True North |
|||||||||||||
|
|
||||||||||||
Prjónuð síð peysa úr DROPS Sky og DROPS Brushed Alpaca Silk. Stykkið er prjónað í perluprjóni, köðlum og með vösum. Stærð S - XXXL.
DROPS 206-25 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.4. Mynsturteikning sýnir allar umferðir í mynstri séð frá réttu! Peysan er prjónuð í tvöföldu perluprjóni með köðlum mitt að aftan og kaðla kanti í hvorri hlið meðfram miðju að framan. Kaðla kantar mitt að framan eru prjónaðir yfir ystu 12 lykkjurnar. Til að kaðla kanturinn verði umfangsmeiri og “rúllist”, prjónið ekki kantlykkjur yst (þ.e.a.s. ysta lykkjan í A.3 og A.4 eru prjónaðar eins og venjuleg lykkja í sléttprjóni bæði frá réttu og frá röngu). ÚTAUKNING/ÚRTAKA (jafnt yfir): Til þess að reikna út hversu oft eigi að auka út/fækka lykkjum í umferð, teljið fjölda lykkja á prjóni (t.d. 83 lykkjur), mínus kanta að framan (t.d. 6 lykkjur) og deilið með fjölda lykkja sem á að auka út/fækka (t.d. 5) = 15,4. í þessu dæmi á auka út með því að slá 1 sinni uppá prjóninn á eftir til skiptis ca. 15. og 16. hverja lykkju. Ekki er aukið út yfir 3 kantlykkjur í hvorri hlið. Í næstu umferð er uppslátturinn prjónaður snúinn svo að ekki myndist gat. Ef fækka á lykkjum eru prjónaðar til skiptis ca 14. og 15. hver lykkja og 15. og 16. hver lykkja slétt saman. ÚRTAKA (á við um ermar í stærð L, XL, XXL og XXXL): Fækkið um 1 lykkju eftir 1 kantlykkju í garðaprjóni þannig: Prjónið 2 lykkjur slétt saman. Fækkið um 1 lykkju á undan 1 kantlykkju í garðaprjóni þannig: Prjónið þar til 3 lykkjur eru eftir á prjóni, takið 1 lykkju af prjóni eins og prjóna eigi slétt, 1 lykkja slétt, steypið óprjónuðu lykkjunni yfir. ------------------------------------------------------- BYRJIÐ Á STYKKI HÉR: ------------------------------------------------------- PEYSA – STUTT ÚTSKÝRING Á STYKKI: Stykkið er prjónað í stykkjum fram og til baka á hringprjón. Framstykkin og bakstykkið er prjónað neðan frá og upp. Ermar eru prjónaðar ofan frá og niður. Vasarnir eru prjónaðir hvor fyrir sig og saumaðir á í lokin. BAKSTYKKI: Fitjið upp 83-87-95-99-107-115 lykkjur á hringprjón 5 með 1 þræði Sky + 1 þræði Brushed Alpaca Silk (= 2 þræðir). Prjónið 1 umferð brugðið (= ranga). Næsta umferð er prjónuð frá réttu þannig: 3 kantlykkjur í GARÐAPRJÓN – sjá útskýringu að ofan, * 1 lykkja slétt, 1 lykkja brugðið *, prjónið frá *-* þar til 4 lykkjur eru eftir á prjóni, prjónið 1 lykkju slétt og endið með 3 kantlykkjum í garðaprjóni. Haldið svona áfram með stroff þar til prjónaðar hafa verið alls 5 umferðir með stroffi. Prjónið 1 umferð brugðið frá röngu (3 kantlykkjur í hvorri hlið eru prjónaðar áfram í garðaprjóni) – JAFNFRAMT er aukið út um 5 lykkjur jafnt yfir í þessari umferð – sjá ÚTAUKNING/ÚRTAKA = 88-92-100-104-112-120 lykkjur. Skiptið yfir á hringprjón 6. Prjónið nú mynstur frá réttu þannig: 3 lykkjur í garðaprjón, prjónið A.1 yfir næstu 30-32-36-38-42-46 lykkjur (= 15-16-18-19-21-23 mynstureiningar