Meet the Sun |
|
|
|
Prjónuð síð peysa með blöðruermum og laskalínu úr DROPS Sky. Stykkið er prjónað ofan frá og niður með V-hálsmáli, vösum og klauf í hliðum. Stærð S - XXXL.
DROPS 200-6 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚRTAKA/ÚTAUKNING (jafnt yfir): Til þess að reikna út hvernig fækka/fjölga eigi jafnt í umferð, teljið fjölda lykkja í umferð (t.d. 72 lykkjur), mínus kanta að framan (t.d. 10 lykkjur) og deilið þessum lykkjufjölda með fjölda úrtöku/útaukninga sem á að gera (t.d. 4) = 15,5. Í þessu dæmi er aukið út með því að slá 1 sinni uppá prjóninn til skiptis á eftir 15. og 16. hverja lykkju. Í næstu umferð (ranga) er uppslátturinn prjónaður snúinn brugðið svo ekki myndist gat. Ekki er aukið út yfir kanta að framan. Ef fækka á lykkjum eru prjónaðar í þessu dæmi 14. og 15. hver lykkja og 15. og 16. hver lykkja saman. LASKALÍNA: Öll útaukning er gerð frá réttu! Aukið út fyrir laskalínu í hverri skiptingu á milli fram- og bakstykkis og erma þannig: Prjónið þar til 1 lykkja er eftir á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki situr mitt á milli þessa 2 lykkja), sláið 1 sinni uppá prjóninn (= 2 lykkjur fleiri). Í næstu umferð (ranga) er uppslátturinn prjónaður snúinn brugðið svo ekki myndist gat. Prjónið nýjar lykkjur í sléttprjóni. Aukið er út um alls 8 lykkjur í hverri útaukningsumferð. V-HÁLSMÁL: Öll útaukning er gerð frá réttu! Sláið 1 sinni uppá prjóninn innan við 5 kantlykkjur að framan og 1 lykkja slétt (= 1 lykkja fleiri). Í næstu umferð (ranga) er uppslátturinn prjónaður snúinn brugðið svo ekki myndist gat. Prjónið síðan nýjar lykkjur í sléttprjóni. Aukið út um alls 2 lykkjur í hverri útaukningsumferð. HNAPPAGAT: Fellið af fyrir hnappagötum í hægri kanti að framan (þegar stykkið er mátað). Fellið af frá réttu þegar 4 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið 2 síðustu lykkjur slétt. Í næstu umferð er uppslátturinn prjónaður slétt svo það myndist gat. Fellið af fyrir fyrsta hnappagati þegar útaukning fyrir V-hálsmáli er lokið. Fellið síðan af fyrir næsta hnappagati eftir ca 9 cm í öllum stærðum. ÚTAUKNING (á við um hliðar á fram- og bakstykki): Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki situr mitt á milli þessa lykkja), sláið 1 sinni uppá prjóninn. Í næstu umferð er uppslátturinn prjónaður snúinn slétt svo ekki myndist gat. Prjónið síðan nýjar lykkjur í sléttprjóni. LEIÐBEININGAR (á við um kant að framan/kant í hálsmáli): Prjónið upp frá réttu 62-62-66-66-68-70 lykkjur meðfram öllum kanti í hálsmáli (ekki yfir kant að framan) á nýjan prjón. Þegar kantur er prjónaður að framan, prjónið 1 lykkju frá kanti að framan og 1 lykkju frá prjóni 2 slétt saman þar til helmingur af lykkjum hafa verið prjónaðar af prjóni (= miðja að aftan). Prjónið þær lykkjur sem eftir eru saman með kant að framan í gagnstæðri hlið. ------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Berustykki og fram- og bakstykki er prjónað fram og til baka á hringprjón frá miðju að framan, ofan frá og niður. Annar helmingurinn á báðum vösum er prjónað á undan berustykki svo að hægt sé að prjóna þá inn í stykkið. Vasarnir eru prjónaðir fram og til baka. Ermar eru prjónaðar í hring á stuttan hringprjón/sokkaprjóna, ofan frá og niður. Prjónið síðan kant að framan/kant í hálsmáli fram og til baka sem síðan er saumað á í lokin. VASAR (fyrri helmingur): Fitjið upp 28-28-30-30-32-32 lykkjur (meðtalin 1 kantlykkja í hvorri hlið) á sokkaprjóna/hringprjón 4 með Sky. Prjónið