DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 10472.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Hamptons Holiday Jacket

Prjónuð peysa með blöðruermum úr DROPS Sky. Stykkið er prjónað ofan frá og niður með laskalínu, V-hálsmáli og röndum. Stærð S - XXXL.

DROPS 199-10
DROPS Design: Mynstur sk-028
Garnflokkur B
-------------------------------------------------------

STÆRÐ:
S - M - L - XL - XXL - XXXL

EFNI:
DROPS SKY frá Garnstudio (tilheyrir garnflokki B)
300-300-350-350-400-400 g litur 15, ljós mynta
50-50-50-100-100-100 g litur 01, hvítur

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4.
DROPS HRINGPRJÓNAR NR 4: lengd 40 cm og 80 cm fyrir sléttprjón.
DROPS SOKKAPRJÓNAR NR 3.
DROPS HRINGPRJÓNN NR 3: lengd 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

DROPS PERLUTALA, Bogalaga (hvít) NR 521: 5-5-5-5-6-6 st.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 10472.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

LASKALÍNA:
Öll útaukning er gerð frá réttu!
Aukið út fyrir laskalínu í hverri skiptingu á milli fram- og bakstykkis og erma þannig: Prjónið þar til 1 lykkja er eftir á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki situr mitt á milli þessa 2 lykkja), sláið 1 sinni uppá prjóninn (= 2 lykkjur fleiri við prjónamerki). Í næstu umferð er uppslátturinn prjónaður brugðið svo að það myndist gat. Prjónið síðan nýjar lykkjur í sléttprjóni. Það eru auknar út alls 8 lykkjur í hverri útauknings umferð.

V-HÁLSMÁL:
Öll útaukning er gerð frá réttu!
Sláið 1 sinni uppá prjóninn innan við 1 kantlykkju í garðaprjóni (= 1 lykkja fleiri) í hvorri hlið. Í næstu umferð (ranga) er uppslátturinn prjónaður snúinn brugðið svo að ekki myndist gat. Prjónið síðan nýjar lykkjur í sléttprjóni. Auknar eru út alls 2 lykkjur í hverri útauknings umferð.

ÚTAUKNING/ÚRTAKA (jafnt yfir):
Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 198 lykkjur) og deilið með fjölda útaukninga/úrtöku sem á að gera (t.d. 38) = 5,2.
Í þessu dæmi er aukið út með því að slá 1 sinni uppá prjóninn á eftir ca 5. hverja lykkju.
Í næstu umferð er uppslátturinn prjónaður snúinn svo ekki myndist gat.
Ef fækka á lykkjum þá er prjónuð 4. og 5. hver lykkja saman.

ÚTAUKNING (á við um ermi):
Prjónið þar til 1 lykkja er eftir á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki er staðsett mitt á milli þessa lykkja), sláið 1 sinni uppá prjóninn. Í næstu umferð eru uppslættirnir prjónaðir snúnir slétt svo að ekki myndist gat. Prjónið síðan nýjar lykkjur í sléttprjóni.

RENDUR (á við um ermar):
1½ cm með hvítur.
2 cm með ljós mynta.
1½ cm með hvítur.
2 cm með ljós mynta.
7 cm með hvítur.
2 cm með ljós mynta.
1½ cm með hvítur.
Prjónið síðan með ljós mynta til loka.

HNAPPAGAT:
Fellið af fyrir hnappagötum í hægri kanti að framan (þegar flíkin er mátuð): Fellið af frá réttu (fellt er af fyrir hnappagötum á hægri kanti að framan) þannig: 1 hnappagat = prjónið 2 lykkjur brugðið saman, sláið 1 sinni uppá prjóninn. Í næstu umferð er uppslátturinn prjónaður slétt svo að það myndist gat.
Fellið af fyrir fyrsta hnappagatinu 2-2-3-4-3-4 cm frá neðri kanti á peysu. Fellið síðan af fyrir 4-4-4-4-5-5 næstu hnappagötum með ca 7-7-7-7-6-6 cm millibili.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Berustykki og fram- og bakstykki er prjónað fram og til baka á hringprjón frá miðju að framan, ofan frá og niður. Ermar eru prjónaðar í hring á stuttan hringprjón/sokkaprjóna, ofan frá og niður. Síðan er kantur að framan/í hálsi prjónaður meðfram öllum kanti við miðju að framan.