með 2 lykkjum), prjónið A.2 (= 22 lykkjur), prjónið A.1 yfir næstu 30-32-36-38-42-46 lykkjur og endið með 3 lykkjum í garðaprjóni. Haldið svona áfram með mynstur. ATHUGIÐ PRJÓNFESTUNA! Þegar stykkið mælist 57-58-59-60-61-62 cm, setjið 1 prjónamerki í hvora hlið. Prjónamerkin merkja handveg. Þegar stykkið mælist 70-72-74-76-78-80 cm, fækkið um 6 lykkjur jafnt yfir – munið eftir ÚTAUKNING/ÚRTAKA, yfir miðju 12 lykkjur = 82-86-94-98-106-114 lykkjur. Í næstu umferð er fækkað um miðju 12 lykkjur í öllum stærðum fyrir hálsmáli og hvor öxl er prjónuð til loka fyrir sig. Haldið svona áfram með mynstur og fellið af 1 lykkju í næstu umferð frá hálsi = 34-36-40-42-46-50 lykkjur eftir á öxl. Haldið áfram með A.1 með 1 kantlykkju í garðaprjóni við háls og 3 kantlykkjur í garðaprjóni að hlið þar til stykkið mælist 72-74-76-78-80-82 cm. Prjónið 1 umferð frá röngu yfir allar lykkjur. Fellið laust af með sléttum lykkjum frá réttu. Bakstykki mælist ca 73-75-77-79-81-83 cm frá öxl og niður. Prjónið hina öxlina á sama hátt. HÆGRA FRAMSTYKKI (þegar flíkin er mátuð): Fitjið upp 47-49-53-55-59-63 lykkjur á hringprjón 5 með 1 þræði Sky + 1 þræði Brushed Alpaca Silk (= 2 þræðir). Prjónið 1 umferð brugðið (= ranga). Næsta umferð er prjónuð frá réttu (= frá miðju að framan): * 1 lykkja slétt, 1 lykkja brugðið *, prjónið frá *-* þar til 3 lykkjur eru eftir á prjóni og endið með 3 kantlykkjur í garðaprjóni að hlið (það er rétt að fyrsta lykkjan við miðju að framan er prjónuð í sléttprjóni en ekki í garðaprjóni – sjá MYNSTUR). Haldið svona áfram með stroff þar til prjónaðar hafa verið alls 5 umferðir með stroffi. Prjónið 1 umferð brugðið frá röngu (3 kantlykkjur í hlið eru prjónaðar jafnóðum í garðaprjóni) – JAFNFRAMT eru auknar út 3 lykkjur jafnt yfir í þessari umferð = 50-52-56-58-62-66 lykkjur. Skiptið yfir á hringprjón 6. Prjónið nú mynstur frá réttu þannig (= frá miðju að framan): Prjónið A.3 (= 17 lykkjur) – sjá útskýringu í MYNSTUR, prjónið A.1 yfir næstu 30-32-36-38-42-46 lykkjur, endið með 3 kantlykkjur í garðaprjóni í hlið. Haldið svona áfram með mynstur. Þegar stykkið mælist 57-58-59-60-61-62 cm, setjið 1 prjónamerki í hlið. Prjónamerkið merkir handveg. Þegar stykkið mælist 72-74-76-78-80-82 cm, prjónið 1 umferð slétt frá röngu yfir fyrstu 34-36-40-42-46-50 lykkjur frá hlið, haldið síðan áfram með mynstur eins og áður yfir 16 lykkjur sem eftir eru. Í næstu umferð (rétta) eru prjónaðar fyrstu 16 lykkjur eins og áður (= kragi), fellið af 34-36-40-42-46-50 lykkjur sem eftir eru með sléttum lykkjum. Klippið frá. HÆGRI KRAGI: = 16 lykkjur. Haldið áfram með mynstur A.3 yfir fyrstu 15 lykkjur eins og áður (frá réttu) og prjónið 1 kantlykkju garðaprjón að öxl, jafnframt eru prjónaðar stuttar umferðir. Þ.e.a.s. byrjið frá réttu og prjónið * 2 umferðir fram og til baka yfir allar lykkjur, 2 umferðir fram og til baka yfir ystu 12 lykkjurnar *, prjónið frá *-* þar til kraginn mælist 6-6-6-7-7-7 cm innst þar