DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 8184.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS SS24

Spring Water

Prjónað sjal í klukkuprjóni með 2 litum úr DROPS Air. Stykkið er prjónað ofan frá og niður með útaukningum í klukkuprjónsmynstri.

DROPS 214-19
DROPS Design: Mynstur ai-286
Garnflokkur C
-------------------------------------------------------

STÆRÐ:
Hæð: Mælt meðfram miðju = ca 45 cm.
Breidd: Mælt meðfram efri hlið á meðan sjalið liggur flatt (hlið + uppfitjunarkantur + hlið) = ca 130 cm. Stykkið kemur til með að mælast lengra þegar sjalið er notað.

EFNI:
DROPS AIR frá Garnstudio (tilheyrir garnflokki C)
150 g litur 01, natur
150 g litur 26, beige

PRJÓNFESTA:
14 lykkjur á breidd og 36 umferðir á hæð með klukkuprjóni = 10 x 10 cm.

PRJÓNAR:
DROPS HRINGPRJÓNN NR 5: lengd 80 cm.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Air
DROPS Air
65% Alpakka, 28% Polyamide, 7% Ull
frá 1364.00 kr /50g
Þú færð garn sem þarf í að gera þetta mynstur frá 8184.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

AUKIÐ ÚT 8 LYKKJUR:
Útaukningin er gerð í sléttri lykkju frá réttu með litnum natur – passið uppá að strekkja ekki of mikið á stykkinu þegar aukið er út. * Prjónið lykkjuna og uppsláttinn slétt saman, en ekki sleppa lykkjunni og uppslættinum sem prjónað var af vinstri prjóni, sláið 1 sinni uppá prjóninn *, prjónið frá *-* alls 4 sinnum og prjónið lykkjuna og uppsláttinn saman 1 sinni til viðbótar.
Sleppið síðan lykkjunni og uppslættinum af vinstri prjóni = 9 lykkjur á hægri prjóni (= 8 lykkjur fleiri). Í næstu umferð eru lykkjur prjónaðar inn í mynstur, lykkjan sem aukið var út í hefur nú margfaldast frá 1 lykkju slétt til 5 lykkjur slétt með 4 uppsláttum á milli sem síðar verða brugðnar lykkjur.

LEIÐBEININGAR-1
Ef þú ert ekki viss um hvaða lit á að prjóna með í næstu umferð, þá getur þú alltaf séð hvaða lit fyrri umferð var prjónuð með á því sjá hvaða litur er á kantlykkju og uppslætti.

KLUKKUPRJÓN Í 2 LITUM:

UMFERÐ 1 (= ranga): Prjónið með litnum beige þannig:
1 kantlykkja slétt, * sláið 1 sinni uppá prjóninn, lyftið 1 lykkju eins og prjóna eigi brugðið, 1 lykkja slétt *, prjónið frá *-* þar til 2 lykkjur eru eftir. Sláið 1 sinni uppá prjóninn, lyftið 1 lykkju eins og prjóna eigi brugðið og prjónið 1 kantlykkju slétt. Snúið stykkinu.

UMFERÐ 2 (= rétta): Prjónið með litnum natur þannig:
1 kantlykkja slétt, prjónið 1 lykkju og 1 uppslátt slétt saman, * sláið 1 sinni uppá prjóninn, lyftið 1 lykkju eins og prjóna eigi brugðið, prjónið 1 lykkju og 1 uppslátt slétt saman *, prjónið frá *-* þar til 3 lykkjur eru eftir (uppslátturinn er ekki talinn með). Sláið 1 sinni uppá prjóninn, lyftið 1 lykkju eins og prjóna eigi brugðið, prjónið 1 lykkju og 1 uppslátt slétt saman og prjónið 1 kantlykkju slétt.
Færið til baka lykkjur á hringprjóni þannig að prjónað sé frá sömu hlið einu sinni til viðbótar og skiptið um lit – sjá LEIÐBEININGAR-1.

UMFERÐ 3 (= rétta): Prjónið með litnum beige þannig:
1 kantlykkja slétt, * sláið 1 sinni uppá prjóninn, lyftið 1 lykkju eins og prjóna eigi brugðið, prjónið 1 uppslátt og 1 lykkja brugðið saman *, prjónið frá *-* þar til 2 lykkjur eru eftir. Sláið 1 sinni uppá prjóninn, lyftið 1 lykkju eins og prjóna eigi brugðið og prjónið 1 kantlykkju slétt. Snúið stykkinu.

UMFERÐ 4 (= ranga): Prjóni með litnum natur þannig:
1 kantlykkja slétt, * prjónið 1 lykkju og 1 uppslátt brugðið saman, sláið 1 sinni uppá prjóninn og lyftið 1 lykkju eins og prjóna eigi brugðið * prjónið frá *-* þar til 2 lykkjur eru eftir (uppslátturinn er ekki talinn með). Prjónið 1 lykkju og 1 uppslátt brugðið saman og prjónið 1 kantlykkju slétt.
Færið til baka lykkjur á hringprjóni þannig að prjónað sé frá sömu hlið einu sinni til viðbótar og skiptið um lit.

