Valencia Cardigan |
|
|
|
Prjónuð peysa með röndum, v-hásmáli og laskalínu. Stykkið er prjónað úr DROPS Air, ofan frá og niður. Stærð S - XXXL.
DROPS 202-10 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. STUTTAR UMFERÐIR-1 (á við um fyrri kant í hálsmáli sem er prjónaður): Byrjið frá réttu og prjónið þannig: * 2 umferðir garðaprjón fram og til baka yfir 4 fyrstu lykkjur, 2 umferðir garðaprjón fram og til baka yfir allar 5 lykkjur *, prjónið frá *-* alls 3 sinnum. STUTTAR UMFERÐIR-2 (á við um seinni kant í hálsmáli sem er prjónaður): Byrjið frá röngu og prjónið þannig: * 2 umferðir garðaprjón fram og til baka yfir 4 fyrstu lykkjur, 2 umferðir garðaprjón fram og til baka yfir allar 5 lykkjur *, prjónið frá *-* alls 3 sinnum, prjónið síðan 1 umferð slétt frá röngu yfir allar 5 lykkjur. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 62 lykkjur), mínus kanta í hálsi/kanta að framan (t.d. 10 lykkjur) og deilið með fjölda lykkja sem eftir er með fjölda útaukninga sem á að gera (t.d. 12) = 4,3. Í þessu dæmi er aukið út með því að slá 1 sinni uppá prjóninn á eftir ca 4. hverja lykkju (ekki er aukið út yfir kanta í hálsi/kanta að framan). Í næstu umferð er uppslátturinn prjónaður snúinn svo ekki myndist gat. ÚRTAKA (jafnt yfir): Til þess að reikna út hvernig fækka eigi jafnt í umferð, teljið fjölda lykkja í umferð (t.d. 54 lykkjur), deilið þessum lykkjufjölda með fjölda úrtöku sem á að gera (t.d. 14) = 3,9. Í þessu dæmi þá er lykkjum fækkað með því að prjóna ca 3. og 4. hverja lykkju slétt saman. RENDUR BERUSTYKKI: Rendurnar eru prjónaðar í sléttprjóni, ofan frá og niður eins og útskýrt er að neðan, en 5 ystu lykkjur í hvorri hlið eru prjónaðar í garðaprjóni (= kantur í hálsmáli): 9-10-10-11-11-12 cm með lit, 10, þoka, 9-10-10-11-11-12 cm með lit 22, gulur, 0-0-2-2-4-4 cm með lit 06, svartur. RENDUR FRAM- OG BAKSTYKKI: Rendurnar eru prjónaðar í sléttprjóni, ofan frá og niður eins og útskýrt er að neðan, en 5 ystu lykkjur í hvorri hlið eru prjónaðar í garðaprjóni (= kantur að framan): 9-10-8-9-7-8 cm með lit 06, svartur (þ.e.a.s. svarta röndin verður alls 9-10-10-11-11-12 cm meðtalin umferð frá berustykki), 9-10-10-11-11-12 cm með lit 03, perlugrár, 12-10-12-10-12-10 cm (eða til loka) með lit 16, blár. RENDUR ERMI: Rendurnar eru prjónaðar í sléttprjóni, ofan frá og niður þannig: 13-13-11-11-9-9 cm með lit 06, svartur (þ.e.a.s. svarta röndin verður alls 13 cm í öllum stærðum meðtalin umferð frá berustykki), 13-13-13-13-13-13 cm með lit 03, perlugrár, 20-19-20-18-19-18 cm (eða að óskuðu máli) með lit 16, blár. V-HÁLSMÁL: Allar útaukningar eru gerðar frá réttu! Aukið út um 1 lykkju innan við 5 kantlykkjur að framan með því að slá 1 sinni uppá prjóninn strax eftir 5 kantlykkjum að framan í byrjun á umferð og á undan 5 kantlykkjum að framan í lok umferðar. Í næstu umferð (ranga) er uppslátturinn prjónaður snúinn svo ekki myndist gat. Prjónið síðan nýjar lykkjur í sléttprjóni. LASKALÍNA: Öll útaukning er gerð frá réttu! Aukið út um 1 lykkju hvoru megin við 4 prjónamerkin í hverri skiptingu á milli fram- og bakstykkis og erma þannig: Prjónið þar til 1 lykkja er eftir á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki situr á milli þessa 2 lykkja), sláið 1 sinni uppá prjóninn (= 1 lykkja fleiri hvoru megin við prjónamerki og alls 8 lykkjur fleiri í umferð). Í næstu umferð (ranga) er uppslátturinn prjónaður snúinn slétt svo að ekki myndist gat. Prjónið síðan nýjar lykkjur í sléttprjóni. HNAPPAGAT: Fellið af fyrir hnappagötum í hægri kanti að framan (þegar flíkin er mátuð). Fellið af frá