Life With Flair |
||||||||||||||||
|
|
|||||||||||||||
Prjónuð peysa úr DROP Alpaca. Stykkið er prjónað ofan frá og niður með hringlaga berustykki, klukkuprjóns lykkjum á berustykki og ¾ löngum útvíðum ermum. Stærð S - XXXL.
DROPS 201-36 |
||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.4. Veldu mynsturteikningu fyrir þína stærð (á við um A.1, A.2 og A.3). Mynsturteikning sýnir allar umferðir í mynstri séð frá réttu. ÚTAUKNING-1 (á við um útaukningu í A.1): Öll útaukning er gerð frá réttu! Aukið út um 1 lykkju í hverri brugðinni einingu með því að slá 1 sinni uppá prjóninn á eftir hverja klukkuprjóns lykkju (ekki er aukið út á milli klukkuprjóns lykkja og kanti að framan). Í næstu umferð (ranga) er uppslátturinn prjónaður snúinn slétt svo ekki myndist gat. ÚTAUKNING-2 (á við um hliðar á fram- og bakstykki): Öll útaukning er gerð frá réttu. Byrjið 3 lykkjum á undan prjónamerki, sláið 1 sinni uppá prjóninn, prjónið 6 lykkjur slétt (prjónamerki er staðsett mitt á milli þessa 6 lykkja), sláið 1 sinni uppá prjóninn (= 2 lykkjur fleiri). Aukið alveg eins úr við hitt prjónamerkið. Í næstu umferð (ranga) eru uppslættirnir prjónaðir snúnir brugðið svo ekki myndast göt. Prjónið síðan nýjar lykkjur í sléttprjóni. ÚTAUKNING-3 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 258 lykkjur), mínus kanta að framan (t.d. 10 lykkjur) og deilið þeim 248 lykkjum sem eftir eru með fjölda útaukninga sem á að gera (t.d. 71) = 3,5. Í þessu dæmi er aukið út með því að slá 1 sinni uppá prjóninn til skiptis á eftir ca 3. og 4. hverja lykkju. Ekki er aukið út yfir kanta að framan. Í næstu umferð (ranga) er uppslátturinn prjónaður snúinn svo ekki myndist gat. ÚRTAKA (á við um miðju undir ermi): Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). HNAPPAGAT: Fellið af fyrir hnappagötum í hægri kanti að framan (þegar flíkin er mátuð): Fellið af frá réttu þar til 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð (ranga) er uppslátturinn prjónaður slétt svo það myndist gat. Fellið af fyrir fyrsta hnappagatinu þegar stroff í hálsi mælist ca 1½-2 cm. Fellið síðan af fyrir 6 næstu hnappagötum með ca 6½-7-7½-7½-8-8½ cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Kantur í hálsmáli og berustykki er prjónað fram og til baka á hringprjón frá miðju að framan, ofan frá og niður. Berustykkið skiptist fyrir fram- og bakstykki og ermar. Fram- og bakstykki heldur áfram fram og til baka á hringprjón frá miðju að framan, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður. KANTUR Í HÁLSMÁLI: Fitjið upp 122-134-140-140-149-161 lykkjur (meðtaldar 5 kantlykkjur að framan í hvorri hlið við miðju að framan) á hringprjón 2,5 með Alpaca. Prjónið 1 umferð brugðið (= ranga). Næsta umferð er prjónuð frá réttu þannig: 5 kantlykkjur að framan í GARÐAPRJÓN – sjá útskýringu að ofan, * 1 lykkja slétt, 2 lykkjur brugðið *, prjónið frá *-* þar til 6 lykkjur eru eftir á prjóni, prjónið 1 lykkju slétt og endið með 5 kantlykkjum að framan í garðaprjóni. Haldið svona áfram með stroff í 2-2-2-3-3-3 cm. Munið eftir HNAPPAGAT í hægri kanti að framan – sjá útskýringu að ofan. Næsta umferð er prjónuð frá réttu þannig: STÆRÐ S, M og L: 5 kantlykkjur að framan í garðaprjóni, * 1 lykkja slétt, 1 lykkja brugðið, sláið 1 sinni uppá prjóninn,1 lykkja brugðið *, prjónið frá *-* þar til 6 lykkjur eru eftir á prjóni, prjónið 1 lykkju slétt og endið með 5 kantlykkjum að framan í garðaprjóni = 159-175-183 lykkjur. STÆRÐ XL, XXL og XXXL: 5 kantlykkjur að framan í garðaprjóni, * 1 lykkja slétt, 1 lykkja brugðið, sláið 1 sinni uppá