Hvernig á að gera Court Jester tátiljurnar

Hlýjar tátiljur á köldum dögum er eitthvað sem við verðum að eiga og er einnig falleg gjöf. Prjónaðu par af tátiljum í garðaprjóni prjónað í vinkil í 8 litum, (DROPS 109-57), og við aðstoðum þig í leiðinni með kennsluleiðbeiningum okkar skref – fyrir – skref.

Ertu með einhverjar spurningar? Skrifaðu spurninguna þína í athugasemda dálkinn neðst á síðunni og við aðstoðum þig eins fljótt og hægt er!

Við prjónum stærð 35/37 í þessum kennsluleiðbeiningum, þessi stærð er gefin upp í breiðu letri. Mynstrið er gefið upp í stærðum upp til 44.

Þú finnur mynstrið hér

Ertu með allt sem þarf áður en þú byrjar?

Efni:
DROPS Eskimo frá Garnstudio (Garnflokkur E)
50 gr litur nr 04, fjólublár
50 gr litur nr 66, sægrænn
50 gr litur nr 15, dökk blár
50 gr litur nr 20, plóma
50 gr litur nr 21, bláfjólublár
50 gr litur nr 23, moldvarpa
50 gr litur nr 36, ametist
50 gr litur nr 50, dökk bleikur
(sama efnismagn í öllum stærðum)

DROPS Prjónar nr 7 – eða þá stærð sem þarf til að 12 lykkjur x 24 umferðir garðaprjón verði 10x10 cm.

DROPS heklunál nr 8 – fyrir heklaðan kant.

Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.


Nú byrjum við!

Stærð: 35/37 - 38/40 - 42/44

STUTT ÚTSKÝRING Á STYKKI:
Stykkið er prjónað fram og til baka í ferningum og saumað saman í lokin. Við prjónum Tátilja 1 = M.1A í þessum kennsluleiðbeiningum, ef þú ætlar að prjóna tátilju 2, þá verður þú að prjóna litina sem er vísað í M.1B.

SKIPT UM ÞRÁÐ:
Byrjið ca 25 cm inn í hverri dokku sem er notuð. Þráðar endinn er notaður síðar fyrir frágang.

MÆLING:
Mikilvægt er að halda prjónfestunni og hafa mælinguna nákvæma svo að ferningarnir verði ferkantaðir. Hornréttu hliðarnar á 1 ferningi x 2 jafngildir lengd á tátiljunni í lokin.

LITUR:
Tátilja með 8 litum er prjónuð eftir litakorti (M.1A og B) sem sýnir ferningana í mismunandi litum; M1.A = Tátilja 1 og M.1B = Tátilja 2

FERNINGAR:
Sjá M.2 fyrir númer á ferningum.

FRÁGANGUR:
Sjá M.2 fyrir frágang. M.3 sýnir staðsetningu á ferningum eftir frágang.

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

TÁTILJA 1 (M.1A):
Fitjið upp 10-11-12lykkjur á á prjón 7 með litnum sægrænn (eða litnum dökk bleikur þegar M.1B er prjónað). Lesið MÆLING! Prjónið GARÐAPRJÓN – sjá útskýringu að ofan – í 8½-9-10 cm (= ferningur 1/litur nr 66, sægrænn).

Skiptið yfir í litinn fjólublár og prjónið garðaprjón í 8½-9-10 cm (= ferningur 2 / /litur nr. 04, fjólublár).

Skiptið yfir í litinn moldvarpa og prjónið garðaprjón í 8½-9-10 cm (= ferningur 3 / litur nr. 23, moldvarpa).

Skiptið yfir í litinn plóma og prjónið garðaprjón í 8½-9-10 cm (= ferningur 4 / litur nr. 20, plóma).

Skiptið yfir í litinn bláfjólublár og prjónið garðaprjón í 8½-9-10 cm cm (= ferningur 5 / litur nr. 21, bláfjólublár).

Skiptið yfir í litinn dökk blár og prjónið garðaprjón í 8½-9-10 cm cm (= ferningur 6 / litur nr. 15, dökk blár).

Nú hafa verið prjónaðir 6 ferningar á eftir hverjum öðrum og stykkið mælist nú 51-54-60 cm, fellið af.

Takið upp 10-11-12 lykkjur í hægri hlið á ferningi 2 með litnum ametist (= ferningur 7 / litur nr 36, ametist). Prjónið garðaprjón í 8½-9-10 cm, fellið af.

Takið upp 10-11-12 lykkjur í vinstri hlið á ferningi 6 með litnum dökk bleikur (= ferningur 8 / litur nr. 50, dökk bleikur) og prjónið garðaprjón í 8½-9-10 cm, fellið af.

Þú hefst frágangurinn á tátiljunni.
Brettið tátiljuna saman þannig að hægt sé að sauma ferninga 5 og 8 saman kant í kant, sjá A í M.2.

Brettið tátiljuna saman að þannig að hægt sé að sauma ferning 7 og 8 saman kant í kant, sjá B í M.2.

Brettið tátiljuna saman þannig að hægt sé að sauma ferning 3 og 8 saman kant í kant, sjá C í M.2.

Brettið tátiljuna saman þannig að hægt sé að sauma ferning 4 og 6 saman kant í kant, sjá D í M.2.

Brettið tátiljuna saman þannig að hægt sé að sauma ferning 5 og 6 saman kant í kant, sjá E í M.2.

Brettið tátiljuna saman þannig að hægt sé að sauma ferning 2 og 3 saman kant í kant, sjá F í M.2.

Brettið tátiljuna saman þannig að hægt sé að sauma ferning 1 og 4 saman kant í kant, sjá G í M.2.

Sólinn á tátiljunni verður 24-26-28 cm langur. Prjónið aðra tátilju á sama hátt, en prjónið eftir M.1B fyrir liti.


Tátilja M.1A – snýr til vinstri. Tátilja M.1A- snýr til hægri.

HEKLAÐUR KANTUR:
Heklið kant í kringum opið á tátiljunni með lit að eigin ósk og með heklunál nr 8.

Byrjið mitt að aftan, festið þráðinn niður með keðjulykkju og haldið áfram hringinn þannig: * 1 fastalykkja, 2 loftlykkjur, hoppið yfir 0,5 – 1,0 cm *, endurtakið frá *-*, endið með 1 keðjulykkju í fyrstu fastalykkju.

Tilbúið!

Vonandi hefur þú haft gaman af því að gera þessar tátiljur með okkur!

Okkur langar til að sjá hvernig þitt par lítur út! Notaðu myllumerkið #dropsalong og #courtjesterslippers við myndirnar þínar á samfélagsmiðlum – eða og sendu inn verkefnið þitt til #dropsfan galleriet þá getum við fengið að sjá!

Vantar þig aðstoð?

Ef þig vantar frekari aðstoð með mismunandi aðferðir sem eru notaðar í þessu mynstri, þá getur þú séð lista með kennsluleiðbeiningum og kennslumyndböndum til aðstoðar: