Conversation Starter |
|||||||||||||||||||
|
|
||||||||||||||||||
Prjónuð peysa úr DROPS Nepal og DROPS Kid-Silk. Stykkið er prjónað neðan frá og upp í sléttprjóni, gatamynstri og tvöföldum kanti að framan. Stærð S - XXXL.
DROPS 237-4 |
|||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Þegar lykkjufjöldinn er gefinn upp í uppskrift, er A.1 alltaf talið sem 6 lykkjur. HNAPPAGÖT: Hnappagöt eru gerð í hægri kanti að framan þannig: Prjónið yfir fyrstu 6 lykkjur eins og áður, snúið og prjónið til baka yfir 6 lykkjur eins og áður, prjónið alls 3 umferðir yfir 6 lykkjurnar (síðasta umferð er prjónuð frá réttu). Klippið þráðinn. Prjónið alls 4 umferðir eins og áður yfir þær 6 kantlykkjur að framan sem eftir eru (fyrsta umferð er prjónuð frá réttu) og prjónið síðustu lykkju frá réttu saman með næstu lykkju meðfram kanti á peysu eins og áður. Í síðustu umferð frá röngu er prjónað yfir allar kantlykkjur að framan og haldið er áfram eins og áður yfir allar kantlykkjur að framan. Prjónið hnappagöt þegar kantur að framan mælist: S: 6, 16, 26 og 36 cm. M: 8, 18, 28 og 38 cm. L: 8, 18, 28 og 38 cm. XL: 4, 13, 22, 31 og 40 cm. XXL: 4, 13, 22, 31 og 40 cm. XXXL: 6, 15, 24, 33 og 41 cm. ÚTAUKNING (á við um ermar): Öll útaukning er gerð frá réttu! Prjónið 1 kantlykkju í garðaprjóni, 1 lykkja slétt, sláið 1 sinni uppá prjóninn (= 1 lykkja fleiri), prjónið sléttar lykkjur þar til 2 lykkjur eru eftir, sláið 1 sinni uppá prjóninn (= 1 lykkja fleiri), 1 lykkja slétt og 1 kantlykkja í garðaprjóni. Í næstu umferð er uppslátturinn prjónaður snúinn brugðið. Prjónið síðan nýjar lykkjur í sléttprjóni. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka í stykkjum neðan frá og upp og saumað saman í lokin. Prjónaður er upp kantur að framan meðfram hvoru framstykki: BAKSTYKKI: Fitjið upp 84-92-96-104-112-120 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið stroff með byrjun frá réttu þannig: 3 kantlykkjur að framan í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 5 lykkjur eru eftir, prjónið 2 lykkjur slétt og 3 kantlykkjur í garðaprjóni. Þegar stroffið mælist 5 cm, skiptið yfir á hringprjón 7. Prjónið 1 umferð slétt frá réttu og fækkið um 14-16-16-18-18-18 lykkjur jafnt yfir = 70-76-80-86-94-102 lykkjur. Prjónið sléttprjón með 3 kantlykkjum í garðaprjóni í hvorri hlið. Þegar stykkið mælist 17 cm, prjónið sléttprjón með 1 kantlykkju í garðaprjóni í hvorri hlið. Þegar stykkið mælist 43-44-45-46-47-48 cm, fellið af 1-3-4-5-7-9 lykkjur fyrir handveg í byrjun á 2 næstu umferðum = 68-70-72-76-80-84 lykkjur. Haldið áfram í sléttprjóni og 1 kantlykkju í hvorri hlið. ATHUGIÐ PRJÓNFESTUNA! Þegar stykkið mælist 58-60-62-64-66-68 cm, fellið af miðju 12-12-14-14-16-16 lykkjur fyrir hálsmáli og hvor öxl er prjónuð til loka hvor fyrir sig (= 28-29-29-31-32-34 lykkjur eftir á hvorri öxl). Í næstu umferð frá hálsmáli, fellið af 1 lykkju fyrir hálsmáli = 27-28-28-30-31-33 lykkjur. Fellið af þegar stykkið mælist 62-64-66-68-70-72 cm. Prjónið hina öxlina á sama hátt. HÆGRA FRAMSTYKKI: Fitjið upp 40-44-48-52-56-60 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá röngu. Prjónið stroff með byrjun frá réttu þannig: 1 kantlykkja í garðaprjóni, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir og 3 kantlykkjur í garðaprjóni. Þegar stroffið mælist 5 cm, skiptið yfir á hringprjón 7. Næsta umferð er prjónuð frá réttu þannig: 1 kantlykkja í garðaprjóni, A.1, prjónið sléttprjón þar til 3 lykkjur eru eftir og fækkið um 4-5-7-8-8-8 lykkjur jafnt yfir og 3 kantlykkjur í garðaprjóni = 36-39-41-44-48-52 lykkjur. Endurtakið