prjóninn, 1 lykkja brugðið, sláið 1 sinni uppá prjóninn *, prjónið frá *-* þar til 6 lykkjur eru eftir á prjóni, prjónið 1 lykkju slétt og endið með 5 kantlykkjum að framan í garðaprjóni = 226-241-261 lykkjur. ALLAR STÆRÐIR: Prjónið til baka frá röngu með garðaprjóni yfir garðaprjón, brugðnum lykkjum yfir brugðnar lykkjur og sléttar lykkjur yfir sléttar lykkjur (uppslátturinn er prjónaður snúinn slétt svo ekki myndist gat). Prjónið síðan berustykki eins og útskýrt er að neðan. BERUSTYKKI: Skiptið yfir á hringprjón 3. Prjónið fyrstu umferð frá réttu þannig: 5 kantlykkjur að framan í garðaprjóni, prjónið A.1A þar til 6 lykkjur eru eftir á prjóni (= 37-41-43-43-46-50 mynstureiningar með 4-4-4-5-5-5 lykkjum), prjónið A.1B (= 1 lykkja) og endið með 5 kantlykkjum að framan í garðaprjóni. Haldið svona áfram með mynstur. ATHUGIÐ PRJÓNFESTUNA! Þegar stykkið mælist 4-4-4-5-6-6 cm frá uppfitjunarkanti, aukið út um 1 lykkju í hverri brugðinni einingu (séð frá réttu) – sjá ÚTAUKNING-1 = 196-216-226-269-287-311 lykkjur. Haldið áfram með mynstur eins og áður með 4-4-4-5-5-5 lykkjur brugðið (séð frá réttu) á milli hverra klukkuprjóns lykkja. Þegar stykkið mælist 7-7-8-8-9-9 cm frá uppfitjunarkanti mitt að framan, prjónið næstu umferð frá réttu þannig: 5 kantlykkjur að framan í garðaprjóni, prjónið A.2A (= 5-5-5-6-6-6 lykkjur), prjónið A.2B þar til 6 lykkjur eru eftir á prjóni (= 36-40-42-42-45-49 mynstureiningar með 5-5-5-6-6-6 lykkjum), prjónið A.2C (= 1 lykkja) og endið með 5 kantlykkjum að framan í garðaprjóni. Þegar A.2 hefur verið prjónað til loka eru 340-376-394-437-467-507 lykkjur í umferð. Næsta umferð er prjónuð frá réttu þannig: 5 kantlykkjur að framan í garðaprjóni, prjónið A.3A (= 5-5-5-6-6-6 lykkjur), prjónið A.3B þar til 6 lykkjur eru eftir á prjóni (= 36-40-42-42-45-49 mynstureiningar með 9-9-9-10-10-10 lykkjum), prjónið A.3C (= 1 lykkja) og endið með 5 kantlykkjum að framan í garðaprjóni. Haldið svona áfram með mynstur þar til stykkið mælist ca 16-17-19-21-23-25 cm frá uppfitjunarkanti við miðju að framan. Prjónið nú 4 umferðir sléttprjón með 5 kantlykkjum að framan í garðaprjóni í hvorri hlið við miðju að framan, EN í hverri umferð frá réttu halda klukkuprjóns lykkjur áfram alveg eins og áður (þ.e.a.s. klukkuprjóns lykkjur eru prjónaðar eins og áður, en í sléttprjóni á milli klukkuprjóns lykkja – ATH: Klukkuprjóns lykkjurnar verða aðeins sýnilegri í þessum 4 umferðum, en það kemur mýkri skipting á milli áferðar og sléttprjóns). Prjóni síðan sléttprjón fram og til baka yfir allar lykkjur með 5 kantlykkjum að framan í garðaprjóni í hvorri hlið við miðju að framan – JAFNFRAMT í fyrstu umferð frá réttu er aukið út um 0-0-4-1-1-1 lykkjur jafnt yfir = 340-376-398-438-468-508 lykkjur. Þegar stykkið mælist 20-22-24-26-28-30 cm frá uppfitjunarkanti við miðju að framan, skiptist berustykkið fyrir fram- og bakstykki og ermar. Þ.e.a.s. í næstu umferð er prjónað frá röngu þannig: Prjónið 55-59-62-68-75-82 lykkjur í garðaprjóni og sléttprjóni eins og áður (= framstykki), setjið næstu 65-75-80-88-89-95 lykkjur á þráð fyrir ermi, fitjið upp 6-8-10-10-12-12 nýjar lykkjur á prjóninn (= í hlið undir ermi), prjónið 100-108-114-126-140-154 lykkjur sléttprjón eins og áður (= bakstykki), setjið næstu 65-75-80-88-89-95 lykkjur á þráð fyrir ermi, fitjið upp 6-8-10-10-12-12 nýjar lykkjur á prjóninn (= í hlið undir ermi) og prjónið þær 55-59-62-68-75-82 lykkjur sem eftir eru í sléttprjóni og garðaprjóni eins og áður (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 222-242-258-282-314-342 lykkjur. Setjið 