Bali Blue |
||||||||||||||||||||||
|
|
|||||||||||||||||||||
Prjónuð síð peysa úr DROPS Paris. Stykkið er prjónað í garðaprjóni og gatamynstri frá miðju og út í ferning. Stærð S - XXXL.
DROPS 199-31 |
||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu. MÆLING (á við um ferning): Til að auðveldara sé að mæla ferninginn er hægt að setja helming af lykkjum á auka hringprjón þannig að mögulegt sé að draga stykkið út í ferning. Stykkið á að mælast ca 28 cm mælt frá miðju og út í prjónstefnu fyrir miðju (ferningur mælist ca 56 cm x 56 cm). AFFELLING: Til að koma í veg fyrir að affelingarkanturinn verði stífur er slegið 1 sinni uppá prjóninn á eftir ca 4. hverja lykkju. Uppslátturinn er felldur af eins og eigin lykkja. ÚRTAKA/ÚTAUKNING (jafnt yfir): Til þess að reikna út hvernig fækka/fjölga eigi jafnt í umferð, teljið fjölda lykkja í umferð sem fækka á/fjölga eigi út lykkjum (t.d. 103 lykkjur), deilið þessum lykkjufjölda með fjölda úrtöku/útaukninga sem á að gera (t.d. 14) = 7,4. Í þessu dæmi er aukið út með því að slá 1 sinni uppá prjóninn á eftir ca 7. hverja lykkju. Í næstu umferð er uppslátturinn prjónaður snúinn svo ekki myndist gat. Ef fækka á lykkjum, prjónið í þessu dæmi til skiptis 6. og 7. hverja lykkju og 7. og 8. hverja lykkju slétt saman. ÚRTAKA (á við um ermar): Öll úrtaka er gerð frá réttu! Fækkið um 1 lykkju innan við 1 kantlykkju garðaprjón með því að prjóna 2 lykkjur brugðið saman. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fyrst í hring frá miðju á fram-/bakstykki og út í ferning. Síðan er afgangur af peysunni prjónaður fram og til baka á hringprjón. Ermar eru prjónaðar fram og til baka á hringprjón ofan frá og niður. ATH: Vegna þyngdar á garninu og áferðinni kemur stykkið til að teygjast nokkuð við notkun. Uppskriftin er skrifuð eftir máli þannig að mögulegt sé að stilla mynstrið af í ferningi með heilu blaði á hæðina. FRAMSTYKKI: Fitjið upp 8 lykkjur með Paris og skiptið lykkjunum á 4 sokkaprjóna nr 5 (= 2 lykkjur á hverjum prjóni). Prjónið mynstur A.1 (= 2 lykkjur í fyrstu umferð) alls 4 sinnum í umferð. Setjið eitt prjónamerki í hverja skiptingu á milli hverra mynstureininga A.1. Prjónamerkin fylgja með í stykkinu til loka og það á að nota þau síðar til að skipta lykkjum rétt. ATHUGIÐ PRJÓNFESTUNA! Þegar A.1 hefur verið prjónað til loka á hæðina eru 184 lykkjur í umferð. Nú heldur mynstur áfram alveg eins þannig: * Prjónið A.2a yfir fyrstu/næstu 9 lykkjurnar, A.2b yfir næstu 28 lykkjur (= 2 mynstureiningar), A.2c yfir næstu 9 lykkjur *, prjónið frá *-* alls 4 sinnum í umferð. Þegar mynsturteikningin hefur verið prjónuð til loka á hæðina er haldið áfram hringinn með mynstri alveg eins, en í hvert skipti sem mynsturteikningin hefur verið prjónuð til loka á hæðina er pláss fyrir 1 mynsturteikningu fleiri af A.2b á breiddina á milli A.2a og A.2c meðfram hverri hlið á ferningi. Haldið svona áfram þar til stykkið mælist ca 28 cm frá miðju og út í annarri hliðinni – sjá MÆLING og stillið af að endað sé eftir heila mynstureining á hæðina. Ef prjónfestan passar hefur nú verið prjónuð 1 mynstureining A.1 og 3 mynstureiningar A.2a – A.2c á hæðina, ef prjónaðar hafa verið færri eða fleiri mynstureiningar A.2a – A.2c á hæðina kemur lykkjufjöldinn í framhaldinu á uppskrift ekki að passa. Nú eru 88 lykkjur meðfram hverri og einni af hliðum á ferningi. Prjónið nú áfram mismunandi eftir stærðum þannig: Stærð S og M: Ferningurinn hefur nú verið prjónaður til loka. Fellið af lykkjur meðfram fyrstu hlið á ferningi