Wild Mint Cardigan |
||||||||||||||||||||||||||||||||||
|
|
|||||||||||||||||||||||||||||||||
Prjónuð peysa úr DROPS Karisma. Stykkið er prjónað ofan frá og niður með tvöföldum kanti í hálsi, hringlaga berustykki og áferðamynstri. Stærð S - XXXL.
DROPS 215-15 |
||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. HNAPPAGAT (á við um 2 hnappagöt í kanti í hálsmáli): Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt, svo það myndist gat. MYNSTUR: Sjá mynsturteikningu A.1 og A.2. Veldu mynsturteikningu fyrir þína stærð (á við um A.1). ÚTAUKNING-1 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 95 lykkjur), mínus kanta að framan (t.d. 2 lykkjur) og deilið þeim lykkjum sem eftir eru með fjölda útaukninga sem á að gera (t.d. 32) = 2,9. Í þessu dæmi er aukið út með því að slá 1 sinni uppá prjóninn á eftir ca 3. hverja lykkju – ekki er aukið út yfir kantlykkjur. Í næstu umferð er uppslátturinn prjónaður snúinn svo ekki myndist gat. ÚTAUKNING-2 (á við um í hliðum á fram- og bakstykki): Öll útaukning er gerð frá réttu! Aukið út um 1 lykkju hvoru megin við A.2 í hvorri hlið á fram- og bakstykki, þ.e.a.s. aukið út þannig: Prjónið þar til 1 lykkja er eftir á undan A.2, sláið 1 sinni uppá prjóninn, prjónið 1 lykkju sléttprjón, prjónið A.2 (= 9 lykkjur), prjónið 1 lykkju sléttprjón og sláið 1 sinni uppá prjóninn (= 2 lykkjur fleiri í hlið og alls 4 lykkjur fleiri í umferð). Í næstu umferð (ranga) er uppslátturinn prjónaður snúinn brugðið, svo ekki myndist gat. Prjónið síðan nýjar lykkjur í sléttprjóni. ÚRTAKA (á við um ermi): Fækkið um 1 lykkju hvoru megin við A.2 mitt undir ermi, þ.e.a.s. prjónið þannig: Prjónið A.2 eins og áður yfir fyrstu 9 lykkjurnar, lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð, prjónið sléttprjón þar til 2 lykkjur eru eftir á undan A.2, prjónið þessar 2 lykkjur slétt saman (= 2 lykkjur færri). AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 6. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Tvöfaldur kantur í hálsmáli og berustykki er prjónað fram og til baka á hringprjóna frá miðu að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna frá miðju að framan, ofan frá og niður. Ermar eru prjónaðar í hring á sokkaprjóna / stuttan hringprjón, ofan frá og niður. Kantar að framan eru prjónaðir í lokin. KANTUR Í HÁLSMÁLI: Fitjið upp 107-111-115-121-125-129 lykkjur á stuttan hringprjón 3 með Karisma. Prjónið 1 umferð brugðið (= ranga). Næsta umferð er prjónuð frá réttu þannig: 1 kantlykkja í GARÐAPRJÓN – sjá útskýringu að ofan * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju í garðaprjóni. Haldið svona áfram með stroff. Þegar kantur í hálsi mælist 2 cm og 5 cm, fellið af fyrir 1 HNAPPAGAT – sjá útskýringu að ofan (þessi hnappagöt eiga að passa yfir hvort annað þegar kantur í hálsmáli er brotinn saman tvöfalt). Prjónið áfram þar til kantur í hálsmáli mælist 6½-7 cm, en endið eftir umferð frá réttu. Næsta umferð er prjónuð frá röngu þannig: Fellið af fyrstu 7 lykkjurnar, fitjið upp 1 nýja lykkju í byrjun á umferð (= 1 kantlykkja), prjónið stroff eins og áður út umferðina. Snúið stykkinu, fellið af fyrstu 7 lykkjur, fitjið upp 1 nýja lykkju á prjóninn (= kantlykkja), prjónið sléttar lykkjur yfir næstu 93-97-101-107-111-115 lykkjur og aukið JAFNFRAMT út 32-32-34-36-38-38 lykkjur jafnt yfir þessar lykkjur – sjá ÚTAUKNING-1 = 127-131-137-145-151-155 lykkjur í umferð, meðtalin 1 kantlykkja í hvorri hlið. Setjið 1 prjónamerki innan við kantlykkju í byrjun á umferð mitt að framan. Prjónið berustykki eins og útskýrt er að neðan – berustykkið er nú mælt frá þessu prjónamerki. BERUSTYKKI: Skiptið yfir á hringprjón 