Mermaid Magic |
|||||||||||||||||||||||||||||||
|
|
||||||||||||||||||||||||||||||
Hekluð peysa úr DROPS Sky. Stykkið er heklað ofan frá og niður með A-formi, sólfjaðramynstri og vængjaermum. Stærð XS/S - XXXL.
DROPS 210-7 |
|||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- LEIÐBEININGAR (þegar heklað er í hring): Til að áferðin verði eins þegar heklað er fram og til baka, snúið stykkinu í hverri umferð sem er hekluð. Þ.e.a.s. í annarri hverri umferð frá réttu og röngu þannig: Fyrsta umferðin er hekluð frá réttu á stykkinu. Endið umferð með 1 keðjulykkju í 3. loftlykkju/4. loftlykkju í byrjun á umferð. Snúið stykkinu og heklið næstu umferð frá röngu á stykki. Endið umferð með 1 keðjulykkju í 3. loftlykkju/4. loftlykkju í byrjun á umferð. Snúið stykkinu og heklið næstu umferð frá réttu á stykki. Haldið svona áfram fram og til baka, til skiptis með umferð frá réttu og umferð frá röngu. HEKLLEIÐBEININAR UM LOFTLYKKJU: Ef þú heklar yst á heklunálinni þá kemur loftlykkjan oft til með að verða of stíf. 1 loftlykkja á að vera álíka löng og breiddin á 1 stuðli/tvöföldum stuðli. HEKLLEIÐBEININGAR: Í byrjun á hverri umferð með stuðlum, heklið 3 loftlykkjur sem koma í stað fyrsta stuðul. Umferðin endar með 1 keðjulykkju í 3. loftlykkju í byrjun á umferð. Í byrjun á hverri umferð með tvíbrugðnum stuðlum, heklið 4 loftlykkjur sem koma í stað fyrsta tvíbrugðna stuðul. Umferðin endar með 1 keðjulykkju í 4. loftlykkju í byrjun á umferð. MYNSTUR: Sjá mynsturteikningu A.1 til A.5. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er heklað ofan frá og niður. Bakstykkið og framstykkin eru fram og til baka niður að handveg, síðan eru stykkin hekluð saman og fram- og bakstykki er síðan heklað í hring, jafnframt því sem stykkinu er snúið í hverri umferð – sjá LEIÐBEININGAR. Ermar eru heklaðar ofan frá og niður, fyrst fram og til baka þar til ermakúpan hefur verið gerð til loka, síðan er heklað áfram hringinn, jafnframt þar sem stykkinu er snúið við í hverri umferð eins og á fram- og bakstykki. BAKSTYKKI: Vinstri öxl: Heklið 19-25-25-25-25-31 loftlykkjur – sjá HEKLLEIÐBEININGAR FYRIR LOFTLYKKJU, með heklunál 4,5 með Sky. Heklið mynstur þannig: UMFERÐ 1 (rétta): Heklið A.1a yfir fyrstu 6 loftlykkjur, A.1b yfir næstu 6-12-12-12-12-18 loftlykkjur (= 1-2-2-2-2-3 mynstureiningar), A.1c yfir síðustu 7 loftlykkjur. Klippið þráðinn frá og geymið stykkið. Hægri öxl: Heklið 19-25-25-25-25-31 loftlykkjur með heklunál 4,5 með Sky. Heklið mynstur þannig: UMFERÐ 1 (rétta): Heklið A.1a yfir fyrstu 6 loftlykkjur, A.1b yfir næstu 6-12-12-12-12-18 loftlykkjur (= 1-2-2-2-2-3 mynstureiningar), A.1c yfir síðustu 7 loftlykkjur. UMFERÐ 2 (ranga): Heklið næstu umferð í mynsturteikningu yfir hægri öxl. Í lok umferðar eru heklaðar 29-29-35-35-35-35 lausar loftlykkjur (= hálsmál), haldið síðan áfram yfir vinstri öxl frá röngu í mynstri eins og áður. Hægri og vinstri öxl hafa nú verið heklaðar saman og það eru 29-29-35-35-35-35 loftlykkjur fyrir hálsmáli mitt á stykki. Snúið og heklið næstu umferð frá réttu þannig: Heklið mynstur eins og áður fram að loftlykkjum fyrir hálsmáli, síðan er heklað frá umferð með ör í A.1b alls 5-5-6-6-6-6 sinnum yfir loftlykkjur fyrir hálsmáli, haldið síðan áfram með mynstur eins og áður út umferðina. Nú eru 