DROPS Baby Merino
DROPS Baby Merino
100% Ull
frá 924.00 kr /50g
Þú færð garn sem þarf í að gera þetta mynstur frá 3696.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Pink Petals

Prjónuð peysa fyrir börn og sokkabuxur úr DROPS BabyMerino. Peysan er prjónuð ofan frá og niður með blaðamynstri, hringlaga berustykki og A- formi. Sokkabuxurnar eru prjónaðar ofan frá og niður með gatamynstri. Stærð fyrirburar til 2 ára.

DROPS Baby 33-13
DROPS Design: Mynstur bm-111-by
Garnflokkur A
-----------------------------------------------------------

ALLT SETTIÐ:

Stærð: (<0) 0/1 - 1/3 - 6/9 - 12/18 mán (2) ára
Stærð jafngildir ca hæð á barni í cm:
(40/44) 48/52 - 56/62 - 68/74 - 80/86 (92)

EFNI:
DROPS BABYMERINO frá Garnstudio (tilheyrir garnflokki A)
(200) 200-250-300-300 (350) g litur 26, ljós bleikfjólublár

PEYSA:

STÆRÐ:
(<0) 0/1 - 1/3 - 6/9 - 12/18 mán (2) ára
Stærð jafngildir ca hæð á barni í cm:
(40/44) 48/52 - 56/62 - 68/74 - 80/86 (92)

EFNI:
DROPS BABYMERINO frá Garnstudio (tilheyrir garnflokki A)
(150) 150-150-200-200 (200) g litur 26, ljós bleikfjólublár

SOKKABUXUR:

STÆRÐ:
(<0) 0/1 - 1/3 - 6/9 - 12/18 mán (2) ára
Stærð jafngildir ca hæð á barni í cm:
(40/44) 48/52 - 56/62 - 68/74 - 80/86 (92)

EFNI:
DROPS BABYMERINO frá Garnstudio (tilheyrir garnflokki A)
(100)-100-100-150-150-(150) g litur 26, ljós bleikfjólublár
Fylgihlutir: Ca 35-50 cm teygja.

PRJÓNFESTA:
24 lykkjur á breidd og 32 umferðir á hæð með sléttprjóni = 10 x 10 cm.
24 lykkjur á breidd og 40 umferðir á hæð með blaðamynstri = 10 x 10 cm.

PRJÓNAR:
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm og 60 cm.
DROPS SOKKAPRJÓNAR NR 2,5: fyrir kanta.
DROPS HRINGPRJÓNAR NR 2,5: lengd 40 cm og 60 cm fyrir kanta.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.
DROPS PERLUTALA, Blóm (rautt) NR 617: (5) 5-6-6 7 (7) st.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Baby Merino
DROPS Baby Merino
100% Ull
frá 924.00 kr /50g
Þú færð garn sem þarf í að gera þetta mynstur frá 3696.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

PEYSA:

GARÐAPRJÓN (prjónað fram og til baka):
Lykkjurnar eru prjónaðar slétt í öllum umferðum.

GARÐAPRJÓN (prjónað í hring):
*1 umferð slétt og 1 umferð brugðið*, endurtakið frá *-*.

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 70 lykkjur) mínus kanta að framan (t.d. 10 lykkjur) og deilið þeim lykkjum sem eftir eru með fjölda útaukninga sem á að gera (t.d. 13) = 4,6.
Í þessu dæmi er aukið út með því að slá 1 sinni uppá prjóninn til skiptis á eftir ca 4. og 5. hverja lykkju. Í næstu umferð er uppslátturinn prjónaður snúinn svo ekki myndist gat. Ekki er aukið út yfir kanta að framan.

MYNSTUR:
Sjá mynsturteikningu A.1 til A.4. Veldu mynsturteikningu fyrir þína stærð (á við um A.2). Mynsturteikning sýnir allar umferðir í mynstri séð frá réttu.

LASKALÍNA:
Öll útaukning er gerð frá réttu!
Aukið út fyrir laskalínu hvoru megin við 4 prjónamerki í hverri skiptingu á milli fram- og bakstykkis og erma (= 8 lykkjur fleiri í hverri útauknings umferð).
Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerkið situr mitt á milli þessa 2 lykkja), sláið 1 sinni uppá prjóninn (= 2 lykkjur fleiri). Í næstu umferð (ranga) er uppslátturinn prjónaður snúinn brugðið, svo ekki myndist gat.