sléttprjón með 1 kantlykkju í GARÐAPRJÓN – sjá útskýringu að ofan, í hvorri hlið. ATHUGIÐ PRJÓNFESTUNA! Þegar stykkið mælist 12-12-13-13-14-14 cm fellið af kantlykkjur = 26-26-28-28-30-30 lykkjur. Setjið lykkjur á þráð. Prjónið annan vasa alveg eins. Leggið vasana til hliðar og prjónið berustykki. Hinn helmingurinn af báðum vösunum eru prjónaðir eftir að peysan hefur verið prjónuð til loka og þá er gengið frá þeim. BERUSTYKKI: Fitjið upp 72-74-76-76-78-80 lykkjur (meðtaldar 5 kantlykkjur að framan í hvorri hlið við miðju að framan) á hringprjón 3,5 með Sky. Prjónið 1 umferð brugðið frá röngu með 5 kantlykkjur að framan í garðaprjóni í hvorri hlið við miðju að framan. Prjónið 1 umferð slétt þar sem aukið er út um 4-4-4-4-8-8 lykkjur jafnt yfir – sjá ÚTAUKNING/ÚRTAKA = 76-78-80-80-86-88 lykkjur. Skiptið yfir á hringprjón 4 og prjónið 1 umferð brugðið frá röngu með 5 kantlykkjur að framan í garðaprjóni í hvorri hlið við miðju að framan. Setjið 4 prjónamerki í stykkið (þetta er gert án þess að prjóna lykkjurnar) þannig: Fyrsta prjónamerki er sett á eftir fyrstu 7 lykkjur (= framstykki), annað prjónamerki er sett á eftir næstu 16 lykkjur (= ermi), þriðja prjónamerki er sett á eftir næstu 30-32-34-34-40-42 lykkjur (= bakstykki) og fjórða prjónamerki er sett á eftir næstu 16 lykkjur (= ermi), nú eru 7 lykkjur eftir síðasta prjónamerki (= framstykki). Prjónið síðan sléttprjón með 5 kantlykkjum að framan í garðaprjóni í hvorri hlið við miðju að framan – JAFNFRAMT í fyrstu umferð frá réttu er aukið út fyrir LASKALÍNA í hverri skiptingu á milli fram- og bakstykkis og erma – sjá útskýringu að ofan. Haldið áfram með útaukningu fyrir laskalínu í annarri hverri umferð (þ.e.a.s. í hverri umferð frá réttu) þar til aukið hefur verið út alls 30-34-35-39-41-44 sinnum hvoru megin við 4 prjónamerkin. JAFNFRAMT í 6. umferð (þ.e.a.s. í 3. umferð frá réttu) er aukið út fyrir V-HÁLSMÁLI í hvorri hlið við miðju að framan – sjá útskýringu að ofan, þannig: Aukið út í 6. hverri umferð alls 13-14-13-15-10-9 sinnum og síðan í 4. hverri umferð alls 0-0-2-0-8-10 sinnum (= alls 13-14-15-15-18-19 lykkjur fleiri í hlið við miðju að framan). Á eftir síðustu útaukningu fyrir laskalínu mælist stykkið ca 21-24-25-28-29-31 cm frá uppfitjunarkanti. Prjónið síðan áfram án laska útaukningar þar til stykkið mælist 25-27-28-30-32-34 cm, en haldið áfram með útaukningu fyrir V-hálsmáli eins og áður. Næsta umferð er prjónuð frá réttu þannig: Prjónið að fyrsta prjónamerki, prjónið 5-4-5-6-7-8 lykkjur á eftir prjónamerki (= framstykki), setjið næstu 66-76-76-82-84-88 lykkjur á þráð fyrir ermi, fitjið upp 10-10-12-12-14-16 nýjar lykkjur á prjóninn (= í hlið undir ermi), prjónið 100-108-114-124-136-146 lykkjur (= bakstykki), setjið næstu 66-76-76-82-84-88 lykkjur á þráð fyrir ermi, fitjið upp 10-10-12-12-14-16 nýjar lykkjur í umferð (= í hlið undir ermi), prjónið fram að fjórða prjónamerki (= 5-4-5-6-7-8 lykkjur) og prjónið þær lykkjur sem eftir eru í umferð (= framstykki). Prjónið síðan fram- og bakstykkið og ermar til loka fyrir sig. HÉÐAN ER NÚ MÆLT! FRAM- OG BAKSTYKKI: Setjið 1 prjónamerki í hvora hlið, mitt í 10-10-12-12-14-16 lykkjur sem fitjaðar voru upp undir hvorri ermi. Látið prjónamerkin fylgja með í stykkinu, það á að nota þau síðar þegar aukið er út í hliðum. Haldið áfram í sléttprjóni, 5 kantlykkjur að framan í garðaprjóni í hvorri hlið og útaukning fyrir V-hálsmáli eins og áður. Þegar útaukningu fyrir V-hálsmáli er lokið, eru 230-246-262-282-310-334 