New Land Cardigan |
||||||||||||||||||||||
|
|
|||||||||||||||||||||
Prjónuð peysa úr DROPS Belle. Stykkið er prjónað ofan frá og niður með laskalínu, gatamynstri, tvöföldum kanti í hálsmáli og stuttum ermum. Stærð S - XXXL.
DROPS 232-10 |
||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.5. Mynsturteikning sýnir allar umferðir í mynstri séð frá réttu. ÚTAUKNING (á við um hliðar á fram- og bakstykki): Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt á milli þessa 4 lykkja), sláið 1 sinni uppá prjóninn. Í næstu umferð eru uppslættirnir prjónaðir snúnir slétt, svo ekki myndist gat. Prjónið síðan nýjar lykkjur í sléttprjóni. ÚRTAKA (á við um miðju undir ermum): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. HNAPPAGAT: Fellið af fyrir hnappagötum í hægri kanti að framan (þegar flíkin er mátuð). Fellið af frá réttu þegar 4 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið 2 síðustu lykkjur slétt. Í næstu umferð (ranga) er uppslátturinn prjónaður slétt, svo það myndist gat. Fellið af fyrir fyrsta hnappagatinu þegar stroff í hálsmáli hefur verið prjónað til loka. Fellið síðan af fyrir 4-4-5-5-5-5 næstu hnappagötum með ca 10-10½-9-9-9½-9½ cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Tvöfaldur kantur í hálsmáli og berustykki er prjónað fram og til baka frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykkið er prjónað fram og til baka á hringprjóna. Ermar eru prjónaðar í hring á sokkaprjóna / stuttan hringprjón. TVÖFALDUR KANTUR Í HÁLSMÁLI: Fitjið upp 131-131-131-159-159-165 lykkjur á stuttan hringprjón 3 með DROPS Belle. Prjónið 1 umferð brugðið frá röngu þar sem fækkað er um 20-20-20-24-24-26 lykkjur jafnt yfir (lykkjum er ekki fækkað yfir ystu 6 lykkjur í hvorri hlið) = 111-111-111-135-135-139 lykkjur. Prjónið síðan sléttprjón fram og til baka með 1 lykkju í GARÐAPRJÓN í hvorri hlið – sjá útskýringu að ofan. Þegar stykkið mælist 3 cm, prjónið næstu umferð frá réttu þannig: 1 lykkja í garðaprjóni, * 2 lykkjur slétt saman, sláið 1 sinni uppá prjóninn *, prjónið frá *-* þar til 2 lykkjur eru eftir, prjónið 1 lykkju slétt og 1 lykkju í garðaprjóni (uppábrot). Haldið áfram í sléttprjóni og með 1 lykkju í garðaprjóni í hvorri hlið þar til stykkið mælist 3 cm frá uppábroti. Setjið 1 prjónamerki eftir 6 ystu lykkjur við miðju að framan. Prjónið berustykkið eins og útskýrt er að neðan – berustykkið er nú mælt frá þessu prjónamerki! BERUSTYKKI: Skiptið yfir á hringprjón 4. Fyrsta umferð er prjónuð frá réttu þannig: 6 kantlykkjur að framan í garðaprjóni, A.1 (byrjið við ör í þinni stærð), A.2, sláið 1 sinni uppá prjóninn, 12-12-12-16-16-16 lykkjur sléttprjón, sláið 1 sinni uppá prjóninn, prjónið A.2, A.3 (byrjið við ör í þinni stærð), A.2, sláið 1 sinni uppá prjóninn, 12-12-12-16-16-16 lykkjur í sléttprjóni, sláið 1 sinni uppá prjóninn A.2, A.4 (byrjið við ör í þinni stærð) og 6 kantlykkjur að framan í garðaprjóni – fellið af fyrir HNAPPAGAT í hægri kanti að framan – sjá útskýringu að ofan. Nú hefur verið aukið út