þar til 1 lykkja er eftir á undan prjónamerki – sjá AFFELLING, prjónið 6 umferðir GARÐAPRJÓN – sjá útskýringu að ofan, fram og til baka yfir næstu lykkju (= lykkja á undan prjónamerki) og lykkjurnar fram að næsta prjónamerki (= neðst niðri á framstykki), síðan eru þessar lykkjur felldar af, klippið frá. Fellið lykkjur af meðfram næstu hlið á ferningi fram þar til 1 lykkja er eftir á undan prjónamerki – munið eftir AFFELLING. Þær lykkjur sem eru eftir í umferð eru upp að hálsi og öxlum. Haldið síðan áfram eins og útskýrt er að neðan. Stærð L og XL: Prjónið nú mynstur fram og til baka meðfram 3 af hliðum á ferningi þannig: Prjónið A.3a yfir næstu 9 lykkjur, A.2b þar til 9 lykkjur eru eftir á undan næsta horni, A.2c, A.2a, A.2b þar til 9 lykkjur eru eftir á undan næsta horni, A.2c, A.2a, A.2b þar til eftir eru 9 lykkjur á undan næsta horni, A.3b. Setjið þær lykkjur sem eftir eru í umferð á band (án þess að prjóna). Snúið og haldið svona áfram fram og til baka með mynstur þar til öll mynstureiningin hefur verið prjónuð til loka á hæðina. Snúið og fellið af lykkjur meðfram fyrstu hlið á ferningi þar til eftir er 1 lykkja á undan prjónamerki – sjá AFFELLING, prjónið 6 umferðir GARÐAPRJÓN – sjá útskýringu að ofan, fram og til baka yfir næstu lykkju (= lykkja á undan prjónamerki) og lykkjur fram að næsta prjónamerki (= neðst niðri á framstykki), fellið síðan þessar lykkjur af, klippið frá. Fellið af lykkjur meðfram næstu hlið á ferningi fram þar til 1 lykkja er eftir á undan prjónamerki – munið eftir AFFELLING. Þær lykkjur sem eftir eru í umferð eru upp að hálsmáli og öxlum. Haldið síðan áfram eins og útskýrt er að neðan. Stærð XXL og XXXL: Prjónið nú mynstur fram og til baka meðfram 3 af hliðum á ferningi þannig: Prjónið A.3a yfir næstu 9 lykkjur, A.2b þar til 9 lykkjur eru eftir á undan næsta horni, A.2c, A.2a, A.2b þar til 9 lykkjur eru eftir á undan næsta horni, A.2c, A.2a, A.2b þar til 9 lykkjur eru eftir á undan næsta horni, A.3b. Setjið þær lykkjur sem eftir eru í umferð á þráð (án þess að prjóna). Snúið og haldið svona áfram fram og til baka með mynstur þar til öll mynstureiningin hefur verið prjónuð til loka á hæðina. Prjónið síðan eina mynstureiningu til viðbótar alveg eins, en nú er pláss fyrir 1 mynstureiningu fleiri af A.2b meðfram hverri og einni af 3 hliðum sem prjónað er yfir. Snúið og fellið af lykkjur meðfram fyrstu hliðinni á ferningi þar til 1 lykkja er eftir á undan prjónamerki – sjá AFFELLING, prjónið 6 umferðir GARÐAPRJÓN – sjá útskýringu að ofan, fram og til baka yfir næstu lykkju (= lykkja á undan prjónamerki) og lykkjur fram að næsta prjónamerki (= neðst niðri á framstykki), síðan eru þessar lykkjur felldar af, klippið frá. Fellið af lykkjur meðfram næstu hlið á ferningi fram þar til 1 lykkja er eftir á undan prjónamerki – munið eftir AFFELLING. Þær lykkjur sem eftir eru í umferð eru upp að hálsmáli og öxlum. Haldið síðan áfram eins og útskýrt er að neðan. Allar stærðir: Prjónið nú áfram fram og til baka meðfram síðustu hlið á ferningi (= upp að öxlum og hálsmáli) þannig: Byrjið frá réttu og prjónið upp 0-0-8-8-14-14 lykkjur meðfram kanti á A.3b sem prjónast út í hlið í stærð L, XL, XXL og XXXL (á við um stærð S og M), prjónið inn lykkjur meðfram hlið á ferningi á sama hringprjón (= 89 lykkjur í öllum stærðum) og prjónið upp 0-0-8-8-14-14 lykkjur meðfram kanti á A.3a sem prjónast út í hlið í stærð L, XL, XXL og XXXL (á ekki við um stærð S og M) = ca 89-89-105-105-117-117 lykkjur. Prjónið 1 umferð til baka frá