lykkjur í umferð. Stykkið mælist ca 3-3-3-2-1-0 cm frá skiptingu (V-hálsmálið mælist ca 28-30-31-32-33-34 cm frá uppfitjunarkanti). Nú er fellt af fyrir fyrsta HNAPPAGAT í hægri kanti að framan, sjá útskýringu að ofan. Þegar stykkið mælist 5 cm frá skiptingu er aukið út um 1 lykkju hvoru megin við bæði prjónamerkin – sjá ÚTAUKNING = 4 lykkjur fleiri. Aukið svona út með 0-20-12-7-5-4 cm millibili alls 1-2-3-5-6-7 sinnum = 234-254-274-302-334-362 lykkjur, JAFNFRAMT þegar stykkið mælist ca 16-16-17-17-17-17 cm frá skiptingu er næsta umferð prjónuð frá réttu þannig: Prjónið fyrstu 17-17-19-19-21-21 lykkjur, setjið næstu 26-26-28-28-30-30 lykkjur á þráð (hinn helmingurinn af vasa er prjónaður aðeins síðar), prjónið 26-26-28-28-30-30 lykkjur af þræði í hinum vasanum (passið uppá að prjónað sé áfram frá réttu á vasa), prjónið þar til 43-43-47-47-51-51 lykkjur eru eftir í umferð, setjið næstu 26-26-28-28-30-30 lykkjur á þráð (hinn helmingurinn af vasanum er prjónaður aðeins síðar), prjónið 26-26-28-28-30-30 lykkjur af þræði í hinum vasanum (passið uppá að prjónað sé áfram frá réttu á vasa) og prjónið síðustu 17-17-19-19-21-21 lykkjur í umferð. Prjónið síðan í sléttprjóni með 5 kantlykkjur að framan í garðaprjóni í hvorri hlið á stykki þar til stykkið mælist 32-32-33-33-33-33 cm frá skiptingu. Nú skiptist stykkið við prjónamerki í hlið. BAKSTYKKI: = 112-122-132-146-162-176 lykkjur. Prjónið sléttprjón með 4 kantlykkjur í garðaprjóni í hvorri hlið þar til stykkið mælist 45-45-46-46-46-46 cm frá skiptingu. Skiptið yfir á hringprjón 3,5 og prjónið 6 umferðir garðaprjón. Fellið laust af, en til að koma í veg fyrir að affellingarkanturinn verði stífur er hægt að fella af með hringprjón 4. Peysan mælist ca 76-78-80-82-84-86 cm frá öxl. HÆGRA FRAMSTYKKI: = 61-66-71-78-86-93 lykkjur. Prjónið sléttprjón með 5 kantlykkjur að framan í garðaprjóni við miðju að framan og 4 kantlykkjur í garðaprjóni að hlið. Prjónið þar til stykkið mælist 45-45-46-46-46-46 cm frá skiptingu. Skiptið yfir á hringprjón 3,5 og prjónið 6 umferðir garðaprjón. Fellið laust af, en til að koma í veg fyrir að affellingarkanturinn verði stífur er hægt að fella af með hringprjón 4. Peysan mælist ca 76-78-80-82-84-86 cm frá öxl. VINSTRA FRAMSTYKKI: Prjónið á sama hátt og hægra framstykki. ERMI: Setjið 66-76-76-82-84-88 lykkjur af þræði í annarri hlið á stykki á stuttan hringprjón/sokkaprjón 4 og prjónið að auki upp 1 lykkju í hverja og eina af 10-10-12-12-14-16 lykkjum sem fitjaðar voru upp í hlið undir ermi = 76-86-88-94-98-104 lykkjur. Setjið 1 prjónamerki mitt í 10-10-12-12-14-16 lykkjur undir ermi, prjónamerki merkir byrjun á umferð. Byrjið hér og prjónið sléttprjón hringinn. Þegar stykkið mælist 41-40-39-38-36-35 cm frá skiptingu (styttra mál í stærri stærðum vegna lengra berustykkis) prjónið 1 umferð þar sem fækkað er um 32-38-36-42-42-44 lykkjur jafnt yfir – munið eftir ÚTAUKNING/ÚRTAKA = 44-48-52-52-56-60 lykkjur. Skiptið yfir á sokkaprjón 3,5. Prjónið stroff (= 2 lykkjur slétt, 2 lykkjur brugðið) í 4 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur, er hægt að fella af með sokkaprjón 4. Prjónið hina ermina á sama hátt. KANTUR AÐ FRAMAN/KANTUR Í HÁLSMÁLI: Prjónið upp frá réttu 1 lykkju í hverja af 5 kantlykkjum að framan á hægra framstykki á prjón 3,5. Prjónið 5 kantlykkjur að framan í garðaprjóni fram og til baka. Ef óskað er eftir, er hægt að prjóna kant að framan saman við kant í hálsmáli – sjá LEIÐBEININGAR. Þegar kantur að