Reindeer Dance Cardigan |
|||||||||||||||||||
|
|
||||||||||||||||||
Prjónuð peysa fyrir börn úr DROPS Daisy. Stykkið er prjónað ofan frá og niður með tvöföldum kanti í hálsmáli, hringlaga berustykki og marglitu mynstri með hreindýrum. Stærð 2 – 14 ára.
DROPS Children 47-17 |
|||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. KANTUR AÐ FRAMAN: PRJÓNIÐ KANT AÐ FRAMAN Í BYRJUN UMFERÐAR ÞANNIG: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt, prjónið 4 lykkjur í garðaprjóni. PRJÓNIÐ KANT AÐ FRAMAN Í LOK UMFERÐAR ÞANNIG: Prjónið þar til 6 lykkjur eru eftir í umferð, prjónið 4 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. UPPHÆKKUN: Til að peysan verði aðeins hærri aftan í hnakka þegar berustykkið er prjónað í hring, er hægt að prjóna upphækkun eins og útskýrt er að neðan. Hoppaðu yfir þennan kafla ef þig langar ekki til að hafa upphækkun. Setjið 1 merkiþráð í miðju lykkju mitt í umferð. Byrjið frá réttu og prjónið 11-12-13-14-15-16-17 lykkjur slétt fram hjá lykkju með merkiþræði, snúið, herðið á þræði og prjónið 23-25-27-29-31-33-35 lykkjur brugðið. Snúið, herðið á þræði og prjónið 34-37-40-43-46-49-52 lykkjur slétt, snúið, herðið á þræði og prjónið 45-49-53-57-61-65-69 lykkjur brugðið. Snúið, herðið á þræði og prjónið 56-61-66-71-76-81-86 lykkjur slétt, snúið, herðið á þræði og prjónið 67-73-79-85-91-97-103 lykkjur brugðið. Snúið, herðið á þræði og prjónið slétt út umferðina, snúið og prjónið 1 umferð brugðið (kantar að framan eru prjónaðir eins og áður). Síðan er berustykki prjónað eins og útskýrt er í mynstri. MYNSTUR: Sjá mynsturteikningu A.1. Veldu mynsturteikningu fyrir þína stærð. Allt mynstrið er prjónað í sléttprjóni. LEIÐBEININGAR: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum á bakhlið á stykki. Skiptið e.t.v. yfir á grófari prjóna þegar mynstrið er prjónað. ÚTAUKNING (jafnt yfir): Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. Síðan eru nýjar lykkjur prjónaðar í sléttprjóni. HNAPPAGAT: Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 4 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman, lyftið 1 lykkju af prjóni eins og prjóna eigi brugðið með þráðinn framan við stykkið, 1 lykkja slétt. Í næstu umferð (ranga) er uppslátturinn prjónaður slétt, svo það myndist gat. Fellið af fyrir fyrsta hnappagatinu í fyrstu umferð eftir að stroff í hálsmáli hefur verið prjónað til loka. Fellið síðan af fyrir 5-5-5-5-6-6-6 næstu hnappagötum með ca 5½-6½-7-8-7-7½-7½ cm millibili. ÚRTAKA (á við um miðju undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (2 lykkjur færri). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Tvöfaldur kantur í hálsmáli og berustykki er prjónað fram og til baka á hringprjóna frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna. Ermar eru prjónaðar í hring á sokkaprjóna. TVÖFALDUR KANTUR Í HÁLSMÁLI: Fitjið upp 81-85-87-89-91-95-97 lykkjur með litnum marsipan í DROPS Daisy yfir hringprjón 3 og hringprjón 4 sem haldið er saman. Dragið út hringprjón 4 og haldið lykkjum eftir á hringprjóni 3 (uppfitjunin er gerð svona til að uppfitjunarkanturinn verði teygjanlegur). Fyrsta umferð er prjónuð frá réttu þannig: 1 lykkja í GARÐAPRJÓN – lesið