ÚTAUKNING-2 (á við um hliðar á fram- og bakstykki á peysu):
Öll útaukning er gerð frá réttu!
Byrjið 2 lykkjum á undan prjónamerki, sláið 1 sinni uppá prjóninn, prjónið 4 lykkjur slétt (prjónamerki situr mitt á milli þessa 4 lykkja), sláið 1 sinni uppá prjóninn (= 2 lykkjur fleiri). Í næstu umferð (ranga) er uppslátturinn prjónaður snúinn brugðið svo ekki myndist gat.

ÚRTAKA (á við um miðju undir ermi):
Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

HNAPPAGAT:
Fellið af fyrir hnappagötum í hægri kanti að framan þegar flíkin er mátuð. 1 hnappagat = Prjónið frá réttu þar til 3 lykkjur eru eftir á prjóni, sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo að það myndist gat.
Fellið af fyrir fyrsta hnappagatinu í fyrstu umferð frá réttu eftir A.1. Fellið síðan af fyrir (4) 4-5-5-6 (6) næstu hnappagötum með ca 5 cm millibili.

ÚTAUKNING (á við um op mitt að framan og mitt að aftan á sokkabuxum):
Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki situr mitt á milli þessa 2 lykkja), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo að ekki myndist gat. Útauknar lykkjur eru prjónaðar í sléttprjóni þar til þær ganga að lokum upp aftur í mynstri.

ÚRTAKA (á við um innan á skálm á sokkabuxum):
Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki situr mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

HÆLÚRTAKA:
Prjónið fram og til baka í sléttprjóni þannig:
UMFERÐ 1 (rétta): Prjónið sléttra lykkjur þar til 1 lykkja er eftir á prjóni, snúið stykkinu.
UMFERÐ 2 (ranga): Takið fyrstu lykkjuna óprjónaða eins og prjóna eigi hana brugðið, herðið á þræði og prjónið brugðnar lykkjur þar til 1 lykkja er eftir á prjóni, snúið stykkinu.
UMFERÐ 3 (rétta): Takið fyrstu lykkju af prjóni eins og prjóna eigi slétt, herðið á þræði og prjónið sléttar lykkjur þar til 2 lykkjur eru eftir á prjóni, snúið stykkinu.
UMFERÐ 4 (ranga): Takið fyrstu lykkjuna af prjóni eins og prjóna eigi brugðið, herðið á þræði og prjónið brugðnar lykkjur þar til 2 lykkjur eru eftir á prjóni, snúið stykkinu.
Haldið áfram með úrtöku alveg eins þar til eftir eru (6) 7-8-8-7 (8) lykkjur mitt í umferð. Setjið 1 prjónamerki í miðju lykkjuna.
Haldið áfram með sléttprjón fram og til baka, en nú er prjónuð 1 lykkja fleiri í hvert skipti sem snúið er við. ATH: Til að koma í veg fyrir að það myndist gat í snúningunum, lyftið þræðinum á undan lykkjunni sem prjónað er með og setjið snúinn á vinstri prjón.
Prjónið snúnu lykkjuna saman við lykkjuna áður en stykkinu er snúið við. Haldið svona áfram þar til prjónað hefur verið yfir allar lykkjur á hæl.

-------------------------------------------------------

BYRJIÐ Á PEYSU HÉR:

-------------------------------------------------------

PEYSA – STUTT ÚTSKÝRING Á STYKKI:
Berustykki og fram- og bakstykki er prjónað fram og til baka á hringprjón frá miðju að framan, ofan frá og niður. Ermar eru prjónaðar í hring á sokkaprjóna, ofan frá og niður.

KANTUR Í HÁLSMÁLI:
Fitjið upp (68) 72-78-82-84 (86) lykkjur (meðtaldar 5 kantlykkjur að framan í hvorri hlið við miðju að framan) á hringprjón 2,5 með Baby Merino. Prjónið með 5 kantlykkjum að framan í GARÐAPRJÓN – sjá útskýringu að ofan, í hvorri hlið við miðju að framan. Þegar A.1 hefur verið prjónað til loka, skiptið yfir á hringprjón 3. Prjónið 1 umferð slétt frá réttu þar sem aukið er út um (15) 13-17-19-21 (21) lykkjur jafnt yfir – sjá ÚTAUKNING-1 og munið eftir HNAPPAGAT í hægri kanti að framan – sjá útskýringu að ofan = (83) 83-95-101-107 (113) lykkjur. Prjónið 1 umferð brugðið frá röngu með 5 kantlykkjum að framan í garðaprjóni. Prjónið 1 umferð brugðið frá röngu með 5 kantlykkjur að framan í garðaprjóni í hvorri hlið. Prjónið síðan berustykki eins og útskýrt er að neðan.

