Autumn Days |
||||||||||
|
|
|||||||||
Prjónuð peysa úr DROPS Kid-Silk. Stykkið er prjónað ofan frá og niður með hringlaga berustykki, mynsturáferð á berustykki og garðaprjóni á fram- og bakstykki og ermum. Stærð S - XXXL.
DROPS 217-21 |
||||||||||
-------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.4. Veldu mynsturteikningu fyrir þína stærð (á við um A.2, A.3 og A.4). Mynsturteikning sýnir allar umferðir í mynstri séð frá réttu. ÚTAUKNING/ÚRTAKA (jafnt yfir): Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 315 lykkjur) mínus kanta að framan (t.d. 10 lykkjur) og deilið þeim 305 lykkjum sem eftir eru með fjölda útaukninga/úrtöku sem á að gera (t.d. 14) = 21,8. Í þessu dæmi er aukið út með því að slá 1 sinni uppá prjóninn á eftir ca 22. hverja lykkju – ekki er aukið út yfir kanta að framan. Í næstu umferð er uppslátturinn prjónaður snúinn, svo ekki myndist gat. Ef fækka á lykkjum, prjónið þá í þessu dæmi ca 21 og 22. hverja lykkju slétt saman. ÚTAUKNING-1 (á við um útaukningu í stroffi í berustykki): Aukið út um 1 lykkju í byrjun á hverri brugðinni einingu (séð frá réttu) með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. Útauknar lykkjur eru prjónaðar slétt frá röngu/brugðið frá réttu. ATH: Í 3 stærstu stærðunum á að auka út 3 sinnum í brugðnu einingunum. Það er fallegast ef fyrst er aukið út í byrjun á hverri brugðinni einingu, í næsta skipti í lokin á hverri brugðinni einingu og í lokin í byrjun á hverri brugðinni einingu. ÚTAUKNING-2 (á við um útaukningu í klukkuprjónslykkjum): Aukið út um 4 lykkjur í 1 klukkuprjónslykkju með því að prjóna 5 lykkjur í sömu lykkju þannig (frá réttu): Prjónið 1 lykkju slétt í lykkjuna undir næstu lykkju, en bíðið með að lyfta lykkjum af vinstri prjóni, * sláið 1 sinni uppá hægri prjón, prjónið 1 lykkju slétt í sömu lykkju á vinstri prjóni *, prjónið frá *-* alls 2 sinnum, lyftið síðan lykkjum af vinstri prjóni = 5 lykkjur (þ.e.a.s. 4 lykkjur fleiri). ÚTAUKNING-3 (á við um í hliðum á fram- og bakstykki): Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki situr mitt á milli þessa 4 lykkja), sláið 1 sinni uppá prjóninn (= 2 lykkjur fleiri við prjónamerki). Í næstu umferð er uppslátturinn prjónaður snúinn slétt, svo ekki myndist gat. Prjónið síðan nýjar lykkjur í garðaprjóni. ÚRTAKA (á við um í hvorri hlið á ermi): Fækkið lykkjum á eftir 1 kantlykkju í garðaprjóni þannig: Lyftið 1 lykkju eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (= 1 lykkja færri). Fækkið lykkjum á undan 1 kantlykkju í garðaprjóni þannig: Byrjið 2 lykkjum á undan kantlykkju og prjónið 2 lykkjur slétt saman (= 1 lykkja færri). HNAPPAGAT: Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo það myndist gat. Fellið af fyrir fyrsta hnappagatinu þegar stroff í hálsmáli mælist ca 2 cm, öðru hnappagati þegar kantur í hálsmáli mælist 5 cm og þriðja hnappagati þegar kantur í hálsmáli mælist 8 cm. Fellið síðan af fyrir 6-6-6-7-7-7 næstu hnappagötum með ca 7½-8-8½-7½-8-8 cm millibili. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað fram og til baka, ofan frá og niður. Berustykkið skiptist fyrir fram- og bakstykki og ermar. Fram- og bakstykki er prjónað fram og til baka á hringprjóna frá miðju að framan, ofan frá og niður. Ermar eru prjónaðar fram og til baka á hringprjóna, ofan frá og niður til þar sem stroffið byrjar. Stroffið er prjónað í hring á sokkaprjóna til loka. Að lokum eru ermasaumar saumaðir og litla opið undir hvorri ermi. KANTUR Í HÁLSMÁLI: Fitjið upp 111-115-123-127-131-135 lykkjur (meðtaldar 5 