Ballet in Blue |
||||||||||||||||
|
|
|||||||||||||||
Prjónuð vafningspeysa með blöðruermum úr DROPS Alpaca og DROPS Kid-Silk. Stærð S - XXXL.
DROPS 205-49 |
||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. ÚTAUKNING-1 (á við um hliðar á fram- og bakstykki): Öll útaukning er gerð frá réttu! Aukið út innan við 1 kantlykkju í garðaprjóni með því að slá 1 sinni uppá prjóninn. Í næstu umferð (ranga), prjónið uppsláttinn snúinn brugðið svo ekki myndist gat. Prjónið síðan útauknar lykkjur í sléttprjóni. ÚTAUKNING-2 (á við um mitt undir ermum): Aukið út um 1 lykkju hvoru megin við prjónamerki þannig: Byrjið 2 lykkjum á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki er staðsett mitt á milli þessa 4 lykkja), sláið 1 sinni uppá prjóninn (= 2 lykkjur fleiri). Í næstu umferð eru uppslættirnir prjónaðir snúnir slétt svo ekki myndist gat. Nýjar lykkjur eru síðan prjónaðar í sléttprjóni. ÚRTAKA-1 (á við um handveg): Öll úrtaka er gerð frá réttu! Fækkið lykkjum fyrir handveg innan við 3 kantlykkjur í garðaprjóni eins og útskýrt er að neðan. Fækkið lykkjum á eftir 3 kantlykkjum í garðaprjóni þannig: Takið 1 lykkju eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 1 lykkja færri). Fækkið lykkjum á undan 3 kantlykkjum í garðaprjóni þannig: Prjónið þar til 2 lykkjur eru eftir á undan 3 kantlykkjunum og prjónið 2 lykkjur slétt saman (= 1 lykkja færri). ÚRTAKA-2 (á við um hálsmál að framan og að aftan): Öll úrtaka er gerð frá réttu! Fækkið lykkjum fyrir hálsmáli innan við 7 kantlykkjur eins og útskýrt er að neðan (kantlykkjur eru prjónaðar í garðaprjóni á bakstykki og A.1/A.2 á framstykki). Fækkið lykkjum á eftir 7 kantlykkjum þannig: Takið 1 lykkju eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 1 lykkja færri). Fækkið lykkjum á undan 7 kantlykkjum þannig: Prjónið þar til 2 lykkjur eru eftir á undan 7 kantlykkjum og prjónið 2 lykkjur slétt saman (= 1 lykkja færri). ÚRTAKA-3 (á við um mitt undir ermum): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), takið 1 lykkju eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). LEIÐBEININGAR (á við um lengd á ermum): Hægt er að stilla af lengd á ermum að óskaðri lengd, en passið uppá að lengdin á að vera aðeins lengri en venjulega svo að ermin poki aðeins neðst niðri. ------------------------------------------------------- BYRJIÐ Á STYKKI HÉR: ------------------------------------------------------- VAFNINGSPEYSA - STUTT ÚTSKÝRING Á STYKKI: Bakstykki og framstykki er prjónað fram og til baka á hringprjón, neðan frá og upp. Ermakúpurnar eru prjónaðar fram og til baka á hringprjón ofan frá og niður. Síðan er afgangur af ermum prjónaður í hring á sokkaprjóna/stuttan hringprjón ofan frá og niður. Stykkið er saumað saman og snúran er prjónuð í lokin. Allt stykkið er prjónað í 1 þræði Alpaca + 1 þræði Kid-Silk (= 2 þræðir). BAKSTYKKI: Fitjið upp 60-66-72-81-90-99 lykkjur (meðtalin 1 kantlykkja í hvorri hlið) á hringprjón 4,5 með 1 þræði Alpaca + 1 þræði Kid-Silk (= 2 þræðir). Prjónið 1 umferð brugðið (= ranga). Næsta umferð er prjónuð frá réttu þannig: 1 kantlykkja í GARÐAPRJÓN – sjá útskýringu að ofan, * prjónið 1 lykkju slétt, 2 lykkjur brugðið *, prjónið frá *-* þar til 2 lykkjur eru eftir á prjóni, prjónið 1 lykkju slétt og endið með 1 kantlykkju í garðaprjóni. Haldið