Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
Þegar smellt er á PANTA hnappinn þá verður þér vísað á heimasíðu Handverkskúnst
Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!
= slétt lykkja frá réttu, brugðin lykkja frá röngu | |
= snúin slétt lykkja frá réttu, snúin brugðin lykkja frá röngu | |
= brugðin lykkja frá réttu, slétt lykkja frá röngu | |
= á milli 2 lykkja er slegið 1 sinni uppá prjóninn, í næstu umferð er uppslátturinn prjónaður brugðið svo það myndist gat | |
= 2 lykkjur slétt saman | |
= lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð |
|
= ermakúpan er saumið við handveg þannig: Saumið a við A og b við B |
Hvert mynstur okkar hefur sérstök kennslumyndbönd til að hjálpa þér.
Þessi skref - fyrir - skref kennslumyndbönd gætu aðstoðað þig:
Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
Hvað er garnflokkur?
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
Hvaða stærð á ég að prjóna?
Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.
Þú finnur stærðartöfluna neðst á mynstrinu.
Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
Af hverju eru ermar styttri í stærri stærðum?
Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.
Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
Hvað er endurtekning?
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
Af hverju byrjar stykkið á fleiri loftlykkjum en sem unnið er með?
Af hverju er aukið út á undan stroff kanti þegar stykkið er unnið ofan frá og niður?
Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.
Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
Af hverju hnökrar flíkin mín?
Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.
Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.
Sweetness Imprint Sweater |
||||||||||||||||||||||
|
|
|||||||||||||||||||||
Prjónuð peysa úr DROPS Air. Stykkið er prjónað neðan frá og upp, með gatamynstri og picotkanti. Stærð S - XXXL.
DROPS 231-28 |
||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. ÚRTAKA/ÚTAUKNING (jafnt yfir): Til þess að reikna út hvernig fækka/fjölga eigi lykkjum jafnt í umferð, teljið fjölda lykkja í umferð sem fækka á/fjölga eigi út lykkjum (t.d. 104 lykkjur) mínus kantlykkjur (t.d. 2 lykkjur) og deilið þeim 102 lykkjum sem eftir eru með fjölda úrtöku/útaukninga sem á að gera (t.d. 19) = 5,3. Í þessu dæmi er lykkjum fækkað jafnt yfir með því að prjóna ca 4. og 5. hverja lykkju slétt saman, lykkjum er ekki fækkað yfir kantlykkjur. Í næstu umferð er uppslátturinn prjónaður snúinn brugðið, svo ekki myndist gat. Ef auka á út, þá er það gert í þessu dæmi með því að slá 1 sinni uppá prjóninn á eftir ca 5. hverja lykkju. Í næstu umferð er uppslátturinn prjónaður snúinn brugðið svo ekki myndist gat. ÚRTAKA (á við um miðju undir ermum): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð (= 2 lykkjur færri). PICOT: Prjónið 1 lykkju slétt, * stingið inn hægri prjóni á milli 2 næstu lykkja á vinstri prjóni (þ.e.a.s. á milli lykkja á prjóni, ekki í gegnum lykkjurnar), sláið 1 sinni uppá hægri prjón, dragið uppsláttinn fram á milli lykkja og setjið uppsláttinn á vinstri prjón *, prjónið frá *-* alls 3 sinnum (= 3 nýir uppslættir á vinstri prjóni), prjónið sléttar lykkjur og fellið af 7 lykkjur (= 1. lykkja á hægri prjóni + 3 uppslættir + 3 lykkjur). Haldið nú áfram að prjóna frá *-* og fellið af 7 lykkjur alveg eins meðfram öllum affellingarkantinum. Klippið þráðinn og þræðið í gegnum síðustu lykkjuna. Festið enda. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Framstykkið og bakstykkið er prjónað fram og til baka á hringprjón í stykkjum. Ermar eru fyrst prjónaðar fram og til baka á hringprjóna, síðan er prjónað í hring á sokkaprjóna, ofan frá og niður. Frágangur á stykkinu er eins og útskýrt er í uppskrift. Að lokum er prjónaður kantur í hálsmáli í hring á hringprjóna þar sem fellt er af með picot. FRAMSTYKKI: Fitjið upp 104-112-120-126-140-154 lykkjur (meðtalin 1 kantlykkja í hvorri hlið) á hringprjóna 4 með DROPS Air. Prjónið stroff þannig: 1 kantlykkja í GARÐAPRJÓN – sjá útskýringu að ofan, A.1 þar til 1 lykkja er eftir og endið með 1 kantlykkju í garðaprjóni. Haldið svona áfram fram og til baka þar til stykkið mælist 9 cm – stillið af að næsta umferð sé prjónuð frá réttu. Prjónið 1 umferð slétt þar sem fækkað er um 19-21-23-23-27-29 lykkjur jafnt yfir – sjá ÚTAUKNING/ÚRTAKA = 85-91-97-103-113-125 lykkjur. Skiptið yfir á hringprjón 5. Prjónið 1 umferð brugðið með 1 kantlykkju í garðaprjóni í hvorir hlið. Prjónið nú mynstur þannig: 1 kantlykkja í garðaprjóni, 3-6-9-5-10-16 lykkjur sléttprjón, A.2 yfir næstu 70-70-70-84-84-84 lykkjur (= 5-5-5-6-6-6 mynstureiningar með 14 lykkjum), prjónið fyrstu 7 lykkjur í A.2, 3-6-9-5-10-16 lykkjur sléttprjón og endið með 1 kantlykkju í garðaprjóni. Haldið svona áfram með mynstur fram og til baka þar til stykkið mælist 32-33-34-35-36-37 cm. ATHUGIÐ PRJÓNFESTUNA! Í byrjun á næstu 2 umferðum eru felldar af 2-4-4-4-7-11 lykkjur fyrir handveg = 81-83-89-95-99-103 lykkjur. Haldið áfram fram og til baka með mynstur eins og áður yfir miðju 77-77-77-91-91-91 lykkjur, 1 kantlykkja í garðaprjóni í hvorri hlið og sléttprjón yfir aðrar 1-2-5-1-3-5 lykkjur í hvorri hlið. Prjónið svona þar til stykkið mælist ca 42-44-45-47-48-50 cm – stillið af að prjónaðar séu minnst 2 umferðir sléttprjón eftir heilt gatamynstur á hæðina áður en úrtaka fyrir hálsmáli byrjar. Stykkið er nú prjónað í sléttprjóni og 1 kantlykkju í garðaprjóni í hvorri hlið. Setjið miðju 15-15-17-17-17-19 lykkjur á þráð fyrir hálsmáli og hvor öxl er prjónuð til loka fyrir sig. Fellið síðan af lykkjur í hverri umferð frá hálsi þannig: Fellið af 2 lykkjur 3 sinnum og 1 lykkju 2 sinnum = 25-26-28-31-33-34 lykkjur eftir á öxl. Prjónið áfram þar til stykkið mælist alls 50-52-54-56-58-60 cm. Fellið af. Prjónið hina öxlina á sama hátt. BAKSTYKKI. Fitjið upp lykkjur og prjónið stroff og mynstur alveg eins og á framstykki. Fækkið lykkjum fyrir handvegi alveg eins og á framstykki. Prjónið þar til stykkið mælist 47-49-51-53-55-57 cm, stillið af að prjónaðar séu minnst 2 umferðir sléttprjón eftir heilt gatamynstur á hæðina áður en úrtaka fyrir hálsmáli byrjar. Stykkið er nú prjónað í sléttprjóni og 1 kantlykkju í garðaprjóni í hvorri hlið. Fellið af miðju 29-29-31-31-33-33 lykkjur fyrir hálsmáli og hvor öxl er prjónuð til loka fyrir sig. Í næstju umferð frá hálsmáli er felld af 1 lykkja = 25-26-28-31-32-34 lykkjur eftir á öxl. Prjónið áfram þar til stykkið mælist alls 50-52-54-56-58-60 cm. Fellið af. Prjónið hina öxlina á sama hátt. ERMI: Ermar eru prjónaðar ofan frá og niður. Fitjið upp 61-65-69-71-75-79 lykkjur á hringprjón 5 með DROPS Air. Prjónið sléttprjón fram og til baka í 1-2-2-2-4-6 cm. Prjónið síðan stykkið hringinn þannig: Setjið eitt prjónamerki í byrjun á umferð, þ.e.a.s. það