DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 8580.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS SS24

Perfectly Provence Cardigan

Prjónuð peysa úr 2 þráðum DROPS Kid-Silk eða 1 þræði DROPS Brushed Alpaca Silk. Stykkið er prjónað neðan frá og upp með gatamynstri, V-hálsmáli og ísaumuðum ermum. Stærð S - XXXL.

DROPS 250-21
DROPS Design: Mynstur ks-221
Garnflokkur A + A eða C
-------------------------------------------------------

STÆRÐ:
S - M - L - XL - XXL - XXXL

GARN:
DROPS KID-SILK frá Garnstudio (tilheyrir garnflokki A)
150-175-175-200-225-250 g litur 11, fjólublár

Eða notið:
DROPS BRUSHED ALPACA SILK frá Garnstudio (tilheyrir garnflokki C)
125-125-150-150-175-175 g litur 17, ljós lavender

TÖLUR:
DROPS TALA NR 522: 5-5-5-6-6-6 stykki.

PRJÓNAR:
DROPS HRINGPRJÓNAR NR 5: Lengd 40 cm og 80 cm.
DROPS HRINGPRJÓNAR NR 4: Lengd 40 cm og 80 cm.
DROPS SOKKAPRJÓNAR NR 5.
DROPS SOKKAPRJÓNAR NR 4.
Hægt er að nota MAGIC LOOP aðferðina – þá þarf einungis hringprjón 80 cm í hverju prjónanúmeri.

PRJÓNFESTA:
17 lykkjur á breidd og 22 umferðir á hæð með sléttprjóni með 2 þráðum DROPS Kid-Silk eða 1 þræði DROPS Brushed Alpaca Silk = 10 x 10 cm.
ATH: Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Kid-Silk
DROPS Kid-Silk
75% Mohair, 25% Silki
frá 1430.00 kr /25g
Þú færð garn sem þarf í að gera þetta mynstur frá 8580.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

MYNSTUR:
Sjá mynsturteikningu A.1 til A.3. Mynsturteikning sýnir allar umferðir í mynstri séð frá réttu.

ÚRTAKA-1 (á við um í hliðum á fram- og bakstykki):
Öll úrtaka er gerð frá réttu!
Fækkað er um 4 lykkjur í umferð með því að fækka lykkjum hvoru megin við merkiþráð þannig:
Prjónið þar til 4 lykkjur eru eftir á undan merkiþræði, prjónið 2 lykkjur slétt saman, 4 lykkjur slétt (merkiþráðurinn situr mitt í þessum 4 lykkjum), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð.
Endurtakið síðan úrtöku við merkiþráðinn í hinni hliðinni.

ÚRTAKA-2 (á við um V-hálsmál):
Öll úrtaka er gerð frá réttu!
HÆGRA FRAMSTYKKI:
Prjónið 6 kantlykkjur að framan eins og áður, lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri).
VINSTRA FRAMSTYKKI:
Prjónið þar til 8 lykkjur eru eftir í umferð, prjónið 2 lykkjur slétt saman, 6 kantlykkjur að framan eins og áður (= 1 lykkja færri).

ÚRTAKA-3 (á við um mitt undir ermum):
Fækkið um 2 lykkjur í umferð með því að fækka lykkjum hvoru megin við merkiþráð þannig:
Prjónið þar til 3 lykkjur eru eftir á undan merkiþræði, prjónið 2 lykkjur slétt saman, 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð.

ÚTAUKNING (á við um í hliðum á fram- og bakstykki):
Öll útaukning er gerð frá réttu!
Aukið út um 4 lykkjur í umferð með því að auka út hvoru megin við merkiþráð þannig:
Prjónið þar til 5 lykkjur eru eftir á undan merkiþræði, sláið 1 sinni uppá prjóninn, prjónið 10 lykkjur slétt (merkiþráðurinn situr mitt í þessum 10 lykkjum), sláið 1 sinni uppá prjóninn. Endurtakið síðan útaukningu við merkiþráðinn í hinni hliðinni. Í næstu umferð er uppslátturinn prjónaður brugðið – svo ekki myndist gat. Síðan eru nýjar lykkjur prjónaðar í sléttprjóni.

HÆGRI KANTUR AÐ FRAMAN:
RÉTTA:
Prjónið 1 lykkju í garðaprjóni, sláið 1 sinni uppá prjóninn, prjónið 5 lykkjur í garðaprjóni.
RANGA:
Prjónið 5 lykkjur í garðaprjóni, prjónið uppsláttinn og síðustu lykkju slétt saman.

