Endless Possibilities |
||||||||||||||||||||||||||||||||||
|
|
|||||||||||||||||||||||||||||||||
Prjónuð peysa úr DROPS Sky og DROPS Kid-Silk. Stykkið er prjónað ofan frá og niður með hringlaga berustykki, köðlum og tvöföldum kanti í hálsmáli. Stærð S - XXXL
DROPS 216-2 |
||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Mynsturteikning sýnir allar umferðir í mynstri séð frá réttu. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 78 lykkjur) og deilið lykkjum með fjölda útaukninga sem á að gera (t.d. 6) = 13. Í þessu dæmi er aukið út með því að slá 1 sinni uppá prjóninn á eftir 13. hverja lykkju. Í næstu umferð er uppslátturinn prjónaður snúinn, svo ekki myndist gat. ÚRTAKA (á við um ermi): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. HNAPPAGAT: Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo það myndist gat. Fellið af fyrir fyrsta hnappagatinu í fyrstu umferð á berustykki. Fellið síðan af fyrir 5-5-5-6-6-6 næstu hnappagötum með ca 8-8½-9-8-8-8½ cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað fram og til baka á hringprjón frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjón, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður. TVÖFALDUR KANTUR Í HÁLSMÁLI: Fitjið upp 92-96-100-108-112-116 lykkjur (meðtalin 1 kantlykkja í garðaprjóni í hvorri hlið) á hringprjón 4 með 1 þræði Sky og 1 þræði Kid-Silk (= 2 þræðir). Prjónið 1 umferð brugðið (= ranga). Næsta umferð er prjónuð frá réttu þannig: Prjónið 1 kantlykkju GARÐAPRJÓN – sjá útskýringu að ofan, * prjónið 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir í umferð, prjónið 2 lykkjur slétt og endið með 1 kantlykkju í garðaprjóni. Haldið svona áfram með stroff í 9 cm. Þegar stroffið hefur verið prjónað til loka, prjónið næstu umferð frá réttu þannig: Prjónið 2 lykkjur slétt, 2 lykkjur slétt saman, 1 lykkja slétt, 2 lykkjur slétt saman (= 5 lykkjur fyrir kant að framan), prjónið sléttar lykkjur yfir næstu 78-82-86-94-98-102 lykkjur og aukið JAFNFRAMT út um 6-9-12-11-14-17 lykkjur jafnt yfir – sjá ÚTAUKNING, prjónið 2 lykkjur slétt saman, 1 lykkja slétt, 2 lykkjur slétt saman, 2 lykkjur slétt (= 5 lykkjur fyrir kant að framan) = 94-101-108-115-122-129 lykkjur. Skiptið yfir á hringprjón 5. Prjónið 1 umferð brugðið til baka frá röngu (þær 5 kantlykkjur að framan í hvorri hlið eru prjónaðar slétt frá röngu). Setjið 1 prjónamerki eftir kant að framan í byrjun á umferð mitt að framan, berustykkið er nú mælt frá þessu prjónamerki! BERUSTYKKI: Prjónið nú mynstur þannig: 5 kantlykkjur að framan í garðaprjóni, A.1 þar til 5 lykkjur eru eftir (= 12-13-14-15-16-17 mynstureiningar með 7 lykkjum), 5 kantlykkjur að framan í garðaprjóni – munið eftir HNAPPAGAT í hægri kanti að framan – sjá útskýringu að ofan. ATHUGIÐ PRJÓNFESTUNA! Þegar A.1 hefur verið prjónað til loka á hæðina eru 226-244-262-280-298-316 lykkjur í umferð. Prjónið síðan með sléttprjóni og 5 kantlykkjum að framan í garðaprjóni í hvorri hlið. Þegar stykkið mælist 16-17-18-18-18-18 cm, aukið út um 16-20-20-15-18-23 lykkjur jafnt yfir = 242-264-282-295-316-339 lykkjur. Útaukning í stærð S, M og L er nú lokið – haldið síðan áfram eins og útskýrt er að neðan. Í stærð XL, XXL og XXXL haldið áfram í sléttprjóni þar til stykkið mælist 22-24-26 cm. Aukið út um 15-18-23 lykkjur jafnt yfir = 310-334-362 lykkjur. Allar stærðir: Haldið áfram fram og til baka í sléttprjóni með kantlykkjur að framan eins og áður þar til stykkið mælist 19-21-22-24-26-28 cm. Nú skiptist stykkið fyrir fram- og bakstykki og ermar. Næsta umferð er prjónuð þannig: Prjónið 5 kantlykkjur að framan í garðaprjóni, sléttprjón yfir næstu 33-37-39-43-48-53 lykkjur (= hægra framstykki), setjið næstu 50-53-58-64-66-70 lykkjur á þráð fyrir ermi og fitjið upp 8-8-10-10-12-12 nýjar lykkjur á prjóninn (= í hlið undir ermi), prjónið næstu 66-74-78-86-96-106 lykkjur (= bakstykki), setjið næstu 50-53-58-64-66-70 lykkjur á þráð fyrir ermi og fitjið upp 8-8-10-10-12-12 nýjar lykkjur á prjóninn (= í hlið undir ermi), prjónið næstu 33-37-39-43-48-53 lykkjur, 5 kantlykkjur að framan í garðaprjóni (= vinstra framstykki). Prjónið síðan fram- og bakstykki og ermar hvert fyrir sig. HÉÐAN ER NÚ MÆLT! FRAM- OG BAKSTYKKI: = 158-174-186-202-226-246 lykkjur. Prjónið sléttprjón með 5 kantlykkjur að framan í garðaprjóni í hvorri hlið eins og áður. Þegar stykkið mælist 27-27-28-28-28-28 cm, aukið út um 30-34-34-42-46-50 lykkjur jafnt yfir (lykkjum er ekki fækkað yfir kantlykkjur að framan) = 188-208-220-244-272-296 lykkjur. Skiptið yfir á hringprjón 4. Prjónið stroff frá réttu þannig: 5 kantlykkjur að framan í garðaprjóni, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir í umferð, 2 lykkjur slétt, 5 kantlykkjur að framan í garðaprjóni. Þegar stroffið mælist 4 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING. Peysan mælist ca 54-56-58-60-62-64 cm frá öxl og niður. ERMI: Setjið til baka 50-53-58-64-66-70 lykkjur af þræði í annarri hliðinni á stuttan hringprjón/sokkaprjóna 5 og prjónið að auki upp 1 lykkju í hverja af nýjum 8-8-10-10-12-12 lykkjur sem fitjaðar voru upp í hlið undir ermi = 58-51-68-74-78-82 lykkjur. Setjið eitt prjónamerki mitt í nýjar lykkjur (= 4-4-5-5-6-6 nýjar lykkjur hvoru megin við prjónamerki). Prjónið sléttprjón hringinn. Þegar ermin mælist 4-4-5-5-5-3 cm frá skiptingu, fækkið um 2 lykkjur undir ermi – sjá AFFELLING. Fækkið lykkjum svona með 3½-3-2-1½-1½-1½ cm millibili alls 9-10-13-15-16-17 sinnum = 40-41-42-44-46-48 lykkjur. Þegar ermin mælist 38-37-36-34-33-31 cm (styttra mál í stærri stærðum vegna lengra berustykkis), aukið út um 8-7-10-8-10-8 lykkjur jafnt yfir = 48-48-52-52-56-56 lykkjur. Skiptið yfir á sokkaprjóna 4. Prjónið stroff (= 2 lykkjur slétt, 2 lykkjur brugðið) hringinn í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING. Ermin mælist alls 42-41-40-38-37-35 cm frá skiptingu. Prjónið hina ermin á sama hátt. FRÁGANGUR: Brjótið sroffið niður efst í hálsmáli að innanverðu á stykki. Saumið stroffið niður þannig að það verði tvöfaldur kantur í hálsmáli. Til að koma í veg fyrir að kanturinn í hálsmáli verði stífur og beygist út, er mikilvægt að saumurinn sé teygjanlegur. Saumið saman op á skammhlið í kanti í hálsi við miðju að framan með því að sauma smá spor í ystu lykkjubogana. Saumið tölur í vinstri kant að framan. |
||||||||||||||||||||||||||||||||||
Skýringar á teikningu |
||||||||||||||||||||||||||||||||||
|
||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (4)
GIOTA wrote:
Hello! I am fond of the pattern above (Endless Possibilities Knitted jacket in DROPS Sky and DROPS Kid-Silk) but i have a difficulty to find the same yarns. I would like to ask you if it is possible to use instead of these yarns a single yarn from the group yarn - Aran Worsted with a gauge of 17 stitches and 22 rows ... Thank you in advance
16.01.2022 - 23:06DROPS Design answered:
Dear GIOTA, yes, as long as the gauge in the swatch matches the one in the pattern, you can substitute these yarns with one of Aran Worsted. Happy knitting!
16.01.2022 - 23:31Marilyn wrote:
Could I use one strand of yarn Wish instead of one Sky and one Kid-Silk?
19.10.2021 - 00:11DROPS Design answered:
Dear Marylin, if you can achieve the given gauge, why not. However, the final result will be somewhat different looking. Happy Stitching!
19.10.2021 - 01:46Emma Sundin wrote:
Hej! Min svärmor har lovat att sticka denna fantastiskt fina kofta till mig. Jag bor i Stockholm och skulle gärna vilja veta var jag kan kolla på garnet? Köper jag mönster i butik också eller här via nätet. Tack! Emma
22.02.2021 - 21:40DROPS Design answered:
Hej Emma, Mønsteret skriver du ud gratis her fra siden. Garnet kan du også bestille fra mønsteret, klik på Beställ-knappen här i mönstret eller klicka på "hitta en butik". :)
23.02.2021 - 14:40Francine wrote:
Bonjour,je ne comprends pas le diagramme A.1 à la ligne 25*. Je fais quoi après et avant la bordure? après: 2 mailles endroit-3 envers..... avant: 3 envers-2 endroit? Merci
30.08.2020 - 16:33DROPS Design answered:
Bonjour Francine, au début du rang = 1er A.1 du rang, tricotez 2 mailles endroit (= les 2 premières mailles du diagramme comme avant), et, quand il reste 2 m du 1er A.1, tricotez la torsade avec les 2 m du A.1 suivant, et continuez ainsi jusqu'à la fin du rang, terminez le dernier A.1 par 2 m endroit. Bon tricot!
31.08.2020 - 09:54