fyrir laskalínu 1 sinni og það eru 119-119-119-143-143-147 lykkjur í umferð. Haldið svona áfram með mynstur og aukið út fyrir laskalínu alveg eins í hverri umferð frá réttu, þ.e.a.s. á framstykki og bakstykki er aukið út fyrir laskalínu með uppslætti eins og útskýrt er í A.1, A.3 og A.4. Á ermum er aukið út fyrir lasklaínu með 1 uppslætti hvoru megin við lykkjur í sléttprjóni (uppslátturinn á ermum er prjónaður snúinn brugðið, svo ekki myndist gat). ATHUGIÐ PRJÓNFESTUNA! Þegar A.1, A.3 og A.4 hefur verið prjónað til loka á hæðina, hefur verið aukið út fyrir laskalínu alls 19-19-19-15-15-14 sinnum á hæðina og það eru 263-263-263-255-255-251 lykkjur í umferð. Haldið áfram svona með mynstur (mynstrið endurtekur sig eins og útskýrt er í A.1, A.3 og A.4), útaukningar fyrir laskalínu heldur áfram þannig: STÆRÐ S - M - L - XL: Ermar, framstykki og bakstykki: aukið út alveg eins og áður 8-8-16-16 sinnum til viðbótar (alls 27-27-35-31 sinnum á hæðina). STÆRÐ XXL - XXXL: Framstykki/bakstykki: aukið út alveg eins og áður 24-32 sinnum til viðbótar (alls 39-46 sinnum á hæðina). Ermar: aukið út alveg eins og áður í annarri hverri umferð 13-14 sinnum til viðbótar, síðan í 4. hverri umferð 6-9 sinnum (alls 34-37 sinnum á hæðina). Eftir síðustu útaukningu fyrir laskalínu eru 327-327-391-383-427-471 lykkjur í umferð. Prjónið síðan A.5 í stað A.1, A.3 og A.4. Að auki skiptist berustykkið fyrir fram- og bakstykki og ermar eins og útskýrt er að neðan. Lestu MYNSTUR og SKIPTING áður en þú prjónar áfram. MYNSTUR: Fyrsta umferð er prjónuð frá réttu þannig: 6 kantlykkjur að framan í garðaprjóni, A.5A, prjónið A.5B alls 2-2-3-3-4-5 sinnum, A.5C, A.2, 66-66-82-78-84-90 lykkjur sléttprjón, A.2, A.5D, prjónið A.5B alls 5-5-7-7-9-11 sinnum, A.5C, A.2, 66-66-82-78-84-90 lykkjur sléttprjón, A.2, A.5D, prjónið A.5B alls 2-2-3-3-4-5 sinnum, A.5E og 6 kantlykkjur að framan í garðaprjóni. Haldið svona áfram með mynstur. SKIPTING: Þegar stykkið mælist ca 20-22-25-25-28-33 cm frá prjónamerkið við hálsmál (útaukningar fyrir laskalínu eiga nú að vera loknar og þú verður að hafa prjónað minnst 1 umferð mynstur eins og útskýrt er að ofan), skiptist berustykkið fyrir fram- og bakstykki og ermar, þ.e.a.s. næsta umferð er prjónuð þannig: Prjónið 52-52-60-60-68-76 lykkjur eins og áður, setjið næstu 66-66-82-78-84-90 lykkjur á þráð fyrir ermi, fitjið upp 4-10-6-12-12-10 nýjar lykkjur á prjóninn (í hlið undir ermi), prjónið 91-91-107-107-123-139 lykkjur eins og áður, setjið næstu 66-66-82-78-84-90 lykkjur á þráð fyrir ermi, fitjið upp 4-10-6-12-12-10 nýjar lykkjur á prjóninn (í hlið undir ermi) og prjónið síðustu 52-52-60-60-68-76 lykkjur eins og áður. Fram- og bakstykki og ermar er síðan prjónað hvert fyrir sig. Stykkið er nú mælt héðan. FRAM- OG BAKSTYKKI: = 203-215-239-251-283-311 lykkjur. Setjið 1 prjónamerki 54-57-63-66-74-81 lykkjur inn frá hvorri hlið (það eru 95-101-113-119-135-149 lykkjur á milli prjónamerkja á bakstykki – prjónamerkin sitja mitt í nýjum lykkjum sem fitjaðar