Bending Willows |
|||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||
Prjónuð peysa úr DROPS Puna og DROPS Kid-Silk. Stykkið er prjónað ofan frá og niður með köðlum og tvöföldum kanti í hálsmáli. Stærð XS - XXL.
DROPS 217-32 |
|||||||||||||||||||||||||||||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.4. Veldu mynsturteikningu fyrir þína stærð (á við um A.1a og A.1b). Mynsturteikning sýnir allar umferðir í mynstri séð frá réttu. ÚTAUKNING/ÚRTAKA (jafnt yfir): Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 19 lykkjur), mínus 1 kantlykkja í hvorri hlið (t.d. 2 lykkjur) og deilið þeim lykkjum sem eftir eru með fjölda útaukninga/úrtöku sem á að gera (t.d. 4) = 4,3. Í þessu dæmi er aukið út með því að slá 1 sinni uppá prjóninn til skiptis á eftir ca 4. og 5. hverja lykkju og ekki er aukið út yfir kantlykkjur að framan. Í næstu umferð er uppslátturinn prjónaður snúinn, svo ekki myndist gat. Ef fækka á lykkjum þá er prjónuð í þessu dæmi til skiptis ca 3. og 4. hver lykkja og 4. og 5. hver lykkja slétt saman. ÚTAUKNING (á við um ermi): Prjónið þar til 1 lykkja er eftir á undan fyrstu af 3 merkiþráðum, sláið 1 sinni uppá prjóninn, prjónið þar til 1 lykkja er eftir á undan merkiþræði mitt undir ermi, sláið 1 sinni uppá prjóninn, prjónið 2 lykkjur slétt (merkiþráðurinn situr mitt á milli þessa 2 lykkja), sláið 1 sinni uppá prjóninn, prjónið sléttar lykkjur fram að næsta merkiþræði, 1 lykkja slétt, sláið 1 sinni uppá prjóninn = 4 lykkjur fleiri. Í næstu umferð er uppslátturinn prjónaður snúinn slétt svo ekki myndist gat. Prjónið síðan nýjar lykkjur í sléttprjóni. ÚRTAKA (á við um ermi): Fækkið um 1 lykkju hvoru megin við merkþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, prjónið 2 lykkjur slétt (merkiþráðurinn situr á milli þessa lykkja), lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir lykkjuna sem var prjónuð. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 5. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka í stykkjum og prjónað er ofan frá og niður. Stykkin eru saumuð saman í lokin. Ermar eru fyrst prjónaðar fram og til baka þar til ermakúpan hefur verið prjónuð til loka, síðan er ermin prjónuð í hring á stuttan hringprjón / sokkaprjóna. Að lokum er kantur í hálsmáli prjónaður í hring á stuttan hringprjón. FRAMSTYKKI: Hægri öxl: Fitjið upp 19-22-24-26-28-31 lykkjur á hringprjón 5,5 með 1 þræði Puna og 1 þræði Kid-Silk (= 2 þræðir). Prjónið 1 umferð brugðið frá röngu þar sem aukið er út um 4 lykkjur jafnt yfir – sjá ÚTAUKNING/ÚRTAKA = 23-26-28-30-32-35 lykkjur. Í næstu umferð (frá réttu) er mynstrið prjónað þannig: 1 kantlykkja GARÐAPRJÓN – sjá útskýringu að ofan, 2-3-4-6-8-10 lykkjur sléttprjón, 3-5-6-7-7-8 lykkjur brugðið, A.1a (veldu mynsturteikningu fyrir þína stærð) yfir næstu 17-17-17-16-16-16 lykkjur. Haldið svona áfram fram og til baka. Í 7.-7.-7.-9.-9.