Glassur |
|
|
|
Prjónuð peysa með röndum og laskalínu úr 3 þráðum DROPS Melody. Stykkið er prjónað ofan frá og niður með klauf í hliðum. Stærð S - XXXL.
DROPS 199-44 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- RENDUR: Prjónaðar eru 3 rendur í öllu stykkinu, öll mál eru tekin eftir stroff í hálsmáli. RÖND 1: Prjónið með litnum vanillugulur í 15-16-16-17-18-18 cm. RÖND 2: Prjónið með litnum natur, þessi rönd hefur mismunandi lengdir á fram- og bakstykki og ermi. Röndin mælist 15-16-16-17-18-18 cm á fram- og bakstykki og 24-24-24-24-23-23 cm á ermum. RÖND 3: Prjónið með litnum púðurbleikur til loka bæði á ermum og fram- og bakstykki. ÚRTAKA-1: Byrjið 2 lykkjum á undan prjónamerki, prjónið 2 lykkjur slétt saman, (prjónamerki situr hér), takið 1 lykkju óprjónaða eins og prjóna eigi slétt, 1 lykkja slétt, steypið óprjónuðu lykkjunni yfir. ÚRTAKA-2 (á við um ermar): ATH: Til að úrtakan komi til skiptis hægra og vinstra megin á stykki er úrtakan gerð þannig: Í stærð S, M og L er lykkjum fækkað til skiptis í byrjun og í lok umferðar sem úrtakan er gerð. Í stærð XL, XXL og XXXL er lykkjum fækkað í byrjun í hverri umferð sem úrtakan er gerð (til skiptis frá réttu og frá röngu). Fækkið lykkjum frá réttu þannig: prjónið 2 lykkjur slétt saman. Fækkið lykkjum frá röngu þannig: prjónið 2 lykkjur brugðið saman. GALDRALYKKJA: Ef hringprjóninn sem prjónað er með er of langur og sokkaprjónar eru ekki notaðir er hægt að nota hringprjóninn þannig: Hringprjóninn á að vera langur og hafa sveigjanlega snúru. Færið lykkjurnar að miðju á snúrunni. Deilið lykkjunum í tvennt og þræðið snúruna út á milli lykkja. Færið lykkjurnar að prjónaendanum að hvorri hlið, passið uppá að lykkjurnar verði ekki snúnar. Garn endinn sem prjóna á með, er á aftari prjóni og þú byrjar á að prjóna með fremri prjóni. Dragið út aftari prjóninn til að prjóna lykkjurnar á þeim fremri. Þegar lykkjurnar á fremri prjóni hafa verið prjónaðar, snúið við og færið lykkjurnar til baka á auða prjóninn og prjónið hina hliðina alveg eins. Haldið svona áfram hringinn, passið uppá að draga alltaf út prjóninn á þeirri hlið þar sem þú hefur þráðinn. LASKALÍNA: Aukið út fyrir laskalínu hvoru megin við hvert prjónamerki (= 8 lykkjur fleiri í umferð). Aukið út þannig, byrjið 1 lykkju á undan prjónamerki: sláið 1 sinni uppá prjóninn, 2 lykkjur slétt (prjónamerki situr á milli þessa lykkja), sláið 1 sinni uppá prjóninn. Í næstu umferð er uppslátturinn prjónaður snúinn slétt svo ekki myndist gat. ÚTAUKNING (á við um fram- og bakstykki): Aukið út um 1 lykkju með því að slá einu sinni uppá prjóninn. Í næstu umferð er uppslátturinn prjónaður snúinn slétt svo ekki myndist gat. GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Allt stykkið er prjónað í 3 þráðum og prjónaðar eru breiðar rendur. Prjónið í hring á sokkaprjóna í byrjun, síðan á hringprjón með GALDRALYKKJA þar til nægilega margar lykkjur eru á prjóni til að halda áfram að prjóna með hefðbundnum hætti með hringprjón 60 eða 80 cm. Prjónað er ofan frá og niður. Ermar eru prjónaðar fram og til baka á hringprjón. BERUSTYKKI: Fitjið upp 40-40-44-44-48-52 lykkjur á sokkaprjóna 12 með 3 þráðum í litnum vanillugulur. Prjónið stroff með 2 lykkjur slétt og 2 lykkjur brugðið þar til stykkið mælist 7 cm. Mælið síðan stykkið héðan og prjónið RENDUR – sjá útskýringu að ofan. Setjið 4 prjónamerki í stykkið án þess að prjóna lykkjurnar þannig: Fyrsta prjónamerkið í byrjun á umferð, annað prjónamerki eftir 14-14-16-16-18-20 lykkjur (= bakstykki), þriðja prjónamerki eftir 6 nýjar lykkjur (= ermi), fjórða prjónamerki eftir 14-14-16-16-18-20 nýjar lykkjur (= framstykki), nú eru eftir 6 lykkjur fram