áfram með stroff svona í 3 cm. Prjónið 1 umferð brugðið frá röngu (kantlykkjurnar eru prjónaðar í garðaprjóni). Skiptið yfir á hringprjón 5,5. Prjónið sléttprjón fram og til baka með 1 kantlykkju í garðaprjóni í hvorri hlið. ATHUGIÐ PRJÓNFESTUNA! Þegar stykkið mælist 4-5-6-6-7-7 cm, aukið út um 1 lykkju í hvorri hlið – sjá ÚTAUKNING-1. Aukið svona út með 3-3-3½-4-4-4½ cm millibili alls 4 sinnum í hvorri hlið = 68-74-80-89-98-107 lykkjur. Þegar stykkið mælist 17-18-19-21-23-25 cm, prjónið 4 umferðir garðaprjón yfir ystu 6-6-7-7-9-11 lykkjur í hvorri hlið (aðrar lykkjur eru prjónaðar í sléttprjóni eins og áður). Eftir 4 umferðir í garðaprjóni í hvorri hlið, fellið af 3-3-4-4-6-8 lykkjur fyrir handveg í byrjun á 2 næstu umferðum = 62-68-72-81-86-91 lykkjur. Haldið áfram fram og til baka í sléttprjóni og 3 kantlykkjum í garðaprjóni í hvorri hlið. Þegar ca 1 cm hefur verið prjónaður á eftir úrtöku fyrir handveg, fækkið um 1 lykkju í hvorri hlið fyrir handveg (þetta er gert frá réttu) – sjá ÚRTAKA-1. Fækkið lykkjum svona í hvorri hlið í annarri hverri umferð (þ.e.a.s. í hverri umferð frá réttu) alls 2-4-6-9-11-13 sinnum = 58-60-60-63-64-65 lykkjur eftir. Prjónið síðan sléttprjón með 3 kantlykkjum í garðaprjóni í hvorri hlið þar til stykkið mælist 33-35-37-40-43-46 cm frá uppfitjunarkanti. Prjónið nú garðaprjón fram og til baka yfir allar lykkjur. Þegar stykkið mælist 34-36-38-41-44-47 cm, fellið af miðju 12-14-14-15-16-17 lykkjurnar af fyrir hálsmáli og hvor öxl er prjónuð til loka fyrir sig. Haldið áfram með garðaprjón og fækkið um 1 lykkju í næstu umferð frá hálsmáli – sjá ÚRTAKA-2 = 22-22-22-23-23-23 lykkjur eftir á öxl. Prjónið áfram þar til stykkið mælist 36-38-40-43-46-49 cm frá uppfitjunarkanti. Fellið laust af með sléttum lykkjum frá réttu. Prjónið hina öxlina á sama hátt. HÆGRA FRAMSTYKKI (þegar stykkið er mátað): Fitjið upp 47-50-56-62-68-74 lykkjur (meðtalin 1 kantlykkja í hvorri hlið) á hringprjón 4,5 með 1 þræði af hvorri tegund. Prjónið 1 umferð brugðið (= ranga). Næsta umferð er prjónuð frá réttu þannig (þ.e.a.s. frá miðju að framan): 1 kantlykkja í garðaprjóni, * prjónið 1 lykkju slétt, 2 lykkjur brugðið *, prjónið frá *-* þar til 1 lykkja er eftir á prjóni og endið með 1 kantlykkju í garðaprjóni. Haldið svona áfram með stroff í 3 cm. Prjónið 1 umferð brugðið frá röngu (kantlykkjur eru prjónaðar í garðaprjóni). Skiptið yfir á hringprjón 5,5. Næsta umferð er prjónuð frá réttu þannig: Prjónið A.1 (= 7 lykkjur), prjónið sléttprjón þar til 1 lykkja er eftir á prjóni og endið með 1 kantlykkju í garðaprjóni. Haldið svona áfram með mynstur. Að aukið á að auka út í hliðum, fækka lykkjum í hálsmáli og fækka lykkjum fyrir handveg eins og útskýrt er að neðan. ÚTAUKNING Í HLIÐ: Þegar stykkið mælist 4-5-6-6-7-7 cm, aukið út um 1 lykkju í hlið – sjá ÚTAUKNING-1. Aukið svona út með 3-3-3½-4-4-4½ cm millibili alls 4 sinnum. ÚRTAKA FYRIR HÁLSMÁLI: Jafnframt þegar stykkið mælist 5 cm frá uppfitjunarkanti, fækkið um 1 lykkju við miðju að framan – sjá ÚRTAKA-2. Fækkið lykkjum fyrir hálsmáli í annarri hverri umferð (þ.e.a.s. í hverri umferð frá réttu) alls 20-21-24-26-27-29 sinnum og síðan í 4. hverri umferð (þ.e.a.s. í annarri hverri umferð frá réttu) alls 4-4-4-4-5-5 sinnum. ÚRTAKA FYRIR HANDVEG: Jafnframt þegar stykkið mælist 17-18-19-21-23-25 cm, prjónið 4 umferðir garðaprjón yfir ystu 6-6-7-7-9-11 lykkjur í hlið. Í næstu umferð frá röngu (eftir 4 umferðir garðaprjón) eru felldar af 3-3-4-4-6-8 lykkjur fyrir handveg. Haldið áfram í sléttprjóni fram og til baka, A.1 við miðju að framan og 3 kantlykkjur í garðaprjóni í hlið við handveg. Þegar prjónaðir hafa verið ca 1 cm eftir úrtöku fyrir handvegi, fækkið um 1 lykkju í hlið fyrir handveg (þetta er gert frá réttu) – sjá ÚRTAKA -1. Fækkið lykkjum svona í annarri hverri umferð alls 2-4-6-9-11-13 sinnum. Eftir alla útaukningu og úrtöku eru 22-22-22-23-23-23 lykkjur eftir á öxl. Prjónið áfram þar til stykkið mælist ca 35-37-39-42-45-48 cm frá uppfitjunarkanti. Byrjið frá réttu og prjónið 4 umferðir garðaprjón fram og til aka yfir allar lykkjur. Fellið síðan laust af með sléttum lykkjum frá réttu. Framstykkið mælist ca 36-38-40-43-46-49 cm frá uppfitjunarkanti. VINSTRA FRAMSTYKKI: Fitjið upp 47-50-56-62-68-74 lykkjur (meðtalin 1 kantlykkja í hvorri hlið) á hringprjón 4,5 með 1 þræði í hvorri tegund. Prjóni 1 umferð brugðið (= ranga). Næsta umferð er prjónuð frá réttu þannig (þ.e.a.s. frá hlið): 1 kantlykkja í garðaprjóni, * prjónið 2 lykkjur brugðið, 1 lykkja slétt *, prjónið frá *-* þar til 1 lykkja er eftir á prjóni og endið með 1 kantlykkju í garðaprjóni. Haldið svona áfram með stroff í 3 cm. Prjónið 1 umferð brugðið frá röngu (kantlykkjur eru prjónaðar í garðaprjóni). Skiptið yfir á hringprjón 5,5. Næsta umferð er prjónuð frá réttu þannig: 1 kantlykkja í garðaprjóni, prjónið sléttprjón þar til 7 lykkjur eru eftir á prjóni og endið með A.2 (= 7 lykkjur). Haldið svona áfram með mynstur. Að auki er aukið út lykkjum í hlið, lykkjum fækkað fyrir hálsmáli og lykkjum fækkað fyrir handvegi eins og útskýrt er að neðan. ÚTAUKNING Í HLIÐ: Þegar stykkið mælist 4-5-6-6-7-7 cm, aukið út um 1 lykkju í hlið – sjá ÚTAUKNING-1. Aukið svona út með 3-3-3½-4-4-4½ cm millibili alls 4 sinnum. ÚRTAKA FYRIR HÁLSMÁLI: Jafnframt þegar stykkið mælist 5 cm frá uppfitjunarkanti, fækkið um 1 lykkju við miðju að framan – sjá ÚRTAKA-2. Fækkið lykkjum fyrir hálsmáli í annarri hverri umferð þannig (þ.e.a.s. í hverri umferð frá réttu) alls 20-21-24-26-27-29 sinnum og síðan í 4. hverri umferð (þ.e.a.s. í annarri hverri umferð frá réttu) alls 4-4-4-4-5-5 sinnum. ÚRTAKA FYRIR HANDVEG: Jafnframt þegar stykkið mælist 17-18-19-21-23-25 cm, prjónið 4 umferðir garðaprjón yfir ystu 6-6-7-7-9-11 lykkjur í hlið. Í næstu umferð frá réttu (eftir 4 umferðir garðaprjón) eru felldar af 3-3-4-4-6-8 lykkjur fyrir handveg. Haldið áfram með sléttprjón fram og til baka, A.2 við miðju að framan og 3 kantlykkjur í garðaprjóni í hlið við handveg. Þegar prjónaður hefur verið ca 1 cm eftir affellinguna fyrir handvegi, fækkið um 1 lykkju í hlið fyrir handveg (þetta er gert frá réttu) – sjá ÚRTAKA-1. Fækkið lykkjum svona í annarri hverri umferð alls 2-4-6-9-11-13 sinnum. Eftir alla útaukningu og úrtöku eru 22-22-22-23-23-23 lykkjur eftir á öxl. Prjónið áfram þar til stykkið mælist ca 35-37-39-42-45-48 cm frá uppfitjunarkanti. Byrjið frá réttu og prjónið 4 umferðir garðaprjón fram og til baka yfir allar lykkjur. Fellið síðan laust af með sléttum lykkjum frá réttu. Framstykkið mælist ca 36-38-40-43-46-49 cm frá uppfitjunarkanti. ERMI: Ermin er