sem stykkið er minnst. Prjónið 1 umferð slétt frá röngu, 1 umferð slétt frá réttu og fellið síðan laust af með sléttum lykkjum frá röngu. VINSTRA FRAMSTYKKI (þegar flíkin er mátuð): Fitjið upp 47-49-53-55-59-63 lykkjur á hringprjón 5 með 1 þræði Sky + 1 þræði Brushed Alpaca Silk (= 2 þræðir). Prjónið 1 umferð brugðið (= ranga). Næsta umferð er prjónuð frá réttu (= frá hlið): * 3 kantlykkjur í garðaprjóni, * 1 lykkja brugðið, 1 lykkja slétt *, prjónið frá *-* út umferðina. Haldið svona áfram með stroff þar til prjónaðar hafa verið alls 5 umferðir með stroffi. Prjónið 1 umferð brugðið frá röngu (3 kantlykkjur að hlið eru prjónaðar jafnóðum í garðaprjón) – JAFNFRAMT eru auknar út 3 lykkjur jafnt yfir í þessari umferð = 50-52-56-58-62-66 lykkjur. Skiptið yfir á hringprjón 6. Prjónið nú mynstur frá réttu þannig (= frá hlið): Prjónið 3 kantlykkjur í garðaprjóni, prjónið A.1 yfir næstu 30-32-36-38-42-46 lykkjur, endið með A.4 við miðju að framan (= 17 lykkjur). Þegar stykkið mælist 57-58-59-60-61-62 cm, setjið 1 prjónamerki í hlið. Prjónamerkið merkir handveg. Þegar stykkið mælist 72-74-76-78-80-82 cm, prjónið 1 umferð slétt frá röngu yfir 34-36-40-42-46-50 lykkjur sem eftir eru. Í næstu umferð (rétta) eru felldar af fyrstu 34-36-40-42-46-50 lykkjur fyrir öxl = 16 lykkjur eftir á prjóni fyrir kraga. Haldið áfram með mynstur út umferðina eins og áður. VINSTRI KRAGI: = 16 lykkjur. Prjónið 1 kantlykkju garðaprjón (= að öxl), prjónið síðustu 15 lykkjurnar í A.4 eins og áður (frá röngu), jafnframt eru prjónaðar stuttar umferðir. Þ.e.a.s. byrjið frá röngu og prjónið * 2 umferðir fram og til baka yfir allar lykkjur, 2 umferðir fram og til baka yfir ystu 12 lykkjur *, prjónið frá *-* þar til kraginn mælist 6-6-6-7-7-7 cm innst þar sem stykkið er minnst. Prjónið 1 umferð slétt frá röngu, 1 umferð slétt frá réttu og fellið síðan laust af með sléttum lykkjum frá röngu. ERMI: Ermarnar eru prjónaðar fram og til baka á hringprjón, ofan frá og niður. Fitjið upp 46-50-52-54-58-60 lykkjur (meðtalin 1 kantlykkja í hvorri hlið við miðju að framan) á hringprjón 6 með 1 þræði Sky + 1 þræði Brushed Alpaca Silk (= 2 þræðir). Prjónið 1 umferð brugðið (= ranga). Prjónið síðan áfram mismunandi eftir stærðum þannig: Stærð S, M: Prjónið A.1 með 1 kantlykkju í garðaprjóni í hvorri hlið. Þegar ermin mælist alls 41-40 cm, prjónið áfram eins og útskýrt er að neðan. Stærð L, XL, XXL og XXXL: Prjónið A.1 með 1 kantlykkju í garðaprjóni í hvorri hlið. Þegar ermin mælist 4 cm, fækkið um 1 lykkju í hvorri hlið – sjá ÚRTAKA = 50-52-56-58 lykkjur. Úrtakan í stærð L er nú lokið. Í stærð XL, XXL og XXXL er úrtakan endurtekin með 4 cm millibili 1-2-2 sinnum til viðbótar = 50-50-52-54 lykkjur. Þegar ermin mælist 39-38-36-34 cm, prjónið áfram eins og útskýrt er að neðan. Allar stærðir: Prjónið 1 umferð slétt frá röngu. Skiptið yfir á hringprjón 5. Prjónið stroff (= 1 lykkja slétt, 1 lykkja brugðið) með 1 kantlykkju í garðaprjóni í