Past to Present |
|||||||||||||
|
|
||||||||||||
Prjónuð peysa úr 2 þráðum DROPS Sky. Stykkið er prjónað ofan frá og niður í vinkil með röndum. Stærð S - XXXL.
DROPS 205-1 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- ÚTAUKNING-1 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 58 lykkjur) og deilið lykkjum með fjölda útaukninga sem á að gera (t.d. 10) = 5,8. Í þessu dæmi er aukið út með því að slá 1 sinni uppá prjóninn á eftir ca 6. hverja lykkju. Í næstu umferð er uppslátturinn prjónaður snúinn slétt svo að ekki myndist gat. RENDUR: Rendur eru prjónaðar í sléttprjóni, ofan frá og niður þannig: 4½-4½-4½-5-5-5 cm (= ca 7-7-7-8-8-8 umferðir) með 2 þráðum ljós sægrænn. 4½-4½-4½-5-5-5 cm (= ca 7-7-7-8-8-8 umferðir) með 2 þráðum heslihneta 4½-4½-4½-5-5-5 cm (= ca 7-7-7-8-8-8 umferðir) með 2 þráðum hvítur 4½-4½-4½-5-5-5 cm (= ca 7-7-7-8-8-8 umferðir) með 2 þráðum múrsteinn 4½-4½-4½-5-5-5 cm (= ca 7-7-7-8-8-8 umferðir) með 2 þráðum svartur Endurtakið síðan þessar 5 rendur til loka. ÚTAUKNING-2 (á við um miðju að framan/aftan + axlir): Prjónið að lykkju með prjónamerki í, sláið 1 sinni uppá prjóninn, prjónið 1 lykkju slétt (prjónamerki situr í þessari lykkju), sláið 1 sinni uppá prjóninn. Prjónið síðan nýjar lykkjur í sléttprjóni (= gat). Það er aukið út um 8 lykkjur alls í hverri útauknings umferð. ÚRTAKA-1 (á við um hliðar á fram- og bakstykki og ermar): Prjónið þar til 2 lykkjur eru eftir á undan lykkju með prjónamerki í, prjónið 2 lykkjur slétt saman, prjónið 1 lykkju slétt (prjónamerki situr í þessari lykkju), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð. AFFELLING: Til að koma í veg fyrir að affelingarkanturinn verði stífur er hægt að fella af með ½ númeri grófari prjónum. MYNSTUR: Sjá mynsturteikningu A.1 og A.2. Útskýring með táknum sýnir hvernig stykkin eru prjónuð þegar prjónað er fram og til baka ------------------------------------------------------- BYRJIÐ Á STYKKI HÉR: ------------------------------------------------------- PEYSA – STUTT ÚTSKÝRING Á STYKKI: Kantur í hálsmáli og berustykki er prjónað í hring á hringprjón, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað í hring ofan frá og niður. Síðan skiptist stykkið mitt að framan/mitt að aftan og það er prjónað fram og til baka í 2 hlutum (= hliðar). Stroffið er prjónað í hring í lokin. Ermar eru prjónaðar í hring á stuttan hringprjón/sokkaprjóna, ofan frá og niður. Síðan skiptist stykkið fyrir miðju/mitt undir og prjónað er fram og til baka í eitt stykki (= neðan á ermi). Stroffið er prjónað í hring í lokin. KANTUR Í HÁLSMÁLI: Fitjið upp 58-60-62-64-68-72 lykkjur á hringprjón 6 með 2 þráðum í litnum svartur. Prjónið 1 umferð slétt. Prjónið síðan stroff (= 1 lykkja slétt, 1 lykkja brugðið) í 3 cm. Skiptið yfir á hringprjón 7. Prjónið 1 umferð slétt þar sem aukið er út um 10-8-14-12-16-12 lykkjur jafnt yfir – sjá ÚTAUKNING-1= 68-68-76-76-84-84 lykkjur. HÉÐAN ER NÚ MÆLT! BERUSTYKKI: Prjónið næstu umferð jafnframt og sett eru 4 prjónamerki (látið prjónamerkin fylgja með í stykkinu, þau eru notuð fyrir útaukningu), þannig: prjónið 1 lykkju slétt og setjið fyrsta prjónamerkið í þessa lykkju (= mitt á öxl), prjónið 16-16-18-18-20-20 lykkjur slétt, prjónið 1 lykkju slétt og