prjónuð ofan frá og niður. Fitjið upp 18-22-24-24-26-26 lykkjur á hringprjón 5,5 með 1 þræði í hvorri tegund. Prjónið sléttprjón fram og til baka fyrir handveg og fitjið jafnframt upp nýjar lykkjur í lok hverrar umferðar í hvorri hlið þannig: Fitjið upp 3 lykkjur 1 sinni í hvorri hlið, 2 lykkjur 2-2-3-3-2-2 sinnum í hvorri hlið, 1 lykkja 1-1-1-3-5-7 sinnum í hvorri hlið, 2 lykkjur 3-3-3-3-2-2 sinnum í hvorri hlið og að lokum 3 lykkjur 1-1-1-1-2-2 sinnum í hvorri hlið = 52-56-62-66-70-74 lykkjur í umferð. Stykkið mælist nú ca 8-8-9-11-12-14 cm frá uppfitjunarkanti. Setjið stykkið saman og prjónið síðan í hring á sokkaprjóna eða stuttan hringprjón 5,5. Setjið 1 prjónamerki í byrjun á umferð (þ.e.a.s. þar sem stykkið var sett saman = mitt undir ermi). Látið prjónamerkið fylgja með í stykkinu, það á að nota það síðar þegar fækka á lykkjum og auka út mitt undir ermi. Ermin mælist síðan frá þar sem prjónamerkið var sett í. Prjónið sléttprjón hringinn. Þegar stykkið mælist 3-3-2-2-2-2 cm frá þar sem prjónamerkið var sett í, fækkið síðan um 2 lykkjur mitt undir ermi – sjá ÚRTAKA-3: Fækkið lykkjum svona með 4-3-2-1½-1-1 cm millibili alls 3-4-6-7-9-10 sinnum = 46-48-50-52-52-54 lykkjur. Þegar ermin mælist 16-16-15-15-14-14 cm frá þar sem prjónamerkið var sett í, aukið út um 2 lykkjur mitt undir ermi – sjá ÚTAUKNING-2. Aukið svona út með 1½-1½-1½-1½-1-1 cm millibili alls 14-14-15-16-17-18 sinnum = 74-76-80-84-86-90 lykkjur. Prjónið síðan áfram þar til stykkið mælist 47-47-47-45-45-43 cm frá þar sem prjónamerkið var sett í (nú eru eftir ca 5 cm að loka máli, mátið e.t.v. peysuna/ermina og prjónið að óskaðri lengd – sjá LEIÐBEININGAR). ATH: Það er styttra mál í stærri stærðum vegna breiðari axla og lengri ermakúpu. Prjónið 1 umferð slétt þar sem fækkað var um 8-4-8-6-8-6 lykkjur jafnt yfir = 66-72-72-78-78-84 lykkjur. Í næstu umferð eru allar lykkjurnar prjónaðar slétt saman 2 og 2 = 33-36-36-39-39-42 lykkjur. Skiptið yfir á sokkaprjón 4,5. Prjónið stroff hringinn (= 1 lykkja slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur, en passið uppá að affellingarkanturinn verði ekki stífur. Ermin mælist ca 60-60-61-61-62-62 cm frá uppfitjunarkanti. Prjónið hina ermina á sama hátt. FRÁGANGUR: Saumið axlasauma innan við affellingarkantinn. Saumið hliðarsauma innan við 1 kantlykkju, en skiljið eftir smá op á vinstri hlið á peysu (þegar flíkin er mátuð) til að þræða snúruna í gegn – opið á að vera ca 2½ til 3 cm og byrjar beint yfir stroffið. Setjið ermarnar undir kant í garðaprjóni meðfram handveg og saumið fallega niður frá réttu (saumað er í ystu lykkju í garðaprjóni frá réttu, svo að kanturinn í garðaprjóni liggi fallega utan á ermi). SNÚRA: Prjóni upp 7 lykkjur frá réttu innan við 1 kantlykkju í garðaprjóni meðfram kanti með stroffi. Notið prjón 4,5 og 1 þráð af hvorri tegund. Prjónið garðaprjón fram og til baka þar til snúran mælist ca 75 til 100 cm, fellið af. Prjónið aðra snúru á sama hátt. |
||||||||||||||||
Skýringar á teikningu |
||||||||||||||||
|
||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (13)
Allison wrote:
How do you sew in the sleeves on the outside? I am stuck
07.02.2024 - 01:19DROPS Design answered:
Dear Allison, in this video, we show how to sew a sleeve under the garter stitch edge. Happy assembly!
