DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 8976.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Tree Hive

Hekluð peysa úr DROPS Sky. Stykkið er heklað ofan frá og niður með hringlaga berustykki, pufflykkjum og stuðlakrókum. Stærð S – XXXL.

DROPS 218-19
DROPS Design: Mynstur sk-102
Garnflokkur B
-------------------------------------------------------

STÆRÐ:
S - M - L - XL - XXL - XXXL

EFNI:
DROPS SKY frá Garnstudio (tilheyrir garnflokki B)
300-350-350-400-450-500 g litur 08, lavender

HEKLFESTA:
16 stuðlar á breidd og 8 umferðir á hæðina = 10 x 10 cm.

HEKLUNÁL:
DROPS HEKLUNÁL NR 4,5.
Nálarstærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari heklunál. Ef þú ert með of fáar lykkjur á 10 cm, skiptu yfir í fínni heklunál.

DROPS TALA, Marble nr 629: 6-6-7-7-7-7 st

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Sky
DROPS Sky
74% Alpakka, 18% Polyamide, 8% Ull
frá 1496.00 kr /50g
Þú færð garn sem þarf í að gera þetta mynstur frá 8976.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

HEKLLEIÐBEININGAR:
Fyrsta stuðli í umferð er skipt út fyrir 3 loftlykkjur. Fyrsta fastalykkjan í umferð er skipt út fyrir 1 loftlykkju.

LOFTLYKKJA:
Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 fastalykkju/stuðull/tvíbrugðinn stuðull.

MYNSTUR:
Sjá mynsturteikningu A.1, A.2 og A.3.

1 PUFFLYKKJA:
Heklið í sömu loftlykkju þannig (það er mikilvægt að heklað sé í lykkjuna, ekki um lykkjuna): * Bregðið þræðinum 1 sinni um heklunálina, stingið heklunálinni í gegnum loftlykkjuna, bregðið þræðinum 1 sinni um heklunálina og dragið í gegnum loftlykkjuna, dragið báða uppslættina langa (til að koma í veg fyrir að pufflykkjurnar verði litlar og þéttar, er mikilvægt að uppslátturinn sé dreginn langur, þ.e.a.s. ca 2 cm) *, heklið frá *-* alls 5 sinnum, bregðið þræðinum um heklunálina og dragið þráðinn í gegnum allar lykkjurnar á heklunálinn.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 88 lykkjur), mínus kanta að framan (t.d. 10) og deilið þeim lykkjum sem eftir eru með fjölda útaukninga sem á að gera (t.d. 42) = 1,9.
Í þessu dæmi er aukið út í ca aðra hverja lykkju, aukið út með því að hekla 2 tvíbrugðna stuðla í 1 fastalykkju, eða 3 stuðla um loftlykkju (í stað 2). ATH! Ekki auka út yfir lykkjur í köntum að framan.

ÚTAUKNING-2 (á við um í hliðum á fram- og bakstykki):
Aukið út um 1 lykkju með því að hekla 2 lykkjur í sömu lykkju.
Aukið út hvoru megin við prjónamerki þannig:
Heklið fram þar til 2 lykkjur eru eftir á undan prjónamerki, aukið út um 1 lykkju í næstu lykkju, heklið 2 lykkjur (prjónamerki situr mitt á milli þessa 2 lykkja), aukið út um 1 lykkju í næstu lykkju (= 2 lykkjur fleiri við prjónamerki og alls 4 lykkjur fleiri í umferð).

HEKLIÐ 2 FASTALYKKJUR SAMAN Í 1 FASTALYKKJU:
* Stingið heklunálinni í gegnum næstu lykkju, sækið þráðinn *, heklið frá *-* alls 2 sinnum, bregðið þræðinum 1 sinni um heklunálina og dragið þráðinn í gegnum allar 3 lykkjurnar á heklunálinni (= 1 lykkja færri).

