Colours of Winter Jacket |
|||||||||||||
|
|
||||||||||||
Prjónuð peysa úr DROPS Air. Stykkið er prjónað ofan frá og niður með hringlaga berustykki og norrænu mynstri. Stærð S – XXXL.
DROPS 215-14 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 121 lykkjur), mínus kantlykkjur að framan (t.d. 2 lykkjur) og deilið þeim lykkjum sem eftir eru með fjölda útaukninga sem á að gera (t.d. 44) = 2,7. Í þessu dæmi er aukið út með því að slá 1 sinni uppá prjóninn til skiptis á eftir ca aðra hverja og 3. hverja lykkju (ekki er aukið út yfir kantlykkjur). Í næstu umferð er uppslátturinn prjónaður snúinn svo ekki myndist gat. MYNSTUR: Sjá mynsturteikningu A.1. Allt mynstrið er prjónað í sléttprjóni. Veldu mynsturteikningu fyrir þína stærð. LEIÐBEININGAR: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum á bakhlið á stykkinu. Skiptið e.t.v. yfir á grófari prjóna þegar mynstrið er prjónað. ÚRTAKA (á við um miðju undir ermi): Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 8. hverja lykkju jafnframt því sem fellt er af (uppslátturinn er felldur af eins og venjuleg lykkja). HNAPPAGAT (á við um hægri kant að framan þegar flíkin er mátuð): Fellið af fyrir 6-6-6-7-7-7 hnappagötum í hægri kanti að framan. 1 hnappagat = prjónið 2 lykkjur saman og sláið 1 sinni uppá prjóninn. Í næstu umferð er uppslátturinn prjónaður slétt, svo það myndist gat. Neðsta hnappagatið á að vera 4 cm frá neðri kanti og efsta hnappagatið á að vera nákvæmlega undir kanti í hálsmáli. Þau 5-5-5-6-6-6 hnappagöt sem eftir eru, eru staðsett með jöfnu millibili ca 7-8 cm á milli hnappagata. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað fram og til baka á hringprjón frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna frá miðju að framan, ofan frá og niður. Ermar eru prjónaðar í hring á sokkaprjóna / stuttan hringprjón, ofan frá og niður. Kantar að framan eru prjónaðir í lokin. KANTUR Í HÁLSMÁLI: Fitjið upp 87-93-93-99-99-105 lykkjur á hringprjón 4,5 með litnum beige. Prjónið 1 umferð brugðið (= ranga). Næsta umferð er prjónuð frá réttu þannig: Prjónið 1 kantlykkju í GARÐAPRJÓN – sjá útskýringu að ofan, * prjónið 1 lykkju slétt, 1 lykkju brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju í garðaprjóni. Þegar kantur í hálsmáli mælist 10 cm í öllum stærðum, skiptið yfir á hringprjón 5,5. Næsta umferð er prjónuð frá réttu þannig: Fellið af 6 lykkjur í byrjun á umferð (hér er kantur að framan saumaður niður síðar), prjónið sléttar lykkjur út umferðina. Snúið stykkinu og fellið af fyrstu 6 lykkjur í byrjun á umferð = 75-81-81-87-87-93 lykkjur í umferð. Prjónið brugðið þar til 1 lykkja er eftir í umferð og endið með 1 kantlykkju í garðaprjóni. Setjið 1 prjónamerki í umferð, berustykkið er nú mælt frá prjónamerkinu! BERUSTYKKI: Sjá LEIÐBEININGAR! Fyrsta umferð er prjónuð frá réttu þannig: Prjónið 1 kantlykkju í garðaprjóni, prjónið A.1 yfir næstu 72-78-78-84-84-90 lykkjur (= 12-13-13-14-14-15 mynstureiningar með 6 lykkjum). ATHUGIÐ PRJÓNFESTUNA! JAFNFRAMT í hverri umferð merktri með ör í A.1, aukið