-9. umferð í mynsturteikningu byrjar útaukning fyrir hálsmáli. Fitjið upp lykkjur í lok hverrar umferðar frá réttu þannig (útauknar lykkjur eru teiknaðar inn í mynsturteikningu): Fitjið upp 1 lykkju 2-2-2-1-1-1 sinni og 2 lykkjur 2-2-2-3-3-3 sinnum (= 6-6-6-7-7-7 lykkjur fleiri fyrir hálsmáli + 3 lykkjur fleiri í mynsturteikningu). Þegar síðustu 2 lykkjurnar hafa verið fitjaðar upp, er eftir 1 umferð í mynsturteikningu. Klippið frá og geymið stykkið (síðasta umferðin í mynsturteikningu er prjónuð síðar þegar hægri og vinstri öxl eru settar saman). Nú eru 32-35-37-40-42-45 lykkjur fyrir hægri öxl. Vinstri öxl: Fitjið upp 19-22-24-26-28-31 lykkjur á hringprjón 5,5 með 1 þræði Puna og 1 þræði Kid-Silk (= 2 þræðir). Prjónið 1 umferð brugðið frá röngu þar sem auknar er út 4 lykkjur jafnt yfir = 23-26-28-30-32-35 lykkjur. Í næstu umferð (frá réttu) er mynstrið prjónað þannig: A.1b (veldu mynsturteikningu fyrir þína stærð) yfir fyrstu 17-17-17-16-16-16 lykkjur, 3-5-6-7-7-8 lykkjur brugðið, 2-3-4-6-8-10 lykkjur sléttprjón, 1 kantlykkja garðaprjón. Í lok 6.-6.-6.-8.-8.-8. umferð í mynsturteikningu byrjar útaukning fyrir hálsmáli. Fitjið upp lykkjur í lok hverrar umferðar frá röngu þannig (útauknar lykkjur eru teiknaðar inn í mynsturteikningu): Fitjið upp 1 lykkju 2-2-2-1-1-1 sinni og 2 lykkjur 2-2-2-3-3-3 sinnum (= 6-6-6-7-7-7 lykkjur fleiri fyrir hálsmáli + 3 lykkjur fleiri í mynsturteikningu). Þegar síðasta umferð í mynsturteikningu hefur verið prjónuð til loka (nú eru 32-35-37-40-42-45 lykkjur á prjóni fyrir vinstri öxl), fitjið upp 16-16-16-16-16-16 lykkjur á prjóninn fyrir hálsmáli, síðan er prjónuð síðasta umferð í A.1a (frá röngu) yfir fyrstu 26-26-26-26-26-26 lykkjur á hægri öxl, síðan er prjónað eins og áður yfir þær lykkjur sem eftir eru = 80-86-90-96-100-106 lykkjur. ATHUGIÐ PRJÓNFESTUNA! Prjónið nú mynstur frá réttu þannig: 1 kantlykkja garðaprjón, sléttar lykkjur yfir sléttar lykkjur og brugðnar lykkjur yfir brugðnar lykkjur yfir fyrstu 5-8-10-13-15-18 lykkjur, A.2a yfir næstu 34 lykkjur, A.2b yfir næstu 34 lykkjur, sléttar lykkjur yfir sléttar lykkjur og brugðnar lykkjur yfir brugðnar lykkjur yfir næstu 5-8-10-13-15-18 lykkjur, 1 kantlykkja garðaprjón. Haldið svona áfram fram og til baka (aukið út um 2 lykkjur í A.2a og 2 lykkjur í A.2b) = 84-90-94-100-104-110 lykkjur. Þegar handvegur mælist 17-18-18-19-19-19 cm, fitjið upp nýjar lykkjur fyrir handveg í hvorri hlið þannig: Fitjið upp 1 lykkju 1-1-2-2-2-3 sinnum, 2 lykkjur 0-0-0-0-1-1 sinni og 3-4-4-5-6-6 lykkjur 1 sinni = 92-100-106-114-124-132 lykkjur. Setjið eitt prjónamerki hér. Héðan er nú mælt. Nýjar lykkjur eru prjónaðar í sléttprjóni. Þegar A.2a og A.2b hefur verið prjónað til loka á hæðina er mynstrið prjónað þannig: Prjónið 1 kantlykkju garðaprjón, sléttar lykkjur yfir sléttar lykkjur og brugðnar lykkjur yfir brugðnar lykkjur yfir næstu 9-13-16-20-25-29 lykkjur, A.3a yfir næstu 11 lykkjur, A.3b yfir næstu 50 lykkjur, A.3c yfir næstu 11 lykkjur, sléttar lykkjur yfir sléttar lykkjur og brugðnar lykkjur yfir brugðnar lykkjur yfir næstu 9-13-16-20-25-29 lykkjur, 1 kantlykkja garðaprjón. Haldið svona áfram þar til stykkið mælist 30-31-32-33-34-35 cm frá prjónamerki. Ef stykkið mælist styttra en þetta áður en A.3a til A.3c hefur verið prjónað til loka á hæðina, prjónið áfram með A.4 yfir miðju 50 lykkjur í umferð og prjónið sléttar lykkjur yfir sléttar