11-13-14-14-14-16 mynstureiningar með sólfjöðrum í umferð. ATHUGIÐ HEKLFESTUNA! Haldið áfram fram og til baka með mynstur þar til heklaðar hafa verið alls 10-10-12-12-10-10 umferðir með sólfjöðrum. Stykkið mælist ca 13-13-15-15-13-13 cm. Nú er heklað mismunandi eftir stærðum þannig: Stærð XS/S, M, L og XL: Nú er aukið út fyrir handveg í hvorri hlið á stykki með því að hekla A.2a yfir A.1a og A.2c yfir A.1c. Þegar heklað hefur verið til og með næst síðustu umferð í A.2a og A.2c (umferðin endar með síðustu 2 loftlykkjum í næst síðustu umferð í A.2a) hafa verið auknar út nægilega margar lykkjur fyrir 1 nýrri sólfjöður í hvorri hlið á stykki. Klippið frá. Geymið stykkið. Stykkið mælist ca 18-18-20-20 cm frá öxl (nú er eftir 1 cm þar til handvegur hefur verð gerður til loka á hæðina). Stærð XXL og XXXL: Nú er aukið út fyrir handveg í hvorri hlið á stykki með því að hekla A.2a yfir A.1a og A.2c yfir A.1c. Þegar mynsturteikning hefur verið hekluð til loka á hæðina, endurtakið mynstur frá umferð eftir ör þar sem heklað er upp að næst síðustu umferð í mynsturteikningu (umferðin endar með síðustu 2 loftlykkjur í næst síðustu umferð í A.2a). Nú hafa verið auknar út nægilega margar lykkjur fyrir 2 nýjum sólfjöðrum í hvorri hlið á stykki. Klippið frá. Geymið stykkið. Stykkið mælist ca 23-23 cm (nú eru eftir ca 1 cm þar til handvegur hefur verið heklaður til loka á hæðina). FRAMSTYKKI: Hægri öxl: Heklið 19-25-25-25-25-31 loftlykkjur – sjá HEKLLEIÐBEININGAR FYRIR LOFTLYKKJU, með heklunál 4,5 með Sky. Heklið mynstur þannig: UMFERÐ 1 (rétta): Heklið A.1a yfir fyrstu 6 loftlykkjur, A.1b yfir næstu 6-12-12-12-12-18 loftlykkjur (= 1-2-2-2-2-3 mynstureiningar), A.1c yfir síðustu 7 loftlykkjurnar. UMFERÐ 2-5: Heklið eins og síðustu 2 umferðir í A.1a til A.1c. Klippið frá og geymið stykkið. Vinstri öxl: Heklið 19-25-25-25-25-31 loftlykkjur með heklunál 4,5 með Sky. Heklið mynstur þannig: UMFERÐ 1 (rétta): Heklið A.1a yfir fyrstu 6 loftlykkjur, A.1b yfir næstu 6-12-12-12-12-18 loftlykkjur (= 1-2-2-2-2-3 mynstureiningar), A.1c yfir síðustu 7 loftlykkjurnar. UMFERÐ 2-5: Heklið eins og síðustu 2 umferðir í A.1a til A.1c. UMFERÐ 6 (ranga): Heklið mynstur eins og áður yfir allar lykkjur á vinstri öxl. Í lok umferðar eru heklaðar 29-29-35-35-35-35 lausar loftlykkjur (= hálsmál), heklið síðan yfir hægri öxl frá röngu í mynstri eins og áður. Hægri og vinstri öxl hafa nú verið heklaðar saman og það eru 29-29-35-35-35-35 loftlykkjur fyrir hálsmáli mitt í stykki. Heklið áfram með mynstur og útaukningu fyrir handveg í hvorri hlið alveg eins og á bakstykki, en klippið ekki frá þegar handvegur hefur verið heklaður til loka. FRAMSTYKKI OG BAKSTYKKI HEKLUÐ SAMAN: Nú eru hekluð saman framstykki og bakstykki þannig: Heklið síðustu umferð í A.2a, haldið síðan áfram með sólfjaðramynstur eins og áður yfir framstykki þar til 2 sólfjaðrir eru eftir, heklið eins og útskýrt er í síðustu umferð í A.2c, heklið 5-5-5-17-17-17 lausar loftlykkjur (= í hlið undir ermi), heklið 1 stuðul í ystu af 2 lausu loftlykkjum sem heklaðar voru í lok síðustu umferðar á bakstykki og haldið síðan áfram með síðustu umferð í A.2a (fyrsta tákn, þ.e.a.s. 3 loftlykkjur, er skipt út fyrir 1 stuðul), heklið sólfjaðramynstur eins og áður yfir framstykki þar til eftir eru 