BERUSTYKKI:
Fyrsta umferð er prjónuð frá réttu þannig: 5 kantlykkjur í garðaprjóni, prjónið A.2 þar til 6 lykkjur eru eftir í umferð (= (12) 12-14-15-16 (17) mynstureiningar með 6 lykkjum) og endið með 1 lykkju garðaprjóni (til að mynstrið byrji og endi alveg eins við kanta að framan) og 5 kantlykkjur í garðaprjóni. Haldið svona áfram með mynstur og aukið út og fækkið lykkjum eins og útskýrt er í mynsturteikningu. ATHUGIÐ PRJÓNFESTUNA!
Í umferð merktri með ör í A.2, jafnið lykkjufjöldann út til (150) 174-182-194-202 (214) lykkjur. Setjið nú 4 prjónamerki í stykkið (þetta er gert án þess að prjóna lykkjurnar): Fyrsta prjónamerkið er sett eftir fyrstu (26) 29-30-32-33 (35) lykkjur (= framstykki), 2. prjónamerki er sett eftir næstu (28) 34-36-38-40 (42) lykkjur (= ermi), 3. prjónamerki er sett eftir næstu (42) 48-50-54-56 (60) lykkjur (= bakstykki) og 4. prjónamerki er sett eftir næstu (28) 34-36-38-40 (42) lykkjur (= ermi). Nú eru (26) 29-30-32-33 (35) lykkjur á eftir síðasta prjónamerki á framstykki.
Prjónið nú sléttprjón með 5 kantlykkjum að framan í garðaprjóni í hvorri hlið við miðju að framan. JAFNFRAMT í fyrstu umferð (rétta) er aukið út fyrir LASKALÍNA hvoru megin við 4 prjónamerkin – sjá útskýringu að ofan (= 8 lykkjur fleiri). Aukið svona út í annarri hverri umferð (þ.e.a.s. í hverri umferð frá réttu) alls (3) 3-3-4-4 (4) sinnum. Eftir síðustu útaukningu fyrir laskalínu eru (174) 198-206-226-234 (246) lykkjur í umferð. Prjónið áfram þar til stykkið mælist (10) 12-13-14-15 (16) cm frá uppfitjunarkanti mitt að framan. Næsta umferð er prjónuð frá röngu þannig: Prjónið (29) 32-33-36-37 (39) lykkjur eins og áður (= framstykki), setjið næstu (34) 40-42-46-48 (50) lykkjur á þráð fyrir ermi, fitjið upp (4) 4-6-6-8 (8) nýjar lykkjur á prjóninn (= í hlið undir ermi), prjónið (48) 54-56-62-64 (68) lykkjur brugðið (= bakstykki), setjið næstu (34) 40-42-46-48 (50) lykkjur á þráð fyrir ermi, fitjið upp (4) 4-6-6-8 (8) nýjar lykkjur á prjóninn (= í hlið undir ermi) og prjónið síðustu (29) 32-33-36-37 (39) lykkjur eins og áður (= framstykki). Fram- og bakstykki og ermar er prjónað til loka hvert fyrir sig. HÉÐAN ER NÚ MÆLT!

