21:42

DROPS Design answered:

Bonjour Mme Thouvenin, n'hésitez pas à contacter votre magasin - même par mail ou téléphone - pour toute assistance au choix des couleurs, on saura vous aider et vous conseiller. Bon tricot!

26.11.2020 - 10:28

country flag Uschi Warzecha wrote:

Hallo, das ist mein erster Pullover seit sehr langer Zeit, bin jetzt am abgerundeten Vorderteil angekommen und frage mich, ob die Maschen wirklich nur wie in der Anleitung (>>diese 3 Maschen zu den stillgelegten Maschen der vorderen Mitte legen, wenden, links stricken>>) - ohne Umschlag oder ähnliches - auf die stillgelegte Nadel geschoben werden? Viele Grüße

28.11.2019 - 11:42

DROPS Design answered:

Liebe Frau Warzecha, es sind hier verkürzten Reihen, die können Sie nach Ihren gewönchlichen Technik stricken - hier finden Sie die Grundlage oder mit Umschlag - Hinreihen und Rückreihen. Viel Spaß beim stricken!

28.11.2019 - 12:08

country flag Maria Rosa Valmorbida wrote:

Buongiorno, mi piacciono molto i vostri modelli e vorrei capire se la taglia S si riferisce alla taglia italiana 42 grazie

14.11.2019 - 11:47

DROPS Design answered:

Buongiorno Maria Rosa. Le taglie Drops vestono comodo. Alla fine delle spiegazioni, tova un grafico con le misure in cm. Confrontando le misure indicate con quelle di un maglione la cui vestibilità la soddisfa, riesce a trovare la misura giusta da lavorare. Buon lavoro!

14.11.2019 - 14:06

country flag Elżbieta wrote:

A mnie wychodzi po podziale robótki tył 78 a nie 77 coś robię nie tak?

10.10.2019 - 09:24

DROPS Design answered:

Witaj Elżbieto! Coś tam się pewnie pomyliło po drodze, nie martw się, gdzieś na tyle po prostu przerób 2 o. razem na prawo i będzie 77. Miłej pracy!

05.11.2019 - 16:12

country flag Leila Sabio Sassaki wrote:

Hello! Please have some video demonstrating how to do the ELEVATION (for back of neck)?

09.10.2019 - 14:58

Leila Sabio Sassaki answered:

I'm sorry... I just saw that there is an explanatory video... Was on the phone and had not appeared to me before...

09.10.2019 - 15:02

country flag Turid Eide wrote:

Skikkelig kul genser, venter på mønsteret

30.08.2019 - 14:17

country flag Maria wrote:

Sehr schön, warte auf die Anleitung.

26.08.2019 - 23:22

country flag Strickse wrote:

Wunderschön! Den würde ich gerne nachstricken :-)

20.07.2019 - 16:04