DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 5720.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS SS24

Hazy Dream Cardigan

Prjónuð stór / oversize peysa úr DROPS Kid-Silk. Stykkið er prjónað ofan frá og niður með laskalínu, v-hálsmáli og víðum ermum. Stærð XS - XXL.

DROPS 250-18
DROPS Design: Mynstur ks-223
Garnflokkur A
-------------------------------------------------------

STÆRÐ:
XS - S - M - L - XL - XXL

DROPS KID-SILK frá Garnstudio (tilheyrir garnflokki A)
100-125-125-150-150-175 g litur 06, blá þoka

TÖLUR:
DROPS TALA NR 521: 5 stykki í allar stærðir.

PRJÓNAR:
DROPS HRINGPRJÓNAR NR 3,5: Lengd 40 cm og 80 cm.
DROPS HRINGPRJÓNN NR 2,5: Lengd 80 cm.
DROPS SOKKAPRJÓNAR NR 3,5.
DROPS SOKKAPRJÓNAR NR 2,5.
Hægt er að nota MAGIC LOOP aðferðina – þá þarf einungis hringprjón 80 cm í hverju prjónanúmeri.

PRJÓNFESTA:
21 lykkja á breidd og 28 umferðir á hæð með gatamynstri = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 5720.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu.

VINSTRI KANTUR AÐ FRAMAN MEÐ I-CORD:
RÉTTA:
Lyftið 1 lykkju af prjóni eins og prjóna eigi brugðið með þráðinn framan við stykkið og prjónið 3 lykkjur slétt, 2 lykkjur brugðið, 2 lykkjur slétt, 2 lykkjur brugðið.
RANGA:
Prjónið 2 lykkjur slétt, 2 lykkjur brugðið, 2 lykkjur slétt, 2 lykkjur brugðið, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt.

HÆGRI KANTUR AÐ FRAMAN MEÐ I-CORD:
RÉTTA:
Prjónið 2 lykkjur slétt, 2 lykkjur brugðið, 2 lykkjur slétt, 2 lykkjur brugðið, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt.
RANGA:
Lyftið 1 lykkju af prjóni eins og prjóna eigi brugðið með þráðinn framan við stykkið og prjónið 3 lykkjur slétt, 2 lykkjur brugðið, 2 lykkjur slétt, 2 lykkjur brugðið.

LASKALÍNA:
Öll útaukning er gerð frá réttu!
Aukið út 1 lykkju með því að slá 1 sinni uppá prjóninn. Í næstu umferð (= ranga) er uppslátturinn prjónaður brugðið – svo það myndist gat, síðan eru nýjar lykkjur prjónaðar jafn óðum inn í mynstur.

ÚTAUKNING-1 (v-hálsmál):
Öll útaukning er gerð frá réttu!
Aukið út um 1 lykkju innan við 10 kantlykkjur að framan með því að slá 1 sinni uppá prjóninn. Í næstu umferð (= ranga) er uppslátturinn prjónaður snúinn brugðið – svo það myndist gat. Síðan eru nýjar lykkjur prjónaðar jafn óðum inn í mynstur.

ÚTAUKNING-2 (jafnt yfir):
Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður snúinn – svo ekki myndist gat.

ÚRTAKA (á við um mitt undir ermum):
Fækkað er um 2 lykkjur í umferð með því að fækka lykkjum hvoru megin við lykkju með merki í þannig:
Prjónið þar til 2 lykkjur eru eftir á undan lykkju með merki í, prjónið 2 lykkjur slétt saman, 1 lykkja slétt (merkið situr í þessari lykkjur), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 2 lykkjur færri).

HNAPPAGAT:
Fellið af fyrir hnappagötum í hægri kanti að framan frá réttu.
UMFERÐ 1: Prjónið þar til 6 lykkjur eru eftir í umferð, sláið 1 sinni uppá prjóninn, prjónið 2 lykkjur brugðið saman, prjónið síðan kant að framan eins og áður.
UMFERÐ 2: Prjónið kant að framan eins og áður og prjónið uppsláttinn slétt, svo það myndist hnappagat.
Fellið af fyrir fyrsta hnappagatinu þegar öll útaukning fyrir v-hálsmáli er lokið og prjónað hefur verið ca 1 cm á eftir síðustu útaukningu (framstykkið mælist ca 29-30-33-35-36-37 cm, mælt frá öxl), síðan er fellt af fyrir hnappagötum þegar kantur að framan mælist:
XS: 33-38-43-48 cm
S: 35-40-45-50 cm
M: 37-42-46-51 cm
L: 39-44-48-53 cm
XL: 40-45-49-54 cm
XXL: 41-46-51-56 cm
(= fellt er af fyrir síðasta hnappagatinu í skiptingunni á milli sléttprjóns og stroffs neðst á framstykki).