4 og prjónið sléttprjón fram og til baka með 1 kantlykkju í garðaprjóni í hvorri hlið. ATHUGIÐ PRJÓNFESTUNA! Þegar stykki mælist 4 cm frá prjónamerki í öllum stærðum, aukið út 44-32-34-36-50-52 lykkjur jafnt yfir – munið eftir ÚTAUKNING-1 = 171-163-171-181-201-207 lykkjur. Prjónið áfram þar til stykkið mælist 4-5-6-7-7-8 cm frá prjónamerki – aukið jafnframt út 0-20-12-20-33-41 lykkjur jafnt yfir í síðustu umferð = 171-183-183-201-234-248 lykkjur. Næsta umferð er prjónuð frá réttu þannig: 1 kantlykkja í garðaprjóni, prjónið A.1 þar til 2 lykkjur eru eftir í umferð (= 28-30-30-33-33-35 mynstureiningar með 6-6-6-6-7-7 lykkjur), prjónið fyrstu lykkju í A.1 (= 1 lykkja brugðið frá réttu) og endið með 1 kantlykkju í garðaprjóni. Haldið svona áfram með mynstur. Þegar A.1 hefur verið prjónað til loka á hæðina, eru 283-303-333-366-399-423 lykkjur í umferð og stykkið mælist ca 15-16-18-19-21-22 cm frá prjónamerki við háls. Prjónið síðan sléttprjón. Þegar prjónaðir hafa verið ca 1-2-2-3-3-3 cm eftir A.1, aukið út 10-14-8-15-6-14 lykkjur jafnt yfir = 293-317-341-381-405-437 lykkjur. Haldið áfram með sléttprjón. Þegar stykkið mælist 20-22-24-26-28-30 cm frá prjónamerki við hálsmál, skiptist berustykkið fyrir fram- og bakstykki og ermar. Þ.e.a.s. næsta umferð er prjónuð þannig: Prjónið 44-48-51-56-62-68 lykkjur sléttprjón (= framstykki), setjið næstu 60-64-70-80-80-84 lykkjur á þráð fyrir ermi, fitjið upp 7-7-9-9-11-11 nýjar lykkjur á prjóni (= í hlið undir ermi), prjónið 85-93-99-109-121-133 lykkjur sléttprjón (= bakstykki), setjið næstu 60-64-70-80-80-84 lykkjur á þráð fyrir ermi, fitjið upp 7-7-9-9-11-11 nýjar lykkjur á prjóninn (= í hlið undir ermi) og prjónið þær 44-48-51-56-62-68 lykkjur sem eftir eru í sléttprjóni (= framstykki). Fram- og bakstykki og ermar er síðan prjónað hvert fyrir sig! HÉÐAN ER NÚ MÆLT! FRAM- OG BAKSTYKKI: = 187-203-219-239-267-291 lykkjur. Setjið 1 prjónamerki í hvora hlið á fram- og bakstykki – í miðju af 7-7-9-9-11-11 lykkjum sem fitjaðar voru upp undir hvorri ermi. Prjónið sléttprjón fram og til baka með 1 kantlykkju í garðaprjóni í hvorri hlið við miðju að framan og A.2 yfir miðju 9 lykkjur í hvorri hlið undir hvorri ermi (prjónamerki situr í miðju af þessum 9 lykkjum). Haldið svona áfram með mynstur. Þegar stykkið mælist 6 cm frá skiptingu í öllum stærðum, aukið út um 1 lykkju hvoru megin við A.2 í hvorri hlið á fram- og bakstykki – sjá ÚRTAKA (= 4 lykkjur fleiri). Aukið svona út með 6 cm millibili alls 3 sinnum í hvorri hlið = 199-215-231-251-279-303 lykkjur. Prjónið áfram þar til stykkið mælist 26 cm frá skiptingu. Nú eru eftir ca 3 cm að loka máli, mátið e.t.v. peysuna og prjónið að óskaðri lengd, en endið eftir eina umferð frá réttu. Í næstu umferð (ranga) eru lykkjur auknar út jafnt yfir, þ.e.a.s. næsta umferð er prjónuð þannig: Prjónið 1 kantlykkju í garðaprjóni, prjónið 45-49-53-58-65-71 lykkjur sléttprjón og aukið jafnframt út 10-10-10-13-14-14 lykkjur jafnt yfir þessar sléttprjónuðu lykkjur, haldið áfram með A.2 eins og áður, prjónið 89-97-105-115-129-141 lykkjur sléttprjón og aukið jafnframt út um 18-20-22-24-26-28 lykkjur jafnt yfir þessar sléttprjónuðu lykkjur, prjónið A.2 eins og áður, prjónið 45-49-53-58-65-71 lykkjur sléttprjón og aukið jafnframt út 10-10-10-13-14-14 lykkjur jafnt yfir þessar sléttprjónuðu lykkjur og endið með 1 kantlykkju í garðaprjóni = 237-255-273-301-333-359 lykkjur. ATH: Aukið út til að koma í veg fyrir að stroffið sem á að prjóna dragið stykkið saman. Skiptið yfir á hringprjón 3. Næsta umferð er prjónuð frá réttu þannig: 1 kantlykkja í garðaprjóni, prjónið 55-59-63-71-79-85 lykkjur stroff (= 1 lykkja slétt, 1 lykkja brugðið), prjónið A.2 eins og áður yfir næstu 9 lykkjur, prjónið 107-117-127-139-155-169 lykkjur stroff (= 1 lykkja slétt, 1 lykkja brugðið), prjónið A.2 eins og áður yfir næstu 9 lykkjur, prjónið 55-59-63-71-79-85 lykkjur stroff (= 1 lykkja slétt, 1 lykkja brugðið) og endið með 1 kantlykkju í garðaprjóni. Haldið svona áfram með stroff í 3 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 52-54-56-58-60-62 cm frá öxl og niður. ERMI: Setjið 60-64-70-80-80-84 lykkjur af þræði í annarri hlið á stykki á sokkaprjóna eða stuttan hringprjón 4 og prjónið að auki upp 1 lykkju í hverja af 7-7-9-9-11-11 lykkjum sem fitjaðar voru upp undir ermi = 67-71-79-89-91-95 lykkjur. Setjið 1 prjónamerki í miðju af 7-7-9-9-11-11 lykkjum. Byrjið umferð 4 lykkjum á undan lykkju með prjónamerki í, prjónið A.2 (= 9 lykkjur – prjónamerki situr í miðju af þessum 9 lykkjum), prjónið þær lykkjur sem eftir eru í sléttprjóni. Haldið svona áfram með mynstur. Þegar ermin mælist 3 cm frá skiptingu í öllum stærðum, fækkið um 1 lykkju hvoru megin við A.2 – sjá ÚRTAKA (= 2 lykkjur færri). Fækkið lykkjum svona með 3½-3-2-1½-1½-1 cm millibili alls 10-11-14-18-18-18 sinnum = 47-49-51-53-55-59 lykkjur. Prjónið áfram þar til ermin mælist 37-35-34-32-30-29 cm frá skiptingu. Nú eru eftir ca 8 cm að loka máli, mátið e.t.v. peysuna og prjónið að óskaðri lengd. ATH: Það er styttra mál í stærri stærðum vegna víðari hálsmáls og lengra berustykkis. Í næstu umferð eru lykkjur auknar út jafnt yfir, þ.e.a.s. næsta umferð er prjónuð þannig: Prjónið A.2 eins og áður, prjónið síðan 38-40-42-44-46-50 lykkjur sléttprjón og aukið jafnframt út 9-9-11-11-11-11 lykkjur jafnt yfir þessar sléttprjónuðu lykkjur = 56-58-62-64-66-70 lykkjur. Skiptið yfir á sokkaprjóna 3. Prjónið næstu umferð þannig: Prjónið A.2 eins og áður yfir fyrstu 9 lykkjurnar, * 1 lykkja slétt, 1 lykkja brugðið *, prjónið frá *-* þar til 1 lykkja er eftir á undan A.2 og endið með 1 lykkju slétt. Haldið svona áfram með stroff í 8 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Ermin mælist ca 45-43-42-40-38-37 cm frá skiptingu. Prjónið hina ermina á sama hátt. VINSTRI KANTUR AÐ FRAMAN: Byrjið frá réttu eftir kant í hálsmáli og prjónið upp innan við 1 kantlykkju í garðaprjóni ca 123 til 149 lykkjur á hringprjóna 3 – lykkjufjöldinn á að vera deilanlegur með 2 + 1. Fyrsta umferð er prjónuð frá röngu þannig: 1 kantlykkja í garðaprjóni, * 1 lykkja brugðið, 1 lykkja slétt *, prjónið frá *-* þar til 2 lykkjur eru eftir í umferð, prjónið 1 lykkju brugðið og endið með 1 kantlykkju í garðaprjóni. Haldið svona áfram með stroff í ca 2½ til 3 cm (breiddin á kanti að framan á að passa við málin á 7 lykkjum sem felldar voru af í kanti í hálsi). Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Saumið kant að framan við kant í hálsmáli innan við 1 kantlykkju. HÆGRI KANTUR AÐ FRAMAN: Byrjið frá réttu neðst á framstykki og prjónið upp innan við 1 kantlykkju í garðaprjóni ca 123 til 149 lykkjur (upp að kanti í hálsmáli) á hringprjón 3 – lykkjufjöldinn á að vera deilanlegur með 2 + 1. Fyrsta umferð er prjónuð frá röngu þannig: 1 kantlykkja í garðaprjóni, * 1 lykkja brugðið, 1 lykkja slétt *, prjónið frá *-* þar til 2 lykkjur eru eftir í umferð, prjónið 1 lykkju brugðið og endið með 1 kantlykkju í garðaprjóni. Haldið svona áfram með stroff, en eftir ca 1 til 1½ cm er fellt af fyrir 6-6-6-7-7-7 hnappagötum. 1 hnappagat = Sláið 1 sinni uppá prjóninn, prjónið 2 lykkjur slétt saman. Efsta hnappagatið er staðsett ca 7 til 8 cm frá hnappagati í kanti í hálsmáli (þegar kantur í hálsmáli er brotinn saman tvöfaldur) og neðsta hnappagatið er staðsett ca 3 cm frá neðri kanti. Haldið áfram með stroff þar til kantur að framan mælist ca 2½ til 3 cm (stillið lengdina af eftir vinstri kanti að framan). Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Saumið kant að framan við kant í hálsi innan við 1 kantlykkju. FRÁGANGUR: Brjótið uppá kant í hálsmáli tvöfalt að röngu og saumið fallega niður. Saumið tölur í vinstri kant að framan / kant í hálsmáli. |