STUÐLAKRÓKUR:
Heklið 1 stuðul í kringum 1 stuðul frá fyrri umferð (þ.e.a.s. ekki hekla í lykkjubogana, heldur utan um stuðulinn) þannig:, Bregðið þræðinum 1 sinni um heklunálina (alveg eins og þegar heklaður var 1 venjulegur stuðull), færið heklunálina í kringum næsta stuðul frá fyrri umferð (þ.e.a.s. inn frá hægri hlið og út um vinstri hlið), sækið þráðinn, heklið afgang af stuðli eins og venjulega.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Berustykkið er heklað fram og til baka frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki er heklað fram og til baka, ofan frá og niður. Ermar eru heklaðar fram og til baka, ofan frá og niður (ermar eru heklaðar fram og til baka til að ná fram sömu áferð og fram- og bakstykki).

BERUSTYKKI:
Heklið 89-89-95-101-107-107 LOFTLYKKJUR – sjá útskýringu að ofan, með heklunál 4,5 með 1 þræði Sky.

Fyrsta umferð er hekluð frá röngu þannig: Heklið 1 fastalykkju í 2. loftlykkju frá heklunálinni, heklið 1 fastalykkju í hverja loftlykkju út umferðina = 88-88-94-100-106-106 fastalykkjur í umferð.
Næsta umferð er hekluð frá réttu þannig:
Heklið A.1 yfir fyrstu 5 lykkjurnar, heklið A.2 þar til 11 lykkjur eru eftir í umferð (= 12-12-13-14-15-15 mynstureiningar með 6 lykkjum) og endið með A.3 yfir síðustu 11 lykkjurnar. Haldið svona áfram með mynstur fram og til baka svona. ATHUGIÐ HEKLFESTUNA! JAFNFRAMT í hverri umferð merktri með ör, eru auknar út lykkjur jafnt yfir eins og útskýrt er að neðan – sjá ÚTAUKNING-1:

Ör-1: Aukið út 42-48-42-48-48-48 tvíbrugðna stuðla jafnt yfir = 130-136-136-148-154-154 lykkjur (nú er pláss fyrir 19-20-20-22-23-23 mynstureiningar með A.2 á breiddina).
Ör-2: Aukið út 36-42-42-48-48-48 tvíbrugðna stuðla jafnt yfir = 166-178-178-196-202-202 lykkjur (nú er pláss fyrir 25-27-27-30-31-31 mynstureiningar með A.2 á breiddina).
Ör-3: Aukið út 36-42-42-42-36-42 stuðla jafnt yfir = 202-220-220-238-238-244 lykkjur (nú er pláss fyrir 31-34-34-37-37-38 mynstureiningar með A.2 á breiddina).
Ör-4: Aukið út 28-26-30-42-36-42 stuðla jafnt yfir = 230-246-250-280-274-286 lykkjur.

Þegar A.1 til A.3 hefur verið heklað til loka, heklið A.1 til A.3 x, JAFNFRAMT er aukið út jafnt yfir í hvert skipti sem umferð með tvíbrugðnum stuðlum er hekluð, aukið út 0-0-12-13-11-13 tvíbrugðna stuðla jafnt yfir 0-0-2-2-4-4 sinnum = 230-246-274-306-318-338 lykkjur. Haldið áfram með A.1 til A.3 x þar til stykkið mælist 20-23-25-28-30-33 cm, endið með umferð með tvíbrugðnum stuðlum.

Nú skiptist berustykkið fyrir fram- og bakstykki og ermar, þ.e.a.s. næsta umferð er hekluð þannig – sjá HEKLLEIÐBEININGAR:
Heklið 1 fastalykkju í hverja af fyrstu 37-40-44-48-51-55 lykkjum (= framstykki), heklið 6-6-6-6-8-10 lausar loftlykkjur (= í hlið undir ermi), hoppið yfir næstu 46-48-54-62-62-64 lykkjur (= ermi), heklið 1 fastalykkju í hverja af næstu 64-70-78-86-92-100 lykkjum (= bakstykki), heklið 6-6-6-6-8-10 lausar loftlykkju (= í hlið undir ermi), hoppið yfir næstu 46-48-54-62-62-64 lykkjur (= ermi) og heklið 1 fastalykkju í hverja af síðustu 37-40-44-48-51-55 lykkjum (= framstykki). Fram- og bakstykki og ermar er síðan heklað hvert fyrir sig. HÉÐAN ER NÚ MÆLT!