BERUSTYKKI:
Fitjið upp 64-64-70-70-76-76 lykkjur (meðtalin 1 kantlykkja í hvorri hlið við miðju að framan) á hringprjón 4 með litnum ljós mynta. Prjónið 1 umferð brugðið frá röngu.
Setjið 4 prjónamerki í stykkið þannig (þetta er gert án þess að prjóna lykkjurnar). Fyrsta prjónamerkið er sett á eftir fyrstu 3-3-3-3-3-3 lykkjur (= framstykki), 2. prjónamerki er sett eftir næstu 12-12-14-14-16-16 lykkjur (= ermi), 3. prjónamerki er sett eftir næstu 34-34-36-36-38-38 lykkjur (= bakstykki) og 4. prjónamerki er sett eftir næstu 12-12-14-14-16-16 lykkjur (= ermi), nú eru 3-3-3-3-3-3 lykkjur eftir síðasta prjónamerki (= framstykki).
Prjónið síðan sléttprjón með 1 kantlykkju í GARÐAPRJÓN – sjá útskýringu að ofan, í hvorri hlið við miðju að framan – JAFNFRAMT í fyrstu umferð frá réttu er aukið út fyrir LASKALÍNA í hverri skiptingu á milli fram- og bakstykkis og erma – sjá útskýringu að ofan. Haldið áfram með útaukningu fyrir laskalínu í annarri hverri umferð (þ.e.a.s. í hverri umferð frá réttu) þar til aukið hefur verið út alls 28-31-32-36-38-42 sinnum hvoru megin við 4 prjónamerkin. JAFNFRAMT í 6. umferð (þ.e.a.s. í 3. umferð frá réttu) er aukið út fyrir V-HÁLSMÁLI í hvorri hlið við miðju að framan – sjá útskýringu að ofan, þannig: Aukið út í 6. hverri umferð alls 2 sinnum, í 4. hverri umferð alls 10-13-13-13-14-15 sinnum og í annarri hverri umferð alls 3-0-1-1-1-0 sinnum (= alls 15-15-16-16-17-17 lykkjur fleiri í hvorri hlið við miðju að framan). ATHUGIÐ PRJÓNFESTUNA!
Eftir síðustu útaukningu fyrir laskalínu er prjónað áfram án útaukninga þar til stykkið mælist 20-22-23-26-27-31 cm, en haldið áfram með útaukningu fyrir V-hálsmáli eins og áður.
Næsta umferð er prjónuð frá réttu þannig:
Prjónið að fyrsta prjónamerki, prjónið 0-0-1-2-4-6 lykkjur á eftir prjónamerki (= framstykki), setjið næstu 68-74-76-82-84-88 lykkjur á þráð fyrir ermi, fitjið upp 8-10-12-12-12-16 nýjar lykkjur á prjóninn (= í hlið undir ermi), prjónið 90-96-102-112-122-134 lykkjur (= bakstykki), setjið næstu 68-74-76-82-84-88 lykkjur á þráð fyrir ermi, fitjið upp 8-10-12-12-12-16 nýjar lykkjur á prjóninn (= í hlið undir ermi), prjónið fram að prjónamerki (= 0-0-1-2-4-6 lykkjur) og prjónið þær lykkjur sem eftir eru í umferð (= framstykki). Prjónið síðan fram- og bakstykki og ermar til loka fyrir sig. HÉÐAN ER NÚ MÆLT!

