DROPS Brushed Alpaca Silk
DROPS Brushed Alpaca Silk
77% Alpakka, 23% Silki
frá 836.00 kr /25g
Þú færð garn sem þarf í að gera þetta mynstur frá 4180.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Oats and Honey

Prjónuð peysa með V-hálsmáli úr DROPS Brushed Alpaca Silk. Stykkið er prjónað með tvöföldu perluprjóni á hæðina og blöðruermum. Stærð XS - XXL.

DROPS 213-20
DROPS Design: Mynstur as-130
Garnflokkur C eða A + A
-------------------------------------------------------

STÆRÐ:
XS - S - M - L - XL - XXL

EFNI:
DROPS BRUSHED ALPACA SILK frá Garnstudio (tilheyrir garnflokki C)
125-125-150-150-175-175 litur 04, ljós beige

PRJÓNFESTA:
16 lykkjur á breidd og 24 umferðir á hæð með tvöföldu perluprjóni (A.1) á hæðina = 10 x 10 cm.

PRJÓNAR:
DROPS HRINGPRJÓNAR NR 5,5: lengd 60 cm eða 80 cm.
DROPS PRJÓNAR NR 4,5 – fyrir stroff á ermum.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Brushed Alpaca Silk
DROPS Brushed Alpaca Silk
77% Alpakka, 23% Silki
frá 836.00 kr /25g
Þú færð garn sem þarf í að gera þetta mynstur frá 4180.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

MYNSTUR:
Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu. Veldu mynsturteikningu fyrir þína stærð (á við um A.4).

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 42 lykkjur), mínus kantlykkjur (t.d. 2 lykkjur) og deilið lykkjum sem eftir er með fjölda útaukninga sem á að gera (t.d. 20) = 2.
Í þessu dæmi er aukið út með því að slá 1 sinni uppá prjóninn á eftir aðra hverja lykkju. Í næstu umferð er uppslátturinn prjónaður snúinn svo ekki myndist gat.

ÚTAUKNING-2 (á við um ermar):
Aukið út með því að slá 1 sinni uppá prjóninn innan við 1 kantlykkju í hvorri hlið, í næstu umferð er uppslátturinn prjónaður snúinn slétt svo ekki myndist gat. Prjónið síðan nýjar lykkjur inn í mynstur.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað fram og til baka í stykkjum og saumað saman í lokin. Ermar eru prjónaðar fram og til baka á hringprjón.

BAKSTYKKI:
Fitjið upp 75-83-87-95-103-115 lykkjur á hringprjón 5,5 með Brushed Alpaca Silk. Prjónið 1 umferð brugðið (= ranga). Prjónið síðan mynstur fram og til baka þannig: 1 kantlykkja GARÐAPRJÓN – sjá útskýringu að ofan, A.1 yfir næstu 73-81-85-93-101-113 lykkjur, 1 kantlykkja garðaprjón. Haldið svona áfram fram og til baka.
ATHUGIÐ PRJÓNFESTUNA!
Þegar stykkið mælist 35-36-37-38-39-40 cm - prjónið næstu umferð frá réttu þannig: Fellið af fyrstu 3-5-5-5-9-13 lykkjur í byrjun á næstu 2 umferðum fyrir handveg = 69-73-77-85-85-89 lykkjur. Haldið síðan áfram með tvöföldu perluprjóni og 1 kantlykkju í garðaprjóni í hvorri hlið.
Þegar stykkið mælist 48-50-52-54-56-58 cm, fellið af miðju 21-21-21-25-25-25 lykkjurnar fyrir hálsmáli (fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur) og hvor öxl er prjónuð til loka fyrir sig. Í næstu umferð frá hálsi er felld af 1 lykkja = 23-25-27-29-29-31 lykkjur eftir á öxl. Þegar stykkið mælist 15-16-17-18-19-20 cm frá þar sem lykkjur voru felldar af fyrir handveg, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 50-52-54-56-58-60 cm frá öxl og niður.
Prjónið hina öxlina á sama hátt.

