Winter Berries Jacket |
||||||||||||||||||||||
|
|
|||||||||||||||||||||
Prjónuð peysa fyrir börn úr DROPS Karisma. Stykkið er prjónað ofan frá og niður með hringlaga berustykki, norrænu mynstri á berustykki og A-formi. Stærð 2-12 ára.
DROPS Children 32-6 |
||||||||||||||||||||||
---------------------------------------------------------- UPPLÝSINGAR FYRIR MYNSTUR: ------------------------------------------------------- UPPHÆKKUN (aftan í hnakka): Hoppaðu yfir þennan kafla ef þú vilt ekki hafa upphækkun (þá verður hálsmál alveg eins að framan og að aftan). Setjið 1 prjónamerki í miðju lykkju í umferð (= miðja að aftan). Byrjið frá réttu með ljós grár og prjónið sléttar lykkjur þar til prjónaðar hafa verið 11-12-12-13-13-14 lykkjur framhjá lykkju með prjónamerki í, snúið, herðið á þræði og prjónið 23-25-25-27-27-29 lykkjur brugðið. Snúið, herðið á þræði og prjónið 34-37-37-40-40-43 lykkjur slétt, snúið, herðið á þræði og prjónið 45-49-49-53-53-57 lykkjur brugðið. Snúið, herðið á þræði og prjónið 56-61-61-66-66-71 lykkjur slétt, snúið, herðið á þræði og prjónið brugðnar lykkjur út umferðina (kantur að framan er prjónaður slétt). Prjónið síðan BERUSTYKKI eins og útskýrt er í uppskrift. MYNSTUR: Sjá mynsturteikningu A.1 og A.2. Veldu mynsturteikningu fyrir þína stærð (á við um A.1). Allt mynstrið er prjónað í sléttprjóni. LEIÐBEININGAR-1 (á við um kant að framan): Í þeirri umferð þar sem annað hvort eru rendur eða mynsturbekkur er einnig prjónað með lit í röndum eða grunnlit í mynsturbekk yfir 5 kantlykkjur að framan í hvorri hlið. LEIÐBEININGAR-2 (á við um norrænt mynstur): Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðunum á bakhlið á stykkinu. Skiptið e.t.v. yfir á grófari prjóna þegar mynstrið er prjónað. ÚTAUKNING-1 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 92 lykkjur), mínus kanta að framan (t.d. 10 lykkjur) og deilið þeim lykkjum sem eftir eru með fjölda útaukninga sem á að gera (t.d. 3) = 27,3. Í þessu dæmi er aukið út með því að slá 1 sinni uppá prjóninn á eftir ca 27. hverja lykkju. Í næstu umferð er uppslátturinn prjónaður snúinn svo að ekki myndist gat. Ekki er aukið yfir kanta að framan. ÚTAUKNING-2 (á við um hliðar á fram- og bakstykki): Öll útaukning er gerð frá réttu. Byrjið 2 lykkjum á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt í þessum lykkjum), sláið 1 sinni uppá prjóninn (= 2 lykkjur fleiri). Í næstu umferð eru uppslættirnir prjónaðir snúnir brugðnir svo að ekki myndast göt. ÚRTAKA-1 (á við um miðju undir ermi): Byrjið 3 lykkjum á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). HNAPPAGAT: Fellið af fyrir hnappagötum á hægri kant að framan (þegar flíkin er mátuð). 1 hnappagat = prjónið frá réttu eins og áður þar til 3 lykkjur eru á prjóni, sláið 1 sinni uppá prjóninn, prjónið 2 lykkju slétt saman og endið með 1 lykkju slétt. Í næstu umferð (ranga) er uppslátturinn prjónaður slétt svo að það myndist gat. Fellið af fyrir fyrsta hnappagatinu þegar kantur í hálsi mælist ca 1½ cm. Fellið síðan af fyrir 4-5-5-6-6-7 næstu hnappagötum með ca 8-7½-8-7½-8-7½ cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsi, berustykki og fram- og bakstykki er prjónað fram og til baka á hringprjón frá miðju framan, ofan frá og niður. Ermar eru prjónaðar í hring á sokkaprjóna, ofan frá og niður. KANTUR Í HÁLSI: Fitjið upp 92-96-96-100-100-104 lykkjur (meðtaldar 5 kantlykkjur í hvorri hlið við miðju að framan) á hringprjón 3 með ljós grár. Prjónið 1 umferð brugðið (= ranga). Í næstu umferð er prjónað frá réttu: 5 kantlykkjur að framan í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir á prjóni, prjónið 2 lykkjur slétt og endið með 5 kantlykkjur að framan í garðaprjóni. Haldið síðan áfram með stroff þannig – munið eftir HNAPPAGAT