FRAM- OG BAKSTYKKI:
Haldið áfram með sléttprjón, 1 kantlykkju í garðaprjóni í hvorri hlið (fyrsta umferð er prjónuð frá röngu) og útaukningu fyrir V-hálsmál eins og áður. Þegar útaukningu fyrir V-hálsmáli er lokið eru 198-214-230-250-270-302 lykkjur í umferð. Stykkið mælist ca 4-4-4-2-2-1 cm frá skiptingu (V-kraginn mælist ca 24-26-27-28-29-30 cm frá öxl).
Haldið áfram með sléttprjón og 1 kantlykkju að framan í garðaprjóni í hvorri hlið. Þegar stykkið mælist 29-29-30-28-29-27 cm frá skiptingu er prjónuð 1 umferð slétt frá réttu þar sem aukið er út um 38-42-46-50-54-62 lykkjur jafnt yfir – sjá ÚTAUKNING/ÚRTAKA = 236-256-276-300-324-364 lykkjur.
Skiptið yfir á hringprjón 3. Næsta umferð er prjónuð frá röngu þannig: 1 kantlykkja í garðaprjóni, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir á prjóni, prjónið 2 lykkjur brugðið og endið með 1 kantlykkju í garðaprjóni. Haldið svona áfram með stroff í 2 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur, er hægt að fella af með hringprjón 4. Peysan mælist ca 54-56-58-60-62-64 cm frá öxl.

ERMI:
Setjið 68-74-76-82-84-88 lykkjur af þræði í annarri hlið á stykki á stuttan hringprjón/sokkaprjón 4 og prjónið að auki upp 1 lykkju í hverja af 8-10-12-12-12-16 lykkjum sem fitjaðar voru upp í hlið undir ermi = 76-84-88-94-96-104 lykkjur. Setjið 1 prjónamerki mitt í 8-10-12-12-12-16 lykkjur undir ermi og látið prjónamerkið fylgja með í stykkinu, það er notað síðar þegar auka á út. Byrjið umferð við prjónamerkið og prjónið sléttprjón hringinn. Þegar stykkið mælist 7 cm frá skiptingu er aukið út um 2 lykkjur mitt undir ermi – sjá ÚTAUKNING. Aukið svona út með 2½-3-2½-3-2½-3 cm millibili alls 12-10-11-10-11-9 sinnum = 100-104-110-114-118-122 lykkjur. JAFNFRAMT þegar stykkið mælist 19-17-17-15-14-12 cm prjónið RENDUR – sjá útaukning að ofan. Prjónið áfram þar til stykkið mælist 42-40-40-38-37-34 cm frá skiptingu – eða að óskaðri lengd (styttra mál í stærri stærðum vegna lengra berustykkis). Prjónið 1 umferð þar sem fækkað er um 4-0-6-2-6-2 lykkjur jafnt yfir – munið eftir ÚTAUKNING/ÚRTAKA = 96-104-104-112-112-120 lykkjur. Prjónið 1 umferð þar sem lykkjurnar eru prjónaðar slétt saman 2 og 2 = 48-52-52-56-56-60 lykkjur. Skiptið yfir á hringprjón 3 og prjónið stroff (= 2 lykkjur slétt, 2 lykkjur brugðið) í 5 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur, er hægt að fella af með hringprjón 4.
Prjónið hina ermina á sama hátt.

KANTUR AÐ FRAMAN/Í HÁLSMÁLI:
Setjið 1 prjónamerki mitt aftan í hnakka á bakstykki, prjónamerkið er notað síðar þegar talinn er helmingur af lykkjum í kanti að framan/kantur í hálsmáli.
Byrjið neðst niðri á hægra framstykki frá réttu og prjónið upp ca 161-169-177-185-189-193 lykkjur (deilanlegar með 4 + 1) meðfram öllum kanti að framan og upp að prjónamerki í hnakka, á hringprjón 3 með litnum ljós mynta – látið prjónamerkið sitja hér. Haldið áfram að prjóna upp ca 161-169-177-185-189-193 lykkjur (deilanlegar með 4 + 1) meðfram öllum kanti að framan niður að kanti á vinstra framstykki = 322-338-354-370-378-386 lykkjur. ATH: Ef prjónaðar eru upp fleiri eða færri lykkjur en þetta er lykkjufjöldinn jafnaður út í fyrstu umferð – jafnið út lykkjur á sama hátt hvoru megin við prjónamerki í hnakka.
Mikilvægt er að stroffið verði ekki of laust og með of mörgum lykkjum, en það má heldur ekki herða á kanti að framan með of fáum lykkjum.
Næsta umferð er prjónuð frá röngu: 2 lykkjur garðaprjón, * 2 lykkjur brugðið, 2 lykkjur slétt *, prjónið frá *-* þar til 4 lykkjur eru eftir, prjónið 2 lykkjur brugðið og endið með 2 lykkjum garðaprjón. Haldið svona áfram með stroff. Þegar stroffið mælist 1 cm er fellt af fyrir HNAPPAGAT – sjá útskýringu að ofan. Haldið áfram þar til stroffið mælist 2 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur, er hægt að fella af með hringprjón 4.