hvorri hlið. Þegar prjónaðar hafa verið alls 5 umferðir með stroffi, fellið laust af með sléttum lykkjum frá réttu. Ermin mælist ca 44-43-42-41-39-37 cm. Prjónið hina ermina á sama hátt. FRÁGANGUR: Saumið axlasauma innan við affellingarkantinn (það eiga nú að liggja 2 brugðnar umferðir við hliðina á hverri annarri á öxl). Saumið kragann saman við miðju að aftan – saumið kant í kant þannig að saumurinn verði flatur. Saumið kragann við hálsmál aftan í hnakka. Saumið hliðarsauma á framstykki og bakstykki frá prjónamerki og niður – saumið í ystu lykkjubogann á ystu lykkju í garðaprjóni þannig að saumurinn verði flatur. Skiljið kannski eftir ca 15 cm fyrir klauf í hvorri hlið. Saumið ermar í við fram- og bakstykki innan við 1 kantlykkju í garðaprjóni á fram- og bakstykki og innan við uppfitjunarkant á ermum. Saumið saum undir ermum. VASAR: Prjónið 2 vasa eins og útskýrt er að neðan. Fitjið upp 29 lykkjur (meðtalin 1 kantlykkja í hvorri hlið) á hringprjón 6 með 1 þræði af hvorri tegund (= 2 þræðir). Prjónið 1 umferð brugðið (= ranga). Prjónið A.1 með 1 kantlykkju í garðaprjóni í hvorri hlið. Þegar vasinn mælist 19 cm, prjónið 1 umferð slétt frá réttu yfir allar lykkjur. Skiptið yfir á hringprjón 5 og prjónið næstu umferð frá röngu þannig: 1 kantlykkja í garðaprjóni, * 1 lykkja brugðið, 1 lykkja slétt *, prjónið frá *-* þar til 2 lykkjur eru eftir á prjóni, prjónið 1 lykkju brugðið og endið með 1 kantlykkju í garðaprjóni. Haldið svona áfram með stroff þar til prjónaðar hafa verið alls 5 umferðir stroff. Fellið laust af með sléttum lykkjum frá réttu. Staðsetjið 1 vasa á hvort framstykki ca 6 cm frá uppfitjunarkanti og 3 cm frá hliðarsaumi. Saumið vasana á framstykki innan við 1 kantlykkju í garðaprjóni á vösum. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (79)
Elilja wrote:
Guten Abend Wo finde ich das Diagram A1 von welchem in der Anleitung beim Rückenteil gesprochen wird? Es zeigt mir nur A4, A3 und A2 an. Freundliche Grüsse
19.04.2021 - 22:40DROPS Design answered:
Liebe Elilja, A.1 finden Sie bei der Maßskizze, unter der Ärmel. Viel Spaß beim stricken!
20.04.2021 - 07:27Elke Franck wrote:
Moin moin, ich hab mal ne Frage zum Kragen, verkürzte Reihe, : * 2 Reihen hin und zurück über alle Maschen, 2 Reihen hin und zurück über die äußersten 12 Maschen* ich les das so, das es jedes mal 4 Reihen sind, stimmt das?? LG Elke
21.03.2021 - 17:01DROPS Design answered:
Liebe Frau Franck, ja genau, insgesamt sind es 4 Reihen, die wierdholt werden, 2 über 12 M und 2 über alle Maschen. Viel Spaß beim stricken!
22.03.2021 - 08:33Antonella wrote:
Salve, avrei bisogno di un consiglio. Ho realizzato questo modello, che è venuto molto bene, ma purtroppo risultato un pò stretto, perché avrei dovuto fare una taglia in più. Avete qualche suggerimento per poterlo allargare, senza dover disfare tutto? Grazie
10.03.2021 - 16:54DROPS Design answered:
Buonasera Antonella, ha provato a lavarlo? Buon lavoro!