voru upp undir hvorri ermi). Látið prjónamerkin fylgja með í stykkinu – þau eru notuð þegar auka á út. Haldið áfram með mynstur fram og til baka eins og áður – þær 4-10-6-12-12-10 lykkjur sem fitjaðar voru upp í hvorri hlið eru prjónaðar í sléttprjóni. Þegar stykkið mælist 5 cm frá skiptingu, aukið út um 1 lykkju hvoru megin við bæði prjónamerkin – sjá ÚTAUKNING. Aukið svona út með 6-6-6-6-6-5 cm millibili alls 3 sinnum = 215-227-251-263-295-323 lykkjur. Prjónið þar til stykkið mælist ca 23-23-22-23-22-19 cm frá skiptingu, en stillið af að prjónaðar hafa verið minnst 5 umferðir sléttprjón eftir umferð með gati. Prjónið 1 umferð slétt frá réttu þar sem aukið er út um 54-56-62-66-74-80 lykkjur jafnt yfir (lykkjum er ekki aukið út yfir kanta að framan) = 269-283-313-329-369-403 lykkjur. Skiptið yfir á hringprjón 3. Næsta umferð er prjónuð frá röngu þannig: 6 kantlykkjur að framan í garðaprjóni, * 1 lykkja brugðið, 1 lykkja slétt *, prjónið frá *-* þar til 7 lykkjur eru eftir, 1 lykkja brugðið og 6 kantlykkjur að framan í garðaprjóni. Haldið svona áfram með stroff í 4 cm. Fellið aðeins laust af. Peysan mælist ca 50-52-54-56-58-60 cm frá öxl. ERMI: Setjið 66-66-82-78-84-90 lykkjur af þræði í annarri hlið á stykki á sokkaprjóna / stuttan hringprjón 4 – prjónið að auki upp 1 lykkju í hverja af 4-10-6-12-12-10 lykkjum sem fitjaðar voru upp undir ermum = 70-76-88-90-96-100 lykkjur. Setjið 1 prjónamerki mitt í 4-10-6-12-12-10 lykkjur undir ermi og látið prjónamerkið fylgja með í stykkinu – það er notað þegar fækka á lykkjum. Byrjið umferð við prjónamerkið og prjónið sléttprjón hringinn. Þegar stykkið mælist 3-3-2-2-2-2 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 4-4-2½-2-2-1 cm millibili alls 3-3-4-4-4-4 sinnum = 64-70-80-82-88-92 lykkjur. Prjónið sléttprjón þar til ermin mælist 15-14-12-11-9-6 cm frá skiptingu. Nú á að prjóna tvöfaldan kant alveg eins og í hálsmáli. Prjónið 1 umferð slétt þar sem fækkað er um 10-12-16-12-12-10 lykkjur jafnt yfir = 54-58-64-70-76-82 lykkjur. Skiptið yfir á sokkaprjón 3. Prjónið sléttprjón hringinn í 3 cm. Næsta umferð er prjónuð þannig: * 2 lykkjur slétt saman, sláið 1 sinni uppá prjóninn *, prjónið frá *-* í kringum ermi (uppábrot). Prjónið sléttprjón þar til stykkið mælist 3 cm frá uppábroti. Skiptið yfir á sokkaprjóna 4 og fellið aðeins laust af. Prjónið hina ermina á sama hátt. FRÁGANGUR: Brjótið niður stroffið efst í hálsmáli að innanverðu að stykki. Saumið stroffið niður þannig að það myndist tvöfaldur kantur í hálsmáli. Til að koma í veg fyrir að kanturinn dragi stykkið saman og beygist út, er mikilvægt að saumurinn sé teygjanlegur. Saumið saman op við miðju að framan í kanti að framan með smáu spori. Brjótið inn kantinn neðst á ermum að röngu og saumið niður alveg eins. Saumið tölur í vinstri kant að framan. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (8)
Elizabeth Hayes wrote:
Thank you once again for your quick and helpful response. I really appreciate that you offer this service.