A.1 á hæðina. Þegar stykkið mælist 17 cm, prjónið sléttprjón og A.1 eins og áður og 1 kantlykkju í garðaprjóni í hvorri hlið. Þegar stykkið mælist 37-39-39-41-41-42 cm, byrjar úrtaka fyrir hálsmáli í næstu umferð frá réttu þannig: 1 kantlykkja í garðaprjóni, A.1 eins og áður, 1 lykkja slétt, lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð, prjónið sléttar lykkjur þar til 1 lykkja er eftir og 1 kantlykkja í garðaprjóni. Fækkið lykkjum svona í 6. hverri umferð alls 4 sinnum, síðan í 4. hverri umferð alls 4-4-5-5-6-6 sinnum. JAFNFRAMT þegar stykkið mælist 43-44-45-46-47-48 cm, fellið af fyrstu 1-3-4-5-7-9 lykkjur fyrir handveg í næstu umferð frá röngu. Þegar úrtaka fyrir hálsmáli hefur verið gerð til loka eru 27-28-28-30-31-33 lykkjur eftir á prjóni. Fellið af þegar stykkið mælist 62-64-66-68-70-72 cm. VINSTRA FRAMSTYKKI: Fitjið upp 40-44-48-52-56-60 lykkjur á hringprjón 6 með 1 þræði í hvorri tegund (= 2 þræðir). Prjónið 1 umferð brugðið frá réttu. Prjónið stroff með byrjun frá réttu þannig: 3 kantlykkjur í garðaprjóni, * 2 lykkjur slétt, 2 lykkjur brugðið *, prjónið frá *-* þar til 1 lykkja er eftir og 1 kantlykkja í garðaprjóni. Þegar stroffið mælist 5 cm, skiptið yfir á hringprjón 7. Næsta umferð er prjónuð frá réttu þannig: 3 kantlykkjur í garðaprjóni, prjónið sléttprjón þar til 7 lykkjur eru eftir og fækkið um 4-5-7-8-8-8 lykkjur jafnt yfir, prjónið A.1 og 1 kantlykkju í garðaprjóni = 36-39-41-44-48-52 lykkjur. Endurtakið A.1 á hæðina. Þegar stykkið mælist 17 cm, prjónið sléttprjón og A.1 eins og áður og 1 kantlykkju í garðaprjóni í hvorri hlið. Þegar stykkið mælist 37-39-39-41-41-42 cm, byrjar úrtaka fyrir hálsmáli í næstu umferð frá réttu þannig: Þegar stykkið mælist 37-39-39-41-41-42 cm, byrjar úrtaka fyrir hálsmáli í næstu umferð frá réttu þannig: 1 kantlykkja í garðaprjóni, prjónið sléttprjón þar til 3 lykkjur eru eftir á undan A.1, prjónið 2 lykkjur slétt saman, 1 lykkja slétt, A.1 eins og áður og 1 kantlykkja í garðaprjóni. Fækkið lykkjum svona í 6. hverri umferð alls 4 sinnum, síðan í 4. hverri umferð alls 4-4-5-5-6-6 sinnum. JAFNFRAMT þegar stykkið mælist 43-44-45-46-47-48 cm, fellið af fyrstu 1-3-4-5-7-9 lykkjur fyrir handveg í næstu umferð frá réttu. Þegar úrtaka fyrir hálsmáli hefur verið gerð til loka eru 27-28-28-30-31-33 lykkjur eftir á prjóni. Fellið af þegar stykkið mælist 62-64-66-68-70-72 cm. ERMI: Fitjið upp 50-50-54-54-58-58 lykkjur á hringprjón 6 með 1 þræði í hvorri tegund (2 þræðir). Prjónið 1 umferð brugðið frá röngu. Prjónið síðan frá réttu þannig: Prjónið 1 kantlykkju í garðaprjóni, * 2 lykkjur slétt, 2 lykkjur brugðið *, prjónið frá *-* þar til 1 lykkja er eftir, 1 kantlykkja í garðaprjóni. Þegar stroffið mælist 10 cm, skiptið yfir á hringprjón 7. Prjónið sléttprjón með 1 kantlykkju í garðaprjóni í hvorri hlið. Í næstu umferð frá réttu er fækkað um 7-7-9-9-11-11 lykkjur jafnt yfir = 43-43-45-45-47-47 lykkjur. Þegar stykkið mælist 14 cm, aukið út um 1 lykkju í hvorri hlið – sjá ÚTAUKNING! Aukið svona út með 6-4-4-3½-2½-2 cm millibili alls 6-8-8-9-10-11 sinnum = 55-59-61-63-67-69 lykkjur. STÆRÐ S: Prjónið áfram þar til stykkið mælist 48 cm. Fellið af. Prjónið hina ermina á sama hátt. STÆRÐ M-L-XL-XXL-XXXL: Prjónið áfram þar til ermin mælist 46-45-44-42-40 cm. Setjið 1 prjónamerki í hvora hlið á ermi – prjónamerkið merkir hvar botninn á handvegi byrjar. Prjónið þar til ermin mælist 48-48-48-47-46 cm (þ.e.a.s.ca 2-3-4-5-6 cm frá prjónamerki). Fellið af. Prjónið hina ermina á sama hátt. FRÁGANGUR: Saumið axlasauma innan við