2 sólfjaðrir, heklið eins og útskýrt er í síðustu umferð í A.2c, heklið 5-5-5-17-17-17 lausar loftlykkjur (= í hlið undir ermi) og endið umferð með 1 keðjulykkju í 3. loftlykkju í byrjun á umferð. Heklið síðan stykkið hringinn, en stykkinu er snúið við í hverri umferð – sjá LEIÐBEININGAR og HEKLLEIÐBEININGAR. Setjið eitt prjónamerki hér. HÉÐAN ER NÚ MÆLT! FRAM- OG BAKSTYKKI: Haldið áfram hringinn með sólfjaðramynstri og heklið 1-1-1-3-3-3 sólfjaðrir eins og útskýrt er í fyrstu umferð í A.1b yfir loftlykkjur í hlið undir ermi = 28-32-34-38-42-46 mynstureiningar hringinn í umferð. Þegar stykkið mælist ca 12 cm, heklið eins og útskýrt er í umferð með ör í A.3. Endurtakið þessa umferð þar til stykkið mælist 32-35-35-37-36-36 cm. Heklið síðan eins og útskýrt er í síðustu umferð þar til stykkið mælist 36-39-39-41-40-42 cm. Stykkið mælist alls 55-58-60-62-64-66 cm frá öxl og niður. Klippið frá og festið enda. ERMAR: Heklið 55-43-49-37-37-37 loftlykkjur með heklunál 4,5 með Sky. Heklið mynstur frá umferð með ör í mynsturteikningu þannig: Heklið A.1a yfir fyrstu 6 loftlykkjur, A.1b yfir næstu 42-30-36-24-24-24 loftlykkjur (= 7-5-6-4-4-4 mynstureiningar á breidd), A.1b yfir síðustu 7 loftlykkjur, heklið 2 loftlykkjur í lok umferðar (= útaukning í hlið eins og útskýrt er í lok A.2c). Snúið og heklið sólfjaðrir fram og til baka, jafnframt er aukið út með sólfjöðrum í hvorri hlið á stykki eins og útskýrt er í A.2c og A.2a. Þegar mynsturteikning hefur verið hekluð til loka á hæðina, endurtakið jafnvel mynstur frá umferð eftir þeirri með ör. Þegar aukið hefur verið út um 1-2-2-2-3-3 sólfjaðrir í hvorri hlið eru 11-11-12-10-12-12 sólfjaðrir í umferð og stykkið mælist ca 6-11-11-11-16-16 cm – stillið af að endað sé eftir umferð sem er eins og síðasta umferð í A.2a og A.2c. Í stærð XS/S er heklað áfram með sólfjöðrum án útaukninga í hliðum þar til stykkið mælist 9 cm (= ca 2 umferðir án útaukninga). Heklið síðan í öllum stærðum þannig: Í lok síðustu umferðar eru heklaðar 5-5-5-17-17-17 loftlykkjur (= mitt undir ermi), heklið síðan 1 keðjulykkju í 3. loftlykkju í byrjun á umferð (= fyrsta tákn í A.2a). HÉÐAN ER NÚ MÆLT! Heklið síðan hringinn – sjá LEIÐBEININGAR og HEKLLEIÐBEININGAR og sólfjaðramynstur er heklað eins og áður. Yfir nýjar loftlykkjur undir ermi eru heklaðar 1-1-1-3-3-3 nýjar sólfjaðrir alveg eins og í hlið undir ermi á fram- og bakstykki = 12-12-13-13-15-15 sólfjaðrir í umferð. Þegar stykkið mælist ca 3 cm, fækkið lykkjum hvoru megin við miðju sólfjöður undir ermi þannig: Heklið eins og útskýrt er í A.4a á eftir miðju sólfjöður (séð frá réttu) og eins og útskýrt er í A.4b á undan miðju sólfjöður (séð frá réttu). Endurtakið A.4a og A.4b þar til fækkað hefur verið um 2 sólfjaðrir hvoru megin við miðju sólfjöður undir ermi = 8-8-9-9-11-11 sólfjaðrir í umferð. Heklið áfram þar til ermin mælist 28-24-24-25-21-19 cm frá nýjum loftlykkjum undir ermi – styttri ermar í stærri stærðum vegna breiðari axla. Nú eru eftir ca 17 cm að loka máli. Nú er hekluð umferð með ör í A.5 í 4 cm, heklið síðan næstu umferð í mynsturteikningu í 5 cm, heklið síðan síðustu umferð í mynsturteikningu þar til ermin mælist 45-41-41-42-38-36 cm frá nýjum loftlykkjum undir ermi. Klippið frá og festið enda. Heklið hina ermina á sama