kantlykkjur að framan í hvorri hlið við miðju að framan) á hringprjón 3,5 með 2 þráðum Kid-Silk. Takið frá annan þráðinn – afgangur af stykki er prjónaður með 1 þræði Kid-Silk. Skiptið yfir á hringprjón 3 og prjónið 1 umferð brugðið (= ranga). Næsta umferð er prjónuð frá réttu þannig: 1 kantlykkja sem prjónuð er brugðið í hverri umferð, * 1 lykkja slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju slétt og endið með 1 kantlykkju sem prjónuð er brugðið í hverri umferð. Haldið svona áfram með stroff, en munið eftir HNAPPAGAT í hægri kanti að framan – sjá útskýringu að ofan. JAFNFRAMT þegar kantur í hálsmáli mælist 8 cm og næsta umferð er prjónuð frá röngu, aukið út um 50-52-56-58-60-62 lykkjur jafnt yfir eins og útskýrt er að neðan: Prjónið eins og áður yfir fyrstu 5 lykkjur, prjónið 1 lykkju brugðið, * sláið 1 sinni uppá prjóninn, prjónið 1 lykkju slétt, 1 lykkju brugðið *, prjónið frá *-* þar til 5 lykkjur eru eftir í umferð og endið með 5 lykkjur í stroffi eins og áður = 161-167-179-185-191-197 lykkjur í umferð. Skiptið yfir á hringprjón 3,5. Setjið 1 prjónamerki innan við 5 ystu lykkjur mitt að framan. Prjónið berustykki eins og útskýrt er að neðan. Berustykkið er nú mælt frá þessu prjónamerki. BERUSTYKKI: Prjónið 2 umferðir sléttprjón fram og til baka með 5 kantlykkjum að framan í hvorri hlið við miðju að framan sem nú eru prjónaðar brugðið í hverri umferð (uppsláttur frá útaukningu er prjónaður snúinn slétt og kantar að framan eru prjónaðir brugðið í hverri umferð til loka). Næsta umferð er prjónuð frá réttu þannig: 5 kantlykkjur að framan brugðið, prjónið A.1 þar til 6 lykkjur eru eftir í umferð (= 50-52-56-58-60-62 mynstureiningar með 3 lykkjum), prjónið fyrstu lykkjuna í A.1 (þannig að mynstrið byrji og endið alveg eins í hvorri hlið við miðju að framan) og endið með 5 kantlykkjum að framan brugðið. Haldið svona áfram með A.1 JAFNFRAMT er aukið út í brugðnu einingunum eins og útskýrt er að neðan. ATHUGIÐ PRJÓNFESTUNA! S, M og L: Þegar A.1 mælist 7-8-8 cm og næsta umferð er prjónuð frá röngu, aukið út allar 2 lykkjur brugðið (séð frá réttu) til 3 lykkjur brugðið með því að slá 1 sinni uppá prjóninn á milli hverra og einna af 2 lykkjum slétt frá röngu = 50-52-56 lykkjur fleiri = 211-219-235 lykkjur í umferð. Haldið áfram undir ALLAR STÆRÐIR. XL, XXL og XXXL: Þegar A.1 mælist 3-3-3 cm, aukið út allar 2 lykkjur brugðið til 3 lykkjur brugðið – sjá ÚTAUKNING-1 = 58-60-62 lykkjur fleiri = 243-251-259 lykkjur. Þegar A.1 mælist 6-6-7 cm, aukið út allar 3 lykkjur brugðið til 4 lykkjur brugðið = 58-60-62 lykkjur fleiri = 301-311-321 lykkjur í umferð. Þegar A.1 mælist 9-9-10 cm og næsta umferð er prjónuð frá röngu, aukið út allar 4 lykkjur brugðið (séð frá réttu) til 5 lykkjur brugðið = 58-60-62 lykkjur fleiri = 359-371-383 lykkjur í umferð. Haldið áfram undir ALLAR STÆRÐIR. ALLAR STÆRÐIR: = 211-219-235-359-371-383 lykkjur í umferð. Byrjið frá réttu og prjónið 2 umferðir sléttprjón fram og til baka með 5 kantlykkjum að framan brugðið í hvorri hlið við miðju að framan (uppslátturinn frá útaukningu er prjónaður snúinn slétt í fyrstu umferð). Næsta umferð er prjónuð frá réttu þannig: 5kantlykkjur að framan brugðið, prjónið A.2 þar til 6 lykkjur eru eftir í umferð (= 50-52-56-58-60-62 mynstureiningar með 4-4-4-6-6-6 lykkjum), prjónið fyrstu lykkju í A.2 (þannig að mynstrið byrji og endið alveg eins í hvorri hlið við miðju að framan) og endið með 5 kantlykkjum að framan brugðið. Haldið svona áfram með mynstur, en þegar prjónaðar hafa verið 6 umferðir