VINSTRI KANTUR AÐ FRAMAN.
RÉTTA:
Prjónið þar til 6 lykkjur eru eftir í umferð, prjónið 5 lykkjur garðaprjón, sláið 1 sinni uppá prjóninn, prjónið 1 lykkju í garðaprjóni.
RANGA:
Prjónið fyrstu lykkju og uppsláttinn slétt saman, prjónið 5 lykkjur í garðaprjóni.

HNAPPAGAT:
Fellið af fyrir hnappagötum í hægri kanti að framan frá réttu (kantur að framan = 6 lykkjur):
UMFERÐ 1: Prjónið 2 fyrstu kantlykkjur að framan eins og áður, prjónið 3. Og 4. Kantlykkjur að framan slétt saman, sláið 1 sinni uppá prjóninn, prjónið eins og áður út umferðina.
UMFERÐ 2: Prjónið kantlykkjur að framan eins og áður og prjónið uppsláttinn slétt, svo það myndist hnappagat.
Fellið af fyrir hnappagötum þegar stykkið mælist:
S: 2, 10, 18, 26 og 33 cm
M: 2, 10, 18, 26 og 34 cm
L: 3, 11, 19, 27 og 35 cm
XL: 3, 11, 19, 27 og 36 cm
XXL: 3, 11, 20, 28 og 37 cm
XXXL: 3, 12, 21, 30 og 38 cm
(= fellt er af fyrir síðasta hnappagatinu í skiptingunni á milli framstykkis og V-hálsmáls).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf.
Stykkið er prjónað fram og til baka á hringprjóna, neðan frá og upp að handvegi.
Síðan skiptist stykkið fyrir framstykki og bakstykki og hvort stykki er prjónað til loka hvort fyrir sig.
Saumið axlasauma. Lykkjur eru prjónaðar upp fyrir ermar í kringum handveg. Fyrst er ermakúpan prjónuð fram og til baka, síðan eru ermar prjónaðar niður á við á hringprjóna / sokkaprjóna.

FRAM- OG BAKSTYKKI:
Fitjið upp 183-199-211-227-247-267 lykkjur á hringprjón 5 með 2 þráðum DROP Kid-Silk eða 1 þræði DROPS Brushed Alpaca Silk.
Skiptið yfir á hringprjón 4 og prjónið 4 umferðir GARÐAPRJÓN – lesið útskýringu að ofan.
Skiptið yfir á hringprjón 5 og prjónið næstu umferð frá réttu þannig: prjónið HÆGRI KANTUR AÐ FRAMAN – lesið útskýringu að ofan, prjónið A.1 alls 2-2-3-3-4-4 sinnum, prjónið A.2, prjónið 18-22-17-21-18-23 lykkjur sléttprjón, setjið 1 merkiþráð á undan næstu lykkju (= í hlið á fram- og bakstykki), prjónið 18-22-17-21-18-23 lykkjur sléttprjón, prjónið A.1 alls 5-5-7-7-9-9 sinnum, prjónið A.2, prjónið 18-22-17-21-18-23 lykkjur sléttprjón, setjið 1 merkiþráð á undan næstu lykkju (= í hlið á fram- og bakstykki), prjónið 18-22-17-21-18-23 lykkjur sléttprjón, prjónið A.1 alls 2-2-3-3-4-4 sinnum, prjónið A.2, prjónið VINSTRI KANTUR AÐ FRAMAN. Haldið svona áfram með mynstur og látið merkiþræðina fylgja áfram með í stykkinu, merkiþræðirnir eru notaðir þegar lykkjum er fækkað og aukið út í hliðum.
ATHUGIÐ PRJÓNFESTUNA og munið eftir HNAPPAGAT í hægri kanti að framan!
Þegar stykkið mælist 6 cm, fækkið um 2 lykkjur við hvorn merkiþráð – lesið ÚRTAKA-1 (= 4 lykkjur færri). Fækkið lykkjum svona í hverjum 5,5 cm alls 4 sinnum = 167-183-195-211-231-251 lykkjur.
Þegar stykkið mælist 28 cm, aukið út 2 lykkjur við hvorn merkiþráð – lesið ÚTAUKNING (= 4 lykkjur fleiri). Aukið út á sama hátt þegar stykkið mælist 32-32-33-33-34-34 cm = 175-191-203-219-239-259 lykkjur.
Þegar stykkið mælist 31-32-33-34-35-36 cm, prjónið næstu umferð frá réttu þannig: Prjónið hægri kant að framan eins og áður, prjónið A.3 þar til 7 lykkjur eru eftir, prjónið næstu lykkju eins og fyrsta lykkja í A.3 (í umferð 5 er lykkjan prjónuð slétt), prjónið vinstri kant að framan eins og áður.
Haldið svona áfram með mynstur.
Þegar A.3 hefur verið prjónað til loka á hæðina, mælist stykkið ca 34-35-36-37-38-39 cm.
Stykkið skiptist nú fyrir framstykki og bakstykki.

