DROPS Muskat
DROPS Muskat
100% Bómull
frá 400.00 kr /50g
Þú færð garn sem þarf í að gera þetta mynstur frá 4400.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

Spring Symmetry

Prjónuð peysa úr DROPS Muskat. Stykkið er prjónað ofan frá og niður með hringlaga berustykki, gatamynstri og ¾ ermum. Stærð S - XXXL.

DROPS 200-26
DROPS Design: Mynstur r-747
Garnflokkur B
-------------------------------------------------------

STÆRÐ:
S - M - L - XL - XXL - XXXL

EFNI:
DROPS MUSKAT frá Garnstudio (tilheyrir garnflokki B)
550-600-650-700-750-850 g litur 07, ljós gulur

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4.
DROPS HRINGPRJÓNAR NR 4: lengd 40 cm og 80 cm fyrir sléttprjón.
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm og 80 cm fyrir kant með garðaprjóni og stroffi.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Muskat
DROPS Muskat
100% Bómull
frá 400.00 kr /50g
Þú færð garn sem þarf í að gera þetta mynstur frá 4400.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

MYNSTUR:
Sjá mynsturteikningu A.1 til A.4 (athugaðu vel að í hluta á umferð í mynsturteikningu er mynstur prjónað í hverri umferð).

ÚTAUKNING-1 (jafnt yfir):
Til þess að reikna út hvernig auka eigi jafnt út, teljið fjölda lykkja í umferð (t.d. 108 lykkjur) og deilið með fjölda útaukninga sem á að gera (t.d. 36) = 3.
Í þessu dæmi er aukið út með því að slá 1 sinni uppá prjóninn á eftir 3. hverja lykkju. Í næstu umferð er uppslátturinn prjónaður snúinn slétt svo ekki myndist gat.

ÚRTAKA (á við um miðju undir ermum):
Fækkið um 1 lykkju hvoru megin við prjónamerki þannig: Prjónið þar til 2 lykkjur eru eftir á undan prjónamerki, prjónið 2 lykkjur slétt saman, prjónamerki, takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Kantur í hálsi og berustykki er prjónað í hring á hringprjón, ofan frá og niður. Berustykki skiptist fyrir fram- og bakstykki og ermar. Fram- og bakstykki heldur áfram í hring á hringprjón, ofan frá og niður. Ermar eru prjónaðar í hring á sokkaprjóna/stuttan hringprjón, ofan frá og niður.

KANTUR Í HÁLSMÁLI:
Fitjið upp 108-112-116-120-124-128 lykkjur á stuttan hringprjón 3 með Muskat. Prjónið A.1 hringinn. Haldið svona áfram þar til A.1 hefur verið prjónað 1 sinni á hæðina. Prjónið 1 umferð slétt þar sem aukið er út um 36-36-38-40-40-42 lykkjur jafnt yfir – sjá ÚTAUKNING-1= 144-148-154-160-164 lykkjur. Prjónið síðan berustykki eins og útskýrt er að neðan.