-------------------------------------------------------


BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf.
Byrjið með að prjóna 2 lausa kanta að framan sem sauma á saman meðfram hnakka við frágang, síðan eru lykkjur fitjaðar upp fyrir hálsmáli á milli þessa 2 kanta að framan og berustykkið er prjónað ofan frá og niður og fram og til baka á hringprjóna.
Þegar berustykkið hefur verið prjónað til loka, skiptist stykkið fyrir fram- og bakstykki og ermar. Fram- og bakstykki er prjónað til loka niður á við fram og til baka á hringprjóna, á meðan ermar eru látnar bíða.
Eftir fram- og bakstykki eru ermar prjónaðar niður á við í hring á hringprjóna / sokkaprjóna.
Kantar að framan frá hvoru framstykki eru saumaðir saman, saumur = mitt að aftan, síðan eru kantar að framan saumaðir við lykkjur í kringum hálsmál.
Ef það stendur 0 í valinni stærð, þá þýðir það að hoppað er yfir leiðbeiningar fram að næstu leiðbeiningum.

VINSRI KANTUR AÐ FRAMAN:
Fitjið upp 10 lykkjur á hringprjón 3,5 með DROPS Kid-Silk.
Prjónið VINSTRI KANTUR AÐ FRAMAN MEÐ I-CORD – lesið útskýringu að ofan. Haldið áfram þar til kantur að framan mælist 17-17-17-19-19-19 cm, endið með síðustu umferð frá réttu, klippið þráðinn, setjið lykkjur á þráð eða á hjálparprjón og prjónið síðan hægri kant að framan.

HÆGRI KANTUR AÐ FRAMAN:
Fitjið upp 10 lykkjur á hringprjón 3,5 með DROPS Kid-Silk.
Prjónið HÆGRI KANTUR AÐ FRAMAN MEÐ I-CORD – lesið útskýringu að ofan. Haldið áfram þar til kantur að framan mælist 17-17-17-19-19-19 cm, endið með síðustu umferð frá röngu, klippið þráðinn, setjið lykkjur á þráð eða á hjálparprjón og prjónið síðan hægri kant að framan.

BERUSTYKKI:
Haldið eftir 10 lykkjum frá hægra framstykki á prjóni (síðasta umferð er prjónuð frá röngu), fitjið upp 77-77-77-85-85-85 lykkjur í lok umferðar, setjið inn lykkjur frá vinstri kanti að framan yfir á vinstri prjón og prjónið frá röngu eins og áður yfir þessar 10 lykkjur = 97-97-97-105-105-105 lykkjur.
Nú eru settir 4 merkiþræðir í stykkið. Merkiþræðirnir eru settir í stykkið frá réttu, án þess að prjóna lykkjurnar, merkiþræðirnir eru notaðir þegar auka á út fyrir laskalínu.
Teljið 12 lykkjur (= vinstra framstykki), setjið 1 merkiþráð á undan næstu lykkju, teljið 19 lykkjur (= ermi), setjið 1 merkiþráð á undan næstu lykkju, teljið 35-35-35-43-43-43 lykkjur (= bakstykki), setjið 1 merkiþráð á undan næstu lykkju, teljið 19 lykkjur (= ermi), setjið 1 merkiþráð á undan næstu lykkju. Það eru 12 lykkjur eftir í umferð á eftir síðasta merkiþræði (= hægra framstykki).
Nú er prjónað MYNSTUR fram og til baka jafnframt því sem aukið er út fyrir LASKALÍNA hvoru megin við 4 merkiþræðina (= hvoru megin við 2 lykkjur sléttprjón) – lesið útskýringu að ofan, þ.e.a.s. fyrsta umferð er prjónuð frá réttu þannig:
Prjónið vinstri kant að framan með I-cord eins og áður, prjónið A.1, aukið út 1 lykkju fyrir laskalínu, prjónið 2 lykkjur sléttprjón (merkiþráðurinn situr á milli þessa 2 lykkja), aukið út 1 lykkju fyrir laskalínu, prjónið A.2, prjónið A.3, prjónið A.4 (= ermi), aukið út 1 lykkju fyrir laskalínu, prjónið 2 lykkjur sléttprjón, aukið út 1 lykkju fyrir laskalínu, prjónið A.2, prjónið A.3 alls 3-3-3-4-4-4 sinnum, prjónið A.4 (= bakstykki), aukið út 1 lykkju fyrir laskalínu, prjónið 2 lykkjur sléttprjón, aukið út 1 lykkju fyrir laskalínu, prjónið A.2, prjónið A.3, prjónið A.4 (= ermi), aukið út 1 lykkju fyrir laskalínu, prjónið 2 lykkjur sléttprjón, aukið út 1 lykkju fyrir laskalínu, prjónið A.1 og prjónið hægri kantur að framan með I-cord eins og áður = 105-105-105-113-113-113 lykkjur.