verður lítil klauf á ermi. Látið prjónamerkið fylgja með í stykkinu. Það á að nota það síðar þegar lykkjum er fækkað undir ermi. Skiptið yfir á sokkaprjón 5. Prjónið mynstur hringinn frá miðju undir ermi þannig: Prjónið 20-22-24-25-27-29 lykkjur sléttprjón, A.2 yfir næstu 14 lykkjur, prjónið fyrstu 7 lykkjur í A.2 (þannig að mynstrið byrjar og endar alveg eins) og 20-22-24-25-27-29 lykkjur sléttprjón. Þegar ermin mælist 3-4-4-4-6-8 cm frá uppfitjunarkanti, fækkið um 1 lykkju hvoru megin við prjónamerki – sjá ÚRTAKA. Fækkið lykkjum svona með ca 5½-4-3½-3½-3-2 cm millibili alls 6-7-8-8-9-11 sinnum = 49-51-53-55-57-57 lykkjur. Prjónið áfram þar til ermin mælist alls 39-39-38-38-38-37 cm – stillið af að prjónaðar séu minnst 2 umferðir sléttprjón eftir heilt gatamynstur á hæðina. Nú eru eftir 9 cm að loka máli. Prjónið 1 umferð slétt þar sem aukið er út um 11-13-13-13-13-13 lykkjur jafnt yfir = 60-64-66-68-70-70 lykkjur. Skiptið yfir á sokkaprjóna 4. Prjónið A.1 hringinn í 9 cm. Fellið af með sléttum lykkjum yfir snúnar sléttar lykkjur og brugðnum lykkjum yfir brugðnar lykkjur – sjá AFFELLING. Ermin mælist alls 48-48-47-47-47-46 cm. Prjónið hina ermina á sama hátt. FRÁGANGUR: Saumið axlasauma – byrjið yst á öxl og saumið inn að hálsmáli. Saumið ermakúpuna við handveg og saumið klaufina efst á ermi við botninn á handvegi – sjá teikningu. Saumið hliðarsauma í eitt innan við 1 kantlykkju í garðaprjóni. KANTUR Í HÁLSMÁLI: Byrjið upp við aðra öxlina og prjónið upp 92 til 110 lykkjur innan við 1 kantlykkju á stuttan hringprjón 4 með DROPS Air. Lykkjufjöldinn á að vera deilanlegur með 4. Prjónið A.1 hringinn í 4 cm. Fellið af með PICOT – sjá útskýringu að ofan. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Með yfir 40 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 304 vörulista og 11422 mynstur - 6922 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright em> sem er neðst á öllum mynstrunum okkar.
Athugasemdir / Spurningar (16)
Märta wrote:
Hej! De 92-110 maskor som ska plockas upp för halskanten, är det inklusive eller exklusive de maskor som lagts att vila på tråd från att man har stickat framstycket? :)
07.10.2023 - 17:15DROPS Design answered:
Hei Märta De 92-110 er inkludert maskene fra tråden. mvh DROPS Design
16.10.2023 - 13:42Pernille wrote:
Hej. Jeg stillede et spørgsmål tidligere, men jeg tror ikke helt jeg forstod svaret…😅 Når der bliver færre og færre masker ved ærmerne (når jeg tager ind hver 5,5cm) Skal jeg så reducere antallet af masker der strikkes ret på hver side af mønstret? Så istedet for at strikke 20 masker i retstrik på hver side af mønsteret, skal jeg så strikke 19,18,17 osv? I takt med at jeg tager ind? Jeg håber I kan hjælpe. Mvh. Pernille
26.09.2022 - 20:09DROPS Design answered:
Hej Pernille, du fortsætter med diagrammet og når du tager ind under ærmet, så tager du kun ind i de glatstrikkede masker :)
27.09.2022 - 09:12Pernille wrote:
Hej. Jeg er kommet igang med ærmerne, men jeg er lidt i tvivl om hvordan jeg fortsætter mønsteret når jeg også er gået igang med at tage ind for hver 5,5 cm? Når jeg tager ind, er der jo ikke længere masker nok til at køre 20m ret, 14+7m mønster og 20 m. Ret… skal jeg nedsætte antallet af masker, der strikkes i ret på hver side af mønsteret? Jeg håber mit spørgsmål giver mening😊 Mvh. Pernille
25.09.2022 - 22:12DROPS Design answered:
Hei Pernille. Ja, det vil bli færre masker når du feller under ermene og hullmønster vil forsvinne. Bare påse at ikke hullmønstrene forskyver seg (slik at hullmønstrene blir rett ovenfor hverandre), men kommer i midten/ovenfor hverandre. mvh DROPS Design
26.09.2022 - 12:01Marie-Louise wrote:
Tak for svar, men jeg er stadig forvirret ☺️ Hvad gør jeg på mønsteret, dér hvor jeg normalt strikker vrang? Skal jeg gøre noget specielt fra retsiden for at få det til at se rigtigt ud? Når jeg strikker rundt, kommer jeg aldrig om på vrangsiden ☺️
04.05.2022 - 10:12DROPS Design answered:
Hele ærmet strikkes i glatstrik, det vil sige at du strikker ret på hver pind når du strikker rundt - så den pind (hver 2.pind) som du før strikkede vrang, strikker du nu ret fra retsiden :)
04.05.2022 - 10:31Marie-Louise wrote:
Jeg skal til at igang med ærmet på 231-28, og jeg forstår ikke hvordan den skal strikkes med mønsteret. Der strikkes rundt på strømpepinde, og mønsteret strikkes oppefra og ned. Strikkes der fra ret- eller vrang siden? Jeg kan simpelthen ikke lure det 🙈 håber I kan hjælpe.
03.05.2022 - 20:19DROPS Design answered:
Hej Marie-Louise, ja du strikker ret fra retsiden og følger diagrammet på nøjagtig samme måde som for & bagstykke. God fornøjelse!
04.05.2022 - 10:09Lena Manske wrote:
Hallo, ich habe eine Frage. Bin beim Vorderteil. In der Anleitung steht, dass ich die Maschen für den Halsausschnitt stilllegen soll. Muss ich sie stilllegen oder abketten? Ich finde nichts, wo sie wieder aufgenommen werden. Vielen Dank für eine Antwort.
26.04.2022 - 22:31DROPS Design answered:
Liebe Frau Manske, diese Maschen werden stillgelegt, wenn Sie dann später die Halsblende stricken, dann fassen Sie die Maschen rund den Hals - einschließlich diese stillgelegten Maschen . Viel Spaß beim stricken!
27.04.2022 - 08:20Soile Halm wrote:
Löytyykö dropsilta s-kokoisen naisen ainaoikein puseron ilmaisohje?
09.04.2022 - 12:29DROPS Design answered:
Hei, katso esim. seuraavat ohjeet: DROPS 179-19, 168-17, 155-7, 148-36 tai DROPS Extra 0-1139.
04.05.2022 - 17:20Jytte Genath wrote:
Der står at jeg skal begynde med 1 kantmaske og 6 masker glatstrikning, er det 6 pinde glatstrikning der menes ??? Derefter strikkes der mønster over de næste 70 masker ? Det passer ikke med maskeantallet strikker str. medium efter indtagning er der 91 m på pinden. Håber meget i kan hjælpe mig. Mvh Jytte
30.03.2022 - 16:27Jytte Genath wrote:
Er igang med at strikke sweater 231-28 og skal igang med hulmønstret, men kan ikke helt forstå forklaringen, håber i kan løse opgaven for mig. Jeg har strikket andre trøjer af samme type, måske der er en fejl i opskriften. Vh Jytte
28.03.2022 - 16:19DROPS Design answered:
Hej Jytte. Det ser inte ut som det är något fel. Vilken del är det du har problem med? Mvh DROPS Design
30.03.2022 - 14:56Emma wrote:
Svar til: Hei Emma. Usikker på hvilken du mener, men bruk vår søkemotor og se om den allerede ligger ute (Klikk på Gratis Opskrifter - Dame- Jakker&Cardigans, scroll ned og velg Strikket og deretter Striper under Tema). Håper du finner den der. mvh DROPS Design Jeg har kigget opskrifter igennem og kan ikke finde dem. kan du svare på, om der er forårskollektions-opskrifter, som endnu ikke er offentliggjort?
07.03.2022 - 13:26DROPS Design answered:
Hej Emma, Er det ml-082 du mener, for så kommer den i løbet af et par uger :) Forår & Sommer 2022
09.03.2022 - 10:58