SKIPTING FYRIR FRAMSTYKKI OG BAKSTYKKI:
Næsta umferð er prjónuð frá réttu þannig: Prjónið hægri kant að framan eins og áður, prjónið sléttprjón þar til eftir eru 2-2-3-6-9-12 lykkjur á undan fyrri merkiþræði (= hægra framstykki ásamt kanti að framan), fellið af 4-4-6-12-18-24 lykkjur fyrir handveg, prjónið 77-85-89-91-95-99 lykkjur sléttprjón (= bakstykki), fellið af 4-4-6-12-18-24 lykkjur fyrir handveg, prjónið sléttprjón þar til 6 lykkjur eru eftir, prjónið vinstri kant að framan eins og áður (= vinstra framstykki ásamt kanti að framan). Framstykkin og bakstykkið er prjónað til loka hvert fyrir sig.

VINSTRA FRAMSTYKKI:
= 45-49-51-52-54-56 lykkjur. Byrjið frá röngu, prjónið sléttprjón fram og til baka og prjónið kant að framan eins og áður.
JAFNFRAMT í fyrstu umferð frá réttu byrjar úrtaka fyrir V-hálsmáli – lestu ÚRTAKA-2 og fækkið lykkjum í lok annarrar hverrar umferðar þannig: Fækkið um 1 lykkju alls 8-8-9-9-10-10 sinnum, síðan er lykkjum fækkað í 4. hverri umferð þannig: Fækkið um 1 lykkju alls 4-4-4-4-4-4 sinnum = 33-37-38-39-40-42 lykkjur.
Prjónið síðan sléttprjón og kant að framan eins og áður þar til stykkið mælist 52-54-56-58-60-62 cm – endið með umferð frá röngu. Í næstu umferð (= rétta) eru felldar af fyrstu 27-31-32-33-34-36 lykkjur fyrir öxl = 6 kantlykkjur að framan eftir í umferð. Prjónið fram og til baka yfir kant að framan eins og áður í 8-8-8-8-9-9 cm, fellið af.

HÆGRA FRAMSTYKKI:
= 45-49-51-52-54-56 lykkjur. Byrjið frá röngu, prjónið sléttprjón fram og til baka og prjónið kant að framan eins og áður.
JAFNFRAMT í fyrstu umferð frá réttu byrjar úrtaka fyrir V-hálsmáli – lestu ÚRTAKA-2 og fækkið lykkjum í byrjun annarrar hverrar umferðar þannig: Fækkið um 1 lykkju alls 8-8-9-9-10-10 sinnum, síðan er lykkjum fækkað í 4. hverri umferð þannig: Fækkið um 1 lykkju alls 4-4-4-4-4-4 sinnum = 33-37-38-39-40-42 lykkjur.
Prjónið síðan sléttprjón og kant að framan eins og áður þar til stykkið mælist 52-54-56-58-60-62 cm – endið með umferð frá röngu. Í næstu umferð (= ranga) eru felldar af fyrstu 27-31-32-33-34-36 lykkjur fyrir öxl = 6 kantlykkjur að framan eftir í umferð. Prjónið fram og til baka yfir kant að framan eins og áður í 8-8-8-8-9-9 cm, fellið af.

BAKSTYKKI:
= 77-85-89-91-95-99 lykkjur. Byrjið frá röngu og prjónið sléttprjón fram og til baka.
Þegar stykkið mælist 50-52-54-56-58-60 cm, fellið af miðju 21-21-23-23-25-25 lykkjur af fyrir hálsmáli og hvor öxl er prjónuð til loka fyrir sig.
Prjónið síðan sléttprjón og fellið af 1 lykkju fyrir hálsmáli í byrjun næstu umferðar frá hálsmáli = 27-31-32-33-34-36 lykkjur.
Prjónið síðan þar til stykkið mælist 52-54-56-58-60-62 cm. Fellið af. Prjónið síðan hina öxlina á sama hátt.