röngu – ef lykkjufjöldinn er ekki 89-89-105-105-117-117 lykkjur er fækkað/aukið út jafnt yfir í þessari umferð – sjá ÚTAUKNING/ÚRTAKA). Í næstu umferð eru felldar af miðju 19-19-21-21-23-23 lykkjurnar í umferð fyrir hálsmáli og hvor öxl er prjónuð til loka fyrir sig. Fækkið síðan lykkjum fyrir hálsmáli með því að prjóna 2 lykkjur slétt saman innan við 3 lykkjur garðaprjón að hálsi. Fækkið lykkjum svona í hverri umferð frá réttu alls 5 sinnum = ca 30-30-37-37-42-42 lykkjur fyrir öxl. Þegar stykkið mælist 6-7-7-8-8-9 cm frá ferningi er fellt af – munið eftir AFFELLING. Prjónið hina öxlina alveg eins. Framstykki mælist ca 64-65-70-71-75-76 cm frá öxl og niður. BAKSTYKKI: Fitjið upp og prjónið alveg eins og á framstykki. Stillið mynstur eftir framstykki, þannig að prjónaðar séu jafn margar umferðir og það séu jafn margar lykkjur á bakstykki og framstykki. Þegar prjónað er garðaprjón upp að hálsi og öxlum er prjónað þannig: Prjónið garðaprjón fram og til baka þar til stykkið mælist 3-4-4-5-5-6 cm. Í næstu umferð frá réttu eru felldar af miðju 27-27-29-29-31-31 lykkjurnar fyrir hálsmáli og hvor öxl er prjónuð til loka fyrir sig. Í næstu umferð frá réttu er fækkað um 1 lykkju innan við 3 lykkjur garðaprjón við háls = ca 30-30-37-37-42-42 lykkjur. Þegar stykkið mælist 6-7-7-8-8-9 cm fellið lykkjurnar af. Prjónið hina öxlina alveg eins. Peysan mælist ca 64-65-70-71-75-76 cm frá öxl og niður. FRÁGANGUR: Saumið axlasauma með lykkjuspori. Setjið eitt prjónamerki í hvora hlið 17-18-19-20-21-22 cm niður frá axlasaumi (= merkir handveg). Endurtakið í hinni hliðinni. ERMI: Ermarnar eru prjónaðar fram og til baka á hringprjón ofan frá og niður. Prjónið upp frá réttu 56-60-63-66-69-72 lykkjur á milli 2 prjónamerkja sem sett eru í handveg á annarri hlið á stykki á hringprjón 5,5 með Paris. Prjónið sléttprjón með rönguna út með 1 kantlykkju garðaprjón í hvorri hlið. Þegar stykkið mælist 4 cm er fækkað um 1 lykkju innan við 1 kantlykkju garðaprjón í hvorri hlið – sjá ÚTAUKNING. Fækkið lykkjum svona í mismunandi stærðum þannig: Stærð S: Fækkið lykkjum svona með 2 cm millibili alls 11 sinnum. Stærð M: Fækkið lykkjum svona með 2 cm millibili alls 12 sinnum. Stærð L: Fækkið lykkjum svona til skiptis með 1 og 2 cm millibili alls 13 sinnum. Stærð XL: Fækkið lykkjum svona til skiptis með 1 og 3 cm millibili alls 14 sinnum. Stærð XXL: Fækkið lykkjum svona með 1 cm millibili alls 14 sinnum. Stærð XXXL: Fækkið lykkjum svona með 1 cm millibili alls 15 sinnum. Þegar allar úrtökur hafa verið gerðar til loka eru 34-36-37-38-41-42 lykkjur í umferð. Þegar stykkið mælist 27-28-24-25-22-23 cm eru eftir 10 cm á ermi. Mátið e.t.v. flíkina til að stilla af lengd á ermum (stykkið kemur til með að teygjast aðeins yfir öxlum). Skiptið yfir á hringprjón 5. Prjónið mynstur svona: Prjónið 9-10-11-11-13-13 lykkjur garðaprjón, A.4 yfir næstu 15 lykkjur, 10-11-11-12-13-14 lykkjur garðaprjón. Haldið svona áfram fram og til baka þar til A.4 hefur verið prjónað til loka. Ermin mælist ca 37-38-34-35-32-33 cm. Fellið af. Prjónið hina ermina á sama hátt. FRÁGANGUR: Saumið saum undir ermum og áfram niður yfir hliðarsaum þar til ca 15 cm eru eftir fyrir klauf. Endurtakið í hinni hliðinni. Þræðið þráð upp og niður meðfram gati í byrjun á ferningi og herðið saman þannig að gatið verði ekki of stórt. Klippið frá og festið enda. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (7)
Elly Osephius wrote:
Ik heb aluminium pennen. Maar nu glijden iedere keer de steken eraf. Hoe voorkom ik dit.
