Dalvik by DROPS Design

Prjónuð peysa fyrir börn úr DROPS BabyMerino. Stykkið er prjónað ofan frá og niður með hringlaga berustykki og norrænu mynstri. Stærð 2-12 ára. Prjónuð húfa fyrir börn úr DROPS BabyMerino með norrænu mynstri

DROPS Design: Mynstur bm-017-bn
Garnflokkur A
-------------------------------------------------------

ALLT SETTIÐ:

STÆRÐ:
2 - 3/4 - 5/6 - 7/8 - 9/10 - 11/12 ára
Stærðin jafngildir ca hæð á barni í cm:
92 - 98/104 - 110/116 - 122/128 - 134/140 - 146/152

EFNI:
DROPS BABYMERINO frá Garnstudio (tilheyrir garnflokki A)
200-200-200-250-250-300 g litur 19, grár
50-50-50-50-50-50 g litur 02, natur
50-50-50-50-50-50 g litur 20, dökk grár
50-50-50-50-50-50 g litur 21, svartur
50-50-50-50-50-50 g litur 22, ljós grár

PEYSA:

STÆRÐ:
2 - 3/4 - 5/6 - 7/8 - 9/10 - 11/12 ára
Stærðin jafngildir ca hæð á barni í cm:
92 - 98/104 - 110/116 - 122/128 - 134/140 - 146/152

EFNI:
DROPS BABYMERINO frá Garnstudio (tilheyrir garnflokki A)
150-200-200-200-250-300 g litur 19, grár
50-50-50-50-50-50 g litur 02, natur
50-50-50-50-50-50 g litur 20, dökk grár
50-50-50-50-50-50 g litur 21, svartur
50-50-50-50-50-50 g litur 22, ljós grár

PRJÓNFESTA:
24 lykkjur á breidd og 32 umferðir á hæð með sléttprjóni og norrænu mynstri = 10 x 10 cm.

PRJÓNAR:
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm og 60 cm fyrir sléttprjón og norrænt mynstur.
DROPS SOKKAPRJÓNAR NR 2,5.
DROPS HRINGPRJÓNAR NR 2,5: lengd 40 cm og 60 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

HÚFA:

STÆRÐ:
2/4 - 5/8 - 9/12 ára
Höfuðmál: ca 48/52 – 52/54 – 54/56 cm

EFNI:
DROPS BABYMERINO frá Garnstudio (tilheyrir garnflokki A)
50-50-50-50-50-50 g litur 19, grár
50-50-50-50-50-50 g litur 02, natur
50-50-50-50-50-50 g litur 20, dökk grár
50-50-50-50-50-50 g litur 21, svartur
50-50-50-50-50-50 g litur 22, ljós grár

PRJÓNFESTA:
24 lykkjur á breidd og 32 umferðir á hæð með sléttprjóni og norrænu mynstri = 10 x 10 cm.

PRJÓNAR:
DROPS SOKKAPRJÓNAR NR 3.
DROPS HRINGPRJÓNAR NR 3: lengd 40 cm fyrir sléttprjón og norrænt mynstur.
DROPS HRINGPRJÓNAR NR 2,5: lengd 40 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Athugasemdir (0)

100% Ull
frá 486.00 kr /50g
DROPS Baby Merino uni colour DROPS Baby Merino uni colour 486.00 kr /50g
Gallery Spuni
Panta
DROPS Baby Merino mix DROPS Baby Merino mix 486.00 kr /50g
Gallery Spuni
Panta
Prjónar & Heklunálar
Þú færð garn sem þarf í að gera þetta mynstur frá 3888kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

ÚTAUKNING/ÚRTAKA (jafnt yfir):
Til þess að reikna út hvernig fjölga/fækka eigi lykkjum jafnt í umferð, teljið fjölda lykkja í umferð (t.d. 88 lykkjur) og deilið með fjölda útaukninga/úrtöku sem á að gera (t.d. 27) = 3,2.
Í þessu dæmi er aukið út með því að slá 1 sinni uppá prjóninn eftir ca 3. hverja lykkju.
Í næstu umferð er uppslátturinn prjónaður snúinn slétt svo ekki myndist gat.
Ef fækka á lykkjum þá eru prjónaðar ca önnur hver og þriðja hver lykkja slétt saman.

UPPHÆKKUN (aftan í hnakka):
Til þess að peysan verði aðeins hærri aftan í hnakka þegar berustykkið er prjónað, er hægt að prjóna upphækkun eins og útskýrt er að neðan. Hoppið yfir þennan kafla ef ekki er óskað eftir upphækkun.
Byrjið frá réttu mitt að aftan og prjónið með dökk grár þannig: Prjónið 15-15-16-16-17-17 lykkjur slétt, snúið, herðið á bandi og prjónið 30-30-32-32-34-34 lykkjur brugðið. Snúið, herðið á bandi og prjónið 45-45-48-48-51-51 lykkjur slétt, snúið, herðið á bandi og prjónið 60-60-64-64-68-68 lykkjur brugðið. Snúið, herðið á bandi og prjónið 75-75-80-80-85-85 lykkjur slétt, snúið, herðið á bandi og prjónið brugðið að miðju að aftan. Prjónið síðan BERUSTYKKI eins og útskýrt er í uppskrift.