1 prjónamerki í hvora hlið, mitt í 6-8-10-10-12-12 lykkjur sem fitjaðar voru upp undir ermum. Látið prjónamerkin fylgja með í stykkinu, þau eru notuð síðar þegar auka á út í hliðum. Prjónið sléttprjón fram og til baka með 5 kantlykkjum að framan í garðaprjóni í hvorri hlið – mundið eftir hnappagötum í hægri kanti að framan. Þegar stykkið mælist 4-4-4-3-3-3 cm frá skiptingu, aukið út um 1 lykkju hvoru megin við bæði prjónamerkin – sjá ÚTAUKNING-2 (= 4 lykkjur fleiri). Aukið svona út með 5-5-3½-3-3-3 cm millibili alls 4-4-5-6-6-6 sinnum í hvorri hlið = 238-258-278-306-338-366 lykkjur. Prjónið áfram þar til stykkið mælist 21 cm frá skiptingu (eða að óskaðri lengd, nú eru eftir ca 3 cm að loka máli). Prjónið 1 umferð slétt frá réttu þar sem aukið er út um 67-71-78-83-93-101 lykkjur jafnt yfir – sjá ÚTAUKNING-3 = 305-329-356-389-431-467 lykkjur. Þetta er gert til að koma í veg fyrir að stroffið sem er prjónað síðar dragist saman. Skiptið yfir á hringprjón 2,5. Prjónið næstu umferð frá röngu þannig: 5 kantlykkjur að framan í garðaprjóni, * 1 lykkja brugðið, 2 lykkjur slétt *, prjónið frá *-* þar til 6 lykkjur eru efir á prjóni, prjónið 1 lykkju brugðið og endið með 5 kantlykkjur að framan í garðaprjóni. Haldið svona áfram með stroff í 3 cm. Fellið síðan laust af með sléttum lykkjum frá réttu. Peysan mælist ca 48-50-52-54-56-58 cm frá öxl og niður. ERMI: Setjið 65-75-80-88-89-95 lykkjur af þræði í annarri hlið á stykki á stuttan hringprjón eða sokkaprjón 3 og prjónið að auki upp 1 lykkju í hverja af 6-8-10-10-12-12 lykkjum sem fitjaðar voru upp undir ermi = 71-83-90-98-101-107 lykkjur. Setjið 1 prjónamerki mitt í 6-8-10-10-12-12 lykkjur undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi. Byrjið umferð við prjónamerkið og prjónið sléttprjón hringinn. JAFNFRAMT þegar stykkið mælist 2 cm frá skiptingu er fækkað um 2 lykkjur mitt undir ermi – sjá ÚRTAKA. Fækkið lykkjum svona alls 8-11-14-17-17-19 sinnum í mismunandi stærðum: S: Í 8. hverri umferð, M: Í 5. hverri umferð, L: Í 4. hverri umferð, XL: Í 3. hverri umferð, XXL: Til skiptis í annarri hverri og í 3. hverri umferð, XXXL: Í annarri hverri umferð = 55-61-62-64-67-69 lykkjur. Prjónið áfram þar til stykkið mælist 24-21-20-19-17-15 cm frá skiptingu (styttra mál í stærri stærðum vegna víðara hálsmáls og lengra berustykkis). Prjónið 1 umferð slétt þar sem aukið er út um 1-3-2-0-5-3 lykkjur jafnt yfir = 56-64-64-64-72-72 lykkjur. Prjónið A.4 hringinn (= 7-8-8-8-9-9 mynstureiningar með 8 lykkjum). Þegar A.4 hefur verið prjónað til loka eru 84-96-96-96-108-108 lykkjur í umferð. Prjónið sléttprjón hringinn þar til stykkið mælist 35-32-31-30-28-26 cm frá skiptingu. Prjónið 1 umferð slétt þar sem aukið er út um 24-27-27-27-30-30 lykkjur jafnt yfir = 108-123-123-123-138-138 lykkjur. Þetta er gert til að koma í veg fyrir að stroffið sem á að prjóna dragist saman. Skiptið yfir á sokkaprjón 2,5. Prjónið stroff hringinn (= 1 lykkja slétt, 2 lykkjur brugðnar) í 3 cm. Fellið síðan laust af með sléttum lykkjum. Ermin mælist ca 38-35-34-33-31-29 cm frá skiptingu. Prjónið hina ermina á sama hátt. FRÁGANGUR: Saumið tölur í vinstri kant að framan. |
||||||||||||||||
Skýringar á teikningu |
||||||||||||||||
|
||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (10)
Carina wrote:
Hola Se puede hacer elevación del escote? Y en ese caso cuándo se haría, después de terminar con el punto inglés? Gracias
29.02.2024 - 14:13DROPS Design answered:
Hola Carina, sí, puedes trabajar una elevación después de la cenefa del cuello, antes de empezar el canesú.