hátt. FRÁGANGUR: Heklið axlasauma saman í gegnum bæði lögin frá röngu þannig: Leggið axlirnar saman þannig að réttan liggi að réttu og festið enda með 1 fastalykkju í gegnum bæði lögin yst við öxl. Heklið * 2 loftlykkjur, hoppið yfir ½ -1 cm, 1 fastalykkja í gegnum bæði lögin *, heklið frá *-* meðfram öxl. Klippið frá og festið enda. Heklið hina öxlina alveg eins. Heklið ermar fyrir fram- og bakstykki í gegnum bæði lögin frá röngu þannig: Leggið stykkin saman þannig að réttan liggi að réttu og festið þráðinn með 1 fastalykkju ca mitt undir ermi, heklið * 2 loftlykkjur, hoppið yfir ½ -1 cm, 1 fastalykkja um bæði lögin *, heklið frá *-* í kringum alla ermina. Klippið frá og festið enda. Heklið hina ermina við fram- og bakstykki á sama hátt. KANTUR Í HÁLSMÁLI: Heklið með Sky og heklunál 4,5 þannig: Festið þráðinn með 1 keðjulykkju mitt ofan á öxl og heklið frá réttu þannig: * 2 loftlykkjur, hoppið yfir ½ -1 cm, 1 fastalykkja *, heklið frá *-* í kringum hálsinn og endið með 1 keðjulykkju í fyrstu lykkju. Klippið frá og festið enda. |
|||||||||||||||||||||||||||||||
Skýringar á teikningu |
|||||||||||||||||||||||||||||||
|
|||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (30)
Joanne wrote:
Erg leuk en makkelijk patroon om te haken. Ik heb hem gehaakt met garen dat verloopt van kleur en is erg leuk geworden.
02.09.2021 - 16:39Mariska wrote:
I want to know what is the metric sizes. S-m-l-xl-xxl-xxxl, doesnt mean anything as that differs. Kinkly give it to me in cm.
26.07.2021 - 12:15DROPS Design answered:
Dear Mariska, you will find all measurements in each size in the chart at the bottom of the pattern - measure a similar garment you have and like the shape and compare these measurements to those in the chart, that's the best way to find the matching size. Read more here. Happy crocheting!
26.07.2021 - 13:19Lisbeth Bondesson wrote:
Virkar man A.3 ända tills sista varvet på fram- och bakstycket?
20.02.2021 - 18:01DROPS Design answered:
Hej Lisbeth, ja først den raden med pil och sedan den sista raden i diagrammet :)
23.02.2021 - 13:54Chris Harings wrote:
I like a lot of the patterns but there is one problem, the patterns do not tell how many to chain to begin .
07.02.2021 - 13:21DROPS Design answered:
Dear Mrs Harings, you will find the number of chains to cast on to begin the piece under BACK PIECE > Left shoulder - Happy crocheting!
08.02.2021 - 11:32Chalal Ouassila wrote:
Est ce possible de réaliser ce modèle en maille serré merci
21.01.2021 - 21:30DROPS Design answered:
Bonjour Mme Ouassila, probablement mais il vous faudra alors ajuster toutes les explications qui se basent sur un point d'éventails. Retrouvez sinon tous nos modèles de pulls au crochet ici. Bon crochet!
22.01.2021 - 08:04Mona Svalund wrote:
Hvordan får jeg tak i denne oppskriften?
25.04.2020 - 20:55Anna wrote:
So light and soft . An elegant and comfortable sweater you can wear anytime and anywhere. Can't wait to make it!
23.04.2020 - 09:32Mirari Manchon wrote:
Este modelo me parece de los más bonitos, estoy deseando tener el patrón para poder realizarlo
02.04.2020 - 12:35Ria wrote:
Mijn dochter kan niet wachten tot het patroon er op staat. Als naam gaf zij aan: Magisch.
25.03.2020 - 17:00Kim wrote:
This is stunning
24.02.2020 - 19:56