10.03.2021 - 21:45Zsófi wrote:
Diagram legend description is incorrect in Hungarian, it repeats "knit from the right side, purl from the wrong side" for the second line too. Basically it just says this sentence twice.
15.02.2021 - 21:23DROPS Design answered:
Dear Zsófi, thank you for letting us know about the mistake, which was now fixed. Happy Knitting!
18.02.2021 - 08:46Antonella wrote:
Buongiorno, vorrei cortesemente sapere come fare la diminuzione in modo uniforme delle 6 maglie previste nel dietro. Nel ferro delle diminuzioni si continua a lavorare a grana riso? perché in tal caso salterebbe l'alternanza di una maglia a dritto e una a rovescio.
03.02.2021 - 13:17DROPS Design answered:
Buonasera Antonella, deve continuare a lavorare con i motivi e diminuire 6 maglie sulle 12 maglie centrali. Buon lavoro!
03.02.2021 - 22:32Esther wrote:
Hallo, gibt es alternative Garnempfehlungen für das Modell ohne Seide? Danke!
09.01.2021 - 16:20DROPS Design answered:
Liebe Esther, hier lesen Sie mehr über Garnalternativen - Sie können sich auch von den Modellen mit 14 M = 10 cm inspirieren - am besten stricken Sie zuerst immer eine Maschenprobe, so können Sie mal schauen, ob die Textur Ihnen gefällt. Ihr DROPS Händler wird Ihnen auch gerne damit helfen (auch telefonisch oder per E-Mail), das beste passende Garn zu finden. Viel Spaß beim stricken!
11.01.2021 - 08:13LAPeloteFR wrote:
Hello, love the pattern. could you clarify for the back piece how the shoulders are shaped after the middle decrease and cast off.
11.12.2020 - 03:44DROPS Design answered:
Hi, Once you have bound off the stitches for the neck, you bind off 1 more stitch on the next row from the neck. The shoulder is then worked straight up without further shaping. Happy knitting!
11.12.2020 - 06:56Annelies Staal wrote:
Hallo, M.b.t. TrueNorth vest; Ik brei met 2 pennen, en weet hoe ik kabels moet breien, nu ik bezig ben met het voorpand snap ik NIET hoe ik de kabels van het voorpand moet breien. Ik begin met de eerste van de 12 steken , zet 6 steken op de kabelnaald maar dan zit de draad nog aan het begin van de steken en kan ik vervolgens de resterende steken niet breien . De gewone kabel van het achterpand is te zien in de video maar de kabel van het voorpand niet. Graag advies. Thanks
30.10.2020 - 17:46DROPS Design answered:
Dag Annelies,
Je zet 6 steken op een kabelnaald en breit inderdaad gewoon verder met de draad die nog aan het begin zit. Je maakt de kabels dus op precies dezelfde manier als normaal, maar nu zit de kabel aan het begin van het werk. Het kan eerst wat verdraaid lijken, maar het trekt wel bij naarmate het werk vordert
03.11.2020 - 13:58Sharon wrote:
Size medium. At what inches do I start the ribbing? It looks like the instructions say at 16 and 1/8 however the finished sleeve is 15 and a quarter
09.10.2020 - 04:59DROPS Design answered:
Dear Sharon, the 16 and 1/8 apply to size S, in size M you work until sleeve measures 15 and 3/4" then knit 1 row from RS, swticht to needle size 5 mm and work rib = finished sleves measures ca 17". Happy knitting!
09.10.2020 - 08:06Anne Mongeon wrote:
Bon matin, je suis habituée à faire des torsades, mais je ne sais pas comment en faire en début de rang, pouvez-vous me l’expliquer ou avez-vous un vidéo l’expliquant? Merci beaucoup!
09.09.2020 - 14:40DROPS Design answered:
Bonjour Mme Mongeon, cette vidéo montre, pour un autre modèle (et une autre torsade) comment tricoter la torsade sur les premières mailles du rang sur l'endroit (pour le devant gauche, ce sera la même chose mais en sens inverse, sur les dernières mailles du rang). Bon tricot!
09.09.2020 - 15:06