29.02.2024 - 23:01La TricotAnne wrote:
Bonjour 👋 Dans l’empiètement, quand on a 5m entre les côtes anglaises et que l’on arrive à 9cm, on nous dit de tricoter A.2B mais c’est pareil 🤨 Doit-on faire des augmentations? On passe de 311 à 507 m comment ?
08.09.2022 - 12:35DROPS Design answered:
Bonjour La TricotAnne, dans chaque A.2B vous allez augmenterr 4 mailles, autrement dit, en XXXL: 5 m point mousse, A.2A (= 6 m), 49 x A.2B (= 6 m), A.2C (= 1 m), 5 m point mousse = 5+6+(49*6)+1+5=311 m - quand A.2B est terminé, vous avez 5 m point mousse, A.2A (= 6 m), 49 x A.2B (= 10 m), A.2C (= 1 m), 5 m point mousse =5+6+(49*10)+1+5= 507 mailles. Vous tricote ensuite A.3 (on a maintenant alternativement 3 m envers et 5 m envers entre chaque maille en côtes anglaises). bon tricot!
08.09.2022 - 13:01Anette wrote:
Ska ökningarna i A2B också stickas vridna el dylikt på avig varvet efter ökningarna?
20.12.2021 - 18:28DROPS Design answered:
Hei Anette. Nei, ikke vridd. Du øker med 4 masker hver gang A.2B strikkes (den sorte prikken). På neste rad strikkes disse maskene rett fra vrangen (se 2.rad i diagrammet og diagramteksten til ikonet firkant med en strik i (-). mvh DROPS Design
21.12.2021 - 12:54Delrieu Bernadette wrote:
Je fais le modèle 201-36 cardigan\r\nje ne comprends pas comment ce tricote le diagramme A1A\r\nquand vous dite que le dessin represente l endroit du travail\r\nje comprends bien le 1 rang\r\nmais de 2eme represente t il l\'envers du travail ?le tuto montre un modèle en ron\r\n\r\nmerci avance j ai regardé le tuto mais celui ci montre un modèle en rond
28.09.2020 - 10:12DROPS Design answered:
Bonjour Mme Delrieu, les diagrammes montrent tous les rangs: sur l'endroit, vous lisez de droite à gauche et sur l'envers de gauche à droite. 1 case blanche = jersey endroit et 1 case avec un tiret = jersey envers - cf légende. Bon tricot!
28.09.2020 - 11:06Rosario wrote:
Thanks!
17.02.2020 - 22:50Rosario wrote:
Hi, I am having problems with diagram A3B. If I understood the cardigan right, this is meant to ‘split’ the knit in two to expand the pattern. But if I follow the diagram, the opening is not centred, that is, the two new stitches do no branch from the previous knit. Am I doing something wrong?
16.02.2020 - 22:12DROPS Design answered:
Dear Rosario, didn't you forget to increase 1 purl stitch in each p-section in A.1, ie before working A.2? Then, when working A.2 you will increase 4 sts in each repeat and these new 9-10 stitches will be worked as in A.3B. Hapy knitting!
17.02.2020 - 10:23Bente Bønke wrote:
En diagramforklaring mangler i model 201-36. A2B str. S-M-L symbol "tyk sort klat", hvad står den for?
28.11.2019 - 13:39DROPS Design answered:
Hei Bente! Forklaringen på den sorte prikken kan du finne på fjerde ikon i diagramforklaringen. Lykke til!
28.11.2019 - 14:14Sofie Jonsson wrote:
Äntligen! Letat länge efter denna modell. Hoppas den kommer snart så att jag kan börja sticka. Tycker den ska heta Princess cake. Den är så söt och läcker!😊
18.01.2019 - 22:50Michaela wrote:
Wunderschöne Jacke! Möchte am liebsten gleich loslegen mit stricken. Ich hoffe sehr,dass die Anleitungen bald freigeschaltet werden und diese Jacke auch dabei ist 😥
05.01.2019 - 12:26Sylvia wrote:
Such a beautiful Cardigan, love it, but it seems to be, I am lonely with it. Sad about it, if this Cardigan doesn't make it. ;-(
16.12.2018 - 11:42