UMFERÐ 5 (= ranga): Prjónið með litnum beige þannig:
1 kantlykkja slétt, * sláið 1 sinni uppá prjóninn, lyftið 1 lykkju eins og prjóna eigi brugðið, prjónið 1 uppslátt og 1 lykkju slétt saman *, prjónið frá *-* þar til 2 lykkjur eru eftir. Sláið 1 sinni uppá prjóninn, lyftið 1 lykkju eins og prjóna eigi brugðið og prjónið 1 kantlykkju slétt. Snúið stykkinu.

Endurtakið umferð 2 til 5.

-------------------------------------------------------

BYRJIÐ Á STYKKI HÉR:

-------------------------------------------------------

SJAL - STUTT ÚTSKÝRING Á STYKKI:
Stykkið er prjónað fram og til baka á hringprjóna til að fá pláss fyrir allar lykkjurnar. Prjónað er KLUKKUPRJÓN Í 2 LITUM – sjá útskýringu að ofan, jafnframt eru lykkjur auknar út frá réttu með jöfnu millibili (réttan er hlið sem er með sléttar lykkjur í klukkuprjóni í litnum natur).

SJAL:
Fitjið upp 55 lykkjur á hringprjóna 5 með litnum beige. Prjónið 1 umferð slétt frá réttu.
Prjónið næstu umferð frá röngu þannig:
UMFERÐ 1 (= ranga): Prjónið eins og 1. umferð í KLUKKUPRJÓN Í 2 LITUM – sjá útskýringu að ofan.
UMFERÐ 2 (= rétta): Skiptið yfir í litinn natur, prjónið eins og 2. umferð í klukkuprjóni, en JAFNFRAMT er aukið út í fyrstu og síðustu sléttu lykkju í umferð – sjá AUKIÐ ÚT 8 LYKKJUR – í útskýringu að ofan = 71 lykkjur.
UMFERÐ 3 (= rétta): Prjónið eins og 3. umferð í klukkuprjóni með litnum beige, útauknar lykkjur frá fyrri umferð eru prjónaðar jafnóðum inn í klukkuprjóns mynstur.
UMFERÐ 4 (= ranga): Prjónið eins og 4. umferð í klukkuprjóni með litnum natur.
UMFERÐ 5 (= ranga): Prjónið eins og 5. umferð í klukkuprjóni með litnum beige.

Endurtakið síðan umferð 2 til 5 í klukkuprjóni án útaukninga þar til stykkið mælist 5 cm frá uppfitjunarkanti og næsta umferð er frá réttu með litnum natur. Sjá LEIÐBEININGAR í útskýringu að ofan!

LESTU ALLAN KAFLANN ÁÐUR EN ÞÚ PRJÓNAR ÁFRAM!
Nú á að auka út í 5 af sléttum lykkjunum í umferð JAFNFRAMT er prjónað klukkuprjón eins og áður. Setjið prjónamerki í sléttar lykkjur þar sem auka á út þannig: Setjið eitt prjónamerki í hverja af næstu sléttu lykkjum (séð frá réttu = hlið sem er með sléttar lykkjur í natur): 6. lykkju, 12. lykkju, 18. lykkju, 24. lykkju og 30. lykkju.
Prjónamerkin eiga að fylgja með í miðju lykkjunni af sléttum lykkjum í þessari útaukningu, þannig að útaukningarnar komi til með að verða beint yfir hverja aðra í hvert skipti sem aukið er út.

Prjónið klukkuprjón eins og áður og aukið út 8 LYKKJUR í hverja og eina af 5 lykkjum slétt með prjónamerki í = 40 lykkjur fleiri = 111 lykkjur.
Prjónið áfram í klukkuprjóni eins og áður þar til stykkið mælist ca 13 cm (8 cm frá fyrri útaukningu) og næsta umferð er frá réttu með litnum natur.

Prjónið klukkuprjón eins og áður og aukið út 8 LYKKJUR í hverja af 5 lykkjum slétt með prjónamerki í = 40 lykkjur fleiri = 151 lykkjur.
Prjónið áfram í klukkuprjóni eins og áður þar til stykki mælist ca 21 cm (8 cm frá fyrri útaukningu) og næsta umferð er frá réttu með litnum natur.

Prjónið klukkuprjón eins og áður og aukið út 8 LYKKJUR í hverja af 5 lykkjum slétt með prjónamerki í = 40 lykkjur fleiri = 191 lykkjur.
Prjónið áfram í klukkuprjóni eins og áður þar til stykki mælist ca 29 cm (8 cm frá fyrri útaukningu) og næsta umferð er frá réttu með litnum natur.

Prjónið klukkuprjón eins og áður og aukið út 8 LYKKJUR í hverja af 5 lykkjum slétt með prjónamerki í = 40 lykkjur fleiri = 231 lykkjur.
Prjónið áfram í klukkuprjóni eins og áður þar til stykki mælist ca 37 cm (8 cm frá fyrri útaukningu) og næsta umferð er frá réttu með litnum natur.