að fyrsta prjónamerki (= ermi). Prjónið 1 umferð slétt, þar sem fækkað er um 1 lykkju hvoru megin við hvert prjónamerki – sjá ÚRTAKA-1 = 32-32-36-36-40-44 lykkjur. Skiptið yfir á hringprjón 15, ATH: Í vöruúrvalinu okkar höfum við ekki styttri hringprjón en 60 cm í prjónastærð 15. Nú hefur lykkjum verið fækkað þannig að ummálið á stykkinu er minna en 60 cm í stærð S-XXL. Prjónið því áfram með GALDRALYKKJA – sjá útskýringu að ofan, þar til prjónaðar hafa verið nægilega margar lykkjur til að nota hringprjón 60 eða 80 cm. Prjónið sléttprjón og í 2. umferð byrjar útaukning fyrir LASKALÍNA – sjá útskýringu að ofan. Aukið svona út í annarri hverri umferð 8-10-10-11-12-14 sinnum = 96-112-116-124-136-156 lykkjur. ATHUGIÐ PRJÓNFESTUNA! Laska útaukningin í stærð M, L, XXL og XXXL er nú lokið. Í stærð S og XL er prjónuð 1 umferð til viðbótar þar sem aukið er út um 1 lykkju á fram- og bakstykki alveg eins (ekki er aukið út á ermum) = 4 lykkjur fleiri. Nú eru 100-112-116-128-136-156 lykkjur í umferð. Stykkið mælist ca 21-25-25-29-30-35 cm frá eftir stroff og niður. Haldið áfram án þess að auka út lykkjur í 3-0-2-1-0-0 umferðir til viðbótar. Stykkið mælist ca 25-25-28-30-30-35 cm frá eftir stroffi og niður. Næsta umferð er prjónuð þannig: Prjónið 30-32-34-38-40-46 lykkjur (= bakstykki), setjið næstu 20-24-24-26-28-32 lykkjur á þráð (= ermi), fitjið upp 4-4-4-4-6-6 lykkjur undir ermi, prjónið 30-32-34-38-40-46 lykkjur (= framstykki), setjið næstu 20-24-24-26-28-32 lykkjur á þráð (= ermi), fitjið upp 4-4-4-4-6-6 lykkjur undir ermi. Setjið prjónamerki í stykkið. HÉÐAN ER NÚ MÆLT! FRAM- OG BAKSTYKKI: = 68-72-76-84-92-104 lykkjur. Haldið áfram í sléttprjón og rendur. Setjið 1 prjónamerki í hvora hlið, mitt í nýjar lykkjur sem fitjaðar voru upp (= 2-2-2-2-3-3 nýjar lykkjur hvoru megin við prjónamerki) og 34-36-38-42-46-52 lykkjur á milli prjónamerkja á bakstykki og framstykki. Aukið nú út í hliðum þannig – sjá ÚTAUKNING: Þegar stykkið mælist 5 cm er aukið út um 1 lykkju á undan hvoru prjónamerki. Þegar stykkið mælist 8 cm er aukið út um 1 lykkju á eftir hvoru prjónamerki. Þegar stykkið mælist 10 cm er aukið út um 1 lykkju á undan hvoru prjónamerki. Þegar stykkið mælist 12 cm er aukið út um 1 lykkju á eftir hvoru prjónamerki. Nú eru 76-80-84-92-100-112 lykkjur í umferð. Prjónið nú áfram í mismunandi stærðum þannig: Stærð S, L, XL og XXL: Haldið síðan áfram hringinn í sléttprjóni þar til stykkið mælist 17-18-18-20 cm. Stærð M og XXXL: Haldið síðan áfram hringinn í sléttprjóni þar til stykkið mælist 19-17 cm og aukið jafnframt út þannig: Þegar stykkið mælist 14 cm aukið út um 1 lykkju á undan hvoru prjónamerki. Þegar stykkið mælist 16 cm aukið út um 1 lykkju á eftir hvoru prjónamerki. ALLAR STÆRÐIR. Nú eru 76-84-84-92-100-116 lykkjur í umferð. Þegar stykkið mælist 17-19-18-18-20-17 cm setjið 38-42-42-46-50-58 lykkjur á bakstykki á þráð. Prjónið síðan stroff fram og til baka yfir 38-42-42-46-50-58 lykkjur á framstykki þannig: Skiptið yfir á hringprjón 12 og prjónið frá réttu: 2 lykkjur GARÐAPRJÓN – sjá útskýringu að ofan, * 2 lykkjur slétt, 2 lykkjur brugðið *, prjónið frá *-* þar til 4 lykkjur eru eftir á prjóni, prjónið 2 lykkjur slétt og endið með 2 lykkjur garðaprjón. Haldið svona áfram þar til stroffið mælist 6 cm og stykkið mælist alls 52-54-56-58-60-62 cm frá öxl og niður. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Setjið lykkjur af bandi (bakstykki) á hringprjón 12, prjónið stroff fram og til baka alveg eins og á framstykki þar til stroffið mælist 12 cm. Klaufin á framstykki er 6 cm löng, klaufin á bakstykki er 12 cm löng. Alls mælist stykkið ca 58-60-62-64-66-68 cm frá öxl og niður á bakstykki. ERMI: Ermar eru prjónaðar fram og til baka á hringprjón og saumaðar saman í lokin. Setjið til baka 20-24-24-26-28-32 lykkjur af þræði á hringprjón 15 og fitjið upp 2-2-2-2-3-3 nýjar lykkjur í hvorri hlið = 24-28-28-30-34-38 lykkjur. Prjónið sléttprjón fram og til baka yfir allar lykkjur. Þegar stykkið mælist 4-4-2-4-4-2 cm er fækkað um 1 lykkju í hægri hlið á stykki – sjá ÚRTAKA-2. Fækkið lykkjum til skiptis vinstra og hægra megin á stykki í annarri hverri umferð – annarri hverri umferð – annarri hverri umferð – hverri umferð – hverri umferð – hverri umferð 8-12-12-14-14-18 sinnum (= 4-6-6-7-7-9 sinnum í hvorir hlið) = 16-16-16-16-20-20 lykkjur. Þegar stykkið mælist 33-34-31-30-29-24 cm (styttra mál í stærri stærðum vegna breiðari axla og lengri ermakúpu), skiptið yfir á hringprjón 12 og prjónið stroff (2 lykkjur slétt, 2 lykkjur brugðið) í 6 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Prjónið hina ermina á sama hátt. FRÁGANGUR: Saumið saum undir ermum í ystu lykkjubogana þannig að saumurinn verði ekki of þykkur. Saumið saman op undir ermum. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (9)
Bärbel Faustmann wrote:
Ich würde gern ein anderes Garn verwenden. Welche Alternativen gibt es?
21.07.2022 - 10:19DROPS Design answered:
Liebe Bärbel, Sie können mit 2 Fäden Brushed Alpaca Silk oder 4 Fäden DROPS Kid-Silk arbeiten.
31.07.2022 - 23:31Jannie Engsig wrote:
Hejsa. Jeg vil rigtig gerne strikke denne bluse DROPS Design: Model ML-034, men DROPS MELODY i de farver som den skal strikkes i er udsolgt alle steder. Kan jeg strikke i andet garn? Synes ikke jeg kan finde nogle garn alternativer i garn gruppe D. Tak på forhånd. Mvh Jannie.
22.10.2020 - 09:47DROPS Design answered:
Hej Jannie. Om du använder vår omregner så får du upp alternativ som du kan sticka tröjan i. Se bara till att du får den stickfasthet som uppges påopskriften. Mvh DROPS Design
22.10.2020 - 11:33Torgunn Nikkerud wrote:
Hei. Lurer på når det står "strikket genser i 3 tråder" betyr det at man strikker med 3 nøster - altså 3 dobbelt garn? Og når man da har kun to nøster av en farge - har dere et tips til hvordan man strikker med 3 tråder? Må man begynne i begge ender på det ene nøstet? Mvh Torgunn
28.04.2020 - 11:25DROPS Design answered:
Hej Torgunn, ja det stemmer, da strikker du med 3 tråde, hvor du af det ene nøgle tager både udefra og inde i nøglet. God fornøjelse!
28.04.2020 - 14:06Henriette wrote:
Hej Har I et garnforslag, hvor der kun skal bruges én tråd?
17.03.2020 - 15:18DROPS Design answered:
Hej Henriette, det tykkeste garn vi har er DROPS Polaris, hvis du sørger for at strikke det med 7 masker på 10 cm ifølge opskriften, så kan det bruges. God fornøjelse!
18.03.2020 - 15:17Marielle wrote:
Hei! Kjempefin genser! Kan jeg bruke et garn uten ull? Evt hvilket?
19.04.2019 - 16:56DROPS Design answered:
Hei Marielle. Til akkurat denne modellen som strikkes med såpass tykt garn (3 tråder Melody) har vi egentlig ingen gode alternativer uten ull. Alle våre bomullsgarn er en del tynnere og du vil da måtte bruke veldig mange tråder for å oppnå den samme strikkefastheten. I tillegg vil den løse, luftige strukturen i plagget bli borte om du bruker et bomullsgarn, dessverre. Om du filtrerer søket ditt etter ett av våre bomullsgarn (Paris, Muskat, Bomull-Lin etc) vil du få opp masse fine oppskrifter. God fornøyelse
25.04.2019 - 13:52Bente wrote:
Veldig søt gleder meg til oppskrift
18.02.2019 - 22:03Anita wrote:
Venter på oppskrift
07.02.2019 - 11:42Sigi wrote:
Ich warte sehnsüchtig auf die Anleitung :-)
04.02.2019 - 13:10Nina wrote:
Vilken fin,fräsch tröja till sommaren!!
16.01.2019 - 16:25