-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
Þetta mynstur hefur verið leiðrétt. Smelltu hér til að sjá leiðréttinguna/arnar.
Hvert mynstur okkar hefur sérstök kennslumyndbönd til að hjálpa þér.
Þessi skref - fyrir - skref kennslumyndbönd gætu aðstoðað þig:
Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
Hvað er garnflokkur?
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
Hvaða stærð á ég að prjóna?
Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.
Þú finnur stærðartöfluna neðst á mynstrinu.
Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
Af hverju eru ermar styttri í stærri stærðum?
Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.
Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
Hvað er endurtekning?
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
Af hverju byrjar stykkið á fleiri loftlykkjum en sem unnið er með?
Af hverju er aukið út á undan stroff kanti þegar stykkið er unnið ofan frá og niður?
Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.
Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
Af hverju hnökrar flíkin mín?
Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.
Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.
Winter is Coming |
|
|
|
Prjónað vesti / slipover með klauf í hliðum og hringlaga hálsmáli úr 1 þræði DROPS Cloud, 1 þræði DROPS Wish eða 2 þráðum DROPS Air. Stærð S – XXXL.
DROPS 173-47 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar prjónast slétt í öllum umf. ÚRTAKA: Til þess að reikna út hversu oft eigi að fækka lykkjum í umferð, teljið fjölda lykkja í umf (t.d. 75 l), mínus kantlykkjur (t.d. 12) og deilið þessum l með fjölda úrtöku sem á að gera (t.d. 13 l) = 4,8. Þ.e.a.s. í þessu dæmi þá eru 4. og 5. hver l prjónaðar saman og lykkjum er ekki fækkað yfir kantlykkjur. HNAPPAGAT: Fellið af fyrir 2 hnappagötum í hvorri hlið á framstykki. 1 hnappagat = fellið af þriðju og fjórðu l frá kanti og fitjið upp 2 nýjar l yfir þær l sem felldar voru af í næstu umf. Fellið af fyrir hnappagötum þegar stykkið mælist 16 og 26 cm í öllum stærðum (eða að óskaðri lengd). ------------------------------------------------------- BYRJIÐ Á STYKKI HÉR: ------------------------------------------------------- VESTI / SLIPOVER - STUTT ÚTSKÝRING Á STYKKI: Stykkið er prjónað fram og til baka á hringprjóna í 2 stykkjum og saumað saman á öxl. BAKSTYKKI: Fitjið upp 75-81-87-93-99-105 l (meðtaldar 6 kantlykkjur í hvorri hlið) á hringprjóna nr 7 með 1 þræði Cloud, 1 þræði Wish eða 2 þráðum Air. Prjónið 1 umf br frá röngu. Næsta umf er prjónuð frá réttu þannig: 6 kantlykkjur í GARÐAPRJÓN – sjá útskýringu að ofan, * 3 l br, 3 l sl *, endurtakið frá *-* þar til 9 l eru eftir á prjóni og endið með 3 l br og 6 kantlykkjum í garðaprjóni. Haldið svona áfram með stroff þar til stykkið mælist 21 cm. Í næstu umf frá röngu, skiptið yfir í hringprjón 8 og prjónið sléttprjón, jafnframt því er fækkað um 13-15-17-17-17-15 l jafnt yfir – LESIÐ ÚRTAKA = 62-66-70-76-82-90 í umf. Haldið áfram sléttprjón með 6 kantlykkjur í garðaprjóni í hvorri hlið. ATHUGIÐ PRJÓNFESTUNA! Þegar stykkið mælist 63-65-67-69-71-73 cm setjið síðustu l í byrjun á hverri umf í hvorri hlið á þráð fyrir öxl þannig (ATH: Til