réttu þegar 3 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman og prjónið síðustu lykkju slétt. Í næstu umferð er uppslátturinn prjónaður slétt svo að það myndist gat. Fellið af fyrir fyrsta hnappagatinu þegar prjónað hefur verið ca 1 cm á eftir síðustu útaukningu fyrir v-hálsmáli. Fellið síðan af fyrir 2 næstu hnappagötum með ca 10 cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Fyrst eru prjónaðir 2 lausir kantar í hálsi. Þeir eru settir síðan inn á hringprjóninn þegar fitjað er upp fyrir hálsmáli eins og útskýrt er í uppskrift (kantar í hálsmáli eru síðan saumaðir saman við miðju að aftan og síðan saumaðir við hálsmál aftan í hnakka). Síðan er berustykki prjónað fram og til baka á hringprjón frá miðju að framan, ofan frá og niður. JAFNFRAMT er aukið út fyrir v-hálsmáli og laskalínu. Berustykki skiptist fyrir fram- og bakstykki og ermar. Fram- og bakstykki er síðan prjónað fram og til baka frá miðju að framan, ofan frá og niður. Ermar eru prjónaðar í hring á sokkaprjóna / stuttan hringprjón, ofan frá og niður. KANTUR Í HÁLSMÁLI: Fitjið upp 5 lykkjur á prjón 5,5 með litnum þoka og prjónið GARÐAPRJÓN fram og til baka – sjá útskýringu að ofan (1. umferð = rétta). Þegar kantur í hálsmáli mælist ca 6-6-6-7-7-7 cm prjónið STUTTAR UMFERÐIR-1 – sjá útskýringu að ofan. Þegar stuttar umferðir hafa verið prjónaðar til loka eins og útskýrt er að ofan, prjónið garðaprjón fram og til baka yfir allar 5 lykkjur í 6 cm í öllum stærðum, endið eftir 1 umferð slétt frá röngu (allur kantur í hálsmáli á að mælast ca 14-14-14-15-15-15 cm innst þar sem stykkið er styst). Klippið frá og geymið stykkið. Prjónið annan kant í hálsmáli alveg eins, en þegar kanturinn mælist ca 6-6-6-7-7-7 cm prjónið STUTTAR UMFERÐIR-2 – sjá útskýringu að ofan. Þegar stuttar umferðir hafa verið prjónaðar til loka eins og útskýrt er að ofan, prjónið garðaprjón fram og til baka yfir allar 5 lykkjur í 6 cm í öllum stærðum, endið eftri 1 umferð slétt frá réttu (allur kantur í hálsmáli á að mælast ca 14-14-14-15-15-15 cm innst þar sem stykkið er styst. Setjið lykkjur á hringprjón 5,5, ekki klippa þráðinn frá, en fitjið upp 52-52-56-58-54-54 lykkjur á sama hringprjón beint á eftir kanti í hálsi og prjónið síðan sléttar lykkjur frá réttu yfir 5 lykkjur frá hinum kanti í hálsi = 62-62-66-68-64-64 lykkjur í umferð. Prjónið 1 umferð slétt frá röngu yfir allar lykkjur. Prjónið 1 umferð slétt frá réttu þar sem aukið er út um 12-12-8-10-14-22 lykkjur jafnt yfir – sjá ÚTAUKNING = 74-74-74-78-78-86 lykkjur í umferð. Prjónið 1 umferð brugðið frá röngu (kantur í hálsi er prjónaður í garðaprjóni eins og áður) síðan er berustykki prjónað eins og útskýrt er að neðan. BERUSTYKKI: LESIÐ ALLAN KAFLANN ÁÐUR EN PRJÓNAÐ ER ÁFRAM! Setjið 4 prjónamerki í stykkið þannig (þetta er gert án þess að prjóna lykkjurnar): Teljið 7 lykkjur (= framstykki), setjið 1 prjónamerki á undan næstu lykkju, teljið 12 lykkjur (= ermi), setjið 1 prjónamerki á undan næstu lykkju, teljið 36-36-36-40-40-48 lykkjur (= bakstykki), setjið 1 prjónamerki á undan næstu lykkju, teljið 12 lykkjur (= ermi), setjið 1 prjónamerki á undan næstu lykkju. Nú eru 7 lykkjur eftir í öllum stærðum á eftir síðasta prjónamerki (= framstykki). Prjónið RENDUR BERUSTYKKI – sjá útskýringu að ofan. JAFNFRAMT í fyrstu umferð (rétta) er aukið út fyrir V-HÁLSMÁLI og LASKALÍNA – sjá útskýringu að ofan. ATHUGIÐ PRJÓNFESTUNA! Aukið svona út fyrir V-hálsmáli (2 lykkjur) og laskalínu (8 lykkjur) í annarri hverri umferð (þ.e.a.s. í hverri umferð frá réttu) alls 18-20-22-24-26-28 sinnum = 254-274-294-318-338-366 lykkjur. Á eftir síðustu útaukningu fyrir v-hálsmáli og laskalínu mælist stykkið ca 22-24-26-28-30-32 cm frá öxl. Ef stykkið mælist styttra en þetta er prjónað áfram að réttu máli án útaukninga. Munið eftir HNAPPAGAT í hægri kanti að framan – sjá útskýringu að ofan. Næsta umferð er prjónuð frá röngu þannig: Prjónið 42-45-47-51-55-60 lykkjur í garðaprjóni og sléttprjóni eins og áður (= framstykki), setjið næstu 48-52-58-62-64-68 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi), prjónið 74-80-84-92-100-110 lykkjur brugðið (= bakstykki), setjið næstu 48-52-58-62-64-68 lykkjur á þráð fyrir ermi, fitjið upp 6-6-8-8-10-10 nýjar lykkjur á prjóninn (= í hlið undir ermi) og prjónið þær 42-45-47-51-55-60 lykkjur sem eftir eru í sléttprjóni og garðaprjóni eins og áður (= framstykki). Fram- og bakstykki og ermar er síðan prjónað hvert fyrir sig. HÉÐAN ER NÚ MÆLT! FRAM- OG BAKSTYKKI: = 170-182-194-210-230-250 lykkjur. Prjónið RENDUR FRAM- OG BAKSTYKKI – sjá útskýringu að ofan. Munið eftir HNAPPAGAT í hægri kanti að framan! Þegar stykkið mælist 23 cm frá skiptingu í öllum stærðum er prjónuð 1 umferð brugðið frá röngu (kantur að framan er prjónaður í garðaprjóni) þar sem aukið er út um 6 lykkjur jafnt yfir – sjá ÚTAUKNING = 176-188-200-216-236-256 lykkjur. Skiptið yfir á hringprjón 4,5. Næsta umferð er prjónuð frá réttu (með blár) þannig: 5 kantlykkjur að framan í garðaprjóni, * 2 lykkjur slétt, 2 lykkjur brugðið *, prjónið frá *-* þar til 7 lykkjur eru eftir á prjóni, prjónið 2 lykkjur slétt og endið með 5 kantlykkjur að framan í garðaprjóni. Haldið svona áfram með stroff í 6 cm. Fellið laust af með garðaprjóni yfir garðaprjón, sléttar lykkjur yfir sléttar lykkjur og brugðnar lykkjur yfir brugðnar lykkjur. Til að koma í veg fyrir að affellingarkanturinn verði stífur er hægt að fella af með hringprjón 5,5. Peysan mælist ca 52-54-56-58-60-62 cm frá öxl og niður. ERMI: Setjið 48-52-56-60-62-64 lykkjur af þræði í annarri hlið á stykki á sokkaprjóna /stuttan hringprjón 5,5 og prjónið að auki upp 1 lykkju í hverja af 6-6-8-8-10-10 lykkjum sem fitjaðar voru upp undir ermi = 54-58-64-68-72-74 lykkjur. Prjónið RENDUR ERMI – sjá útskýringu að ofan. Þegar ermin mælist ca 40-39-38-36-35-34 cm frá skiptingu (eða að óskaðri lengd – nú eru eftir ca 6 cm að loka máli), prjónið 1 umferð slétt þar sem fækkað er um 14-18-22-26-26-30 lykkjur jafnt yfir – sjá ÚRTAKA = 40-40-44-44-48-48 lykkjur. Skiptið yfir á sokkaprjóna 4,5. Prjónið stroff hringinn (= 2 lykkjur slétt, 2 lykkjur brugðið) í 6 cm með blár. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur hægt að fella af með hringprjón 5,5. Ermin mælist ca 46-45-44-42-41-40 cm frá skiptingu. Prjónið hina ermina á sama hátt. FRÁGANGUR: Saumið tölur í vinstri kant að framan. Saumið saman kanti í hálsimáli við miðju að aftan svo að saumurinn snúi inn. Strekkið aðeins á kanti í hálsmáli og saumið við hálsmál aftan í hnakka. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (24)
Birsen özgüder wrote:
Guten Tag, \r\nIch möchte bald dieses Cardigan mir stricken aber die Frage, wie und wo ich die Fadenenden, und/oder -reste die waehrend des Farbwechsels entstehen werden, verstecken werde, findet bei mir keine Antwort. Vielleicht haben Sie dafür eine Lösung .\r\n\r\nDanke im Voraus für eine Antwort und\r\nLiebe Grüsse\r\nBirsen özgüder
08.04.2024 - 16:09DROPS Design answered:
Liebe Frau Özgüder, die Fäden vernähen Sie so: bei kraus rechts und in glatt rechts. Sie könnnen auch den Faden nach der 1. (oder mehr) Maschen - siehe hier. Viel Spaß beim Stricken!