FRAM- OG BAKSTYKKI:
= 150-162-178-194-210-230 lykkjur (meðtaldar 6-6-6-6-8-10 loftlykkjur undir hvorri ermi). Setjið 1 prjónamerki 40-43-47-51-55-60 lykkjur inn frá hvorri hlið (= 70-76-84-92-100-110 lykkjur á milli prjónamerkja á bakstykki). Látið prjónamerkin fylgja með í stykkinu. Það á að nota þau síðar þegar auka á út í hliðum.
Haldið áfram fram og til baka með A.1 til A.3 x eins og áður. Þegar fram- og bakstykki mælist 4 cm frá skiptingu, aukið út um 2 lykkjur í hvorri hlið – sjá ÚTAUKNING-2. Aukið svona út með 9 cm millibili alls 3 sinnum í hvorri hlið = 162-174-190-206-222-242 lykkjur. Heklið áfram þar til fram- og bakstykki mælist 28-27-27-26-26-25 cm frá skiptingu, en endið eftir 1 umferð með tvíbrugðnum stuðlum. Heklið síðan þannig: * 1 stuðull, 1 STUÐLAKRÓKUR – sjá útskýringu að ofan *, endurtakið frá *-*. Haldið áfram með einn stuðul í hvern stuðul og einn stuðlakrók í hvern stuðlakrók þar til stykkið mælist 32-31-31-30-30-29 cm. Klippið frá og festið enda. Peysan mælist ca 56-58-60-62-64-66 cm frá öxl og niður.

ERMI:
Ermin er hekluð fram og til baka frá miðju undir ermi (til að áferðin verði eins á fram- og bakstykki og ermum).
Byrjið frá röngu, mitt í 6-6-6-6-8-10 lykkjum undir ermi og heklið 1 tvíbrugðinn stuðul í hverja og eina af 3-3-3-3-4-5 lykkjum frá mitti og út, heklið 1 tvíbrugðinn stuðul í hverja af 46-48-54-62-62-64 lykkjum sem hoppað var yfir og endið með 1 tvíbrugðinn stuðul í hverja og eina af síðustu 3-3-3-3-4-5 lykkjum mitt undir ermi = 52-54-60-68-70-74 lykkjur, snúið stykkinu.
Haldið áfram fram og til baka með A.1 til A.3 x eins og áður. Þegar stykkið mælist 3 cm frá skiptingu, fækkið um 1 lykkju í hvorri hlið þannig: HEKLIÐ 2 FASTALYKKJUR SAMAN Í 1 FASTALYKKJU – sjá útskýringu að ofan, heklið þar til 2 lykkjur eru eftir í umferð, heklið 2 fastalykkjur saman í 1 lykkju. Fækkið lykkjum svona með 7-6½-4- 2½-2½-2 cm millibili alls 6-6-8-12-12-13 sinnum í hvorri hlið = 40-42-44-44-46-48 lykkjur. Haldið áfram þar til stykkið mælist 41-39-37-35-34-32 cm, endið eftir 1 umferð með tvíbrugðnum stuðlum.
ATH: Það er styttra mál í stærri stærðum vegna víðara hálsmáls og lengra berustykkis. Síðan er heklað þannig: * 1 stuðull, 1 STUÐLAKRÓKUR – sjá útskýringu að ofan *, endurtakið frá *-* út umferðina. Haldið áfram með stuðul í hvern stuðul og stuðlakrók í hvern stuðlakrók þar til stykkið mælist 45-43-41-39-38-36 cm. Klippið frá og festið enda. Heklið hina ermina á sama hátt.

FRÁGANGUR:
Saumið sauma undir ermi – saumið í ystu lykkjubogana. Staðsetjið tölur jafnt yfir í vinstra framstykki og saumið niður, hneppið tölum á milli 2 stuðla í kant að framan á hægra framstykki.