FRÁGANGUR:
Saumið tölur í vinstra framstykki.

Mynstur

diagram measurements

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Hamptons Holiday Jacket

Zenknitude, United Kingdom

Skrifaðu athugasemd um DROPS 199-10

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (15)

country flag CHALOUNI wrote:

Bonjour, je suis bloqué à la partie de "continuer les augmentations de l'encolure V comme avant" Qu'entendez-vous dans continuer les augmentations encolure V comme avant ? Doit-on répéter "2 fois au total tous les 6 rangs, 10-13-13-13-14-15 fois tous les 4 rangs et 3-0-1-1-1-0 fois tous les 2 rangs (= on a augmenté un total de 15-15-16-16-17-17 mailles)" ou bien augmenter l'encolure V tous les 2 rangs ?

23.01.2024 - 23:15

DROPS Design answered:

Bonjour Mme Chalouni, quand les augmentations du raglan sont faites, celles de l'encolure doivent continuer, donc continuez à augmenter en fonction de votre taille comme indiqué, autrement dit vous devez augmenter 2 x tous les 6 rangs puis 10-13-13-13-14-15 fois tous les 4 rangs et 3-0-1-1-1-0 fois tous les 2 rangs, donc en fonction de là où vous en êtes, continuez simplement à augmenter comme avant, soit tous les 4 rangs soit tous les 2 rangs. Bon tricot!

24.01.2024 - 08:26

country flag Madelyn wrote:

My question wasn’t answered. I finished my v-neck increases before I split off my sleeves so I am confused why it still says I need to continue my v-neck stitches after I split off my sleeves? Did I do something wrong?

30.08.2023 - 10:38

DROPS Design answered:

Dear Madelyn, if you have finished to increase for V-neck before dividing, just continue working as before increasing for the raglan until all increases are done, and divide piece when you reach the measurement for your size. Happy knitting!

30.08.2023 - 16:10

country flag Madelyn wrote:

Thanks for answering my last question. This one is in regards to the V-Neck increase. By my calculations my V-Neck increases will be done before I have to split off the sleeve stitches since I would increase on row 6 and 12 and then every 4th row 13 times which would take me to row 64 and then 1 time every other row, ie. row 66. This is before I split off the sleeves but then in the body section it says I should still be increasing the V-neck even though I already have 230 stitches?

30.08.2023 - 03:04

DROPS Design answered:

Dear Madelyn, the 230 sts on body are without sleeves, not including sleeves, this means this is after you have finished raglan increases and slip stitches for sleeves on a thread. You have to increase for raglan a total of 32 times and at the same time increase for neck, and after all stitches for raglan are done and piece measures 23 cm, divide piece for body and sleeves. You will have 78 sts for sleeve but the first and last stitch on each sleeve belong to front/back piece. Happy knitting!

30.08.2023 - 09:14

country flag Madelyn wrote:

The splitting into sleeves and body doesn't work... I have 230 stitches and I cannot split that into 76 stitches on each sleeve and have 102 stitches to work across the back piece. This would involve not having a front section at all and including the cast on stitches as worked across the back. Makes 0 sense mathematically

25.08.2023 - 08:36

DROPS Design answered:

Hi Madelyn, It looks like you are working size L. You cast on 70 stitches and increase for raglan 32 times on each side of all 4 marker-threads (32 x 8 = 256). You also increase for the V-neck 16 times (32 x 2 = 64). You should therefore have 70 + 256 + 64 = 390 stitches at the end of the increases, before dividing for the body and sleeves. Each sleeve has 76 stitches, the back piece 102 stitches and 68 stitches on each front piece. Hope this helps and happy knitting!