að sleppa við að þurfa að klippa þráðinn frá sem prjónað er með, þá eru l prjónaðar áður en þær eru settar á þráðinn): Setjið 7-8-8-9-10-11 l alls 2-3-2-2-3-2 sinnum og 8-0-9-10-0-12 l 1-0-1-1-0-1 sinni á þráð í hvorri hlið. JAFNFRAMT þegar stykkið mælist 65-67-69-71-73-75 cm fellið af miðju 16-16-18-18-20-20 l fyrir hálsmáli og hvor öxl er prjónuð til loka hvor fyrir sig. Fellið af 1 l í næstu umf frá hálsi. Þegar allar l hafa verið felldar af/settar á þráð eru 22-24-25-28-30-34 l á þræði fyrir öxl og bakstykki mælist ca 67-69-71-73-75-77 cm frá hæsta punkti á öxl og niður. Setjið l af þræði á hringprjóna nr 7. Prjónið 1 umf slétt frá röngu (til að sleppa við göt í skiptingunni þar sem l voru settar á þráð er tengingin sett á prjóninn á milli 2 l sem er síðan prjónuð snúin slétt saman við næstu l á prjóni). Fellið síðan LAUST af með sl frá réttu. Endurtakið á hinni öxlinni. FRAMSTYKKI: Fitjið upp og prjónið eins og bakstykki, nema þegar stroffið mælist 14 cm er l fækkað jafnt yfir eins og á bakstykki (framstykki er nú 7 cm styttra en bakstykki). Prjónið áfram eins og á bakstykki, en þegar stykkið mælist 16 og 26 cm er fellt af fyrir HNAPPAGAT í hvorri hlið – sjá útskýringu að ofan. Prjónið síðan áfram þar til stykkið mælist 53-55-57-58-60-62 cm. Setjið nú miðju 10-10-12-12-14-14 l á þráð fyrir hálsmáli og hvor öxl er prjónuð til loka hvor fyrir sig. Fellið síðan af fyrir hálsmáli í byrjun hverrar umf frá hálsi þannig: Fellið af 2 l 1 sinni og 1 l 2 sinnum. JAFNFRAMT þegar stykkið mælist 56-58-60-62-64-66 cm setjið l á þráð fyrir öxl eins og á bakstykki. Þegar allar l hafa verið settar á þráð/felldar af eru 22-24-25-28-30-34 l á þræði fyrir öxl og framstykki mælist ca 60-62-64-66-68-70 cm frá hæsta punkti á öxl og niður. Setjið l af þræði á hringprjóna nr 7 og prjónið 1 umf slétt frá röngu eins og á bakstykki áður en fellt er af með sl frá réttu. Endurtakið á hinni öxlinni. FRÁGANGUR: Saumið axlasauma innan við affellingarkantinn – passið uppá að saumurinn verði ekki of stífur. Leggið kantinn með garðaprjóni með hnappagötum (framstykki) á aðra hliðina á stykki yfir kant með garðaprjóni á bakstykki og saumið tölur í. Endurtakið í hinni hliðinni. HÁLSMÁL: Prjónið upp frá réttu ca 46 til 58 l í kringum hálsmál (meðtaldar lykkjur af þræði að framan) á stuttan hringprjón nr 7 með 1 þræði Cloud, 1 þræði Wish eða 2 þráðum Air. Prjónið 1 umf br, 1 umf sl og 1 umf br áður en fellt er LAUST af með sl. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Með yfir 40 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 304 vörulista og 11422 mynstur - 6925 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright em> sem er neðst á öllum mynstrunum okkar.
Athugasemdir / Spurningar (55)
Gauthier wrote:
Je souhaiterais faire ce modèle mais pas avec des aiguilles circulaires , avez vous des explications ? Merci d avance
01.11.2020 - 09:44DROPS Design answered:
Bonjour Mme Gauthier, vous trouverez ici comment adapter un modèle sur aiguilles droites. Bon tricot!
02.11.2020 - 08:09Augusta Jensen wrote:
Hej, skal der virkelig være 21 cm i ribben (det nederste ryg styk)?
10.10.2020 - 14:35DROPS Design answered:
Hei Augusta. Ja, det skal det være. God Fornøyelse!