FRAMSTYKKI:
Fitjið upp 75-83-87-95-103-115 lykkjur á hringprjón 5,5 með Brushed Alpaca Silk. Prjónið 1 umferð brugðið (= ranga). Prjónið síðan mynstur fram og til baka þannig: 1 kantlykkja garðaprjón, A.1 yfir næstu 73-81-85-93-101-113 lykkjur, 1 kantlykkja garðaprjón. Haldið svona áfram fram og til baka.
Þegar stykkið mælist 35-36-37-38-39-40 cm – stillið af að næsta umferð sé prjónuð frá réttu og sé eins og 1. umferð í A.1 (þ.e.a.s. fyrsta lykkja á eftir kantlykkju í garðaprjóni í byrjun á umferð frá réttu á að vera slétt lykkja), prjónið næstu umferð frá réttu þannig: Fellið af fyrstu 3-5-5-5-9-13 lykkjur í byrjun á umferð fyrir handveg, prjónið eins og áður yfir næstu 34-36-38-42-42-44 lykkjur, prjónið 2 lykkjur í næstu lykkju (= miðjulykkja), prjónið þær lykkjur sem eftir eru. Næsta umferð er prjónuð þannig: Fellið af fyrstu 3-5-5-5-9-13 lykkjur, prjónið næstu 35-37-39-43-43-45 lykkjur áður en þær eru settar á þráð fyrir hægra framstykki, prjónið þær 35-37-39-43-43-45 lykkjur sem eftir eru í umferð (= vinstra framstykki).

VINSTRA FRAMSTYKKI:
Haldið áfram fram og til baka með tvöföldu perluprjóni, 1 kantlykkju garðaprjóni við handveg og prjónið A.2 yfir síðustu 12 lykkjur við V-hálsmál. Þegar allt A.2 hefur verið prjónað til loka á hæðina hefur fækkað um 2 lykkjur 3 sinnum. Haldið áfram með úrtöku fyrir V-hálsmáli alveg eins 3-3-3-4-4-4 sinnum til viðbótar (= alls 12-12-12-14-14-14 lykkjur færri fyrir hálsmáli) = 23-25-27-29-29-31 lykkjur fyrir öxl. Prjónið síðan tvöfalt perluprjón og 1 kantlykkju garðaprjón við handveg eins og áður til loka. Þegar stykkið mælist 15-16-17-18-19-20 cm frá þar sem lykkjur voru felldar af fyrir handveg, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 50-52-54-56-58-60 cm frá öxl og niður.

HÆGRA FRAMSTYKKI:
Setjið lykkjur frá þræði í annarri hlið til baka á prjóninn = 35-37-39-39-43-45 lykkjur. Haldið áfram fram og til baka með tvöföldu perluprjóni, 1 kantlykkju garðaprjóni við handveg og prjónið A.3 yfir fyrstu 12 lykkjur við V-hálsmáli. Þegar allt A.3 hefur verið prjónað til loka á hæðina hefur fækkað um 2 lykkjur 3 sinnum. Haldið áfram með úrtöku fyrir V-hálsmáli alveg eins 3-3-3-4-4-4 sinnum til viðbótar (= alls 12-12-12-14-14-14 lykkjur færri fyrir hálsmáli) = 23-25-27-26-26-31 lykkjur fyrir öxl. Prjónið síðan tvöfalt perluprjón og 1 kantlykkju garðaprjón við handveg eins og áður til loka. Þegar stykkið mælist 15-16-17-18-19-20 cm frá þar sem lykkjur voru felldar af fyrir handveg, fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 50-52-54-56-58-60 cm frá öxl og niður.