FRAM- OG BAKSTYKKI:
= (114) 126-134-146-154 (162) lykkjur. Setjið 1 prjónamerki (31) 34-36-39-41 (43) lykkjur inn frá hvorri hlið (= (52) 58-62-68-72 (76) lykkjur á milli prjónamerkja á bakstykki) og látið prjónamerkin fylgja með í stykkinu.
Fyrsta umferðin er prjónuð frá réttu þannig: 5 kantlykkjur í garðaprjóni, prjónið A.3A þar til eftir eru (5) 9-9-5-5 (5) lykkjur í umferð (= (13) 14-15-17-18 (19) mynstureiningar með 8 lykkjum), prjónið A.3B yfir næstu (0) 4-4-0-0 (0) lykkjur og endið með 5 kantlykkjur að framan í garðaprjóni. Haldið svona áfram með mynstur fram og til baka.
Þegar stykkið mælist 2 cm frá skiptingu, aukið út um 1 lykkju hvoru megin við bæði prjónamerkin – sjá ÚTAUKNING-2 (= 2 lykkjur fleiri). Aukið svona út með (2) 2½-3-3½-4 (4½) cm millibili alls 5 sinnum í hvorri hlið = (134) 146-154-166-174 (182) lykkjur – ATH. Útauknu lykkjurnar eru prjónaðar í sléttprjóni þannig að það verða fleiri lykkjur í sléttprjóni á milli gata í hvorri hlið á fram- og bakstykki.
JAFNFRAMT þegar stykkið mælist (10) 11-13-15-17 (19) cm prjónið áfram í sléttprjóni og 5 kantlykkjur að framan í garðaprjóni. Prjónið áfram þar til stykkið mælist (12) 13-15-17-19 (21) cm frá skiptingu.
Prjónið 8 umferð garðaprjón yfir allar lykkjur. Fellið af með picot eins og útskýrt er að neðan.

AFFELLING MEÐ PICOT:
Skiptið yfir á hringprjón 2,5 og fellið af frá réttu þannig: Prjónið 1 lykkju slétt, (* stingið inn hægri prjóni á milli 2 fyrstu lykkja á vinstri prjóni, þ.e.a.s. á milli lykkja á prjóni, ekki í gegnum lykkjurnar, sláið 1 sinni uppá hægri prjón, dragið uppsláttinn fram á milli lykkja og setjið uppsláttinn á vinstri prjón *, prjónið frá *-* 2 sinnum til viðbótar, þannig að það verða 3 nýjar lykkjur á vinstri prjóni. (** Prjónið fyrstu lykkjuna á vinstri prjóni slétt, lyftið fyrstu lykkjunni á hægri prjóni yfir síðustu lykkjuna sem var prjónuð **), prjónið frá **-** alls 5 sinnum og endurtakið frá (-) meðfram öllum kantinum þar til 1 lykkja er eftir á vinstra prjóni. Klippið frá og þræðið þráðinn í gegnum síðustu lykkjuna.

ERMI:
Setjið (34) 40-42-46-48 (50) lykkjur af þræði í annarri hlið á stykki á sokkaprjón 3 og prjónið að auki upp 1 lykkju í hverja og eina af (4) 4-6-6-8 (8) lykkjum sem fitjaðar voru upp undir ermi = (38) 44-48-52-56 (58) lykkjur. Setjið 1 prjónamerki mitt í (4) 4-6-6-8 (8) lykkjur undir ermi. Byrjið umferð við prjónamerkið og prjónið sléttprjón hringinn. Þegar stykkið mælist 2 cm frá skiptingu er fækkað um 2 lykkjur mitt undir ermi – sjá ÚRTAKA. Fækkið lykkjum svona með (2) 2-1½-1½- 1½ (1½) cm millibili alls (2) 4-6-7-9 (9) sinnum = (34) 36-36-38-38 (40) lykkjur. Prjónið áfram þar til ermin mælist (5) 8-11-13-15 (18) cm frá skiptingu. Skiptið yfir á sokkaprjóna 2,5 og prjónið GARÐAPRJÓN hringinn – sjá útskýringu að ofan. Þegar ermin mælist (8) 11-14-16-18 (21) cm, fellið af með picot alveg eins og á fram- og bakstykki.
Prjónið hina ermina á sama hátt.

FRÁGANGUR:
Saumið tölur í vinstri kanti að framan.

-------------------------------------------------------

SOKKABUXUR - STUTT ÚTSKÝRING Á STYKKI:
Stykkið er prjónað í hring á hringprjóna ofan frá og niður þar til stykkið skiptist fyrir skálmar. Síðan er hvor skálm prjónuð í hring á sokkaprjóna, ofan frá og niður til loka.

FALDUR Á BUXUM.
Fitjið upp (88) 96-104-120-128 (136) lykkjur á hringprjón 3 með Baby Merino. Prjónið 2 cm sléttprjón fyrir fald. Næsta umferð er prjónuð þannig: * 2 lykkjur slétt saman, sláið 1 sinni uppá prjóninn *, prjónið frá *-* umferðina hringinn (= uppábrot). STYKKIÐ ER NÚ MÆLT FRÁ UPPÁBROTI! Prjónið 2 cm sléttprjón. Til að flíkin passi betur er núna prjónuð upphækkun aftan á buxum eins og útskýrt er að neðan.