affellingarkantinn. Saumið ermar í. Í stærð M-L-XL-XXL-XXXL: Saumið botninn á handvegi – prjónamerki sem var sett í ermar eiga að passa við hliðar á fram- og bakstykki. Saumið ermi- og hliðarsauma í eitt innan við 1 kantlykkju niður þar til eftir eru ca 16 cm (= klauf). HÆGRI KANTUR AÐ FRAMAN: Kantur að framan er prjónaður neðan frá og upp að hálsmáli. Prjónið upp lykkjur meðfram hægra framstykki, hoppið 1½ - 2 metra inn á þráðinn og notið þráðar endann til að prjóna upp lykkjur (með þessu er hægt að prjóna áfram með dokkuna án þess að klippa þráðinn í lokin) þannig: Byrjið að prjóna upp neðst á framstykki og prjónið upp 1 lykkju í hverja prjónaða umferð meðfram öllu framstykkinu innan við 1 kantlykkju, notið hringprjón 6 og 1 þráð í hvorri tegund. Haldið nú áfram með stykkið í þeim enda á prjóni þar sem dokkan er = neðst á framstykki. Fitjið upp 12 lykkjur fyrir kant að framan í viðbót við þær lykkjur sem prjónaðar voru upp neðst á framstykki (uppfitjun á lykkjum er gerð frá röngu). Prjónið nú kant að framan yfir 12 lykkjurnar jafnframt því sem kantur að framan er prjónaður saman með lykkjum sem prjónaðar voru upp meðfram framstykki þannig: UMFERÐ 1 (rétta): Lyftið yfir fyrstu lykkju á hægri prjón eins og prjóna eigi brugðið með þráðinn framan við stykkið, * prjónið 1 lykkju slétt, lyftið yrir 1 lykkju á hægri prjón eins og prjóna eigi brugðið með þráðinn framan við stykkið *, prjónið frá *-* þar til 1 lykkja er eftir af 12 kantlykkjum að framan, lyftið yfir síðustu lykkju á hægri prjón eins og prjóna eigi slétt, með þráðinn aftan við stykkið, prjónið næstu lykkju slétt, steypið lyftu lykkjunni yfir lykkjuna sem var prjónuð slétt, snúið. UMFERÐ 2 (ranga): * Lyftið yfir fyrstu/næstu lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* yfir allar 12 kantlykkjur að framan, snúið. Endurtakið umferð 1 og 2. Prjónið HNAPPAGAT – sjá útskýringu að ofan. Þegar allar lykkjur af framstykki hafa verið prjónaðar saman með kant að framan, prjónið kant í hálsmáli að aftan. KANTUR Í HÁLSMÁLI AÐ AFTAN: Prjónið nú 12 kantlykkjur að framan þannig: UMFERÐ 1: * Lyftið yfir fyrstu/næstu lykkju á hægri prjón eins og prjóna eigi brugðið, með þráðinn framan við stykkið, prjónið 1 lykkju slétt *, prjónið frá *-* yfir 12 lykkjur. Endurtakið umferð 1 bæði frá réttu og röngu í 7½-7½-8-8-9-9 cm. Í síðustu umferð frá réttu eru allar lykkjur prjónaðar 2 og 2 slétt saman og síðan er fellt af. VINSTRI KANTUR AÐ FRAMAN: Kantur að framan er prjónaður neðan frá og upp. Byrjað er að prjóna upp lykkjur efst við öxl á framstykki, prjónið upp 1 lykkju í hverja prjónaða umferð meðfram öllu framstykkinu innan við 1 kantlykkju, notið hringprjón 6 og 1 þráð í hvorri tegund. Eftir að lykkjur hafa verið prjónaðar upp eru fitjaðar upp 12 lykkjur fyrir kant að framan (= neðst á framstykki). Nú er kantur að framan prjónaður yfir 12 lykkjur jafnframt því sem kantur að framan er prjónaður saman með lykkjur sem prjónaðar voru upp meðfram framstykki þannig: UMFERÐ 1 (ranga): Prjónið 1 lykkju slétt, * lyftið yfir 1 lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir 12 kantlykkjum að framan, lyftið yfir 2 næstu lykkjur á hægri prjón eins og prjóna eigi brugðið saman með þráðinn framan við stykkið, snúið. UMFERÐ 2 (rétta): Prjónið 2 lykkjur slétt saman, * lyftið yfir 1 lykkju á hægri prjón eins og prjóna eigi brugðið með þráðinn framan við stykkið, prjónið 1 lykkju slétt *, prjónið frá *-* þar til 1 lykkja er eftir, lyftið yfir síðustu lykkju á hægri prjón eins og prjóna eigi brugðið með þráðinn framan við stykkið, snúið. Endurtakið umferð 