útskýringu að ofan, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og 1 lykkju í garðaprjóni. Haldið svona áfram með stroff. Þegar stroffið mælist 3 cm, fitjið upp 5 nýjar lykkjur í lok 2 næstu umferða = 91-95-97-99-101-105-107 lykkjur. Haldið áfram með stroff með 6 lykkjur í KANTUR AÐ FRAMAN í hvorri hlið við miðju að framan – lesið útskýringu að ofan. Þegar stroffið mælist 6 cm og prjóna á næstu umferð frá réttu, brjótið stroffið inn þannig að kanturinn verði tvöfaldur – síðan er næsta umferð prjónuð frá réttu þannig: Prjónið 6 kantlykkjur að framan eins og áður, prjónið stroff eins og áður jafnframt því sem önnur hver lykkja er prjónuð saman með annarri hverri lykkju frá uppfitjunarkanti – haldið svona áfram eins langt og hægt er fram að kanti að framan í hinni hliðinni og endið með 6 kantlykkjur að framan eins og áður. Nú hefur myndast tvöfaldur kantur í hálsmáli. BERUSTYKKI: Skiptið yfir á hringprjón 4. Prjónið 1 umferð brugðið frá röngu þar sem aukið er út um 24-26-28-30-32-32-34 lykkjur jafnt yfir – lesið ÚTAUKNING (kantar að framan eru prjónaðir eins og áður og lykkjum er ekki aukið út yfir kanta að framan) = 115-121-125-129-133-137-141 lykkjur. Setjið 1 prjónamerki eftir kant að framan í byrjun á umferð mitt að framan. Berustykkið er nú mælt frá þessu prjónamerki. Nú er prjónuð UPPHÆKKUN aftan í hnakka – lesið útskýringu að ofan. Ef þú vilt ekki hafa upphækkun, haltu áfram eins og útskýrt er að neðan. Prjónið sléttprjón fram og til baka með 6 kantlykkjum að framan í hvorri hlið eins og áður. ATHUGIÐ PRJÓNFESTUNA og munið eftir HNAPPAGAT í hægri kanti að framan – lesið útskýringu að ofan. Þegar 2 umferðir eru eftir þar til berustykkið mælist 2-2-3-3-4-4-5 cm frá prjónamerki, aukið út 26-28-32-36-40-44-48 lykkjur jafnt yfir (ekki er aukið út yfir kanta að framan = 141-149-157-165-173-181-189 lykkjur. Prjónið síðan þar til stykkið mælist 3-3-4-4-5-5-6 cm frá prjónamerki – stillið af að næsta umferð sé prjónuð frá réttu. Nú er mynstur prjónað jafnframt því sem haldið er áfram með útaukningu eins og útskýrt er að neðan – lesið LEIÐBEININGAR og MYNSTUR í útskýringu að ofan. Allur kantur að framan er prjónaður með litnum marsipan. Prjónið 6 kantlykkjur að framan eins og áður, prjónið A.1 alls 16-17-18-19-20-21-22 sinnum, prjónið fyrstu lykkju í A.1 þannig að mynstrið byrjar og endar á sama hátt, endið með 6 kantlykkjur að framan eins og áður. Haldið svona áfram með mynstur. JAFNFRAMT í hverri umferð með ör í mynsturteikningu er aukið út frá réttu eins og útskýrt er að neðan (ekki er aukið út yfir kanta að framan): ÖR-1: Aukið út 32-32-32-40-40-40-48 lykkjur jafnt yfir = 173-181-189-205-213-221-237 lykkjur. ÖR-2: Aukið út 24-24-32-32-40-40-40 lykkjur jafnt yfir = 197-205-221-237-253-261-277 lykkjur. ÖR-3: Aukið út 16-16-16-16-16-16-16 lykkjur jafnt yfir = 213-221-237-253-269-277-293 lykkjur. ÖR-4: Aukið út 4-8-8-4-0-4-0 lykkjur jafnt yfir = 217-229-245-257-269-281-293 lykkjur. Þegar A.1 er lokið, prjónið sléttprjón með litnum marsipan og 6 kantlykkjur að framan í hvorri hlið eins og áður. SKIPTING FYRIR FRAM- OG BAKSTYKKI OG ERMAR: Prjónið þar til stykkið mælist 13-14-15-16-17-18-19 cm frá prjónamerki. Nú skiptist