setjið annað prjónamerki í þessa lykkju (= mitt að aftan), prjónið 16-16-18-18-20-20 lykkjur slétt, prjónið 1 lykkju slétt og setjið þriðja prjónamerkið í þessa lykkju (= mitt á öxl), prjónið 16-16-18-18-20-20 lykkjur slétt, prjónið 1 lykkju slétt og setjið fjórða prjónamerkið í þessa lykkju (= mitt að framan), prjónið 16-16-18-18-20-20 lykkjur sem eftir eru slétt. Síðan er prjónað sléttprjón og RENDUR – sjá útskýringu að ofan, JAFNFRAMT í fyrstu umferð er aukið út við hvert prjónamerki – sjá ÚTAUKNING-2. Haldið svona áfram með útaukningu í annarri hverri umferð þar til aukið hefur verið út alls 22-24-26-28-29-32 sinnum hvoru megin við 4 prjónamerkin. ATHUGIÐ PRJÓNFESTUNA! Eftir síðustu útaukningu eru 244-260-284-300-316-340 lykkjur í umferð (= 60-64-70-74-78-84 lykkjur á milli hverra lykkja með prjónamerki í). Stykkið mælist ca 29-32-35-37-39-43 cm, mælt í prjónstefnu frá eftir kanti í hálsmáli. Klippið frá. Næsta umferð er prjónuð þannig: Setjið fyrstu 25-25-29-31-31-31 lykkjur á þráð fyrir hálfri ermi, fitjið upp 3-3-4-4-5-5 nýjar lykkjur á prjóninn (= í hlið undir ermi), prjónið næstu 73-81-85-89-97-109 lykkjur (= bakstykki), setjið næstu 49-49-57-61-61-61 lykkjur á þráð fyrir ermi, fitjið upp 5-5-7-7-9-9 nýjar lykkjur á prjóninn (= í hlið undir ermi), prjónið næstu 73-81-85-89-97-109 lykkjur (= framstykki), setjið 24-24-28-30-30-30 lykkjur sem eftir eru á fyrsta þráðinn fyrir ermi og fitjið upp 2-2-3-3-4-4 nýjar lykkjur á prjóninn (= í hlið undir ermi). Setjið 1 prjónamerki í miðju lykkju í hvorri öxl og setjið 1 prjónamerki í miðju lykkju mitt að framan. Látið prjónamerkin sitja þar – HÉÐAN ER NÚ MÆLT! FRAM- OG BAKSTYKKI: = 156-172-184-192-212-236 lykkjur. Setjið 1 prjónamerki í fyrstu lykkju í umferð og setjið 1 prjónamerki í 3.-3.-4.-4.-5.-5. lykkju af 5-5-7-7-9-9 lykkjum sem fitjaðar voru upp í hlið undir annarri erminni, látið prjónamerkin fylgja með í stykkinu (= hliðar). Haldið áfram í sléttprjóni, rendur og útaukningu mitt að aftan og mitt að framan eins og áður, JAFNFRAMT er fækkað um 2 lykkjur við hvort eitt af 2 nýju prjónamerkjum í hliðum – sjá ÚRTAKA-1. Fækkið lykkjum svona í 4. hverri umferð til loka. Prjónið þar til stykkið mælist 13-13-13-13-11-7 cm mitt að framan, mælt frá prjónamerki í miðju lykkju frá skiptingu (eða prjónið áfram að óskuðu máli, nú eru eftir ca 5 cm með stroffi að loka máli) – stillið af að síðasta umferð sé prjónuð án úrtöku/útaukninga. Klippið frá. Setjið lykkju með prjónamerki í mitt að aftan + lykkjur fram til á undan lykkju með prjónamerki í mitt að framan á 1 þráð (= hálft bakstykki + hálft framstykki), það á að prjóna yfir þessar lykkjur aðeins síðar. Nú er hálft framstykki og hálft bakstykki á prjóni. HÁLFT FRAMSTYKKI/BAKSTYKKI: Sjá útskýringu með táknum í A.1 fyrir þennan part. Byrjið frá réttu og fellið af lykkju með prjónamerki í mitt að framan/mitt að aftan. Haldið áfram með sléttprjón, rendur og úrtöku við prjónamerki í hlið – JAFNFRAMT er fækkað um 2 lykkjur í byrjun á hverri umferð. Haldið svona áfram þar til 3 lykkjur eru eftir á prjóni, klippið frá, þræðið þráðinn í gegnum þær lykkjur sem eftir eru og festið vel. HÁLFT FRAMSTYKKI/BAKSTYKKI: Setjið lykkjur af þræði á hringprjón 7 og prjónið á sama hátt og