Spring Lines by DROPS Design

Prjónuð peysa fyrir börn úr DROPS Sky. Stykkið er prjónað ofan frá og niður með röndum og laskalínu. Stærð 3-12 ára.

DROPS Design: Mynstur sk-002-bn
Garnflokkur B
-------------------------------------------------------

STÆRÐ:
3/4 - 5/6 - 7/8 - 9/10 - 11/12 ára
Stærðin jafngildir ca hæð á barni í cm.
98/104 - 110/116 - 122/128 - 134/140 - 146/152

EFNI:
DROPS SKY frá Garnstudio (tilheyrir garnflokki B)
100-100-100-100-100 g litur 12, gallabuxnablár
50-50-50-50-50 g litur 07, ljós sægrænn
50-50-50-50-50 g litur 10, fjólublár
50-50-50-50-50 g litur 14, ljós fjólublár
50-50-50-50-50 g litur 13, ljós gallabuxnablár

PRJÓNFESTA:
21 lykkja á breidd og 28 umferðir á hæð með sléttprjóni = 10 x 10 cm.

PRJÓNAR:
DROPS SOKKAPRJÓNAR NR 4.
DROPS HRINGPRJÓNAR NR 4: lengd 40 cm og 60 cm eða 80 cm fyrir sléttprjón.
DROPS SOKKAPRJÓNAR NR 3,5.
DROPS HRINGPRJÓNAR NR 3,5: lengd 60 eða 80 cm fyrir stroff.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir á grófari prjóna. Ef þú ert með of fáar lykkjur á 10 cm, skiptu yfir á fínni prjóna.

Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær!

Athugasemdir (1)

74% Alpakka, 18% Polyamide, 8% Ull
frá 844.00 kr /50g
DROPS Sky uni colour DROPS Sky uni colour 844.00 kr /50g
Panta
DROPS Sky mix DROPS Sky mix 844.00 kr /50g
Panta
Prjónar & Heklunálar
Þú færð garn sem þarf í að gera þetta mynstur frá 5064kr. Sjá hér.

Leiðbeiningar um mynstur

-------------------------------------------------------

UPPLÝSINGAR FYRIR MYNSTUR:

-------------------------------------------------------

RENDUR:
Prjónið rendur í mismunandi lengdum eftir stærðum.
Röðin og lengdin á röndum er:
RÖND 1: Prjónið með ljós gallabuxnablár í 7-8-8½-9½-10 cm.
RÖND 2: Prjónið með ljós fjólublár í 7-8-8½-9½-10 cm.
RÖND 3: Prjónið með fjólublár í 7-8-8½-9½-10 cm.
RÖND 4: Prjónið með ljós sægrænn í 7-8-8½-9½-10 cm.
RÖND 5: Prjónið með gallabuxnablár til loka í öllum stærðum.

ÚTAUKNING:
Til þess að reikna út hvernig auka eigi jafnt út, teljið fjölda lykkja í umferð (t.d. 148 lykkjur) og deilið með fjölda útaukninga sem á að gera (t.d. 24) = 6,2.
Í þessu dæmi er aukið út með því að slá 1 sinni uppá prjóninn á eftir ca 6. hverja lykkju. Í næstu umferð er uppslátturinn prjónaður snúinn svo að ekki myndist gat.

LASKALÍNA:
Aukið út fyrir laskalínu hvoru megin við 4 prjónamerkin þannig: Byrjið 2 lykkjum á undan lykkju með prjónamerki í, sláið 1 sinni uppá prjóninn, prjónið 5 lykkjur slétt (prjónamerki situr í miðju lykkjunni af þessum 5 lykkjum), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo að ekki myndist gat.

ÚRTAKA (á við um ermi):
Fækkið um 1 lykkju hvoru megin við prjónamerki þannig: Prjónið þar til 3 lykkjur eru eftir á undan prjónamerki, prjónið 2 lykkjur slétt saman, prjónið 2 lykkjur slétt (prjónamerki situr á milli þessa lykkja), takið 1 lykkju óprjónaða eins og prjóna eigi hana slétt, 1 lykkja slétt, steypið óprjónuðu lykkjunni yfir lykkjuna sem var prjónuð = 2 lykkjur færri.