framan mælist ca 14-14-15-15-16-16 cm fellið af. Prjónið kant að framan á vinstra framstykki alveg eins. Saumið saman 2 kanta að framan við miðju að aftan og saumið kant að framan við kant í hálsmáli á peysu. VASAR: Prjónið fram og til baka á hringprjón. Setjið 26-26-28-28-30-30 lykkjurnar af þræði í hægra framstykki á prjón 4. Í fyrstu umferð eru fitjuð upp 1 kantlykkja í hvorri hlið = 28-28-30-30-32-32 lykkjur. Prjónið sléttprjón með 1 kantlykkju í garðaprjóni í hvorri hlið þar til vasinn mælist 12-12-13-13-14-14 cm, fellið laust af. Prjónið vasa á vinstra framstykki á sama hátt. FRÁGANGUR: Saumið vasana innan við 1 kantlykkju í kringum allan vasann. Festið síðan vasana niður á innan verðu á peysu með nokkrum fínum sporum í bæði neðstu hornin (þetta á ekki að sjást frá réttu á peysu). Saumið tölur í vinstra framstykki. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (56)
Cristina wrote:
Podrían recomendarme un patrón top down escote en v pero sweater ?
09.03.2019 - 12:26DROPS Design answered:
Algo asi? DROPS 205-14
17.10.2019 - 08:00Maria wrote:
Wil zo graag dit vest breien, maar ik heb 13 stkn op 10cm. Kan ik het gewoon omrekenen of klopt de raglan dan niet meer?
05.03.2019 - 18:16DROPS Design answered:
Dag Maria,
Als je het omrekent moet je alles omrekenen, dus hoeveel steken je opzet, hoeveel steken je moet minderen, hoeveel steken je in de hoogte moet breien voor de raglan, etc. Dus voor de raglan moet je ook rekening houden met de stekenverhouding in de hoogte en dit evt. omrekenen.
07.03.2019 - 22:21Natalia wrote:
Hola hay error en los aumentos del cuerpo, a cada cuanto cm. Se aumentan? Gracias
13.02.2019 - 02:53Gemma wrote:
Me encanta. Me pongo con él en cuanto me llegue la lana, a ver si lo consigo. Gracias por el patrón traducido.
07.02.2019 - 07:48Michel wrote:
Monter 72-(72)-76-76-78-80 mailles (y compris 5 mailles de bordure devant de chaque côté)Tricoter 1 rang endroit en augmentant 4-(4)-4-4-8-8 mailles = 76-(78)-80-80-86-88 mailles. tailles M : 72 mailles +4 mailles augmentés = 76 mailles pas 78 comme indiqué peut être une erreur de frappe dans les explications ???
06.02.2019 - 19:09DROPS Design answered:
Bonjour Michel, effectivement une faute de frappe mais dans le nombre de mailles à monter: 74 au lieu de 72, la correction a été faite, merci! Bon tricot!
07.02.2019 - 11:45Margit wrote:
Liebes Drops-Team, ich glaube, einen Fehler entdeckt zu haben. Nach allen Raglanzunahmen sowie nach allen Zunahmen für den V-Ausschnitt teilt man die Maschen neu ein. Vorderteil, Ärmel (Maschen stilllegen), Rückenteil usw. Bei Größe L sind für das Rückenteil 116 Maschen angegeben, es müssten aber 114 Maschen sein. Bin ich richtig mit meiner Rechnung? Liebe Grüße
01.02.2019 - 21:41DROPS Design answered:
Liebe Margit, es hängt vielleicht von der Reihenanzahl für 10 cm Sie haben und wieviele Zunahmen an den beiden Vorderteil Sie schon gestrickt haben, wenn die Arbeit 28 cm mist. Viel Spaß beim stricken!
04.02.2019 - 09:22Natalia wrote:
Hola! Me encanta este modelo, podriais traducirlo al español porfavor?? Muchas gracias
27.01.2019 - 20:42Natalia wrote:
Porfavor podriais traducirlo en español?? Me encanta este modelo
27.01.2019 - 20:40DROPS Design answered:
Hola Natalia. Todos los patrones de la colección van a ser traducidos durante enero-febrero. Cada día publicamos nuevas traducciones.
29.01.2019 - 22:55Mariola wrote:
Rewelacyjny
23.01.2019 - 19:17Agnieszka D wrote:
Piękny!
22.01.2019 - 11:11