UPPLÝSINGAR ÁÐUR EN PRJÓNAÐ ER ÁFRAM:
Haldið svona áfram með mynstur fram og til baka, þ.e.a.s. gatamynstur er prjónað á framstykkjum, bakstykki og ermum, 2 lykkjur sléttprjón í hverri skiptingu á milli framstykkja/bakstykkis og erma og 10 kantlykkjur að framan í hvorri hlið eins og áður.
Þegar A.1 hefur verið prjónað til loka á hæðina á framstykkjum, prjónið A.2, A.3 og A.4 yfir þessar lykkjur. Síðan í hvert skipti sem prjónuð er 1 mynstureining á hæðina með A.2, A.3 og A.4, er pláss fyrir 2 mynstureiningar fleiri með A.3 á milli A.2 og A.4. Að auki er aukið út fyrir laskalínu og v-hálsmáli eins og útskýrt er að neðan.

PRJÓNIÐ ÞANNIG:
Aukið út fyrir laskalínu í annarri hverri umferð alls 28-32-36-36-36-40 sinnum (ásamt útaukningu í fyrstu umferð).
ATHUGIÐ PRJÓNFESTUNA!
JAFNFRAMT þegar prjónaðar hafa verið 4 umferðir í mynstri fram og til baka og næsta umferð er prjónuð frá réttu, aukið út fyrir v-hálsmáli í hvorri hlið – lesið ÚTAUKNING-1. Aukið út fyrir v-hálsmáli í 4. hverri umferð alls 16-14-10-20-18-16 sinnum og síðan í 6. hverri umferð alls 0-2-6-0-2-4 sinnum í hvorri hlið.
Á eftir síðustu útaukningu fyrir laskalínu mælist stykkið ca 20-23-26-26-26-29 cm frá uppfitjunarkanti aftan í hnakka – útaukning fyrir v-hálsmáli er ekki lokið.
Í næstu umferð (= ranga), á eftir síðustu útaukningu fyrir laskalínu, skiptist berustykkið fyrir fram- og bakstykki og ermar.

SKIPTING FYRIR FRAM- OG BAKSTYKKI OG ERMAR:
Munið eftir að útaukning fyrir v-hálsmáli er ekki lokið.
Byrjið frá röngu og prjónið eins og áður fram að fyrsta merkiþræði (= hægra framstykki), setjið næstu 75-83-91-91-91-99 lykkjur á þráð fyrir ermi, fitjið upp 13-13-13-13-21-21 nýjar lykkjur á prjóni (= í hlið undir ermi), prjónið 91-99-107-115-115-123 lykkjur eins og áður (= bakstykki), setjið næstu 75-83-91-91-91-99 lykkjur á þráð fyrir ermi, fitjið upp 13-13-13-13-21-21 nýjar lykkjur í umferð (= í hlið undir ermi) og prjónið síðustu lykkjur eins og áður (= vinstra framstykki). Fram- og bakstykki og ermar er síðan prjónað hvert fyrir sig. Héðan er nú stykkið mælt!

FRAM- OG BAKSTYKKI:
Haldið áfram fram og til baka, þ.e.a.s. prjónið gatamynstur fram og til baka yfir allar lykkjur með 10 kantlykkjum að framan í hvorri hlið eins og áður og haldið áfram með útaukningu fyrir v-hálsmáli (passið uppá að gatamynstrið passi á hæðina yfir lykkjur frá berustykki).
Þegar síðasta útaukning fyrir v-hálsmáli er lokið, eru 229-245-261-277-293-309 lykkjur í umferð.
Haldið áfram með mynstur fram og til baka eins og áður – lykkjur sem ekki ganga jafnt upp í mynstrið við miðju að framan, eru prjónaðar í sléttprjóni.
Prjónið þar til stykkið mælist 23-22-20-22-23-22 cm frá skiptingu – munið eftir HNAPPAGAT sjá útskýringu að ofan.
Í næstu umferð (= rétta) byrjar stroff JAFNFRAMT er aukið út um 73-77-77-85-93-97 lykkjur jafnt yfir í umferð – lesið ÚTAUKNING-2 = 302-322-338-362-386-406 lykkjur, prjónið þannig:
Skiptið yfir á hringprjón 2,5, prjónið kant að framan eins og áður, prjónið stroff (= 2 lykkjur slétt / 2 lykkjur brugðið – munið eftir útaukning) þar til 12 lykkjur eru eftir, prjónið 2 lykkjur slétt og kant að framan eins og áður.
Þegar stroffið mælist 4-4-5-5-6-6 cm, fellið af með 2 þráðum DROPS Kid-Silk. Peysan mælist ca 52-54-56-58-60-62 cm frá öxl.