-------------------------------------------------------

BYRJIÐ Á STYKKI HÉR:

-------------------------------------------------------

PEYSA - STUTT ÚTSKÝRING Á STYKKI:
Stykkið er prjónað í hring á hringprjón ofan frá og niður. Stykkið skiptist upp við fram- og bakstykki og ermar, fram- og bakstykki er prjónað í hring á hringprjón. Ermar eru prjónaðar í hring á sokkaprjóna/stuttan hringprjón. Allt stykkið er prjónað með RENDUR – sjá útskýringu að ofan.

BERUSTYKKI:
Fitjið upp 76-80-80-84-84 lykkjur á stuttan hringprjón 4 með ljós gallabuxnablár. Setjið stykkið saman og prjónið 4 umferðir með stroffi (= 2 lykkjur slétt, 2 lykkjur brugðnar). Byrjun á umferð er á miðju aftan á bakstykki.
Prjónið nú 1 umferð sléttprjón og setjið 4 prjónamerki í stykkið sem nota á við útaukningu fyrir laskalínu þannig: Prjónið 12-13-13-14-14 lykkjur (= hálft bakstykki), prjónið 1 lykkju og setjið 1 prjónamerki í þessa lykkju, prjónið 12 lykkjur (= ermi), prjónið 1 lykkju og setjið 1 prjónamerki í þessa lykkju, prjónið 24-26-26-28-28 lykkjur (= framstykki), prjónið 1 lykkju og setjið 1 prjónamerki í þessa lykkju, prjónið 12 lykkjur (= ermi), prjónið 1 lykkju og setjið 1 prjónamerki í þessa lykkju, prjónið 12-13-13-14-14 lykkjur (= hálft bakstykki. ATHUGIÐ PRJÓNFESTUNA!
Haldið áfram með sléttprjón og rendur eins og áður og aukið út fyrir LASKALÍNA – sjá útskýringu að ofan. ATH! Mismunandi er aukið út á fram- og bakstykki og ermum, fylgið því leiðbeiningum nákvæmlega í útskýringu.
Aukið út þannig:

AUKIÐ ÚT Á FRAMSTYKKI/BAKSTYKKI/ERMUM ÞANNIG:
Aukið út um 2 lykkjur fyrir laskalínu við hvert og eitt af 4 prjónamerkjum eins og útskýrt er að ofan (= 8 lykkjur alls í umferð): Aukið svona út í annarri hverri umferð 11-12-12-12-12 sinnum. Nú eru 46-50-50-52-52 lykkjur á framstykki/bakstykki, 34-36-36-36-36 lykkjur á hvorri ermi, 4 lykkjur með prjónamerkjum. Það eru alls 164-176-176-180-180 lykkjur í umferð.
Aukið nú út í annarri hverri umferð eins og áður á framstykki/bakstykki. JAFNFRAMT er aukið nú út í 4. hverri umferð á ermum þannig:

AUKIÐ ÚT Á FRAMSTYKKI OG BAKSTYKKI ÞANNIG:
Aukið út um 1 lykkju hvoru megin við hvort framstykki og bakstykki (= 4 lykkjur alls í umferð): Aukið svona út í annarri hverri umferð 10-10-12-12-14 sinnum. Nú hefur verið aukið út alls 21-22-24-24-26 sinnum á fram- og bakstykki og það eru alls 66-70-74-76-80 lykkjur á hvoru fram- og bakstykki.

AUKIÐ SVONA ÚT Á ERMUM ÞANNIG:
Aukið út um 1 lykkju hvoru megin á hvorri ermi (= 4 lykkjur alls í umferð): Aukið út í 4. hverri umferð 5-5-6-6-7 sinnum. Nú hefur verið aukið út alls 16-17-18-18-19 sinnum á ermum og það eru 44-46-48-48-50 lykkjur á hvorri ermi.