11.10.2020 - 17:43Marie-noelle Eyssartier wrote:
Bonjour j'aimerais bien faire ce modèle avec 2 aiguilles n°6 et 7 échantillon de ma laine 13 mailles et 20 rg et 11 pelotes de 50g et 60 mètres dans l'attente je vous remercie de votre compréhension
07.10.2020 - 14:46DROPS Design answered:
Bonjour Mme Eyssartier, ce modèle a été conçu pour un échantillon de 11 m x 15 rangs = 10 x 10 cm (cf convertisseur pour voir d'autres alternatives) - nous ne sommes malheureusement pas en mesure de pouvoir adapter chacun de nos modèles à chaque demande, n'hésitez pas à contacter le magasin où vous avez acheté votre laine pour toute assistance complémentaire. Merci pour votre compréhension.
07.10.2020 - 15:33Hanne Vestergaard Pedersen wrote:
Hvis jeg vil bruge drops kid silk, hvor mange gram /nøgler skal jeg bruge?
03.09.2020 - 15:23DROPS Design answered:
Hej Hanne, hvis du prøver vores garnomregner, vælger DROPS Air - 500 g - 2 tråde så vil du få garnforbruget til 4 tråde DROPS Kid silk :)
04.09.2020 - 11:37Isabel wrote:
Buenas noches, por favor desearía saber que cantidad de puntos, altura antes de la sisa y largo total; para una niña de 6 años para realizar una chompa. Muy agradecida por apoyarme.
16.05.2020 - 04:18Christine wrote:
Hej, kan man lave den mindre end de angivede størrelser? kunne godt tænke mig en i x-small, som var lidt kortere. Kan i komme nogle mål på denne? Mvh Christine
21.11.2019 - 17:40DROPS Design answered:
Hei Christine. Det har dessverre ikke design avd. anledning til, men legg opp litt færre masker (pass på at maskeantallet til vrangborden går opp) og avpass lengden til ditt ønske. God Fornøyelse!
25.11.2019 - 13:25Christine wrote:
In English Please: on va glisser ces mailles en attente au début de chaque rang (après les avoir tricoté) pour former le biais des épaules ainsi: *tricotez 8 m, glissez-les en attente, terminez le rang, tricotez les 8 premières m, glissez-les en attente, terminez le rang*, répétez encore 1 fois de *-* (= 2 fois 8 m en attente de chaque côté) puis mettez en attente les 7 premières m au début des 2 rangs suivants. = vous avez 21 m.
16.11.2019 - 21:40DROPS Design answered:
Dear Christine, English would be: you slip the stitches on a thread at the beg of every row (after you have worked them) to shape shoulders: *work 8 sts, slip them on a thread, work to the end of the row, turn, work the first 8 sts, slip them on a thread, work row to the end, turn*, repeat from *to* one more time (= there is now a total of 8 stitches on a thread on each side), then slip the first 7 sts at the beg of the next 2 rows on a thread = 21 sts remain. Happy knitting!
19.11.2019 - 14:54Linda Baker wrote:
Please would you let me know if the wool is double knit or aran
30.10.2019 - 22:51DROPS Design answered:
Dear Linda, the DROPS Cloud yarn has 87 yards (80 meters) in a 50 gramm ball. Happy Knitting!
31.10.2019 - 23:38Beverly Rickell wrote:
How do I download one of your patterns ? To make it easier to read and knit .Thank you
09.04.2019 - 21:04DROPS Design answered:
Dear Beverly, you can print the pattern as .pdf file and store it in your pc. Happy crafting!
09.04.2019 - 22:11Wenche Dybdahl wrote:
Hei! Denne ser veldig fin ut, men jeg er ikke så veldig glad i å strikke på så tykke pinner - finnes den med litt tynnere garn? f.eks pinne 4-5?
27.01.2019 - 12:10DROPS Design answered:
Hei Wenche. Vi har dessverre ikke denne oppskriften i en annen strikkefasthet, men du kan feks se på 0-1364. God fornøyesle
30.01.2019 - 09:57