MYNSTUR:
Peysa: Sjá mynsturteikningu A.1 og A.2. Veldu mynsturteikningu fyrir þína stærð (A.2 á einungis við stærð 2 ára – þessi mynstureining hefur verið prjónuð á berustykki í hinum stærðunum).
Húfa: Sjá mynstureiningu A.3.
Allt mynstrið er prjónað í sléttprjóni.

ÚRTAKA (á við um mitt undir ermum):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð, prjónið 2 lykkjur slétt (prjónamerki situr á milli þessa 2 lykkja), prjónið 2 lykkjur slétt saman (= 2 lykkjur færri).

AFFELLING:
AFFELLING:
Til að koma í veg fyrir að affelingarkanturinn verði stífur er hægt að fella af með grófari prjóni. Eða hægt er að slá 1 sinni uppá prjóninn á eftir ca 8. hverja lykkju jafnframt því sem fellt er af (uppslátturinn er felldur af eins og venjuleg lykkja).

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Kantur í hálsi og berustykki er prjónað í hring á hringprjón, ofan frá og niður. Berustykki skiptist fyrir fram- og bakstykki og ermar. Fram- og bakstykki er prjónað í hring á hringprjón, ofan frá og niður. Ermar eru prjónaðar í hring á sokkaprjóna, ofan frá og niður.

KANTUR Í HÁLSI:
Fitjið upp 88-90-92-94-96-98 lykkjur á stuttan hringprjón 2,5 með dökk grár. Prjónið 1 umferð slétt. Prjónið síðan stroff hringinn (= 1 lykkja slétt, 1 lykkja brugðin) í 3 cm. Prjónið 1 umferð slétt þar sem aukið er út um 27-30-33-31-34-37 lykkjur jafnt yfir – sjá ÚTAUKNING/ÚRTAKA = 115-120-125-125-130-135 lykkjur. Prjónið 1 umferð slétt. Setjið 1 prjónamerki í byrjun á umferð = miðja að aftan. Nú er hægt að prjóna UPPHÆKKUN aftan í hnakka – sjá útskýringu að ofan. Ef þú vilt ekki hafa upphækkun, farðu þá beint áfram í berustykki.

BERUSTYKKI:
Skiptið yfir á hringprjón 3. Prjónið A.1 hringinn (= 23-24-25-25-26-27 mynstureiningar með 5 lykkjum). Haldið svona áfram með mynstur og aukið út eins og útskýrt er í mynsturteikningu. ATHUGIÐ PRJÓNFESTUNA!
Í umferð á undan umferð merktri með ör í A.1, eru 230-240-250-250-260-270 lykkjur í umferð.
Í umferð merktri með ör í A.1, er aukið út um 10-20-22-30-36-38 lykkjur jafnt yfir = 240-260-272-280-296-308 lykkjur.
Þegar A.1 hefur verið prjónað til loka, mælist stykkið ca 14-16-16-16-16-16 cm frá uppfitjunarkanti mitt að framan.
Haldið áfram hringinn með sléttprjóni og grár þar til stykkið mælist 14-16-16-17-18-19 cm frá uppfitjunarkanti mitt að framan.
Nú skiptist stykkið fyrir fram- og bakstykki og ermar, þ.e.a.s. næsta umferð er prjónuð þannig: Prjónið 35-38-40-42-44-46 lykkjur sléttprjón með grár (= ½ bakstykki), setjið næstu 50-54-56-56-60-62 lykkjur á 1 band fyrir ermi, fitjið upp 6-6-6-8-8-8 nýjar lykkjur á prjóninn (= í hlið undir ermi), prjónið 70-76-80-84-88-92 lykkjur sléttprjón með grár (= framstykki), setjið næstu 50-54-56-56-60-62 lykkjur á 1 band fyrir ermi, fitjið upp 6-6-6-8-8-8 nýjar lykkjur á prjóninn (= í hlið undir ermi) og prjónið þær 35-38-40-42-44-46 lykkjur sem eftir eru í sléttprjóni með grár (= ½ bakstykki). Klippið frá. Fram- og bakstykki og ermar er síðan prjónað hvort fyrir sig. HÉÐAN ER NÚ MÆLT!

FRAM- OG BAKSTYKKI:
= 152-164-172-184-192-200 lykkjur. Setjið 1 prjónamerki mitt í 6-6-6-8-8-8 lykkjur undir ermi í aðra hlið á stykki. Byrjið umferð við prjónamerki og prjónið A.2 hringinn (á einungis við um stærð 2 ára – þessi mynstureining hefur verið prjónuð í berustykki í hinum stærðunum).
Þegar A.2 hefur verið prjónað til loka, prjónið sléttprjón með grár (á við um allar stærðir). Prjónið með grár þar til stykkið mælist ca 15-17-21-24-27-30 cm frá skiptingu (eða að óskaðri lengd, það eru ca 5 cm til loka).
Skiptið yfir á hringprjón 2,5. Prjónið stroff hringinn (= 1 lykkja slétt, 1 lykkja brugðin) í 5 cm. Fellið laust af með sléttar lykkjur yfir sléttar lykkjur og brugðnum lykkjum yfir brugðnar lykkjur – sjá AFFELLING! Peysan mælist ca 36-40-44-48-52-56 cm frá öxl og niður.