Mynstur

symbols = 1 loftlykkja
symbols = 1 fastalykkja
symbols = 3 loftlykkjur
symbols = 4 loftlykkjur
symbols = 1 stuðull í lykkju
symbols = 1 tvíbrugðinn stuðull í lykkju
symbols = 1 stuðull um loftlykkju
symbols = 2 STUÐLAR SAMAN UM LOFTLYKKJU/STUÐUL: Heklið 1 stuðul um loftlykkju/í stuðul, en bíðið með að bregða þræðinum um heklunálina í lokin og að draga þráðinn í gegn, heklið 1 stuðul um sömu loftlykkju/í sama stuðul og dragið þráðinn að lokum í gegnum allar 3 lykkjurnar á heklunálinni
symbols = hoppið yfir 1 loftlykkju/1 stuðul, heklið 1 stuðul í næsta stuðul, 1 loftlykkja, heklið 1 PUFFLYKKJA – sjá útskýringu í uppskrift – í loftlykkju sem hoppað var yfir (pufflykkjan á að krossa yfir stuðul frá réttu á stykki)
symbols = hoppið yfir 1 pufflykkju + 1 loftlykkju, heklið 1 stuðul í næsta stuðul, 1 loftlykkja, heklið 1 pufflykkju í loftlykkju sem hoppað var yfir (pufflykkjan á að krossa yfir stuðul frá röngu á stykki)
symbols = útauknings umferð
diagram
diagram
Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 218-19

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (4)

country flag Lilian Nafula wrote:

Arrow-3: Increase 36-42-42-42-36-42 double crochets evenly = 202-220-220-238-238-244 stitches (there is now room for 31-34-34-37-37-38 repetitions of A.2 in width). Don't get the last part in brackets and Arrow 3 am guessing is Row 3.

25.03.2022 - 02:04

DROPS Design answered:

Dear Lilian, Arrow-3 is the arrow with number 3 in the right side of the A.1 diagram. The part in brackets means that after the increases, in the next row you will be able to work A.2 the number of times indicated, depending on the size. Happy crochetting!

26.03.2022 - 19:47

country flag Annemarie wrote:

Vol enthousiasme ben ik begonnen aan dit vestje. Ik loop vast bij de kussensteken; het lukt mij niet om kussensteken voorlangs een stokje te krijgen en dus een soort terug te gaan in de rij zodat het stokje schuin gaat. Ik heb nu een aanpassing gedaan met kussensteek -losse, stokje, losse en dan weer kussensteek. Dat komt qua steken prima uit maar lijkt niet zo op het origineel. De kussensteken an sich lukken prima, en het staat ook wel oké, maar het oogt minder dicht dan op het voorbeeld.

01.10.2021 - 16:41

DROPS Design answered:

Dag Annemarie,

Heb je de video bekeken over de kussensteek? Misschien moet je de lussen wat minder hoog ophalen, zodat de kussensteek wat strakker wordt

02.10.2021 - 10:25

country flag Tina Böhm wrote:

Hallo, Ich verstehe nicht wie ich nun mit den Rumpfteil häkeln soll. Wie lang sollen die Markierungsfaden sein?

25.09.2021 - 14:28

DROPS Design answered:

Liebe Frau Böhm, dieses Video zeigt, wie man einen Markierungsfaden benutzt, wenn ich so Markierungsfäden benutze sind meine ca 20-30 cm, ob es Ihnen helfen kann. Sie können auch Maschenmarkierer benutzen. Viel Spaß beim häkeln!

27.09.2021 - 08:03

country flag Lucia Belli wrote:

Non riesco a capire quando devo iniziare a lavorare il dietro e il dvanti separatamente

04.11.2020 - 16:01

DROPS Design answered:

Buongiorno Lucia, non si lavorano il davanti e il dietro in modo separato. Segua semplicemente le istruzioni. Buon lavoro!

04.11.2020 - 19:07