21.01.2022 - 22:25DROPS Design answered:
Dag Elly,
Misschien brei je iets te los waardoor de steken ervan af glijden?
24.01.2022 - 20:30Elly Osephius wrote:
Vraag over patroon A1. Na dat je 8 steken verdeeld heb over 4 naalden. Maar volgens patroon A1 moet je in de 2de toer 4 steken hebben en een lus tussen 2 steken. Hoe dan. Meerder je meteen in 1ste toer 2 steken en daar tussen 1 lus. Ook glijden de steken van de pen. Ik heb metalen naalden van 20 cm. Kan ik wel 184 steken over deze korte pennen krijgen zonder dat ze eraf glijden
19.01.2022 - 21:43DROPS Design answered:
Dag Elly,
Na het opzetten van 8 steken begin je met de eerste naald in A.1. Op de eerste naald in A.1 zijn er 2 steken en je meerdert voor de eerste steek en na de eerste steek. Dan heb je na de eerste naald met 4 keer A.1 in de breedte, dus 16 steken op de naald (8 steken en 8 omslagen.)
21.01.2022 - 08:53Annie-Claude POULARD wrote:
Merci beaucoup j ai mal lu je faisais des mailles croisées comme pour une torsade au lieu de diminution🤪
17.11.2020 - 20:46Annie-Claude POULARD wrote:
Bonjour difficultés rang 6 et 7 logiquement 8 mailles +4 jetés rang 6 devraient faire 12 mailles au rang 7. L erreur vient de moi ou du schéma A1? Merci pour votre réponse
17.11.2020 - 08:56DROPS Design answered:
Bonjour Mme Poulard, on rang 6 de A.1, vous n'augmentez que 2 mailles (il y a bien 4 jetés mais 2 diminutions = on augmente 2 mailles), autrement dit, tricotez A.1 ainsi au rang 6: 1 m end, 1 jeté, 2 m ens à l'end, 1 jeté, 1 m end, 1 jeté, glissez 1 m à l'end, 1 m end, passez la m glissée par-dessus la m tricotée, 1 jeté, 2 m end = 10 m. Bon tricot!
17.11.2020 - 10:50Oksana wrote:
For the back piece it says: work in the same way as for the front piece... When working garter stitch up towards the neck and shoulders, work as follows: Work garter stitch back and forth until the piece measures 3-4-4-5-5-6 cm. Question: where exactly this garter stich starts from the pattern general for both: front and back piece?
26.04.2019 - 14:26DROPS Design answered:
Dear Oksana, shoulders and neckline are described under Front/ All sizes: Now work back and forth along the last side of the square (= up towards the neck and shoulders) as follows, ie after you have worked ridges/pattern depending on the size, after A.2 has been worked. Happy knitting!
26.04.2019 - 15:44Janne Kulseth wrote:
Kan ikke finne hele oppskriften, bare diagrammet.
01.02.2019 - 15:26DROPS Design answered:
Hei Janne. Dette skal nå være endret så hele oppskrften er tilgjengelig. Takk for beskjed og god fornøyelse
04.02.2019 - 15:11Anne-griet Leupen wrote:
What a delicate and light looking tunic. Lovely!
19.12.2018 - 01:43