Vísbending #4 - Ermar

Við nálgumst nú lokin á peysunni okkar og nú er kominn tími á að bæta við ermum!

UPPLÝSINGAR FYRIR MYNSTUR:

ÚRTAKA-2 fyrir börn (ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð.

ÚRTAKA fyrir dömur / herra (ermar):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa 2 lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð.

AFFELLING:
Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá einu sinni uppá prjóninn á eftir ca 4. hverja lykkju jafnframt því sem fellt er af; uppslátturinn er felldur af eins og venjuleg lykkja.

---

Eigum við að byrja?

Börn:

Setjið 36-38-40-40-42-44-48 lykkjur af þræði í annarri hlið á stykki á sokkaprjóna / stuttan hringprjón 5 – prjónið að auki upp 1 lykkju í hverja og eina af 6 lykkjum sem fitjaðar voru upp undir ermi = 42-44-46-46-48-50-54 lykkjur. Setjið 1 prjónamerki mitt undir ermi, þ.e.a.s. mitt í 6 lykkjur sem fitjaðar voru upp undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi.

Byrjið umferð við prjónamerki og prjónið sléttprjón hringinn með grunnlit. Þegar ermin mælist 3 cm frá skiptingu, fækkið um 2 lykkjur mitt undir ermi – sjá ÚRTAKA-2. Fækkið lykkjum svona með 3-5-6-7-8-9-10 cm millibili alls 4 sinnum í öllum stærðum = 34-36-38-38-40-42-46 lykkjur eftir. Prjónið án úrtöku þar til ermin mælist 15-20-24-26-30-34-37 cm frá skiptingu. Nú eru eftir ca 3-3-3-4-4-4-4 cm til loka máls; mátið e.t.v. peysuna og prjónið að óskaðri lengd. Prjónið 1 umferð slétt og aukið jafnframt út 6-4-6-6-4-6-2 lykkjur jafnt yfir = 40-40-44-44-44-48-48 lykkjur. Skiptið yfir á sokkaprjóna 4. Prjónið stroff hringinn (= 2 lykkjur slétt, 2 lykkjur brugðið) í 3-3-3-4-4-4-4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 18-23-27-30-34-38-41 cm frá skiptingu.

Prjónið hina ermina alveg eins.

Dömur:

Setjið 48-52-56-64-64-66 lykkjur af þræði í annarri hlið á stykki á sokkaprjóna / stuttan hringprjón 5 – prjónið að auki upp 1 lykkju í hverja og eina af 6-6-8-8-10-12 lykkjum sem fitjaðar voru upp undir ermi = 54-58-64-72-74-78 lykkjur. Setjið 1 prjónamerki mitt undir ermi mitt í 6-6-8-8-10-12 lykkjur sem fitjaðar voru upp undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi.

Byrjið umferð við prjónamerki og prjónið sléttprjón hringinn með grunnlit í 3 cm. Fækkið um 2 lykkjur mitt undir ermi – sjá ÚRTAKA. Fækkið lykkjum svona með 8-6-4-3-2½-2½ cm millibili alls 5-6-8-11-11-12 sinnum = 44-46-48-50-52-54 lykkjur eftir. Prjónið án úrtöku þar til ermin mælist 38-36-36-35-34-32 cm frá skiptingu (eða óskaðri lengd, nú eru eftir ca 4 cm til loka máls. ATH! Það er styttra mál í stærri stærðum vegna víðari hálsmáls og lengra berustykkis). Prjónið 1 umferð slétt og aukið jafnframt út 4-2-4-2-4-2 lykkjur jafnt yfir = 48-48-52-52-56-56 lykkjur. Skiptið yfir á sokkaprjóna 4 og prjónið stroff hringinn (= 2 lykkjur slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist 42-40-40-39-38-36 cm frá skiptingu. Prjónið hina ermina alveg eins.

Herrar:

Setjið 52-56-64-64-66-68 lykkjur af þræði í annarri hlið á stykki á sokkaprjóna eða stuttan hringprjón 5 – prjónið að auki upp 1 lykkju í hverja og eina af 6-8-8-10-12-12 lykkjum sem fitjaðar voru upp undir ermi = 58-64-72-74-78-80 lykkjur. Setjið 1 prjónamerki mitt undir ermi í nýjar lykkjur sem fitjaðar voru upp undir ermi. Látið prjónamerkið fylgja með í stykkinu; það á að nota það síðar þegar fækka á lykkjum mitt undir ermi.

Byrjið umferð við prjónamerki og prjónið sléttprjón hringinn með grunnlit. Þegar ermin mælist 3 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 6-4-3-2½-2½-2½ cm millibili alls 6-8-11-11-12-12 sinnum = 46-48-50-52-54-56 lykkjur eftir. Prjónið án úrtöku þar til ermin mælist 39-38-37-36-34-32 cm frá skiptingu (eða óskaðri lengd; nú eru eftir ca 4 cm til loka máls. ATH! Það er styttra mál í stærri stærðum vegna víðari hálsmáls og lengra berustykkis). Prjónið 1 umferð slétt og aukið jafnframt út 2-4-2-4-2-4 lykkjur jafnt yfir = 48-52-52-56-56-60 lykkjur. Skiptið yfir á sokkaprjóna 4 og prjónið stroff hringinn (= 2 lykkjur slétt, 2 lykkjur brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 43-42-41-40-38-36 cm frá skiptingu.

Prjónið hina ermina alveg eins.

Nú eru ermarnar klárar!

Nú þegar ermarnar hafa verið prjónaðar til loka þýðir það að Vísbending #4 í þessu KAL er klár! Ertu tilbúin að halda áfram? Smelltu þá að neðan á Næsta > til að byrja á næsta skrefi.

Ekki gleyma að senda okkur myndir af árangrinum til okkar. Smelltu hér til að samþykkja linkinn!

---

Vantar þig aðstoð?

Hér að neðan þá finnur þú lista með upplýsingum til aðstoðar við að prjóna ermarnar á jólapeysuna þína.

Ertu enn í vandræðum? Þú getur sent spurningar til okkar með því að skrifa í reitina neðst á síðunni og þá munu prjónasérfræðingarnir okkar reyna að aðstoða þig!

• Kennsluleiðbeiningar: Hvernig á að prjóna slétta lykkju
• Kennsluleiðbeiningar: Hvernig á að prjóna brugðna lykkju
• Kennsluleiðbeiningar: Hvernig á að prjóna peysu ofan frá og niður
• Kennsluleiðbeiningar: Útaukning/úrtaka jafnt yfir
• Myndband: Hernig á að prjóna peysu ofan frá og niður
• Myndband: Hvernig á að prjóna stroffprjón (1 lykkja slétt, 1 lykkja brugðið)
• Myndband: Hvernig á að prjóna sléttprjón
• Myndband: Hvernig á að fella af í stroffprjóni
• Myndband: Hvernig á að ganga frá endum í sléttprjóni
• Myndband: Hvernig á að ganga frá endum í stroffprjóni
• Myndband: Hvernig á að fella af með uppslætti
• Myndband: Hvernig á að prjóna upp lykkjur undir ermi
• Myndband: Hvernig á að setja lykkjur til baka af þræði yfir á prjón
• Myndband: Hvernig á að fækka lykkjum, byrjum 3 lykkjum á undan prjónamerki / merkiþræði
• Myndband: Hvernig á að nota merkiþráð á milli tveggja lykkja
• Myndband: Hvernig á að laga hak við affellingu þegar prjónað er í hring