1 og 2. Þegar allar lykkjur af framstykki hafa verið prjónaðar saman með kant að framan, prjónið kant í hálsmáli að aftan. KANTUR Í HÁLSMÁLI AÐ AFTAN: Prjónið nú 12 kantlykkjur að framan þannig: UMFERÐ 1: * Prjónið 1 lykkju slétt, lyftið yfir næstu lykkju á hægri prjón eins og prjóna eigi brugðið, með þráðinn framan við stykkið *, prjónið frá *-* yfir 12 lykkjur. Endurtakið umferð 1 bæði frá réttu og röngu í 7½-7½-8-8-9-9 cm. Í síðustu umferð frá réttu eru allar lykkjur prjónaðar saman þannig: Lyftið yfir 1 lykkju á hægri prjón eins og prjóna eigi slétt, prjónið 1 lykkju slétt, steypið lyftu lykkjunni yfir. Fellið síðan af. FRÁGANGUR: Saumið kant að framan saman mitt að aftan og saumið kantinn við kant í hálsmáli á bakstykkið. Saumið tölur í vinstri kant að framan. |
|||||||||||||||||||
Skýringar á teikningu |
|||||||||||||||||||
|
|||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (33)
Bernadette Van Duijvenbode wrote:
Ik begrijp helemaal niets van hoe de voorbode gebreid wordt. Kan ik de voorbies ook meteen aan de voorpanden meebrengen door 12 steken meer op te zetten?
19.09.2022 - 22:03DROPS Design answered:
Dag Bernadette,
Ja, dat zou kunnen. Je kunt dan de bies dubbel vouwen en vast naaien aan de binnenkant. Aan de achterkant zul je dan nog wel een bies moeten maken en deze kan je bij de schoudernaden dicht maken.
21.09.2022 - 19:59Julia Edwards wrote:
I am about to start knitting this pattern using Drops Nepal & Kidsilk as you recommend. The pattern says to use one strand of each yarn; Nepal is made up of 3 strands, does this mean I use only one of the 3 strands? If so, how do I separate them to use in my knitting? Thank you!
08.09.2022 - 15:15DROPS Design answered:
Dear Mrs Edwards, in fact you should work with 1 yarn each quality, ie with DROPS Nepal and DROPS Kid-silk held together as if there were just 1 yarn. Hope it will help, Happy knitting!
08.09.2022 - 16:19Cristina Borghetti wrote:
Buongiorno, vorrei eseguire qs modello con il filato Nepal senza aggiungere silk e lavorare quindi con i ferri n5. Come posso adattarlo? Grazie
04.09.2022 - 08:37DROPS Design answered:
Buonasera Cristina, se vuole utilizzare solo il filato Nepal, il risultato sarà diverso da quello riportato in foto e anche il suo campione risulterà diverso. Per adattare la lavorazione le consigliamo di contattare il suo rivenditore DROPS di fiducia. Buon lavoro!
04.09.2022 - 22:03GERD BRODÉN wrote:
Hej! Jag har en fråga angående framkanten. "Börja upplockningen nederst på framstycke.... När jag stickar upp maskor nerifrån och upp på kanten så hamnar garnet längst upp inte nederst som det står i mönstret.
02.09.2022 - 09:33DROPS Design answered:
Hej Gerd, jo men du stickar upp med de 2 meter tråd, så du fortfarande har nystanet nederst :)
02.09.2022 - 14:45Camilla Karlsson wrote:
Det står att koftan skall stickas i rätstickning, men tittar man på bilden ser koftan slätstickad ut. Vilket skall det vara?
31.08.2022 - 19:43DROPS Design answered:
Hej Camilla. Det står att koftan stickas i slätstickning i rubriken och det stämmer. Du stickar bara en kantmaska i rätstickning. (Denna text : "RÄTSTICKNING (stickas fram och tillbaka): Alla varv stickas räta." är bara en förklaring på hur rätstickning stickas). Mvh DROPS Design
01.09.2022 - 09:57Leora Noam wrote:
Cossy Classic Cardi
08.08.2022 - 11:50Karin wrote:
Freue ich mich bereits auf die Anleitung.
07.08.2022 - 20:30Anna wrote:
Deep forest
07.08.2022 - 18:45Mariné wrote:
Día de cacería
06.08.2022 - 19:42Aga wrote:
Jodłowe otulenie
06.08.2022 - 11:27