Prjónið klukkuprjón eins og áður og aukið út 8 LYKKJUR í hverja af 5 lykkjum slétt með prjónamerki í = 40 lykkjur fleiri = 281 lykkjur.
Prjónið áfram í klukkuprjóni eins og áður þar til stykki mælist ca 45 cm (8 cm frá fyrri útaukningu) og næsta umferð er frá réttu með litnum beige.

AFFELLING.
Fellt er af með litnum beige. Til að affellingarkanturinn verði ekki stífur, á að fella uppsláttinn af eins og eigin lykkju (þannig að það verði 1 lykkja + 1 lykkja með uppslætti að 3 lykkjum þegar fellt er af). Ef kanturinn verður enn stífur, er hægt að nota grófari prjóna við affellinguna. Klippið frá og festið enda.

Þetta mynstur hefur verið leiðrétt.

Yfirfarið á vefsvæði: 02.03.2021
LESTU ALLAN KAFLANN ÁÐUR EN ÞÚ PRJÓNAR ÁFRAM!...Setjið prjónamerki í sléttar lykkjur þar sem auka á út þannig: Setjið eitt prjónamerki í hverja af næstu sléttu lykkjum (séð frá réttu = hlið sem er með sléttar lykkjur í natur): 6. lykkju, 12. lykkju, 18. lykkju, 24. lykkju og 30. lykkju.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 214-19

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (12)

country flag Cristina wrote:

Ciao e grazie per il vostro lavoro. In altri modelli a coste inglesi e anche nei vostri video di lavoro a coste inglesi, le maglie+gettato vengono sempre lavorare a dritto. In questo modello invece vengono lavorare su 2 e 5 Ferri a dritto e su 3 e 4 Ferri a rovescio. È corretto? Grazie

20.08.2021 - 19:39

DROPS Design answered:

Buongiorno Cristina, le istruzioni sono corrette, la lavorazione è leggermente diversa dagli altri modelli. Buon lavoro!

21.08.2021 - 10:42

country flag Christina wrote:

Hello, Drops team! The description says to make 5 increases in the stiches with markers, it is 5×8 = 40 increased stiches. It is said to insert 5 markers in the following stisches: the1-st, the 6th, 12th, 18th, 24th and 30th knitted stitch. In total, there are 6 stiches, not 5.

02.03.2021 - 06:27

DROPS Design answered:

Dear Christina, you are right, there is a mistake in the English pattern, you shouldn't add a marker in the first stitch, only: =6th, 12th, 18th, 24th and 30th. Thanks for noticing, pattern will be update asap. Happy knitting!

02.03.2021 - 08:02

country flag Ann wrote:

Nu ger jag upp! Har stickat o rivit upp 4 ggr nu! Efter ökningarna får jag inte ihop patentstickningen! Det ska ju vara varannan maska ”enkel” o varannan ska vara maska med omslag. Men efter att ha gjort 8 maskors ökning (i en maska) stämmer ju inte det!!! Hur gör man ???

08.02.2021 - 21:40

DROPS Design answered:

Hei Ann. Litt usikker på hvor det blir feil hos deg, men du skal ha økt med 8 masker i 1 maske = 9 masker (= 5 nye masker og 4 kast). Når disse skal strikkes på neste pinne strikkes de som 3. PINNE (se forklaring under HELPATENT I 2 FARGER) = 1 rett med kast, neste maske strikkes som vrang, så rett med kast, vrang, rett med kast, vrang, rett med kast, vrang, rett med kast. Da går de inn i patentmøsntret. God Fornøyelse!

15.02.2021 - 12:45

country flag Else wrote:

Hvordan når 3 række er med Vrang videoen er ikke har nu prøvet 3 gange kan ikke efter 2 Pind med udtagning få det pænt

25.08.2020 - 14:53

DROPS Design answered:

Hei Else. Usikker på hva du mener med spørsmålet ditt. Hva er det som ikke blir pent? Det vil alltid bli et lite hull der man øker. Hvilken vrang video refererer du til? mvh DROPS design

31.08.2020 - 13:30

country flag Mari Samuelsson wrote:

Hej! Jag skulle gärna vilja sticka detta mönster, men när jag läser finns det inte mer instruktioner än stickfasthet. Jag tror att ni kanske missat att lägga in stickbeskrivningen på svenska?

17.08.2020 - 19:41

DROPS Design answered:

Hej Mari. Tack för info, nu finns mönstret även på svenska! Mvh DROPS Design

18.08.2020 - 11:08

country flag Ann Kristin wrote:

Forslag til navn: Feathers

24.07.2020 - 09:14

country flag Valérie wrote:

Joli chaufre-épaules

05.07.2020 - 16:33

country flag Elisa wrote:

Gli aumenti creano un fiore, un tulipano.

09.06.2020 - 10:34

country flag Viviana wrote:

Particolare

08.06.2020 - 21:00

country flag Carmen-Gabriela wrote:

Schöner kuscheliger Allrounder:)

07.06.2020 - 17:58