BERUSTYKKI:
Skiptið yfir á hringprjón 4 og prjónið sléttprjón hringinn. JAFNFRAMT er aukið út eins og útskýrt er að neðan. ATHUGIÐ PRJÓNFESTUNA!
Þegar stykkið mælist 4-5-5-5-6-6 cm frá uppfitjunarkanti, aukið út um 30-44-50-58-60-62 lykkjur jafnt yfir = 174-192-204-218-224-232 lykkjur. Prjónið síðan sléttprjón.
Þegar stykkið mælist 6-7-8-9-10-11 cm frá uppfitjunarkanti, er aukið út um 26-38-46-52-56-58 lykkjur jafnt yfir = 200-230-250-270-280-290 lykkjur.
Prjónið 1 umferð sléttprjón. Prjónið síðan A.2 hringinn (= 20-23-25-27-28-29 mynstureiningar með 10 lykkjum). Haldið svona áfram með mynstur, en í umferð merktri með ör í A.2, færist byrjun á umferð um 2 lykkjur til vinstri, þ.e.a.s. lyftið 2 fyrstu lykkjum yfir á hægri prjón án þess að prjóna þær, prjónið síðan A.2 hringinn. Þær 2 lykkjur sem lyftar voru yfir á hægri prjón koma til með að vera prjónaðar í endurtekningu með A.2. Næsta umferð byrjar eins og venjulega.
Þegar A.2 hefur verið prjónað til loka eru 240-276-300-324-336-348 lykkjur í umferð.
Haldið áfram hringinn í sléttprjóni. JAFNFRAMT er aukið út eins og útskýrt er að neðan.
Þegar stykkið mælist 15-16-17-18-20-21 cm frá uppfitjunarkanti, aukið út um 20-20-22-24-28-30 lykkjur jafnt yfir = 260-296-322-348-364-378 lykkjur. Haldið áfram í sléttprjóni.
Þegar stykkið mælist 17-18-19-21-23-25 cm frá uppfitjunarkanti, aukið út um 10-14-20-22-26-28 lykkjur jafnt yfir = 270-310-342-370-390-406 lykkjur.
Haldið áfram hringinn í sléttprjóni þar til stykkið mælist 18-20-22-24-26-28 cm frá uppfitjunarkanrti við miðju að framan.
Nú skiptist berustykki fyrir fram- og bakstykki og ermar. Þ.e.a.s. næsta umferð er prjónuð þannig:
Prjónið 41-46-50-55-59-63 lykkjur fyrir sléttprjón (= ½ bakstykki), setjið næstu 53-63-71-75-77-77 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi), prjónið 82-92-100-110-118-126 lykkjur sléttprjón (= framstykki), setjið næstu 53-63-71-75-77-77 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi) og prjónið þær 41-46-50-55-59-63 lykkjur sem eftir eru í sléttprjóni (= ½ bakstykki). Klippið frá. Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT!

FRAM- OG BAKSTYKKI:
= 180-200-220-240-260-280 lykkjur. Byrjið umferð í annarri hlið á stykki, mitt í 8-8-10-10-12-14 lykkjum undir ermi. Prjónið A.3 hringinn (= 18-20-22-24-26-28 mynstureiningar með 10 lykkjum). Haldið svona áfram með mynstur, en í umferð merktri með ör í A.3 færist byrjun á umferð um 2 lykkjur til vinstri alveg eins og í A.2.
Þegar A.3 hefur verið prjónað til loka, prjónið 1 umferð sléttprjón þar sem aukið er út um 10 lykkjur jafnt yfir í öllum stærðum = 190-210-230-250-270-290 lykkjur. Haldið áfram hringinn í sléttprjóni og endurtakið útaukningu þegar stykkið mælist 14-14-14-14-16-16 cm frá skiptingu = 200-220-240-260-280-300 lykkjur.
Prjónið nú aftur A.3 hringinn (= 20-22-24-26-28-30 mynstureiningar með 10 lykkjum).
Þegar A.3 hefur verið prjónað til loka er prjónað sléttprjón þar til stykkið mælist 28 cm frá skiptingu í öllum stærðum (eða að óskaðri lengd, nú eru eftir ca 4 cm til loka).
Prjónið 1 umferð slétt þar sem aukið er út um 64-74-78-88-92-96 lykkjur jafnt yfir = 264-294-318-348-372-396 lykkjur. Þetta er gert til að koma í veg fyrir að stroffið sem á að prjóna dragist saman.
Skiptið yfir á hringprjón 3. Prjónið stroff hringinn (= 3 lykkjur slétt, 3 lykkjur brugðið) í 4 cm. Skiptið yfir á hringprjón 4. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 56-58-60-62-64-66 cm frá öxl og niður.