25.08.2023 - 09:54

country flag Betina wrote:

Jeg har løst det selv, men vil stadig mene der er noget fejl i opskriften. Eftersom man når de 214 masker i en str m allerede inden man deler til ærmer. Og der så længere nede står at man når de 214 m Ca 4 cm efter delingen - det stemmer jo ikke rigtig 🙂

21.11.2021 - 11:35

country flag Betina wrote:

Hej drops, tak for svar. Men jeg følger opskriften fuldt ud og har derfor samme antal pinde som i opskriften, det undre mig bare i ikke skriver i opskriften at nogle størrelser ikke skal fortsætte med udtag allerede før der deles til ærmer, hvis ikke jeg havde læst frem havde jeg fået for mange masker på forstykket. Men dejlige opskrifter i har og ellers normalt meget nemme at læse og forstå 🙂

19.11.2021 - 10:35

DROPS Design answered:

Godt at du fandt ud af det - tak for roserne :) 

19.11.2021 - 13:44

country flag Betina wrote:

Jeg kan ikke få maske antal til at passe i opskriften. Der står flere steder at man skal øge halsudskæringen hele vejen ned og at der til slut skal være 214 masker på pinden str m. Dette har jeg allerede efter raglan udtag 31 g og hals udtag 15 g. Her har jeg 2*49 på forstykke, 96 ryg +2*10 under ærme altså 214 m. Så kan man jo ikke fortsætte med at øge halsen som der står i opskriften?

18.11.2021 - 18:52

DROPS Design answered:

Hej Betina, hvis du har flere pinde i højden end hvad vi har i opskriften, så bliver du færdig med udtagningerne tidligere end hvad vi gør. Når du har antal masker ifølge din størrelse, strikker du de sidste cm uden udtagning. God fornøjelse!

19.11.2021 - 10:20

country flag Ana wrote:

Hola! Voy a animarme con este patrón a hacer mi primera chaqueta de punto, así que es un gran reto para mi. Tengo la duda de se hace el aumento del cu kli en V, me pueden explicar cómo sería "hacer una hebra dentro de un punto orillo en punto musgo"? Muchas gracias!!

10.11.2021 - 21:37

DROPS Design answered:

Hola Ana, dentro significa trabajar antes o después del punto orillo. Por lo tanto, trabajas el punto orillo, después haces 1 hebra y después trabajas el siguiente punto. Si es el final de la vuelta, sería al revés; trabajas el punto antes del punto orillo, haces la hebra y trabajas el punto orillo.

14.11.2021 - 19:34

country flag Lacassin wrote:

Bonjour je ne comprend pas l'histoire des augmentation pour le col en v. Je fais 2 augmentation puis 3 puis 10 et ainsi de suite jusqu'à la fin de mon col v? 10 me semble assez important. Merci d'avance

09.10.2021 - 20:56

DROPS Design answered:

Bonjour Mme Lacassin, vous augmentez pour l'encolure V 1 seule maille à chaque fois (= de chaque côté, autrement dit 2 mailles par rang): 2 fois tous les 6 rangs = augmentez 1 m sur chaque devant, tricotez 5 rangs, augmentez 1 m sur chaque devant. Puis 10 x tous les 4 rangs: *augmentez 1 m de chaque côté, tricotez 3 rangs*, répétez de *-* 9 fois puis augmentez 1 m de chaque côté; et enfin augmentez aux 3 rangs sur l'endroit suivant (= tricotez 1 rang sur l'envers, augmentez au rang suivant sur l'endroit) répétez 3 fois de (à). Bon tricot!

11.10.2021 - 07:32

country flag Paola Pastore wrote:

Buongiorno fate dei modelli bellissimi . Purtroppo io lavoro coi 2 ferri e quindi non mi trovo mai con le speigazioni. Peccato. Come potete aiutarmi? Grazie

19.02.2020 - 12:00

DROPS Design answered:

Buongiorno Paola. A questa pagina trova indicazioni utili per adattare un modello ai ferri dritti. In linea generale, modelli aperti (p.es cardigan), anche se lavorati con i ferri circolari, possono essere adattati facilmente ad una lavorazione in piano e in parti separate. Per ogni ulteriore aiuto, può contattare il suo rivenditore Drops di fiducia. Buon lavoro!

19.02.2020 - 16:17