í hægri kanti að framan – sjá útskýringu að ofan. Þegar stroffið mælist ca 2-2-2-3-3-3 cm er prjónuð 1 umferð brugðið frá röngu þar sem aukið er út um 3-5-5-7-7-9 lykkjur jafnt yfir – sjá ÚTAUKNING-1 = 95-101-101-107-107-113 lykkjur. Skiptið yfir á hringprjón 4. Nú er hægt að prjóna upphækkun aftan í hnakka þannig að berustykkið verði aðeins hærra á bakstykki. Hægt er að sleppa þessari upphækkun, þá verður hálsmálið alveg eins að framan og að aftan – prjónaðu UPPHÆKKUN – sjá útskýringu að ofan, eða farðu beint áfram í BERUSTYKKI. BERUSTYKKI: Lesið LEIÐBEININGAR-1 og LEIÐBEININGAR-2! Fyrsta umferð er prjónuð frá réttu þannig: 5 kantlykkjur að framan í garðaprjóni, prjónið A.1A þar til eftir eru 6 lykkjur á prjóni (= 28-30-30-32-32-34 mynstureiningar með 3 lykkjum), prjónið A.1B (= 1 lykkja) og endið með 5 kantlykkjum að framan í garðaprjóni. Haldið svona áfram með mynstur. JAFNFRAMT í hverri umferð merktri með ör í A.1A er aukið út jafnt yfir eins og útskýrt er að neðan (allar útaukningar eru gerðar frá réttu). ATHUGIÐ PRJÓNFESTUNA og ÚTAUKNING-1. Ör-1: Aukið út um 16-14-14-12-12-10 lykkjur jafnt yfir = 111-115-115-119-119-123 lykkjur (passið uppá að aukið sé út með natur í þessari umferð). Ör-2: Aukið út um 14-16-16-18-18-20 lykkjur jafnt yfir = 125-131-131-137-137-143 lykkjur (nú er pláss fyrir 19-20-20-21-21-22 mynstureiningar með A.1A með 6 lykkjum). Ör-3: Aukið út um 22-24-26-28-34-36 lykkjur jafnt yfir = 147-155-157-165-171-179 lykkjur. Ör-4: Aukið út um 20-24-26-26-28-28 lykkjur jafnt yfir = 167-179-183-191-199-207 lykkjur (nú er pláss fyrir 39-42-43-45-47-49 mynstureiningar með A.1A með 4 lykkjum). Ör-5: Aukið út um 20-22-24-24-28-28 lykkjur jafnt yfir = 187-201-207-215-227-235 lykkjur. Ör-6: Aukið út um 16-18-20-20-24-24 lykkjur jafnt yfir = 203-219-227-235-251-259 lykkjur (nú er pláss fyrir 48-52-54-56-60-62 mynstureiningar með A.1A með 4 lykkjum). Ör-7: Aukið út um 10-10-10-12-18-22 lykkjur jafnt yfir = 213-229-237-247-269-281 lykkjur. Ör-8: Aukið út um 8-4-8-10-0-0 lykkjur jafnt yfir = 221-233-245-257-269-281 lykkjur. Þegar A.1 hefur verið prjónað til loka er næsta umferð prjónuð frá röngu þannig: 5 kantlykkjur að framan í garðaprjóni, A.2B (= 7 lykkjur), prjónið A.2A þar til 5 lykkjur eru eftir á prjóni (= 17-18-19-20-21-22 mynstureiningar með 12 lykkjum – ATH: Þegar prjónað er frá röngu er mynstureining lesin frá vinstri til hægri), endið með 5 kantlykjum að framan í garðaprjóni. Haldið svona áfram með mynstur. Þegar A.2 hefur verið prjónað til loka mælist stykkið ca 16-16-16-17-20-20 cm frá uppfitjunarkanti við miðju að framan. Prjónið 0-0-1-2-0-0 cm sléttprjón með ljós grár og 5 kantlykkjur að framan í garðaprjóni í hvorri hlið við miðju að framan. Stykkið mælist nú ca 16-16-17-19-20-20 cm. Næsta umferð er prjónuð frá réttu með ljós grár: Prjónið 36-38-40-42-44-46 lykkjur slétt (= framstykki), setjið næstu 43-45-47-49-51-53 lykkjur á þráð fyrir ermi, fitjið upp 6-6-6-8-8-8 nýjar lykkjur á prjóni (= í hlið undir ermi), prjónið 63-67-71-75-79-83 lykkjur slétt (= bakstykki), setjið næstu 43-45-47-49-51-53 lykkjur á þráð fyrir ermi, fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið 36-38-40-42-44-46 lykkjur slétt (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 147-155-163-175-183-191 lykkjur. Setjið 1 prjónamerki 39-41-43-46-48-50 lykkjur inn frá hvorri hlið (= 69-73-77-83-87-91 lykkjur á milli prjónamerkja á bakstykki). Látið prjónamerkin fylgja með í stykkinu, þau eru notuð aðeins síðar þegar auka á lykkjum í hliðum. Prjónið sléttprjón fram og til baka með ljós grár og 5 kantlykkjur að framan í garðaprjóni í hvorri hlið (fyrsta umferð er prjónuð brugðið frá röngu með 5 kantlykkjum að framan í garðaprjóni í hvorri hlið). Þegar stykkið mælist 