ERMI:
Setjið 53-63-71-75-77-77 lykkjur af þræði í annarri hlið á stykki á stuttan hringprjón eða sokkaprjóna 4, prjónið að auki upp 1 lykkju í hverja af 8-8-10-10-12-14 lykkjum sem fitjaðar voru upp undir ermi = 61-71-81-85-89-91 lykkjur. Setjið 1 prjónamerki mitt í 8-8-10-10-12-14 lykkjur undir ermi. Látið prjónamerkið fylgja með í stykkinu – það er notað síðar þegar fækka á lykkjum undir ermi.
Byrjið umferð við prjónamerki og prjónið fyrstu umferð þannig: Prjónið 0-0-0-2-4-0 lykkjur sléttprjón, prjónið A.4A (= 10 lykkjur), prjónið A.4B yfir næstu 40-50-60-60-60-70 lykkjur (= 4-5-6-6-6-7 mynstureiningar með 10 lykkjum), prjónið A.4C (= 11 lykkjur) og endið með 0-0-0-2-4-0 lykkjur sléttprjón. Haldið svona áfram með mynstur þar til A.4 hefur verið prjónað 1 sinni á hæðina, prjónið síðan sléttprjón hringinn.
JAFNFRAMT þegar stykkið mælist 3-3-3-3-2-2 cm frá skiptingu, fækkið um 2 lykkjur mitt undir ermi – sjá ÚRTAKA.
Fækkið lykkjum svona með 6 -2½-1½-1½-1½-1 cm millibili alls 5-9-13-13-14-14 sinnum = 51-53-55-59-61-63 lykkjur (lykkjur sem ekki ganga upp í A.3 þegar lykkjum er fækkað, eru prjónaðar í sléttprjóni).
Prjónið þar til ermin mælist 29-27-26-24-23-21 cm frá skiptingu (eða að óskaðri lengd, nú eru eftir ca 4 cm til loka. ATH: Styttra mál í stærri stærðum vegna víðari hálsmáls og lengra berustykkis). Prjónið 1 umferð slétt þar sem aukið er út um 3-1-5-1-5-3 lykkjur jafnt yfir = 54-54-60-60-66-66 lykkjur.
Skiptið yfir á sokkaprjón 3. Prjónið stroff hringinn (= 3 lykkjur slétt, 3 lykkjur brugðið) í 4 cm. Skiptið til baka yfir á sokkaprjón 4. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 33-31-30-28-27-25 cm frá skiptingu.
Prjónið hina ermina á sama hátt.

Mynstur

symbols = slétt
symbols = brugðið
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður slétt (það eiga að myndast göt)
symbols = á milli 2 lykkja er slegið 1 sinni uppá prjóninn, í næstu umferð er uppslátturinn prjónaður snúinn slétt (það eiga ekki að myndast göt)
symbols = 2 lykkjur slétt saman
symbols = lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð
symbols = lyftið 1 lykkju af prjóni eins og prjóna eigi slétt, prjónið 2 lykkjur slétt saman, steypið lyftu lykkjunni yfir lykkjurnar sem prjónaðar voru saman
symbols = þessi rúða sýnir enga lykkju þar sem búið er að fækka um þessa lykkju, farðu beint áfram í næsta tákn í mynsturteikningu
diagram
diagram

Hvert mynstur okkar hefur sérstök kennslumyndbönd til að hjálpa þér.

Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 200-26

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (27)

country flag Laura wrote:

I just want to be sure about A2 rows 7&8. In row 7, I slip the first 2 stitches onto the right needle -so the beginning of the row moves 2 stitches to the left. I then knit row 7 according to the pattern. At the end of row 7, I include the first 2 slipped stitches in the pattern and then end the row with a yarn over. This means that row 8 starts after the yarn over, correct?

19.10.2022 - 17:37

DROPS Design answered:

Dear Laura, correct, but the 8th row starts then with the stitch remaining from the decrease (1st st on the round) + the yarn over (2nd st on the round). Happy knitting!