lykkjur og brugðnar lykkjur yfir brugðnar lykkjur yfir þær lykkjur sem eftir eru að réttu máli. Prjónið 1 umferð slétt frá réttu þar sem aukið er út um 12-14-18-20-20-22 lykkjur jafnt yfir = 104-114-124-134-144-154 lykkjur. Prjónið 1 umferð brugðið til baka frá röngu. Skiptið yfir á hringprjón 4,5. Prjónið stroff frá réttu þannig: 1 kantlykkja garðaprjón, stroff (= 2 lykkjur slétt, 3 lykkjur brugðið) þar til 3 lykkjur eru eftir í umferð, 2 lykkjur slétt, 1 kantlykkja garðaprjón. Haldið áfram fram og til baka með stroffi. Þegar stroffið mælist 5 cm, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 53-55-57-59-61-63 cm frá öxl og niður. BAKSTYKKI: Vinstri öxl: Fitjið upp 19-22-24-26-28-31 lykkjur á hringprjón 5,5 með 1 þræði Puna og 1 þræði Kid-Silk (= 2 þræðir). Prjónið 1 umferð brugðið frá röngu þar sem aukið er út um 4 lykkjur jafnt yfir = 23-26-28-30-32-35 lykkjur. Í næstu umferð (frá réttu) er prjónað mynstur þannig: 1 kantlykkja garðaprjón, 2-3-4-6-8-10 lykkjur sléttprjón, 3-5-6-7-7-8 lykkjur brugðið, A.1a (veldu mynsturteikningu fyrir þína stærð) yfir næstu 17-17-17-16-16-16 lykkjur. Haldið svona áfram fram og til baka þar til 7. Umferð hefur verið prjónuð til loka. Í lok þessarar umferðar er fitjuð upp 1 ný lykkja (= við háls) = 24-27-29-31-33-36 lykkjur. Klippið frá og geymið stykkið. Hægri öxl: Fitjið upp 19-22-24-26-28-31 lykkjur á hringprjón 5,5 með 1 þræði Puna og 1 þræði Kid-Silk (= 2 þræðir). Prjónið 1 umferð brugðið frá röngu þar sem aukið er út um 4 lykkjur jafnt yfir = 23-26-28-30-32-35 lykkjur. Í næstu umferð (frá réttu) er mynstrið prjónað þannig: A.1b (veldu mynsturteikningu fyrir þína stærð) yfir fyrstu 17-17-17-16-16-16 lykkjurnar, 3-5-6-7-7-8 lykkjur brugðið, 2-3-4-6-8-10 lykkjur sléttprjón, 1 kantlykkja garðaprjón. Þegar 6. umferð hefur verið prjónuð til loka, fitjið upp 1 lykkju í lok þessarar umferðar (= við háls) = 24-27-29-31-33-36 lykkjur. Prjónið 1 umferð til baka frá réttu. Næsta umferð er prjónuð frá röngu þannig: Prjónið eins og áður yfir lykkjur á hægri öxl, prjónið nýju lykkjuna slétt (séð frá röngu), fitjið upp 26-26-26-28-28-28 lykkjur fyrir hálsmái, prjónið inn lykkjur frá vinstri öxl á prjóninn frá röngu þannig: Prjónið fyrstu lykkjuna slétt (séð frá röngu), prjónið næstu umferð í A.1a og áfram eins og áður út umferðina. Nú eru 74-80-84-90-94-100 lykkjur í umferð. Haldið áfram fram og til baka með mynstur eins og áður og prjónið brugðið (séð frá réttu) yfir lykkjurnar sem fitjaðar voru upp fyrir hálsmáli. Kaðall hvoru megin við hálsmál færast inn að miðju að aftan eins og útskýrt er í A.1a og A.1b (útaukning sem er teiknuð í mynsturteikningu við háls á ekki við um bakstykki). Þegar A.1a og A.1b hefur verið prjónað til loka á hæðina hafa verið auknar út 3 lykkjur í hverri mynsturteikningu og það eru 80-86-90-96-100-106 lykkjur í umferð. Prjónið síðan afgang af bakstykki á sama hátt og á framstykki. Þ.e.a.s. mynstur er prjónað alveg eins (auknar er út 2 lykkjur í A.2a og 2 lykkjur í A.2b) = 84-90-94-100-104-110 lykkjur. Þegar stykkið mælist 17-18-18-19-19-19 cm, fitjið upp lykkjur fyrir handveg í hvorri hlið á sama