ERMI
Fitjið upp 42-46-46-46-50-50 lykkjur á prjón 4,5 með Brushed Alpaca Silk. Prjónið 1 umferð brugðið (= ranga). Prjónið síðan stroff þannig: 1 kantlykkja garðaprjón, * 2 lykkjur slétt, 2 lykkjur brugðið *, prjónið frá *-* þar til 1 lykkja er eftir á prjóni, 1 kantlykkja garðaprjón. Þegar stroffið mælist 4 cm, prjónið 1 umferð slétt, þar sem aukið er út um 20-20-22-22-22-22 lykkjur jafnt yfir – sjá ÚTAUKNING-1 = 62-66-68-68-72-72 lykkjur. Skiptið yfir á hringprjón 5,5. Prjónið 1 umferð brugðið til baka frá röngu.
Prjónið nú mynstur þannig: 1 kantlykkja garðaprjón, A.1 þar til 1 lykkja er eftir á prjóni, 1 kantlykkja garðaprjón. Haldið svona áfram með mynstur fram og til baka.
Þegar stykkið mælist 17 cm í öllum stærðum er lykkjum fækkað frá réttu þannig: Prjónið 4-6-7-7-4-4 lykkjur eins og áður, A.4 – veldu mynsturteikningu fyrir þína stærð, yfir næstu 54-54-54-54-64-64 lykkjur (= 9-9-9-9-8-8 mynstureiningar með 6-6-6-6-8-8 lykkjum), prjónið síðustu 4-6-7-7-4-4 lykkjur = 44-48-50-50-56-56 lykkjur.
Haldið áfram fram og til baka með tvöföldu perluprjóni á hæðina og 1 kantlykkju garðaprjóni í hvorri hlið eins og áður. Í næstu umferð frá réttu byrjar útaukning mitt undir ermi – sjá ÚTAUKNING-2. Aukið svona út með ca 13-13-8½-6-11½-5 cm millibili alls 3-3-3-5-3-5 sinnum = 50-54-56-60-62-66 lykkjur.
Prjónið áfram þar til ermin mælist 48-48-48-46-44-42 cm. Setjið 1 prjónamerki í hvora hlið á ermi – prjónamerkin merkja hvar botninn á handveg byrjar.
Haldið áfram þar til ermin mælist alls 50-51-51-49-50-50 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur.
Prjónið hina ermina á sama hátt.

FRÁGANGUR:
Saumið axlasauma innan við affellingarkantinn. Saumið ermar í og saumið botninn á handveg – prjónamerkin sem sett voru í á ermum eiga að passa við hliðar á fram- og bakstykki. Saumið saum undir ermum og síðan niður yfir hliðarsauma.

Þetta mynstur hefur verið leiðrétt.

Yfirfarið á vefsvæði: 16.10.2020
BAKSTYKKI:.. Þegar stykkið mælist 35-36-37-38-39-40 cm er næsta umferð prjónuð frá réttu þannig: Fellið af fyrstu 3-5-5-5-9-13 lykkjur í byrjun á næstu 2 umferðum fyrir handveg = 69-73-77-85-85-89 lykkjur... FRAMSTYKKI: .. Þegar stykkið mælist 35-36-37-38-39-40 cm - stillið af að næsta umferð sé prjónuð frá réttu eins og 1. umferð í A.1 (þ.e.a.s. fyrsta lykkja á eftir kantlykkju í umferð í byrjun á prjóni frá réttu á að vera slétt lykkja)...

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = prjónið 3 lykkjur brugðið saman (= 2 lykkjur færri)
symbols = þessi rúða sýnir enga lykkju þar sem búið er að fækka um þessa lykkju áður, farðu beint áfram í næsta tákn í mynsturteikningu
symbols = byrjið á þessari umferð í mynsturteikningu!
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 213-20

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (45)

country flag NELLY PREVOT wrote:

Je viens de réaliser l'échantillon et dans la qualité Drops Brushed Alpaca silk (appartient au groupe de fil C) . Que veut-dire le groupe fil C ? merci) par ailleurs avec cette qualité de fil le point de blé n'apparait pas très bien et c'est dommage ; pourriez-vous me conseiller une autre qualité de fil - merci et dès votre réponse je repasserai une commande. Merci Peut-on vous joindre par téléphone ?

06.11.2020 - 17:18

DROPS Design answered:

Bonjour Mme Prevot, nos fils à tricoter sont classés par groupe de A. à C - voir ici - Vous pouvez ainsi utiliser en alternative 2 fils du groupe A ou bien un autre fil du groupe C, mais rappelez-vous qu'un autre fil rendra différemment car les matières sont différentes - plus d'infos ici - n'hésitez pas à contacter votre magasin DROPS par téléphone, on saura vous conseiller. Bon tricot!