||||||||||||||||||||||||||||||||||
Skýringar á teikningu |
||||||||||||||||||||||||||||||||||
|
||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (6)
Rebekah wrote:
I am on the A.1 pattern and having problems with right side row 25. Can you clarify please.
29.01.2024 - 00:25DROPS Design answered:
Dear Rebekah, on row 25 work as follows for A.1: purl 2, place 1 stitch on cable needle behind piece, knit 1, purl 1 from cable needle, make 1 slightly tight yarn over, yarn over purled twisted, make 1 slightly tight yarn over, place 1 stitch on cable needle in front of piece, purl 1, knit 1 from cable needle, purl 1. Because the yarn overs are each worked differently and with the objective that they don't form holes, even if you work 3 yarn overs one after the other, you won't have a big hole. Happy knitting!
29.01.2024 - 00:44Lesley Swan wrote:
Hi. I am up to the patterning on the wild mint pattern and I am confused. On row 3 do I work the light printed cable or the dark printed cable with 2?? after the cabling. I worked the dark one but now think it wrong. Thanks.
23.08.2023 - 14:26DROPS Design answered:
Dear Mrs Swan, on 3rd row work 7th symbol in diagram text, the symbol will be edited asap, but these 5 stitches have to be worked as explained here: slip 1 in front of piece, P1, K1 from cable needle, slip 1 behind piece, k1, pass the innermost of the 3 sts over the 2 sts worked, and purl 1 from cable needle. (then make 1 yarn over = 9th symbol). Happy knitting!
23.08.2023 - 16:47Jian wrote:
I have a difficult to work out the A.1 row 3 diagram. Would be able to provide a video. Many thanks.
20.05.2021 - 11:47DROPS Design answered:
Dear Jian, work the 3rd row in A.1 as follows: *purl 1, slip the next stitch on a cable needle in front of piece, purl the next stitch, knit the stitch on the cable needle; now slip the next stitch on the cable needle behind piece, knit the next stitch, slip the 3rd stitch from the tip on the right needle over the 2 outermost stitches (you decrease 1 stitch), and purl the stitch from cable needle. If working size XXL, XXXL, purl next stitch. Repeat from *. Hope this will help. Happy knitting!
20.05.2021 - 12:41Jessica wrote:
Teckenförklaringen i det här mönstret är felaktig, de tre rutorna med diagonalt streck har samma förklaring som symbolen ovanför, i möster 215-16 verkar den korrekt.
01.11.2020 - 17:35DROPS Design answered:
Hej Jessica. Tack för info, detta är nu rättat! Mvh DROPS Design
03.11.2020 - 10:23Arina wrote:
I am having difficulty visualizing the construction of the neck band and button band. Would it be possible to supply a diagram? Thank you.
25.10.2020 - 17:06DROPS Design answered:
Dear Arina, we have two videos showing how to work the neck band and button band: how to work a double neck and how to knit up stitches for a jacket band. Hope they will help you. Happy knitting!
26.10.2020 - 08:45Ing-Marie Jungegård wrote:
Vill se hur man stickar fläta i A1
04.10.2020 - 10:38DROPS Design answered:
Hej Ing-Marie. Vi har dessvärre ingen video på det nu men vi noterar önskemålet. Är det något speciellt du har problem med som vi kanske kan försöka förklara tydligare? Mvh DROPS Design
06.10.2020 - 07:50