út lykkjur jafnt yfir eins og útskýrt er að neðan: Ör-1: Aukið út 30-30-36-36-36-42 lykkjur jafnt yfir = 105-111-117-123-123-135 lykkjur (nú er pláss fyrir 17-18-19-20-20-22 mynstureiningar A.1 með 6 lykkjum, munið eftir að fyrstu lykkju í A.1 í lok umferðar). Ör-2: Aukið út 24-30-30-36-36-42 lykkjur jafnt yfir = 129-141-147-159-159-177 lykkjur (nú er pláss fyrir 21-23-24-26-26-29 mynstureiningar A.1 með 6 lykkjum). Ör-3: Aukið út 27-23-25-37-37-43 lykkjur jafnt yfir = 156-164-172-196-196-220 lykkjur (nú er pláss fyrir 19-20-21-24-24-27 mynstureiningar A.1 með 8 lykkjum og 2 fyrstu lykkjurnar í A.1 eru prjónaðar á undan kantlykkju í lok umferðar). Ör-4: Aukið út 21-25-23-29-35-41 lykkjur jafnt yfir = 177-189-195-225-231-261 lykkjur (nú er pláss fyrir 29-31-32-37-38-43 mynstureiningar A.1 með 6 lykkjum). Ör-5: Aukið út 27-23-25-27-37-39 lykkjur jafnt yfir = 204-212-220-252-268-300 lykkjur (nú er pláss fyrir 25-26-27-31-33-37 mynstureiningar A.1 með 8 lykkjum og 2 fyrstu lykkjurnar í A.1 eru prjónaðar á undan kantlykkju í lok umferðar). Ör-6: Aukið út 21-19-23-27-29-21 lykkjur jafnt yfir = 225-231-243-279-297-321 lykkjur (nú er pláss fyrir 37-38-40-46-49-53 mynstureiningar A.1 með 6 lykkjum). Ör-7: Aukið út 5-15-19-15-13-17 lykkjur jafnt yfir = 230-246-262-294-310-338 lykkjur. Haldið áfram með beige þar til stykkið mælist 21-21-21-26-26-27 cm frá prjónamerki við hálsmál. Nú skiptist berustykkið fyrir fram og bakstykki og ermar, þ.e.a.s. næsta umferð er prjónuð þannig: Prjónið 35-38-40-44-48-53 lykkjur eins og áður (= framstykki), setjið næstu 46-48-52-60-60-64 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi), prjónið 68-74-78-86-94-104 lykkjur eins og áður (= bakstykki), setjið næstu 46-48-52-60-60-64 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi) og prjónið þær 35-38-40-44-48-53 lykkjur eins og áður (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 150-162-174-190-210-230 lykkjur. Haldið áfram í sléttprjóni með 1 kantlykkju í garðaprjóni í hvorri hlið og með litnum beige. Prjónið þar til stykkið mælist ca 25-27-29-26-28-29 cm frá skiptingu (nú eru eftir ca 4 cm að loka máli, mátið e.t.v. peysuna og prjónið að óskaðri lengd). Skiptið yfir á hringprjón 4,5. Prjónið 1 umferð slétt frá réttu þar sem aukið er út um 7-7-9-9-11-11 lykkjur jafnt yfir = 157-169-183-199-221-241 lykkjur. Næsta umferð er prjónuð frá röngu þannig: Prjónið 1 kantlykkju í garðaprjóni, * prjónið 1 lykkju brugðið, 1 lykkju slétt *, prjónið frá *-* þar til 2 lykkjur eru eftir í umferð, prjónið 1 lykkju brugðið og endið með 1 kantlykkju í garðaprjóni. Haldið svona áfram með stroff í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 54-56-58-60-62-64 cm frá öxl og niður. ERMI: Setjið 46-48-52-60-60-64 lykkjur af þræði í annarri hlið á stykki á sokkaprjóna/stuttan hringprjón 5,5 og prjónið að auki upp 1 lykkju í hverja af 6-6-8-8-10-10 lykkjum sem fitjaðar voru upp undir ermi = 52-54-60-68-70-74 lykkjur. Setjið 1 prjónamerki mitt undir ermi, þ.e.a.s. mitt í 6-6-8-8-10-10 lykkjur