20.03.2024 - 21:29Elizabeth Hayes wrote:
In the yoke instructions, there is a yarn over before and after the stocking stitches. Are those yarn overs worked on the right side and on the wrong side or only on the right side?
20.03.2024 - 19:15DROPS Design answered:
Dear Elizabeth, those yarnovers are done on the RS rows only. Happy Knitting!
20.03.2024 - 21:26Elizabeth Hayes wrote:
Thank you so much for your quick and helpful response. I didn't realize that "A.5" referred to the whole set of A.5 patterns.
18.03.2024 - 22:42Elizabeth Hayes wrote:
In the yoke section, last paragraph, second sentence, it says to work A.5. I see diagrams for A.5A through A.5E, but not for A.5. I'm making size small. Which diagram should I use?
18.03.2024 - 20:02DROPS Design answered:
Dear Elizabeth, for exact explanation of how to knit the A.5 pattern, please see the next paragraph (the next to the one you are referring to) under the title PATTERN. It tells you in detail in what order should be the parts of the A.5 (A.5A-A.5E) knitted. Happy Knitting! (6 band stitches in garter stitch, A.5A, work A.5B 2-2-3-3-4-5 times in total, A.5C, A.2, 66-66-82-78-84-90 stitches in stocking stitch, A.2, A.5D, work A.5B 5-5-7-7-9-11 times in total, A.5C, A.2, 66-66-82-78-84-90 stitches in stocking stitch, A.2, A.5D, work A.5B 2-2-3-3-4-5 times in total, A.5E, and 6 band stitches in garter stitch. )
18.03.2024 - 20:26Heidi Flamsholt wrote:
Jeg er kun nået til bærestykket, og har strikket den 1. række efter diagram A1, 2, 3 og 4. Nu skal jeg så strikke fra vrang siden, og ifølge jeres forklaring, skal jeg strikke efter diagrammerne omvendt, altså først A4 osv.. Det stemmer så ikke med maskerne, idet jeg pludselig har for mange???Jeg har 119 masker efter den 1 række mønster.
18.08.2023 - 22:23Ann Vials wrote:
Where do I find the size guide for this pattern please?
14.05.2023 - 12:06DROPS Design answered:
Dear Ann, this model is worked in sizes: S - M - L - XL - XXL - XXXL. Below the pattern instructions, you can find a measurement schematic which include the measurements in cm of different parts of the garment. For example, the measurements of the jacket's bust (multiply by 2 for the whole bust) is 45cm for the smallest size, 48 for size M, e.t.c. Check the following lesson for more information: https://www.garnstudio.com/lesson.php?id=24&cid=19. Happy knitting!
14.05.2023 - 17:43Amal wrote:
Thank you for the beautiful pattern. I made this in the beige and now I’m working on the pink one. I love the yarn but I’m having a difficult time maintaining tension. Do you have any tips on how to knit this without having so many uneven stitches? Thank you
24.06.2022 - 05:00DROPS Design answered:
Dear Amal, you may try different kind of needles, either you work with wood or metal, this can influence the way you are working and the tension - but sometimes blocking/washing just help to smooth irregular stitches. Your yarn store might have even more ideas/advices to share with you. Happy knitting!
24.06.2022 - 08:58Ulrike wrote:
Ich würde das Modell "Sommerabend" nennen
16.01.2022 - 20:31