með A.2, á að auka út í klukkuprjónslykkjum. Þetta er gert frá réttu eins og útskýrt er að neðan: S, M og L: Prjónið 5 kantlykkjur að framan eins og áður, * aukið út 4 lykkjur í klukkuprjónslykkju – sjá ÚTAUKNING-2, prjónið 3 lykkjur brugðið, prjónið 1 klukkuprjónslykkju eins og áður án útaukningar, prjónið 3 lykkjur brugðið *, prjónið frá *-* þar til 6 lykkjur eru eftir í umferð, aukið út 4 lykkjur í síðustu klukkuprjónslykkju og endið með 5 kantlykkjur að framan brugðið = 315-327-351 lykkjur í umferð. Haldið áfram undir ALLAR STÆRÐIR. XL: Byrjið útaukningu í 2. klukkuprjónslykkju frá kanti og aukið út um 4 lykkjur í 4. hverja klukkuprjónslykkju út umferðina – sjá ÚTAUKNING-2 (það eru auknar út alls 15 klukkuprjónslykkjur í umferð) = 419 lykkjur í umferð. Haldið áfram undir ALLAR STÆRÐIR. XXL: Byrjið útaukningu í fyrstu klukkuprjónslykkju frá kanti og aukið út 4 lykkjur í 3. hverja klukkuprjónslykkju út umferðina – sjá ÚTAUKNING-2 (það eru auknar út alls 21 klukkuprjónslykkja í umferð) = 455 lykkjur í umferð. Haldið áfram undir ALLAR STÆRÐIR. XXXL: Byrjið útaukningu í 2. Klukkuprjónslykkju frá kanti og aukið út 4 lykkjur í 3. Hverja klukkuprjónslykkju út umferðina – sjá ÚTAUKNING-2 (það eru auknar út alls 21 klukkuprjónslykkja í umferð) = 467 lykkjur í umferð. Haldið áfram undir ALLAR STÆRÐIR. ALLAR STÆRÐIR: = 315-327-351-419-455-467 lykkjur í umferð. Haldið áfram alveg eins og áður, en þar sem aukið var út í klukkuprjónslykkjum, prjónið 5 lykkjur þannig (séð frá réttu): 1 klukkuprjónslykkja, 3 lykkjur brugðið, 1 klukkuprjónslykkja (sjá A.2B). Þegar berustykkið mælist 15-17-17-19-19-21 cm frá prjónamerki, prjónið næstu umferð frá réttu þannig: 5 kantlykkjur að framan brugðið, prjónið A.3 þar til 6 lykkjur eru eftir í umferð, en í XL, XXL og XXXL prjónið A.4 yfir A.2B, þannig að mynstrið gangi fallega upp. Þegar 6 lykkjur eru eftir í umferð, prjónið fyrstu lykkju í A.3 (þannig að mynstrið byrji og endið alveg eins í hvorri hlið), endið síðan með 5 kantlykkjur að framan brugðið. Haldið svona áfram með mynstur þar til A.3 mælist 3-3-3-5-5-5 cm. Berustykkið mælist nú ca 18-20-20-24-24-26 cm frá prjónamerki við hálsmál. Prjónið 2 umferðir sléttprjón fram og til baka (kantlykkjur að framan eru prjónaðar brugðið eins og áður) yfir allar lykkjur og aukið jafnframt út 14-30-34-6-2-26 lykkjur jafnt yfir í fyrstu umferð – sjá ÚTAUKNING/ÚRTAKA = 329-357-385-425-457-493 lykkjur. Prjónið síðan GARÐAPRJÓN – sjá útskýringu að ofan, en þær 5 kantlykkjur að framan í hvorri hlið við miðju að framan eru prjónaðar brugðið í hverri umferð eins og áður – með þessu þá verður kantur að framan aðeins afmarkaður miðað við garðaprjón á sjálfu stykkinu. Þegar berustykkið mælist 19-21-23-25-27-29 cm frá prjónamerki við hálsmál, skiptist berustykkið fyrir fram- og bakstykki og ermar. Þ.e.a.s. næsta umferð er prjónuð þannig: Prjónið 52-57-60-66-72-79 lykkjur eins og áður (= framstykki), setjið næstu 66-70-78-86-90-94 lykkjur á þráð fyrir ermi, fitjið upp 8-8-10-10-12-12 nýjar lykkjur á prjóninn (= í hlið undir ermi), prjónið 93-103-109-121-133-147 lykkjur í garðaprjóni (= bakstykki), setjið næstu 66-70-78-86-90-94 lykkjur á þráð fyrir ermi, fitjið upp 8-8-10-10-12-12 nýjar lykkjur á prjóninn (= í hlið undir ermi) og prjónið þær 52-57-60-66-72-79 lykkjur sem eftir eru eins og áður (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 213-233-249-273-301-329 lykkjur. Setjið 1 prjónamerki 56-61-65-71-78-85 lykkjur inn frá hvorri hlið (= í hliðar á fram- og bakstykki). Nú