09.04.2024 - 08:28Carole Dormer wrote:
I would like to knit the Valencia Cardigan - please can you tell me what cast on with FOG means ?
07.08.2023 - 15:45DROPS Design answered:
Dear Mrs Dormer, "Fog" refers to DROPS Air colour no 10 - read more under shadecard here. Happy knitting!
08.08.2023 - 09:01Tatiana wrote:
Hola, gracias por el patrón. Quería comentarles que este patrón tiene varios errores en la versión español, por ej: se tejen 6cm de cenefa antes de las filas acortadas, no están los cm tejidos después de las filas acortadas, el orden de los marcadores está desordenado, debería ser delantero, manga, espalda, manga, delantero. Rectifique las instrucciones del patrón en el idioma original, ya que no entendía cómo seguir las instrucciones. Gracias
21.04.2023 - 17:51Katelijne wrote:
Ik vind het jammer dat je nooit de achterkant van de kraag in foto toont. Dit held voor alle truien Heeft deze trui een doorlopende kraag? Wordt er een deel in het achterpand gebreid? Dank je
26.10.2022 - 10:28Jo wrote:
I would like to make this in a different color way. If I replaced Blue 16 with Heather 14, kept the Pearl grey 03 then replaced Black 06 with Ruby Red 07 what would you suggest for the last 2 colors? Pink 24 & Off white 01 or maybe Pink sand 33? Thanks
03.11.2021 - 13:57DROPS Design answered:
Dear Jo, please contact your DROPS store, even per mail or telephone, it will be much easier for them to help you choosing the best matching colours. Happy knitting!
03.11.2021 - 16:42Karin wrote:
Skal striberne på ærmerne være længere end på kroppen?
18.10.2020 - 17:13DROPS Design answered:
Hei Karin. Ja, de er litt lengre. Du finner målene i oppskriften, både til bærestykket, bolen og ermene. God Fornøyelse!
19.10.2020 - 21:13Francina wrote:
Könnte es sein, dass ein Fehler sich eingeschlichen hat? Halsblende am Ende: 74-74-74-78-78-86. FÜR L sind dann 74 Maschen auf dem Nadel. Danach muss mann für die Pässe 38 Maschen für den Rückenteil abzählen. Dafür bräuchte man dann aber 76 Maschen statt 74.
13.07.2020 - 13:54DROPS Design answered:
Liebe Francina, es sieht so aus, am besten nehmen Sie 10 Maschen (und nicht nur 8 M) damit Sie 76 M für die Passe haben - eine Korrektur erfolgt sicher nach den Sommerferien. Viel Spaß beim stricken!
13.07.2020 - 15:36Francina wrote:
Welche Grösse hat der Metalknopf 542? Leider finde ich diesen Knopf nicht bei den aufgelisteten Läden.
08.07.2020 - 17:51DROPS Design answered:
Liebe Francina, hier finden Sie alle Knöpfe, Die Rund (Stahl) Nr542 sind 23 mm. Viel Spaß beim stricken!
09.07.2020 - 09:10Avila Janssen wrote:
I mean 8 balls seems a lot :)
26.06.2020 - 16:02Avila Janssen wrote:
Hello, how much yarn (Air) is needed if knitted in one colour only? 16 balls seems a lot...Thank you!
26.06.2020 - 16:01DROPS Design answered:
Dear Mrs Janssen, this jacket has been worked with stripes, we therefore do not have the amount of yarn in one colour - you can add all colours but you will probably request less - check other patterns with Air to compare and request help from your DROPS store - even per mail or telephone. Happy knitting!
29.06.2020 - 07:17