UPPHÆKKUN AÐ AFTAN – ALLAR STÆRÐIR:
Setjið 1 prjónamerki í byrjun á umferð (= mitt að aftan). Byrjið frá réttu og prjónið 8 lykkjur slétt fram hjá prjónamerki, snúið stykkinu, herðið á þræði og prjónið 16 lykkjur brugðið. Snúið, herðið á þræði og prjónið 24 lykkjur slétt, snúið, herðið á þræði og prjónið 32 lykkjur brugðið. Snúið, herðið á þræði og prjónið 40 lykkjur slétt, snúið, herðið á þræði og prjónið 48 lykkjur brugðið. Snúið, herðið á þræði og prjónið sléttar lykkjur til baka að miðju að aftan.

BUXUR:
Prjónið A.4 hringinn yfir allar lykkjur (= (11) 12-13-15-16 (17) mynstureiningar með 8 lykkjum). ATHUGIÐ PRJÓNFESTUNA! ATH: Í hverri umferð merktri með stjörnu í A.4 færist byrjunin á umferð um 1 lykkju til vinstri, þ.e.a.s. lyftið fyrstu lykkjunni á hægri prjón yfir prjóninn án þess að prjóna lykkjuna, prjónið A.4 hringinn. Lykkjan sem var lyft yfir á hægri prjón kemur nú til með að prjónast í síðustu endurtekningu með A.4. Næsta umferð byrjar eins og áður.
Þegar stykkið mælist (9) 11-12-15-16 (17) cm frá uppábroti mitt að framan, setjið 1 prjónamerki mitt að framan þannig að það sitji 1 prjónamerki mitt að framan og 1 prjónamerki mitt að aftan (= (44) 48-52-60-64 (68) lykkjur í hvorri hlið á milli prjónamerkja).
Haldið áfram með A.4 hringinn. JAFNFRAMT í næstu umferð er aukið út um 1 lykkju hvoru megin við bæði prjónamerkin – sjá ÚTAUKNING (= 4 lykkjur fleiri). Aukið svona út í annarri hverri umferð alls 8 sinnum = (120) 128-136-152-160 (168) lykkjur. Haldið áfram með A.4 hringinn þar til stykkið mælist (15) 18-18-21-22 (23) cm frá uppábroti mitt að framan. Fellið nú af 4 lykkjur mitt að framan og mitt að aftan. Hvor skálm er nú prjónuð til loka fyrir sig. Prjónið hægri skálm eins og útskýrt er að neðan.

HÆGRI SKÁLM:
= (56) 60-64-72-76 (80) lykkjur. Skiptið yfir á sokkaprjóna 3. Setjið 1 prjónamerki í innanverða skálm og látið prjónamerkið fylgja með í stykkinu. HÉÐAN ER NÚ MÆLT! Byrjið umferð við prjónamerki og haldið áfram með A.4 hringinn – þar sem mynstureiningin gengur ekki jafnt upp, prjónið sléttprjón. Þegar prjónaðar hafa verið 2 umferðir hringinn, fækkið um 1 lykkju hvoru megin við prjónamerki innan á skálm – sjá ÚRTAKA (= 2 lykkjur færri). Fækkið lykkjum svona í hverri umferð alls 6 sinnum, síðan í annarri hverri umferð alls 4 sinnum og að lokum í (5.) 9.-6.-6.-7. (7.) hverri umferð alls (4) 5-6-8-9 (10) sinnum = (28) 30-32-36-38 (40) lykkjur. Prjónið áfram þar til stykkið mælist (13) 17-20-23-26 (31) cm frá skiptingu. Prjónið nú fót eins og útskýrt er að neðan.