eru 101-111-119-131-145-159 lykkjur á milli prjónamerkja á bakstykki. Látið prjónamerkin fylgja með í stykkinu, það á að nota þau síðar þegar auka á út í hliðum á fram- og bakstykki. Haldið áfram fram og til baka í garðaprjóni og 5 kantlykkjur að framan brugðið í hvorri hlið við miðju að framan. Þegar stykkið mælist 5 cm frá skiptingu, aukið út um 1 lykkju hvoru megin við bæði prjónamerkin – sjá ÚTAUKNING-3 (= 4 lykkjur fleiri). Aukið svona út með 6 cm millibili alls 4 sinnum í hvorri hlið = 229-249-265-289-317-345 lykkjur. Prjónið áfram þar til stykkið mælist 28 cm frá skiptingu. Nú eru eftir ca 2 cm að loka máli, mátið e.t.v. peysuna og prjónið að óskaðri lengd. Prjónið 1 umferð slétt frá réttu þar sem aukið er út um 58-62-67-73-78-86 lykkjur jafnt yfir – munið eftir ÚTAUKNING/ÚRTAKA = 287-311-332-362-395-431 lykkjur. ATH: Aukið er út til að koma í veg fyrir að stroffið sem á að prjónast dragi stykkið saman. Skiptið yfir á hringprjón 3. Næsta umferð er prjónuð frá röngu þannig: 5 kantlykkjur að framan brugðið, * 1 lykkja brugðið, 2 lykkjur slétt *, prjónið frá *-* þar til 6 lykkjur eru eftir í umferð, prjónið 1 lykkju brugðið og endið með 5 kantlykkjum að framan brugðið. Haldið svona áfram með stroff í 2 cm. Fellið laust af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 52-54-56-58-60-62 cm frá öxl og niður. ERMI: Fitjið upp 4-4-5-5-6-6 lykkjur á hringprjón 3,5 með Kid-Silk, prjónið sléttar lykkjur yfir 66-70-78-86-90-94 lykkjur frá þræði í annarri hlið á stykki og fitjið upp 4-4-5-5-6-6 nýjar lykkjur í lok umferðar = 74-78-88-96-102-106 lykkjur í umferð. Prjónið garðaprjón fram og til baka yfir allar lykkjur. JAFNFRAMT þegar ermin mælist 2 cm frá skiptingu í öllum stærðum, fækkið um 1 lykkju í hvorri hlið – sjá ÚRTAKA. Fækkið lykkjum svona með 2½-2½-1½-1½-1-1 cm millibili alls 7-8-12-15-16-17 sinnum í hvorri hlið = 60-62-64-66-70-72 lykkjur. Prjónið áfram þar til ermin mælist 37-35-34-32-31-29 cm frá skiptingu. Nú eru eftir ca 10 cm að loka máli. Mátið e.t.v. peysuna og prjónið að óskaðri lengd. ATH: Það er styttra máli í stærri stærðum vegna víðari hálsmáls og lengra berustykkis. Afgangur af ermi (stroff) er prjónaður í hring á sokkaprjóna. Skiptið öllum lykkjum niður á sokkaprjóna 3. Prjónið 2 umferðir sléttprjón þar sem lykkjufjöldinn er jafnaður til 60-63-63-66-69-72 lykkjur í fyrstu umferð. Prjónið síðan stroff hringinn (= 1 lykkja slétt, 2 lykkjur brugðið) í 10 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – munið eftir AFFELLING! Ermin mælist ca 47-45-44-42-41-39 cm frá skiptingu. Prjónið hina ermina á sama hátt. FRÁGANGUR: Saumið ermar í mitt undir – saumið kant í kant í ystu lykkjubogana, þannig að saumurinn verði flatur. Saumið saman op undir ermum (þar sem nýjar lykkjur voru fitjaðar upp). Saumið tölur í vinstri kant að framan. |
||||||||||
Skýringar á teikningu |
||||||||||
|
||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (12)
Rita Kragh wrote:
Jeg er i gang med størrelse L og det er første udtagning, næste udtagning jeg ikke kan forstå. Og patentmaske kan jeg ikke fine noget om på jeres hjemmeside ? Hilsen Rita Kragh
08.03.2023 - 14:47DROPS Design answered:
Hej Rita, vi har flere videoer med udtagning i patent. Her ser du en af dem: tag 4 masker ud i patent
09.03.2023 - 09:18Rita Kragh wrote:
Jeg forstår ikke helt den måde som jeg skal tage ud på og hvor mange masker jeg skal tage ud ? Hilsen Rita
05.03.2023 - 17:19DROPS Design answered:
Hej Rita, Hvilken størrelse strikker du og hvor er du i opskriften?