berustykkið fyrir fram- og bakstykki og ermar þannig: Prjónið 36-38-41-43-45-47-49 lykkjur sléttprjón (framstykki), setjið næstu 42-44-46-48-50-52-54 lykkjur á þráð fyrir ermi, fitjið upp 8 nýjar lykkjur á prjóninn (í hlið undir ermi), prjónið 61-65-71-75-79-83-87 lykkjur sléttprjón (bakstykki), setjið næstu 42-44-46-48-50-52-54 lykkjur á þráð fyrir ermi, fitjið upp 8 nýjar lykkjur á prjóninn (í hlið undir ermi) og prjónið síðustu 36-38-41-43-45-47-49 lykkjur í sléttprjóni (framstykki). Fram- og bakstykki og ermar er síðan prjónað hvert fyrir sig. Héðan er nú stykkið mælt! FRAM- OG BAKSTYKKI: = 149-157-169-177-185-193-201 lykkjur. Prjónið sléttprjón fram og til baka með litnum marsipan og með 6 kantlykkjum að framan í hvorri hlið eins og áður. Prjónið þar til stykkið mælist 15-18-21-24-25-26-27 cm frá skiptingu. Skiptið yfir á hringprjón 3. Prjónið 1 umferð slétt frá réttu þar sem aukið er út um 14-14-14-14-16-16-18 lykkjur jafnt yfir (ekki er aukið út yfir kanta að framan) = 163-171-183-191-201-209-219 lykkjur. Næsta umferð er prjónuð frá röngu þannig: 6 kantlykkjur að framan eins og áður, * 1 lykkja brugðið, 1 lykkja slétt *, prjónið frá *-* þar til 7 lykkjur eru eftir, prjónið 1 lykkju brugðið og 6 kantlykkjur að framan eins og áður. Haldið svona áfram með stroff fram og til baka í 4 cm. Fellið af aðeins laust. Peysan mælist ca 36-40-44-48-50-52-54 cm frá öxl. ERMI: Setjið 42-44-46-48-50-52-54 lykkjur af þræði í annarri hlið á stykki á sokkaprjóna 4. Prjónið að auki upp 1 lykkju í hverja af 8 lykkjum sem fitjaðar voru upp í hlið undir ermi með litnum ljós beige = 50-52-54-56-58-60-62 lykkjur. Setjið 1 merkiþráð mitt undir ermi – þ.e.a.s. mitt í 8 lykkjurnar. Látið merkiþráðinn fylgja með í stykkinu, það á að nota hann þegar fækka á lykkjum. Byrjið umferð við merkiþráðinn og prjónið sléttprjón hringinn. Þegar ermin mælist 2-2-3-4-4-4-4 cm, fækkið um 2 lykkjur mitt undir ermi – lesið ÚRTAKA. Fækkið lykkjum svona í 3.-3½.-4.-4½.-5.-6.-7. hverjum cm alls 6 sinnum = 38-40-42-44-46-48-50 lykkjur. Prjónið þar til ermin mælist 18-22-26-30-34-38-41 cm frá skiptingu. Nú eru eftir ca 4 cm að loka máli. Mátið e.t.v. peysuna og prjónið að óskaðri lengd fyrir stroff. Skiptið yfir á sokkaprjóna 3. Prjónið 1 umferð slétt þar sem aukið er út um 4-4-4-4-4-6-6 lykkjur jafnt yfir = 42-44-46-48-50-54-56 lykkjur. Prjónið stroffprjón (1 lykkja slétt, 1 lykkja brugðið) hringinn í 4 cm. Fellið af aðeins laust. Ermin mælist ca 22-26-30-34-38-42-45 cm frá skiptingu. Prjónið hina ermin á sama hátt. FRÁGANGUR: Saumið opið við kant í hálsmáli við miðju að framan með smáu spori. Saumið tölur í vinstri kant að framan. |
|||||||||||||||||||
Skýringar á teikningu |
|||||||||||||||||||
|
|||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (1)
Pradnya wrote:
Can I knit on straight needles? not comfortable on circular or two way needles.Thanking you
28.12.2023 - 08:12DROPS Design answered:
Dear Pradnya, please read the following lesson on how to adapt for straight needles: https://www.garnstudio.com/lesson.php?id=13&cid=19. Take into account that the raglan may be difficult to adjust to straight needles. Happy knitting!
28.12.2023 - 20:09