FÓTUR:
= (28) 30-32-36-38 (40) lykkjur. Haldið eftir fyrstu (14) 15-16-18-19 (20) lykkjum á prjóni fyrir hæl (það er mikilvægt að skoða flíkina vel svo að hællinn lendi ekki mitt á fæti), setjið (14) 15-16-18-19 (20) lykkjur sem eftir eru á þráð (= mitt á fæti).
Prjónið HÆLÚRTAKA í sléttprjóni – sjá útskýringu að ofan.
Eftir hælúrtöku eru (14) 15-16-18-19 (20) lykkjur settar af þræði mitt á fæti til baka á prjóninn = (28) 30-32-36-38 (40) lykkjur. Prjónið sléttprjón hringinn aftur yfir allar lykkjurnar.
Þegar fóturinn mælist (7) 9-10-10-11 (12) cm frá prjónamerki á hæl (nú eru eftir ca 2,5 til 3 cm til loka), skiptið lykkjunum þannig að það verða (14) 15-16-18-19 (20) lykkjur bæði ofan á fæti og undir fæti. Setjið 1 prjónamerki í hvora hlið. Prjónið sléttprjón hringinn yfir allar lykkjur. JAFNFRAMT í fyrstu umferð er fækkað um 1 lykkju hvoru megin við bæði prjónamerkin – sjá ÚRTAKA (= 4 lykkjur færri). Fækkið lykkjum svona í annarri hverri umferð alls (4) 4-4-5-5 (5) sinnum = (12) 14-16-16-18 (20) lykkjur eftir í umferð. Klippið þráðinn frá þannig að það verði nægilega langur þráður til að sauma með. Leggið stykkið flatt og saumið (6) 7-8-8-9 (10) lykkjur á fæti við (6) 7-8-8-9 (10) lykkjum undir fæti með lykkjuspori. Fóturinn mælist ca (10) 11-12-13-14 (15) cm frá prjónamerki á hæl.
Setjið til baka (56) 60-64-72-76 (80) lykkjur af þræði í annarri hlið á stykki á sokkaprjóna 3 og prjónið skálm og fót alveg eins, en passið uppá að fóturinn snúi í rétta átt, svo að hællinn komi ekki mitt ofan á fæti (setjið fyrstu (14) 15-16-18-19 (20) lykkjur á þráð (= mitt ofan á fæti) og haldið eftir síðustu (14) 15-16-18-19 (20) lykkjum á prjóni fyrir hæl).

FRÁGANGUR:
Brjótið uppá kant fyrir saum yfir að röngu og saumið fallega niður, en skiljið eftir smá op til að þræða teygjuna í gegn. Þræðið teygjuna í gegn og saumið opið saman. Saumið saman 4 lykkjur sem felldar voru af á milli skálma.

Þetta mynstur hefur verið leiðrétt.

Yfirfarið á vefsvæði: 21.10.2019
Leiðrétting - Fótur:..Þegar fóturinn mælist (7) 9-10-10-11 (12) cm frá prjónamerki á hæl (nú eru eftir ca 2,5 til 3 cm til loka), skiptið lykkjunum þannig að það verða (14) 15-16-18-19 (20) lykkjur bæði ofan á fæti og undir fæti.
Yfirfarið á vefsvæði: 11.11.2020
Leiðrétting: Mynsturteikning A.3A og A.3B hefur verið uppfærð.

Mynstur

symbols = slétt lykkja frá réttu, brugðin lykkja frá röngu
symbols = brugðin lykkja frá réttu, slétt lykkja frá röngu
symbols = 2 lykkjur slétt saman
symbols = takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð
symbols = takið 1 lykkju óprjónaða eins og prjóna eigi slétt, prjónið 2 lykkjur slétt saman, steypið óprjónuðu lykkjunni yfir lykkjurnar sem prjónaðar voru saman
symbols = á milli 2 lykkja er slegið 1 sinni uppá prjóninn
symbols = útauknings umferð
symbols = færið byrjun á umferð um 1 lykkju til vinstri eins og útskýrt er í uppskrift
diagram
diagram
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Pink Petals

Franmade, Italy

Pink Petals

Aleksandra, Poland

Pink Petals

Claudia, Italy

Pink Petals

JoeJ5, France

Pink Petals

JoeJ5, France

Pink Petals Jacket

Egita, Latvia

Pink Petals in Green

Anagocha, Spain

Skrifaðu athugasemd um DROPS Baby 33-13

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (60)

country flag Alison wrote:

I’m up to 158 stitches (increased once so far) and knitting the A3A section, onto the second row of holes in the pattern. Since I have 158 stitches, the repetition of 8 (excluding band) leaves me with 4 stitches unaccounted for. What do I do with those 4 stitches?

08.12.2021 - 17:57

DROPS Design answered:

Dear Alison, when increasing on the sides of the jacket, work the new sts in stocking stitch and continue working the lace pattern as before (as these sts were not there) so that lace pattern is lined up as before. Happy knitting!