09.11.2020 - 08:26

country flag Benedicte Choplin wrote:

Bonjur, je ne vois nul part si le pull se tricote en double fils merci ;)

01.11.2020 - 15:09

DROPS Design answered:

Bonjour Choplin, si rien n'est indiqué, alors on tricote en simple, autrement dit, vous tricotez ici Brushed Alpaca Silk en simple sur la base d'un échantillon de 16 m x 24 rangs au point de blé (= diagramme A.1) = 10 x 10 cm - plus d'infos sur l'échantillon ici. Bon tricot!

02.11.2020 - 08:33

country flag Pilar wrote:

Que puntos tiene que tener la muestra?

24.10.2020 - 16:58

DROPS Design answered:

Hola Pilar. La tensión del tejido en este labor es 16 puntos x 24 filas trabajando en punto arroz doble (A.1) = 10 x 10 cm.

25.10.2020 - 15:21

country flag Claire wrote:

Bonjour, pour tricoter ce pull j'ai besoin de 125g de brush alpaca silk, taille S. Cependant, je souhaite le faire avec 1 fil de kid silk et 1 fil de baby alpaca silk. J'ai déjà tricoté ces 2 fils ensembles c'est tout doux ! Pouvez vous me donner le grammage de chacune de ces deux laines pour faire ce pull ? Merci beaucoup pour votre réponse.

02.10.2020 - 18:45

DROPS Design answered:

Bonjour Claire, vous trouverez comment calculer la nouvelle quantité nécessaire dans les deux laines ici. Bon tricot!

05.10.2020 - 08:38

country flag Irmgard Walentin wrote:

Sie schreiben für Größe M 150 gr. Bei der Bestellung wird 250 gr. angegeben. Wieviel Wolle soll ich bestellen? Herzlichen Dank für Ihre Antwort. Mit lieben Grüßen vom Bodensee Irmgard Walentin

12.05.2020 - 12:39

DROPS Design answered:

Liebe Frau Walentin, Sie brauchen in M 150 g DROPS Brushed Alpaca Silk /25 g das Knäuel = 6 Knäuel. Viel Spaß beim stricken!

12.05.2020 - 12:43

country flag Jette Hoffmann wrote:

Kan denne opskrift fåes på dansk , det ville være dejligt

26.04.2020 - 14:41

DROPS Design answered:

Hei Jette. Ja, denne oppskriften finner du på dansk. Bruk nedtrekksmenyen under bildet og velg det språket du ønsker. God Fornøyelse!

27.04.2020 - 14:31

country flag Helen Helland wrote:

Hei, og takk for flott oppskrift. Jeg lurer på det som står at 1. maske på 3. pinne i A1 skal være rett? Sitat: Avpass at neste pinne strikkes fra retten og er som 3.pinne i A.1 (dvs første maske etter kantmasken i rille på begynnelsen av pinnen fra retten skal være en rett maske).

24.04.2020 - 14:52

DROPS Design answered:

Hej Helen, vi kan også se at 1. maske på 3.pinne i A.1 er en vrangmaske. Vi skal høre med design hvad som er tænkt. Tak for info :)

28.04.2020 - 12:14

country flag Laurence wrote:

Super joli ! Mais quel dommage qu’il ne se tricote pas en rond... Du coup, je passe mon tour, mais avec regret.

11.04.2020 - 09:47

country flag Anh Harker wrote:

I’m going to knit this sweater today. It’s the second time I work with brushed alpaca silk. It’s quite soft and the color is real pretty. However this yarn does not hold the shape very well so loose pattern would be a best selection

28.03.2020 - 22:31

country flag Martin wrote:

C'est vraiment un super modèle sympa et mode pour les jeunes et les moins jeunes. Par contre je n'ai pas trouvé d'explications pour le réaliser .Pouvez-vous me dire quand ce tuto sera en ligne ? Cordiales pensées à toutes...par ces temps difficiles le tricot est un best !

22.03.2020 - 10:31

DROPS Design answered:

Bonjour Mme Martin, tous les modèles de la collection printemps-été présentés sur cette page seront disponibles d'ici juillet, revenez régulièrement pour vérifier s'il est en ligne et/ou abonnez-vous à notre newsletter pour ne rien manquer. Bon tricot!

23.03.2020 - 11:46