FRÁGANGUR-1:
Saumið axlasauma

ERMAR:
Ermin er prjónuð frá handvegi og niður á við á hringprjón 5.
Frá réttu eru prjónaðar upp 62-64-68-72-74-78 lykkjur meðfram handvegi – byrjið í horni í botni á handvegi og prjónið fram að horni í botni á handvegi í hinni hliðinni. Setjið 2 merki mitt í umferð = mitt ofan á öxl – ermin núna mælt frá þessu merki.
Prjónið sléttprjón fram og til baka þar til ermin mælist 1-1-2-4-5-7 cm, þetta mál passar við handveg á fram- og bakstykki.
Nú er prjónað í sléttprjóni í hring JAFNFRAMT er settur 1 merkiþráður í byrjun umferðar (= mitt undir ermi – hér byrjar umferðin), látið merkiþráðinn fylgja áfram með í stykkinu, merkiþráðurinn á að nota þegar fækka á lykkjum mitt undir ermi.
Þegar ermin mælist 4-4-4-6-7-9 cm frá merki, fækkið lykkjum mitt undir ermi – lesið ÚRTAKA-3 og fækkið lykkjum þannig: Fækkið um 2 lykkjur í hverjum 4-4-3½-3-3-2½ cm alls 9-9-10-11-11-12 lykkjur = 44-46-48-50-52-54 lykkjur. Prjónið síðan þar til ermin mælist 42-40-40-40-40-40 cm frá merki. Prjónið A.3 í kringum ermi.
Skiptið yfir á sokkaprjóna 4 og prjónið 2 umferðir GARÐAPRJÓN – lesið útskýringu að ofan. Fellið af aðeins laust. Ermin mælist ca 45-43-43-43-43-43 cm frá merki.

FRÁGANGUR-2:
Saumið botninn á handvegi – sjá teikningu. Saumið tölur í vinstri kant að framan.
Saumið affellingarkantinn saman við kantlykkjur að framan mitt að aftan og látið sauminn snúa inn að röngu á stykkinu. Saumið kantinn við hálsmál aftan í hnakka.

Þetta mynstur hefur verið leiðrétt.

Yfirfarið á vefsvæði: 05.04.2024
Uppfærðar leiðbeiningar um frágang.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu

symbols = á milli 2 lykkja er slegið 1 sinni uppá prjóninn
symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
symbols = saumið b við B
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 250-21

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (8)

country flag Annie Puigrenier wrote:

Merci pour votre aide . Cordialement

05.03.2024 - 00:01

country flag Bing wrote:

Annie, you have to knit both bands (Left & right) too.

03.03.2024 - 06:03

country flag Puigrenier Annie wrote:

Bonjour, Je ne comprends pas la répartition s des motifs pour démarrer mon tricot . Je fais la taille S. je démarre donc avec 183 mailles mais je n’arrive pas à placer tous les motifs , il me reste des mailles Bordure 5 + (2x A1)= 16, + A2 =9 + 18 jersey+ (5x A1)= 40,+A2= 9 + 18 jersey, +18 jersey ,+(2x A1) = 16,+A2= 9, + bordure 5. Merci à vous Cordialement Annie

03.03.2024 - 03:19

DROPS Design answered:

Bonjour Annie, la bordure devant se tricote sur 6 mailles (5 m point mousse, 1 jeté, 1 m point mousse en début de rang et 5 m point mousse, 1 jeté, 1 m point mousse en fin de rang), vous aurez ainsi: 6+16+9+18+18+40+9+18+18+16+9+6=183 mailles. Bon tricot!

04.03.2024 - 08:52

country flag Lajla wrote:

Är koftan på bilden stickad i kidsilk eller brushed alpaca silk?

28.02.2024 - 17:05

DROPS Design answered:

Hei Laila. Den er strikket med 2 tråder DROPS Kid-Silk. mvh DROPS Design

04.03.2024 - 13:09

country flag Viviana wrote:

Angelic breath

20.01.2024 - 15:17

country flag Paulina wrote:

Cornflower Nostalgia

20.01.2024 - 08:13

country flag Angelique wrote:

Lavander ice cream

19.01.2024 - 04:07

country flag Marlies Van Dijk wrote:

Koele zomeravond

18.01.2024 - 21:53