Daisy Daydreams Jacket |
|||||||
|
|
||||||
Prjónuð peysa með hringlaga berustykki úr DROPS Air. Stykkið er prjónað ofan frá og niður með norrænu mynstri. Stærð S - XXXL.
DROPS 212-32 |
|||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Veldu mynsturteikningu fyrir þína stærð. ÚTAUKNING/ÚRTAKA (jafnt yfir): Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 88 lykkjur) og deilið með fjölda útaukninga/úrtöku sem á að gera (t.d. 35) = 2,5. Í þessu dæmi er aukið út með því að slá 1 sinni uppá prjóninn til skiptis á eftir ca aðra hverja og 3. hverja lykkju. Í næstu umferð er uppslátturinn prjónaður snúinn svo ekki myndist gat. ÚRTAKA (á við um ermi): Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir lykkjuna sem var prjónuð. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). HNAPPAGAT: Fellið af fyrir hnappagötum í hægri kanti að framan. 1 hnappagat = prjónið 2 lykkjur saman og sláið 1 sinni uppá prjóninn – ATH: Fallegast er að fella af fyrir hnappagötum með því að prjóna 2 lykkjur saman í einingu með 2 lykkjum brugðið (séð frá réttu). Í næstu umferð er uppslátturinn prjónaður slétt svo það myndist gat. Neðsta hnappagatið er staðsett ca 2 cm frá neðri kanti, fellt er af fyrir efsta hnappagatinu í kanti í hálsi, passið uppá að staðsetja hin hnappagötin jafnt yfir á milli þessa. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað fram og til baka frá miðju að framan, ofan frá og niður. Berustykkið skiptist fyrir fram- og bakstykki ermar og. Fram- og bakstykki er prjónað fram og til baka á hringprjón, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður. KANTUR Í HÁLSMÁLI: Fitjið upp 100-104-112-116-120-128 lykkjur á hringprjón 4 með litnum bleikur. Prjónið 1 umferð brugðið (= ranga). Næsta umferð er prjónuð frá réttu þannig: 1 kantlykkja í GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 3 lykkjur eru eftir, prjónið 2 lykkjur slétt og endið með 1 kantlykkju í garðaprjóni. Þegar stykkið mælist ca 1½ cm fellið af fyrir 1 hnappagati í hægri kanti að framan (þegar flíkin er mátuð) með því að prjóna frá réttu þar til 5 lykkjur eru eftir, prjónið 2 lykkjur brugðið saman, sláið 1 sinni uppá prjóninn, prjónið 2 lykkjur slétt og endið með 1 kantlykkju í garðaprjóni. Haldið svona áfram með stroff þar til stykkið mælist 3 cm. Skiptið yfir á hringprjón 5. Næsta umferð er prjónuð frá röngu þannig: Fellið af 6 lykkjur í byrjun á umferð (hér á að sauma kant að framan við stykkið síðar), prjónið brugðið yfir næstu 88-92-100-104-108-116 lykkjur, JAFNFRAMT er aukið út um 35-39-39-35-39-47 lykkjur jafnt yfir – SJÁ ÚTAUKNING, haldið áfram með stroff yfir þær 5 lykkjur sem eftir eru og prjónið 1 kantlykkju í garðaprjóni. Snúið stykkinu og fellið af fyrstu 6 lykkjur í byrjun á umferð, prjónið út umferðina = 123-131-139-139-147-163 lykkjur. Setjið 1 prjónamerki – HÉÐAN ER NÚ MÆLT! Prjónið berustykki eins og útskýrt er að neðan. BERUSTYKKI: Prjónið sléttprjón með 1 kantlykkju í hvorri hlið í 1½-2½-3-3-4-5 cm, endið með umferð frá röngu. Stærð XL-XXL-XXXL: Prjónið 1 umferð slétt þar sem aukið er út um 40-40-48 lykkjur jafnt yfir = 123-131-139-179-187-211 lykkjur. Prjónið 1 umferð brugðið frá röngu. ALLAR STÆRÐIR: Næsta umferð er prjónuð frá réttu þannig: 1 kantlykkja í garðaprjóni, prjónið A.1 þar til 2 lykkjur eru eftir á prjóni, prjónið fyrstu lykkju í A.1og endið með 1 kantlykkju í garðaprjóni – haldið svona áfram með mynstur. ATHUGIÐ PRJÓNFESTUNA! JAFNFRAMT eru lykkjur auknar út jafnt yfir í hverri umferð merktri með ör í A.1 eins og útskýrt er að neðan. Ör-1: Aukið út 32-40-40-40-40-40 lykkjur jafnt yfir = 155-171-179-219-227-251 lykkjur. Ör-2: Aukið út 24-32-32-32-32-32 lykkjur jafnt yfir = 179-203-211-251-259-283 lykkjur. Ör-3: Aukið út 24-32-32-32-32-32 lykkjur jafnt yfir = 203-235-243-283-291-315 lykkjur. Haldið áfram þar til A.1 hefur verið prjónað 1 sinni á hæðina, prjónið síðan í sléttprjón með litnum bleikur þar til stykkið mælist 15-17-18-20-22-24 cm frá prjónamerki. Næsta umferð er prjónuð þannig – frá réttu með litnum bleikur: 1 kantlykkja í garðaprjóni, * 2 lykkjur slétt, 2 lykkjur brugðið *, endurtakið frá *-* þar til 3 lykkjur eru eftir, prjónið 2 lykkjur slétt og 1 kantlykkju í garðaprjóni. Prjónið 4 umferðir með stroffi, síðan er haldið áfram í sléttprjóni. Prjónið 2 umferðir sléttprjón, í næstu umferð frá réttu er aukið út um 29-21-29-21-33-29 lykkjur jafnt yfir = 232-256-272-304-324-344 lykkjur. Haldið áfram í sléttprjóni þar til stykkið mælist 20-22-23-25-27-29 cm frá prjónamerki. Prjónið næstu umferð þannig – frá réttu: Prjónið 34-38-40-44-49-53 lykkjur eins og áður (= framstykki), setjið næstu 48-52-56-64-64-66 lykkjur á þráð fyrir ermi, fitjið upp 6-6-8-8-10-12 nýjar lykkjur á prjóninn (= í hlið undir ermi), prjónið 68-76-80-88-98-106 lykkjur eins og áður (= bakstykki), setjið næstu 48-52-56-64-64-66 lykkjur á þráð fyrir ermi, fitjið upp 6-6-8-8-10-12 nýjar lykkjur á prjóninn (= í hlið undir ermi) og prjónið 34-38-40-44-49-53 lykkjur sem eftir eru eins og áður (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 148-164-176-192-216-236 lykkjur. Haldið áfram með litnum bleikur, sléttprjón og 1 kantlykkju í garðaprjóni í hvorri hlið. Prjónið áfram þar til stykkið mælist 22-22-23-23-23-23 cm frá skiptingu, eða að óskaðri lengd. Prjónið 1 umferð slétt frá réttu þar sem aukið er út um 32-32-36-40-44-48 lykkjur jafnt yfir = 180-196-212-232-260-284 lykkjur. Skiptið yfir á hringprjón 4 og prjónið næstu umferð frá röngu þannig: 1 kantlykkja í garðaprjón, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir á prjóni, prjónið 2 lykkjur brugðið og endið með 1 kantlykkju í garðaprjóni. Haldið svona áfram með stroff í 4 cm. Fellið síðan af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur, en passið uppá að affellingarkanturinn verði ekki stífur – SJÁ AFFELLING. Peysan mælist ca 50-52-54-56-58-60 cm frá öxl og niður. ERMI: Setjið 48-52-56-64-64-66 lykkjur af þræði í annarri hlið á stykki á sokkaprjóna 5 og prjónið að auki upp 1 lykkju í hverja af 6-6-8-8-10-12 lykkjum sem fitjaðar voru upp undir ermi = 54-58-64-72-74-78 lykkjur. Setjið 1 prjónamerki mitt í 6-6-8-8-10-12 lykkjur undir ermi og látið prjónamerkið fylgja með í stykkinu. Það á að nota prjónamerkið síðar þegar fækka á lykkjum mitt undir ermi. Byrjið umferð við prjónamerki og prjónið sléttprjón með litnum bleikur. Þegar stykkið mælist 3 cm frá skiptingu, fækkið um 2 lykkjur mitt undir ermi – sjá AFFELLING. Fækkið lykkjum svona með 12-5-6-3-3-2 cm millibili alls 3-5-6-10-9-11 sinnum = 48-48-52-52-56-56 lykkjur. Þegar ermin mælist 36-35-33-32-30-29 cm frá skiptingu, skiptið yfir á sokkaprjóna 4. Prjónið stroff hringinn (= 2 lykkjur slétt, 2 lykkjur brugðið) í 4 cm. Fellið síðan af með sléttum lykkjum yfir sléttar lykkjur og brugðnum lykkjum yfir brugðnar lykkjur, en passið uppá að affellingarkanturinn verði ekki stífur. Ermin mælist ca 40-39-38-36-34-33 cm frá skiptingu. Prjónið hina ermina á sama hátt. VINSTRI KANTUR AÐ FRAMAN: Prjónið upp ca 96-100-104-108-112-116 lykkjur frá réttu innan við 1 kantlykkju í garðaprjóni á hringprjón 4 með litnum bleikur (lykkjufjöldinn á að vera deilanlegur með 4). Prjónið stroff frá röngu þannig: 1 kantlykkja í garðaprjóni, * 2 lykkjur brugðið, 2 lykkjur slétt *, prjónið frá *-* þar til 3 lykkjur eru eftir á prjóni, prjónið 2 lykkjur brugðið og endið með 1 kantlykkju í garðaprjóni. Haldið svona áfram með stroff í ca 3 cm – stillið af að það sé jafn breitt og breiddin á 6 lykkjum sem felldar voru af í hálsmáli, þannig að það verði fallegt þegar stykkin eru saumuð á móti hvoru öðru. Fellið laust af með garðaprjóni yfir garðaprjón, sléttum lykkjum yfir sléttar lykkjur og brugðnum lykkjum yfir brugðnar lykkjur. HÆGRI KANTUR AÐ FRAMAN: Prjónið á sama hátt og vinstri kantur að framan, en eftir 1-1½ cm er fellt af fyrir 6-6-6-7-7-7 HNAPPAGÖTUM jafnt yfir – sjá útskýringu að ofan. FRÁGANGUR: Saumið kant að framan við 6 lykkjur í hálsmáli. Saumið tölur í vinstri kant að framan. |
|||||||
Skýringar á teikningu |
|||||||
|
|||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (6)
Inge Pinnekamp wrote:
Liebe Anleitungsmenschen Kann es sein, dass ich die Ärmellänge von rechts nach links lesen muss?\r\nIch bin irritiert.\r\nDenn eigentlich sind doch die steigenden Zahlen sonst von links nach rechts zu lesen.\r\nOder ?
30.10.2022 - 22:46DROPS Design answered:
Liebe Frau Pinnekamp, so sind die Länge richtig, die Ärmellänge ist kleiner in die grösseren Größe, da die Passe auch länger wird. Viel Spaß beim stricken!
31.10.2022 - 09:45Bathabile Serei wrote:
I would like to have a pattern for the big kintted jacket in beige I saw the pattern at the Instagram post i the link is wool n dog but I don\'t know how to access the pattern instructions.thank uou
16.06.2020 - 09:59DROPS Design answered:
Dear Mrs Serei, sorry don't know which pattern/post you are talking about, maybe you should ask on Instagram about the pattern, it might be much easier. - or then look at our patterns to jackets here. Happy knitting!
16.06.2020 - 13:37Anne wrote:
Il y a une erreur. Les explications sont pour le pull et non pas le gilet...
02.04.2020 - 08:37DROPS Design answered:
Bonjour Anne et merci pour l'info, l'erreur a été corrigée! Bon tricot!
02.04.2020 - 08:42Marja wrote:
Wanneer komt het patroon?want deze wil ik graag breien
25.02.2020 - 22:35Marja wrote:
Mooie vest
07.02.2020 - 22:25Maggan wrote:
Den här koftan vill jag verkligen sticka!
07.02.2020 - 01:25