hitt hálft framstykki/bakstykki. NEÐRI KANTUR: Byrjið í annarri hliðinni og prjónið upp ca 156-168-180-196-216-232 lykkjur meðfram öllum neðri kanti á sokkaprjóna 6 með 2 þráðum í litnum svartur (lykkjufjöldinn á að vera deilanlegur með 4) – prjónið upp innan við úrtöku, þannig að úrtakan verði ekki sýnileg. Prjónið stroff (= 2 lykkjur slétt, 2 lykkjur brugðið) í 5 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – SJÁ AFFELLING. ERMI: Setjið 49-49-57-61-61-61 lykkjur af þræði í annarri hlið á stykki á stuttan hringprjón eða sokkaprjóna 7, prjónið að auki upp 1 lykkju í hverja af 5-5-7-7-9-9 lykkjum sem fitjaðar voru upp í hlið undir ermi = 54-54-64-68-70-70 lykkjur. Setjið 1 prjónamerki í 3.-3.-4.-4.-5.-5. lykkju af 5-5-7-7-9-9 lykkjum undir ermi, látið prjónamerkið fylgja með í stykkinu. Haldið áfram í sléttprjóni, röndum og útaukningu mitt á ermi eins og áður, JAFNFRAMT er lykkjum fækkað við prjónamerki undir ermi – munið eftir ÚRTAKA-1. Fækkið lykkjum svona í annarri hverri umferð til loka. Prjónið þar til stykkið mælist ca 23-21-20-18-14-9 cm mitt á ermi, mælt frá prjónamerki í miðju lykkju frá skiptingu (eða prjónið áfram að óskuðu máli, nú er eftir ca 5 cm stroff til loka) – stillið af að síðasta umferðin sé prjónuð án útaukninga/úrtöku. Nú er prjónað fram og til baka – sjá útskýringu á táknum A.2 fyrir þennan hluta. Byrjið frá réttu og fellið af lykkju með prjónamerki í mitt á ermi. Haldið áfram með sléttprjón, rendur og úrtöku við prjónamerki mitt undir ermi – JAFNFRAMT er fækkað um 2 lykkjur í byrjun á hverri umferð. Haldið svona áfram þar til 3 lykkjur eru eftir á prjóni, klippið frá, þræðið þráðinn í gegnum þær lykkjur sem eftir eru. Prjónið hina ermina á sama hátt. KANTUR Á ERMI: Byrjið mitt undir ermi og prjónið upp ca 52-56-64-64-68-72 lykkjur meðfram öllum neðri kanti á sokkaprjóna 6 með 2 þráðum í litnum svartur (lykkjufjöldinn á að vera deilanlegur með 4) – prjónið upp innan við úrtöku, þannig að úrtakan verði ekki sýnileg. Prjónið stroff (= 2 lykkjur slétt, 2 lykkjur brugðið) í 5 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (48)
Anna wrote:
Es precioso! muy original y la combinación de colores atrevida y acertadísima! éste invierno lo luzco seguro!! Muchas gracias!
26.08.2019 - 16:25Helena wrote:
Vilken färg har ni använt? 09 röd tegelsten eller 19 Aprikos
16.08.2019 - 15:04DROPS Design answered:
Hej. Vi har använt nr 19, tegelsten. Mvh DROPS Design
19.08.2019 - 12:04Kjersti Stenstad wrote:
Denne er jo helt lik Lene Samsøe sin Rainbow genser....
12.08.2019 - 22:05Janet Tveiten wrote:
Jeg vil svært gjerne kjøpe dette mønsteret så fort som mulig.Håper drt går an
08.08.2019 - 22:58Carmen wrote:
Sehr nah am Original einer anderen Designerin dessen Anleitung schon seit Jahren online ist !!!!!! Hier sind nur die Bündchen "neu" dazugekommen !!
02.08.2019 - 08:42Janet Tveiten wrote:
Jeg likte denne veldig godt.Vil gjerne ha opskrift
30.07.2019 - 21:05Rosy wrote:
Très beau modèle, les diagonales font une belle silhouette.
29.07.2019 - 08:43Monica wrote:
Vill ha!
16.07.2019 - 23:16Marie Louise Hebert wrote:
Je ferai ce modèle de tricot sans aucun doute. Merci
15.07.2019 - 15:23Geneviève wrote:
Un beau mariage de couleurs
15.07.2019 - 09:08