sem fitjaðar voru upp undir ermi. Prjónamerkið fylgir með í stykkinu, það á að nota það síðar þegar fækka á lykkjum undir ermi. Prjónið sléttprjón með beige. Þegar stykkið mælist 3 cm byrjar úrtaka undir ermi – sjá ÚRTAKA. Fækkið lykkjum svona með ca 5-4½-3½-2-2½-2 cm millibili alls 6-7-8-12-11-13 sinum = 40-40-44-44-48-48 lykkjur. Þegar ermin mælist 31-32-32-28-29-29 cm frá skiptingu, skiptið yfir á sokkaprjóna 4,5. Prjónið stroff (1 lykkja slétt, 1 lykkja brugðið) í 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 35-36-36-32-33-33 cm. Prjónið hina ermina á sama hátt. FRÁGANGUR: Brjótið niður stroffið efst í hálsmáli að innan verðu á stykki. Saumið stroffið niður þannig að það myndist uppábrot og saumið hvora hlið saman í brotinu við miðju að framan. Til að koma í veg fyrir að kanturinn í hálsi verði of stífur og beygist út, passið uppá að saumurinn verði teygjanlegur. VINSTRI KANTUR AÐ FRAMAN (þegar flíkin er mátuð): Prjónið upp frá réttu á hringprjón 4,5 með litnum beige þannig: Prjónið upp ca 95-99-103-107-111-113 lykkjur innan við 1 kantlykkju í garðaprjóni meðfram miðju að framan (lykkjufjöldinn á að vera deilanlegur með 2 + 1). Prjónið stroff þannig (1. umferð = ranga): Prjónið 1 kantlykkju í garðaprjóni, * prjónið 1 lykkju brugðið, 1 lykkja slétt *, prjónið frá *-* þar til 2 lykkjur eru eftir í umferð, prjónið 1 lykkju brugðið og endið með 1 kantlykkju í garðaprjóni. Haldið svona áfram með stroff í ca 3 cm – stillið af að það sé jafn breitt og breiddin á 6 lykkjum sem felldar voru af í kanti í hálsi. Fellið af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur. HÆGRI KANTUR AÐ FRAMAN (þegar flíkin er mátuð): Prjónið alveg eins og vinstri kantur að framan, en eftir 1-1½ cm er fellt af fyrir 6-6-6-7-7-7 HNAPPAGAT jafnt yfir – sjá útskýringu að ofan. FRÁGANGUR: Saumið kant í hálsmáli fallega að kanti að framan með sauminn inn að röngu. Saumið tölur í vinstri kant að framan. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (8)
Patti Buchanan wrote:
I am beginning the yoke and have 75 stitches. The pattern indicates that A1 is worked over 72 stitches plus I need 2 edge stitches....that totals 74 therefore why 75 stitches?
31.07.2023 - 15:48DROPS Design answered:
Dear Patti, you work 1 edge stitch, A.1 over 72 stitches, plus work the first stitch of A.1 and another edge stitch. In total you have 75 stitches. Happy knitting!
31.07.2023 - 18:41Veronica wrote:
Når blir denne oppskriften lagt ut?
29.09.2020 - 17:30DROPS Design answered:
Hej Veronica, det varer ikke længe nu :)
30.09.2020 - 11:50Martina Herold wrote:
Das wird mein Projekt :)
21.08.2020 - 11:21Bodin Ghislaine wrote:
J aime beaucoup
17.06.2020 - 07:39Susana wrote:
Muito bonita!
11.06.2020 - 14:20Heike wrote:
Kann es kaum erwarten damit an zufangen.
10.06.2020 - 21:02Grażyna wrote:
Ładny żakard, w miarę prosty, myślę że sobie z nim poradzę. Kolory też piękne
05.06.2020 - 11:19Yvonne Smeijsters wrote:
Zou zo aan dit vest willen beginnen om hem op tijd af te hebben voor de winter
05.06.2020 - 07:11