09.12.2021 - 07:16

country flag Alison wrote:

Hi I’m about the finish the yoke for 12/18 size I’m finishing off on 203 stitches. It says to adjust to 202 stitches so I just decrease one somewhere along the row, is that right?

25.11.2021 - 17:35

DROPS Design answered:

Hi Alison, Yes, that is right. Happy knitting!

26.11.2021 - 07:01

country flag Marie Sirlin wrote:

Depuis quelques jours j'éprouve des difficultés à accéder au contenu de votre site : certaines pages ne présentent aucune image, les diagrammes n'apparaissent plus, voir certains modèles sont inaccessibles (les lavettes en fil safran). J'ai enlevé le bloqueur de publicité ABP de mon ordinateur, j'ai consulté le site depuis mon téléphone ... Rien à faire. Que dois-je effectuer pour avoir à nouveau accès à l'intégralité du site ? Cordialement, Marie

05.10.2021 - 15:12

country flag Winnie wrote:

Kan jeg få opskrift på dansk

25.08.2021 - 15:44

country flag Ché wrote:

Hallo, telpatroon A2 6/9 , omslag breien tusen 2 steken. dit 2x. wanneer ik terugbrei averechts dus. wat doe ik met de omslag. begrijp t niet. want dan heb ik 2 steken extra . rij 5 en 6. ché

22.07.2021 - 21:45

DROPS Design answered:

Dag Ché,

In rij 5 van A.2 maak je niet alleen 2 omslagen waardoor er 2 steken bij komen, maar je mindert ook twee steken op die rij (schuine streepjes over 2 steken), waardoor het totaal aantal steken op de volgende rij nog hetzelfde is. De omslagen brei je op de volgende naald averecht zodat er gaatjes ontstaan.

20.08.2021 - 11:34

country flag Kamuttawan Schlomann wrote:

Hi! I’m a confuse with the buttons holes. The pattern says I should work from the right side and the hole should be on the right band. But if I work per the instruction, wouldn’t I end up with the hole on the left band? When we work from the right side...we start on the right side of the piece (when worn), right? So...to have a hole on the right side I need to knit 1, knit 2 together, yarn over then knit 2. Please help. Thank you!

11.07.2021 - 14:05

DROPS Design answered:

Dear Mrs Schlomann, the jacket is worked top down, ie the left front piece is at the beg of the row from right side and the right rows will end with the right front front piece, so that the buttonholes will be worked at the end of row from right side = on the right front piece. Happy knitting!

12.07.2021 - 08:35

country flag Graziella wrote:

Buonasera, una domanda per cortesia: perché non c’è la taglia 3/6 mesi? Grazie

30.03.2021 - 22:43

DROPS Design answered:

Buonasera Graziella, per trovare la taglia che le serve può utilizzare lo schema delle misure in fondo alla pagina. In caso le servano delle misure diverse può provare a riprogettare il lavoro, magari chiedendo assistenza al suo rivenditore DROPS di fiducia. Buon lavoro!

30.03.2021 - 23:51

country flag Moser Corinne wrote:

Bonsoir, comment fait-on pour trouver les corrections, Svp ? Merci

04.02.2021 - 23:29

DROPS Design answered:

Bonjour Mme Moser, si vous avez imprimé les explications avant la date des corrections, il peut être sage de les imprimer à nouveau, autrement, le modèle en ligne est juste ainsi et déjà corrigé. Bon tricot!

05.02.2021 - 08:40

country flag Jeannette wrote:

Hvorfor får jeg ikke mønstret til at passe med billedet der står ikke noget I opskriften om hvor masker der er i mellem hver mønster

25.01.2021 - 11:27

DROPS Design answered:

Hei Jeannette. Hva strikker du, jakke eller bukse og hvilken str.? Vanligvis vil det stå hvor mange rapporter du skal strikke av et mønster og da vises det i diagrammet hvor mange f.eks vrangmasker det er mellom f.eks et hullmønster. mvh DROPS design

27.01.2021 - 16:29

country flag Cindy wrote:

Hello Drops Team. I’m looking for an answer to my question about elastic length. Could you answer please? Many thanks.

10.12.2020 - 13:40

DROPS Design answered:

Dear Cindy, you should probably wait and adjust the elastic length to the baby since it's very individual. Happy knitting!

10.12.2020 - 14:08