4 cm frá skiptingu er aukið út um 1 lykkju hvoru megin við bæði prjónamerkin – sjá ÚTAUKNING-2 (= 4 lykkjur fleiri). Aukið svona út með 2½-3-3½-3½-4-4½ cm millibili alls 5-5-5-6-6-6 sinnum í hvorri hlið = 167-175-183-199-207-215 lykkjur. Prjónið síðan áfram þar til stykkið mælist 16-20-23-25-28-32 cm frá skiptingu, eða að óskaðri lengd. Prjónið 1 umferð slétt frá réttu þar sem aukið er út um 37-41-45-49-53-53 lykkjur jafnt yfir = 204-216-228-248-260-268 lykkjur. Skiptið yfir á hringprjón 3 og prjónið næstu umferð frá röngu þannig: 5 kantlykkjur að framan í garðaprjóni, * 2 lykkjur brugðið, 2 lykkjur slétt *, prjónið frá *-* þar til 7 lykkjur eru eftir á prjóni, prjónið 2 lykkjur brugðið og endið með 5 kantlykkjum að framan í garðaprjóni. Haldið áfram með stroff í 4 cm. Fellið síðan af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur, passið uppá að affellingarkanturinn verði ekki stífur. Peysan mælist ca 38-42-46-50-54-58 cm frá öxl og niður. ERMI: Setjið 43-45-47-49-51-53 lykkjur af þræði í annarri hlið á stykki á sokkaprjón 4, prjónið að auki upp 1 lykkju í hverja og eina af 6-6-6-8-8-8 lykkjur sem fitjaðar voru upp undir ermi = 49-51-53-57-59-61 lykkjur. Setjið 1 prjónamerki mitt í 6-6-6-8-8-8 lykkjur undir ermi og látið prjónamerki fylgja með í stykkinu. Prjónamerkið á að nota aðeins síðar þegar fækka á lykkjum mitt undir ermi. Byrjið umferð við prjónamerki og prjónið sléttprjón hringinn með ljós grár. Þegar stykkið mælist 2-2-2-2-3-3 cm frá skiptingu er fækkað um 2 lykkjur mitt undir ermi – sjá ÚRTAKA. Fækkið lykkjum svona með 2½-3-3½-3½-4-4 cm millibili alls 7-7-7-8-8-9 sinnum = 35-37-39-41-43-43 lykkjur. Þegar ermin mælist 18-22-26-30-34-38 cm frá skiptingu er prjónuð 1 umferð þar slétt sem aukið er út um 1-3-1-3-1-5 lykkjur jafnt yfir = 36-40-40-44-44-48 lykkjur. Skiptið yfir á sokkaprjón 3. Prjónið stroff hringinn (= 2 lykkjur slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en passið uppá að affellingarkanturinn verði ekki stífur. Ermin mælist ca 22-26-30-34-38-42 cm frá skiptingu. Prjónið hina ermina alveg eins. FRÁGANGUR: Saumið tölur í vinstri kant að framan. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (3)
Silke Schulenburg wrote:
Hallo liebes Team, gibt es diee Anleitung auch als PDF? Ihre Anleitungen sind so klasse! Danke im Voraus für eine Antwort. Lieben Gruß Silke Schulenburg
25.05.2021 - 13:36DROPS Design answered:
Liebe Frau Schulenburg, herzlichen Dank für Ihren Komentar! Unsere Anleitungen können nur ausgedruckt werden, aber wenn Sie einen virtualen Drucker wählen, dann können Sie als .PDF speichern. Viel Spaß beim stricken!
25.05.2021 - 14:15Enrica wrote:
Buona sera non riesco a capire questo passaggio "Dopo aver lavorato il diagramma A.1 1 volta in verticale, lavorare il ferro successivo come segue, sul rovescio del lavoro: 5 maglie per il bordo davanti a punto legaccio, diagramma A.2B (= 7 maglie), ripetere il diagramma A.2A finché non rimangono 5 maglie (= 17-18-19-20-21-22 ripetizioni di 12 maglie – diagramma A.2B non c'è nella spiegazione grazie 1000 x la vostra attenzione e complimenti bellissimi modelli
01.04.2019 - 17:56DROPS Design answered:
Buongiorno Enrica. Trova il diagramma A.2B in fondo alle spiegazioni, a fianco dello schema con le misure, sotto il diagramma A.2A. Buon lavoro!
01.04.2019 - 18:41Desplanche wrote:
Comment traduire ce modèle pour une machine à tricoter? Merci
12.01.2019 - 11:11DROPS Design answered:
Bonjour Mme Desplanche, toutes les machines à tricoter étant différentes, il vous faudra vous référer au fonctionnement de la vôtre, pour toute assistance complémentaire, merci de contacter le magasin où vous avez acheté votre laine et/ou un forum de tricot machine. Bon tricot!
14.01.2019 - 09:56