20.10.2022 - 09:44

country flag Conni wrote:

Forstår ikke A2 omgang 7 ved pilen. Jeg får flere masker på denne omgang, og på næste omgang 8 kommer jo så heller ikke til at passe. Kan I forklare det så en nybegynder kan forstå det. Har prøvet flere metoder, men kan ikke få det til at passe. Mvh Conni

08.09.2022 - 10:00

DROPS Design answered:

Hej Conni, på starten af 7.omgang løfter du 2 masker over på højre pind uden at strikke dem og så strikker du 7ret, 1omslag, tag 1 maske løs af pinden som om den skulle strikkes ret, strik 2 ret sammen, løft den løse maske over maskerne som blev strikket sammen, 1 omslag, 7ret osv, og afslutter omgangen med omslag og indtagning :)

09.09.2022 - 13:11

country flag Rosario Elias Liñero wrote:

Hola Quería preguntarte cómo se tejen lis dos puntos deslizados al principio de A2 donde está la flecha En cada repetición se deslizan los dos puntos o solo al principio de la vuelta? Y al final de la vuelta como tejí lis dos puntos sin tejer? Es que no entiendo cómo tejerlos Muchas gracias

21.05.2022 - 04:42

DROPS Design answered:

Hola Rosario, no es un deslizamiento de los puntos, sino un desplazamiento del diagrama. Esto quiere decir que la repetición comienza y termina dos puntos más hacia la izquierda que en la vuelta anterior.

22.05.2022 - 23:18

country flag Dagmar wrote:

Wenn ich mit dem Rumpf beginne, soll ich laut Anleitung gleich A3 stricken. Auf den Fotos sieht es aber so aus, als würde A3 erst später beginnen. Muss ich am Anfang des Rumpfes nicht erstmal ein paar Zentimeter glatt rechts stricken?

24.02.2022 - 08:01

DROPS Design answered:

Liebe Dagmar, auf dem Foto sieht man nicht wirklich die Teilung der Passe, aber so ist es richtig, nach der Teilung stricken Sie A.3. Viel Spaß beim stricken!

24.02.2022 - 10:43

country flag Maritsantos wrote:

Har strikket str. XL og har 2 hele nöster igjen, nesten 3 (130 gr). Dere beregner for mye garn. Det gaar igjen i mange av oppskriftene. Jeg strikker mye og sitter derfor igjen med mye restegarn.

07.09.2021 - 17:57

country flag Chantal wrote:

Bonjour entre le huitième et le neuvième rang du diagramme A2 N’y a-t-il pas un autre tour ?Merci pour votre réponse cordialement

27.02.2021 - 13:19

DROPS Design answered:

Bonjour Chantal, les diagrammes sont justes ainsi, autrement dit, aux tours 7 à 13, on va tricoter un motif tous les tours (on diminue aux tours 8, 10 et 12 et on va augmenter aux tours 9, 11 et 13). Bon tricot!

01.03.2021 - 10:40

country flag Chantal wrote:

Que veut dire le rond noir sur le diagramme A1Merci pour votre retour cordialement

25.02.2021 - 11:59

DROPS Design answered:

Bonjour Chantal, il s'agit du 2ème symbole dans la légende, autrement dit, une maille à tricoter à l'envers (= sur l'endroit car on tricote en rond). Bon tricot!

25.02.2021 - 12:03

country flag Raili wrote:

Nuolen jälkeisellä kierroksella vähenee silmukat kuviosta kahdella, miten seuraavan kierroksen saa täsmäämään?!?

17.05.2020 - 16:55

DROPS Design answered:

Kyseisellä kerroksella ei tehdä kavennuksia, joten silmukkaluku pysyy samana.

17.11.2020 - 16:32

country flag Germana wrote:

Buongiorno non riesci a capire come proseguire il motivo A2 dopo il rigo con la freccia..cioè devo lavorare il giro successivo senza considerare le 2 maglie spostate? Grazie

22.03.2020 - 14:25

country flag Emma wrote:

Can you please explain the instructions for A2 where there is an arrow? It says to displace two stitches and then work A2 in the round. The 2 stitches that were slipped onto the right needle are worked in the last repeat of A2. When it says the next round starts as usual does it mean that in effect the next round starts 2 stitches along? Thanks!

09.03.2020 - 21:27

DROPS Design answered:

Dear Emma, at the beg of this round slip the first 2 stitches of the round onto right needles without working them, then work A.2 as before: the last stitch in each A.2 will be worked with the first 2 stitches next A.2/A.3, when you will will work last repeat on the round, work the last st last repeat together with the first 2 stitches first repeat of the round (the 2 sts you slipped without working). Happy knitting!

10.03.2020 - 10:22