08.03.2023 - 09:36Reiko wrote:
Hi there, I'm working on the size s. After Diagram A2 ( Fisherman’s rib stitches from the right side as described below), 315 stitches on the needle. I believe at this point pattern would be on the wrong side, but next steps will be continue to work on the right side again. What have I missed?
24.01.2023 - 22:46DROPS Design answered:
Dear Reiko, after you have increased from RS you will work the next row from WS and adjust so that the 5 sts will be worked (seen from RS: 1 st in English rib, P3, 1 st in English rib) as 2nd row in A.2B = from WS purl the stitches in English rib and knit the 3 sts. Happy knitting!
25.01.2023 - 11:54Rebekka Mie Bohm wrote:
Hej, Hvor store er knapperne i opskriften? :)
26.09.2022 - 12:10Mona Åström wrote:
Komplicerat mönster framförallt med det garnet.
26.08.2021 - 08:52Mona Åström wrote:
Hej! Förstår inte beskrivningen till mönstret. Diagram A.1 rätmaska från rätsidan, avigmaska från avigsidan och avigmaska från rätsidan, rätmaska från avigsidan. Enligt er så ska man läsa mönstret från rätsidan men hur stickar man det från avigsidan.
26.08.2021 - 08:50DROPS Design answered:
Hej Mona. Diagrammet är sett från rätsidan, men vi har förklarat hur symbolerna ska stickas både från rätsidan och avigsidan. Den första symbolen (vit fyrkant) stickar du alltså rät när du stickar på rätsidan. När du sedan har vänt arbetet och stickar på avigsidan så stickar du den symbolen som en avigmaska istället. Mvh DROPS Design
26.08.2021 - 10:35Anna wrote:
Hallo Ich habe versehentlich die erste Masche der Frontblende nicht immer links gestrickt sondern in der Rückreihe wie die übrigen 4 Maschen der Blende rechts. Jetzt rollt sich die Blende vorne auf. Ich habe den Fehler erst realisiert als ich schon weit hinter der Passe war und will auf gar keinen Fall alles wieder auf machen. Was hilft? Am Ende der Arbeit seitlich quer zwei Reihen an die Blende dran stricken?
24.08.2021 - 09:29DROPS Design answered:
Liebe Anna, Entschuldigung für die späte Antwort; Sie können die Jacke am Ende mit Stecknadeln auf einer geeigneten Unterlage spannen, anfeuchten (z.B. mit einer Sprühflasche für Blumen) und trocknen lassen, danach entfernen Sie die Stecknadeln, dann sollte sich der Rand nicht mehr rollen.
03.01.2022 - 08:08Anette wrote:
Hallo, wie strickt man eine Randmasche links? Wird die erste Masche in Hin- und Rückreihe links gestrickt und die letzte Masche auch links?
22.05.2021 - 20:58DROPS Design answered:
Liebe Anette, ja genau so werden die erste + die letzte Masche gestrickt. Viel Spaß beim stricken!
25.05.2021 - 07:47María wrote:
Hello. I'm quite thin and wear a xs size. I'm not a very experienced knitter and have often trouble trying to adapt the patterns. Could you please help me with this one? And could you consider including xs size in your designs? Best regards.
26.10.2020 - 12:11DROPS Design answered:
Dear Maria, we are unfortunately not able to adapt every pattern to every single request, we do have some patterns in size XS - you might find one of them to inspire you. Feel free to request any individual assistance from your DROPS store or any knitting forum. Happy knitting!
26.10.2020 - 12:51Sara wrote:
The neckline is very elegant and it gives this cardigan a vintage touch. I’ve been searching for a pattern like this!
15.06.2020 - 16:36