07.02.2024 - 08:32Melody wrote:
Bonjour, pour le dos et les devants on commence les augmentations lorsque l'ouvrage mesure 4 cm pour la taille S. Mais les côtes sont-elles comprises dans ces 4 cm ou il faut compter 4 cm après les côtes, sil vous plaît? merci.
25.01.2024 - 17:47DROPS Design answered:
Bonjour Melody, mesurez ces 4 cm à partir du rang de montage, autrement dit, 1 cm après les côtes en taille S. Bon tricot!
26.01.2024 - 08:23Ofra wrote:
Is it possible to make the Wrap-over jacket longer and reach below the tummy? Would you mind writing an alteration to this pattern so I could knit it? Thanks in advance.
27.07.2023 - 19:34DROPS Design answered:
Hi Ofra, At the moment there is just this shape in this particular pattern. But you can find other wrap-overs which are longer, if you search under Free Patterns. Happy crafting!
28.07.2023 - 06:52Iris Lüscher wrote:
Bonjour, je ne trouve pas le guide des tailles? A quoi correspond la taille S? Merci
29.04.2023 - 09:59DROPS Design answered:
Bonjour Mme Lüscher, pour trouver votre taille, mesurez un vêtement similaire que vous avez et dont vous aimez la forme, et comparez ces mesures à celles du schéma, ce sera la façon la plus simple de trouver votre taille. Retrouvez plus d'infos ici. Bon tricot!
02.05.2023 - 08:28Esther wrote:
Ik kan de plaatjes niet meer zien op de website, ik zou graag de tekening met maten willen terug zien
25.09.2021 - 22:17Lynn wrote:
Hi thank you for the reply to my question I just wanted to point out that it's the pattern that's incorrect. It says to increase at each end of every row on the sleeve cap but when I asked the question about why my sleeve cap was not measuring 14cm your reply was that the increase should be only on alternate rows. Frustrating as I have already pulled it out once here I go again!
30.05.2021 - 12:54DROPS Design answered:
Dear Lynn, you will increase on each side, ie at the end of each row on each side ie on each side on every other row. You have to increase 14 times in total = a total of 28 rows in the largest size. Hope this will help. Happy knitting!
31.05.2021 - 08:25Lynn wrote:
Hi I am knitting the Ballet in Blue cardigan and am on the sleeve. It says in the pattern that when you have done the increases after the cast on when you get to 74 stitches the piece should measure approximately 14 cms from the cast on edge. Mine is nowhere near that and I've ripped it out and done it again and still nowhere near that! HELP! What am I doing wrong? Should i proceed in stockinette until it measures 14cm then join and knit in the round?
29.05.2021 - 21:56DROPS Design answered:
Dear Lynn, from the 74 stitches I assume, you are making the largest size. If you add up the increases for the sleeve cap, by the time you get to 74 stitches, you should have knitted 28 rows (increasing in every other). If you keep the given gauge = 16 stitches and 20 rows = 10 X 10 cm, with 28 rows you should have about 14 cm length. Check your gauge. Happy Knitting.
29.05.2021 - 22:54Rosa wrote:
Non riesco a tradurre quello che c'è scritto, non mi dà l' opzione per la traduzione in italiano. Come posso fare? Grazie
09.04.2021 - 15:03DROPS Design answered:
Buonasera Rosa, nel menù a tendina può scegliere la lingua della traduzione: a questo link trova il modello in italiano. Buon lavoro!
09.04.2021 - 18:04Margarete Nudel wrote:
Om jag vill sticka denna men utan puffärm - hur tänker jag då kring ökningarna?
30.01.2021 - 15:43DROPS Design answered:
Hei Margarete. Istedenfor å øke til erme, fortsetter du å felle til ermet måler 47-47-47-45-45-43 cm fra der merketråden ble satt (det gjenstår ca 5 cm til ferdig mål, prøv eventuelt jakken/ermet på og strikk til ønsket lengde og følg resten av oppskriften. vmh DROPS design
01.02.2021 - 14:54Silvana wrote:
Non so usare i ferri circolari come posso fare x usare i diritti ? Grazie
28.12.2020 - 17:20DROPS Design answered:
Buonasera Silvana, questo modello è lavorato in piano, può seguire le spiegazioni indicate. Buon lavoro!
28.12.2020 - 22:08