Eftir allar útaukningar eru 224-236-248-252-264 lykkjur í umferð. Prjónið þar til stykkið mælist 16-16-18-18-19 cm frá uppfitjunarkanti við miðju að aftan.
Næsta umferð er prjónuð þannig: Prjónið fyrstu 34-36-38-39-41 lykkjurnar slétt (= hálft bakstykki), setjið næstu 44-46-48-48-50 lykkjurnar á band fyrir ermi, fitjið upp 6-6-6-8-8 nýjar lykkjur (= í hlið undir ermi), prjónið næstu 68-72-76-78-82 lykkjur slétt (= framstykki), setjið næstu 44-46-48-48-50 lykkjur á band fyrir ermi, fijtið upp 6-6-6-8-8 nýjar lykkjur (= í hlið undir ermi), prjónið síðustu 34-36-38-39-41 lykkjur slétt (= hálft bakstykki). Fram- og bakstykki og ermar er prjónað til loka hvort fyrir sig. HÉÐAN ER NÚ MÆLT!

FRAM- OG BAKSTYKKI:
Nú eru 148-156-164-172-180 lykkjur í umferð. Haldið nú áfram með sléttprjón hringinn með röndum eins og áður. Þegar stykkið mælist 17-21-23-27-30 cm frá skiptingu er prjónuð 1 umferð þar sem aukið er út um 24-28-28-32-32 lykkjur jafnt yfir – sjá ÚTAUKNING = 172-184-192-204-212 lykkjur. Skiptið yfir á hringprjón 3,5. Prjónið stroff hringinn með 2 lykkjum slétt, 2 lykkjum brugðnum þar til stykkið mælist alls 21-35-27-31-34 cm frá skiptingu. Fellið laust af með sléttum lykkjum yfir sléttar lykkjur og brugðnum lykkjum yfir brugðnar lykkjur. Klippið frá og festið enda. Peysan mælist ca 40-44-48-52-56 cm frá öxl og niður.

ERMI:
Setjið til baka lykkjur af öðru bandinu yfir á stuttan hringprjón/sokkaprjóna 4 (= 44-46-48-48-50), prjónið upp 1 nýja lykkju í hverja og eina af 6-6-6-8-8 lykkjum sem fitjaðar voru upp á fram- og bakstykki (= 50-52-54-56-58 lykkjur). Setjið 1 prjónamerki mitt í þessar lykkjur.
Prjónið sléttprjón og rendur hringinn eins og áður. Þegar ermin mælist 3 cm er fækkað um 1 lykkju hvoru megin við prjónamerki - SJÁ ÚRTAKA.
Fækkið lykkjum svona með 2-3-3-3½-3½-4 cm millibili alls 7-7-8-8-9-9 sinnum = 36-38-38-38-40 lykkjur. Haldið áfram með sléttprjón og rendur þar til ermin mælist 20-24-27-32-36 cm. Prjónið 1 umferð þar sem aukið er út um 8-6-10-10-12 lykkjur jafnt yfir = 44-44-48-48-52 lykkjur. Skiptið yfir á hringprjón 3,5. Prjónið stroff með 2 lykkjur slétt / 2 lykkjur brugðið í 4 cm. Fellið laust af með slétt yfir slétt og brugðið yfir brugðið. Klippið frá og festið enda.

Prjónið hina ermina alveg eins.

Mynstur


CAILLARD Micheline 31.03.2019 - 18:36:

Bonjour, Le col en 2/2 et aig 4 comme indiqué est large. Pourquoi pas en aig 3,5 ? De plus les cotes en bas du tricot sont trop larges. Sinon le modèle me plaît pour ma petite fille Alice. C’est mon premier modèle avec cette façon de tricoter « up-down ». Merci. Cordialement.

DROPS Design 01.04.2019 kl. 14:00:

Bonjour Mme Caillard, on tricote probablement les côtes du col en 4 pour éviter qu'elles ne soient trop serrées. Les côtes du bas ne sont pas censées resserrer le pull, mais juste le terminer (les côtés sont droits, comme le montre le schéma, raison pour laquelle on augmente avant de tricoter les côtes). Bon tricot!

Skrifaðu athugasemd um DROPS Children 34-8

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.