ERMI:
Setjið til baka 50-54-56-56-60-62 lykkjur af bandi á annarri hlið á stykki á sokkaprjón 3 og prjónið að auki upp 1 nýja lykkju í hverja og eina af 6-6-6-8-8-8 lykkjum sem fitjaðar vor upp undir ermi = 56-60-62-64-68-70 lykkjur. Setjið 1 prjónamerki mitt í 6-6-6-8-8-8 lykkjurnar undir ermi. Látið prjónamerkið fylgja með í stykkinu, það á að nota það síðar þegar fækka á lykkjum mitt undir ermi.
Byrjið umferð við prjónamerki og prjónið A.2 hringinn (á einungis við um stærð 2 – þessi mynstureining hefur verið prjónuð í berustykki í hinum stærðunum).
Þegar A.2 hefur verið prjónað til loka, prjónið sléttprjón með grár (á við um allar stærðir).
JAFNFRAMT þegar stykkið mælist 2 cm frá skiptingu, fækkið um 2 lykkjur mitt undir ermi – sjá ÚRTAKA. Fækkið lykkjum svona með 3-3-3½-4-4-4½ cm millibili alls 6-7-7-7-8-8 sinnum = 44-46-48-50-52-54 lykkjur.
Prjónið síðan með grár þar til ermin mælist 18-21-26-29-33-37 cm frá skiptingu (eða að óskaðri lengd, nú eru eftir ca 5 cm til loka).
Skiptið yfir á sokkaprjón 2,5. Prjónið stroff hringinn (= 1 lykkja slétt, 1 lykkja brugðin) í 5 cm. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur – sjá AFFELLING! Ermin mælist ca 23-26-31-34-38-42 cm frá skiptingu. Prjónið hina ermina alveg eins.
-------------------------------------------------------

HÚFA - STUTT ÚTSKÝRING Á STYKKI:
Stykkið er prjónað í hring á stuttan hringprjón, neðan frá og upp. Skiptið yfir í sokkaprjóna eftir þörf.

HÚFA:
Fitjið upp 138-144-150 lykkjur á stuttan hringprjón 2,5 með dökk grár. Prjónið stroff hringinn (= 1 lykkja slétt, 1 lykkja brugðin) í 4 cm. Prjónið 1 umferð slétt þar sem fækkað er um 26-28-30 lykkjur jafnt yfir – sjá ÚRTAKA = 112-116-120 lykkjur.
Skiptið yfir á hringprjón 3. Prjónið A.3 hringinn (= 28-29-30 mynstureiningar með 4 lykkjum). ATHUGIÐ PRJÓNFESTUNA!
Í umferð merktri með ör í A.3 er fækkað um 1-2-0 lykkjur jafnt yfir = 111-114-120 lykkjur. Haldið áfram með mynstur (nú er pláss fyrir 37-38-40 mynstureiningar með 3 lykkjum). Þegar A.3 hefur verið prjónað til loka, mælist stykkið ca 11 cm frá uppfitjunarkanti.
Prjónið síðan sléttprjón með grár. Þegar stykkið mælist 13-15-17 cm frá uppfitjunarkanti, prjónið 1 umferð slétt þar sem fækkað er um 1-4-0 lykkjur jafnt yfir = 110-110-120 lykkjur. Setjið nú 10 prjónamerki í stykkið með 11-11-12 lykkjur á milli hverra prjónamerkja. Í næstu umferð er fækkað um 1 lykkju á eftir hverju prjónamerki með því að prjóna 2 lykkjur slétt saman (= 10 lykkjur færri). Skiptið yfir á sokkaprjóna eftir þörf. Fækkið lykkjum svona í annarri hverri umferð alls 9 sinnum í öllum stærðum = 20-20-30 lykkjur eftir. Í næstu umferð eru allar lykkjurnar prjónaðar sléttar saman 2 og 2 = 10-10-15 lykkjur eftir. Prjónið 1 umferð til viðbótar þar sem allar lykkjurnar eru prjónaðar sléttar saman 2 og 2 = 5-5-8 lykkjur eftir.
Klippið frá, dragið bandið í gegnum þær lykkjur sem eftir eru, herðið á bandi og festið vel. Húfan mælist ca 19-21-23 cm ofan frá og niður.

Mynstur

= dökk grár
= ljós grár
= grár
= svartur
= natur
= á milli 2 lykkja er slegið 1 sinni uppá prjóninn með grunnlit í mynstur umferð, í næstu umferð er uppslátturinn prjónaður snúinn slétt svo að ekki myndist gat
= útauknings umferð / úrtöku umferð


There are no comments to this pattern yet! Leave yours below.

Skrifaðu athugasemd um DROPS Children 34-18

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.