ERMAR:
Setjið 75-83-91-91-91-99 lykkjur frá ermi af öðrum þræðinum á hringprjón 3,5 og prjónið einnig upp 1 lykkju í hverja af 13-13-13-13-21-21 lykkjum sem fitjaðar voru upp undir ermi = 88-96-104-104-112-120 lykkjur.
Setjið 1 merki í miðju af 13-13-13-13-21-21 nýjum lykkjum undir ermi – umferðin byrjar á undan lykkju með merki. Merkið er notað þegar fækka á lykkjum mitt undir ermi.
Haldið áfram hringinn með gatamynstri – JAFNFRAMT þegar ermin mælist 4-3-3-3-3-3 cm frá skiptingunni, fækkið lykkjum mitt undir ermi – lesið ÚRTAKA og fækkið lykkjum þannig: Fækkið um 2 lykkjur í hverjum 4-3-2½-2½-2½-1½ cm alls 8-12-12-12-12-16 sinnum (lykkjur sem ekki ganga jafnt upp í gatamynstri þegar lykkjum er fækkað, eru prjónaðar í sléttprjóni) = 72-72-80-80-88-88 lykkjur.
Prjónið síðan þar til ermin mælist 40-38-35-35-35-33 cm frá skiptingunni.
Skiptið yfir á sokkaprjóna 2,5 og prjónið stroff (= 2 lykkjur slétt / 2 lykkjur brugðið) JAFNFRAMT er aukið út um 24-24-28-28-28-28 lykkjur jafnt yfir í umferð 1= 96-96-108-108-116-116 lykkjur. Þegar stroffið mælist 4-4-5-5-6-6 cm, fellið af með 2 þráðum. Ermin mælist ca 44-42-40-40-41-39 cm frá skiptingunni.

FRÁGANGUR:
Saumið saman kanta að framan (= mitt að aftan, saumið síðan kanta að framan við uppfitjunarkantinn aftan í hnakka. Saumið tölur í vinstri kant að framan.

Mynstur

symbols = slétt lykkja frá réttu, brugðin lykkja frá röngu
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður eins og útskýrt er í mynsturteikningu – það á að myndast gat
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 250-18

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (10)

country flag Ksenija wrote:

Hello. I can’t figure out when they start making V-neck increases on the 4th row? First they are done on the 2nd row, and when should you start adding on the 4th?

13.04.2024 - 08:28

country flag María wrote:

Espalda. Indican 35 puntos. Al trabajar A.2, A.3 un total de 3-3-3-4-4-4 veces, A.4 (= espalda). Los 35 puntos no son suficientes. A2+A3 = 11puntos. Estos 11puntos 3veces = 33puntos. Estos 33 puntos +A4 = 39puntos necesarios para trabajar como indican. Entonces: Son 28 puntos para la espalda. Repitiendo 2 veces A2,A3. Terminando con A4. O son 39 puntos para trabajar como indica el patrón.

04.04.2024 - 02:54

country flag Jane wrote:

I can't have anything with even a small portion of mohair near my skin so could you recommend which Group A yarn would give a reasonable result for this pattern - I know nothing is going to give the same effect as they kid silk. Thank you.

02.04.2024 - 11:39

DROPS Design answered:

Dear Jane, if you absolutely cannot have mohair, Try the alpaca yarn. It does have some halo (though not nearly as much as Kid Silk), it is relatively thin, light and airy. Happy Knitting!

02.04.2024 - 23:55

country flag Joanyuan wrote:

Dreamscape

19.01.2024 - 18:32

country flag Olga wrote:

Dusk mist

19.01.2024 - 09:00

country flag Kelly wrote:

Lilly Lace

18.01.2024 - 21:57

country flag Dani wrote:

May breeze

18.01.2024 - 16:52

country flag Gabi wrote:

Fairy Dust

18.01.2024 - 13:25

country flag Flavia wrote:

Summer Cloud

18.01.2024 - 13:00

country flag Tonje wrote:

Første som dukket opp var «sommerdrøm» eller «summer dreams»🌱

18.01.2024 - 12:43