hátt og á framstykki = 92-100-106-114-124-132 lykkjur. Haldið áfram með mynstur og stroff á sama hátt og á framstykki. ERMI: Fitjið upp 24-26-26-28-28-30 lykkjur með 1 þræði Puna og 1 þræði Kid-Silk (= 2 þræðir) á hringprjón 5,5. Prjónið nú sléttprjón fram og til baka og fitjaðar eru upp lykkjur fyrir handveg í hvorri hlið þannig: Fitjið upp 2 lykkjur 5-5-6-6-4-4 sinnum, 1 lykkja 0-0-0-0-3-4 sinnum, 2 lykkjur 0-0-0-0-1-1 sinni og 3-4-4-5-6-6 lykkjur 1 sinni = 50-54-58-62-66-70 lykkjur. Prjónið síðan ermi hringinn á sokkaprjóna / stuttan hringprjón. Setjið einn merkiþráð mitt undir ermi (= mitt á milli 6-4-4-10-12-12 lykkja undir ermi = 3-4-4-5-6-6 nýjar lykkjur hvoru megin við merkiþráðinn). HÉÐAN ER NÚ MÆLT! Þegar stykkið mælist 3 cm, fækkið um 1 lykkju hvoru megin við merkiþráðinn undir ermi – sjá ÚRTAKA. Fækkið lykkjum svona með ca 3 cm millibili alls 3 sinnum í öllum stærðum = 44-48-52-56-60-64 lykkjur. Þegar ermin mælist 21-21-21-20-18-16 cm, setjið 1 nýjan merkiþráð eftir 12 lykkjur hvoru megin við merkiþráðinn mitt undir ermi (= 3 merkiþræðir undir ermi). Í næstu umferð byrjar útaukning undir ermi – sjá ÚTAUKNING. Aukið svona út með ca 3-4-4-5-5-5 cm millibili, alls 5-4-4-3-3-3 sinnum = 64-64-68-68-72-76 lykkjur. Haldið áfram hringinn í sléttprjóni þar til ermin mælist 48-47-46-44-43-41 cm. Prjónið 1-1-2-2-0-1 lykkjur slétt, prjónið * 2 lykkjur slétt saman, 1 lykkja slétt *, prjónið frá *-* umferðina hringinn = 43-43-46-46-48-51 lykkjur. Prjónið 1 umferð slétt þar sem fækkað er um 13-8-11-11-8-11 lykkjur jafnt yfir = 30-35-35-35-40-40 lykkjur. Skiptið yfir á sokkaprjóna 4,5. Prjónið stroff (= 2 lykkjur slétt, 3 lykkjur brugðið) hringinn í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 57-56-56-55-55-54 cm. Prjónið hina ermina á sama hátt. FRÁGANGUR: Saumið axlasauma með lykkjuspori innan við uppfitjunarkantinn. Saumið ermar í við fram- og bakstykki innan við uppfitjunarkantinn / 1 kantlykkja garðaprjón. Saumið síðan hliðarsauminn frá handveg og niður innan við 1 kantlykkju garðaprjón. Endurtakið í hinni hliðinni. TVÖFALDUR KANTUR Í HÁLSMÁLI: Prjónið upp 80-88 lykkjur með stuttum hringprjóni 4,5 og 1 þræði í hvorri tegund (= 2 þræðir), innan við 1 kantlykkju í kringum háls. Lykkjufjöldinn verður að vera deilanlegur með 4. Prjónið stroff (= 2 lykkjur slétt, 2 lykkjur brugðið) hringinn í 11 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Brjótið niður stroffið efst í hálsmáli að innanverðu á stykki. Saumið stroffið niður þannig að það myndist uppábrot. Til að koma í veg fyrir að kantur í hálsmáli verði of stífur og beygist út, er mikilvægt að saumurinn sé teygjanlegur. |
|||||||||||||||||||||||||||||||||||||||||||||||||||||||||||||
Skýringar á teikningu |
|||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (32)
Gotik wrote:
Sehr schöne Zöpfe
05.06.2020 - 21:10Beatrice DELEPINE wrote:
Ce modele est très beau, l'hiver dernier vous aviez deja proposé ce modele, j'ai acheté la laine puna pour le faire et vous ne l'avez pas publié, j'etais deçu car c'etait mon préféré, j'espère que vous allez le publier cette année!! merci
05.06.2020 - 08:00