DROPS Paris
DROPS Paris
100% Bómull
frá 246.00 kr /50g
Þú færð garn sem þarf í að gera þetta mynstur frá 1722.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale
DROPS 190-22
DROPS Design: Mynstur w-682
Garnflokkur C
-----------------------------------------------------------

HATTUR:
Stærð: Ein stærð

Efni:
DROPS PARIS frá Garnstudio (tilheyrir garnflokki C)
150 g litur 48, bensínblár
50 g litur 06, skær bleikur
50 g litur 17, natur

DROPS HEKLUNÁL NR 4 – eða þá stærð sem þarf til að 17 stuðlar og 10 umferðir verði 10 cm á breidd og 10 cm á hæð.

ARMBAND:
Efni:
DROPS PARIS frá Garnstudio (tilheyrir garnflokki C)
50 g litur 06, skær bleikur
50 g litur 07, bleikfjólublár

DROPS HEKLUNÁL NR 4 – eða þá stærð sem þarf til að 17 stuðlar og 10 umferðir verði 10 cm á breidd og 10 cm á hæð.

Tréperlur fyrir skraut – með ½ cm gati (að þvermáli) í miðju svo að það verði ekki of þröngt að þræða endana í gegn:
Fyrir armband: 1 perla fyrir hvert armband.

-------------------------------------------------------

Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér

-------------------------------------------------------

DROPS Paris
DROPS Paris
100% Bómull
frá 246.00 kr /50g
Þú færð garn sem þarf í að gera þetta mynstur frá 1722.00kr.

Garnkostnaður er reiknaður út frá minnstu stærð mynsturs og ódýrustu vörutegund garns. Ertu að leita að enn betra verði? Þú gætir fundið það á DROPS Tilboð!

DROPS Super Sale

30% AFSLÁTTUR á 6 tegundum af bómullargarni!
Tilboðið gildir til 12.04.2024

Leiðbeiningar um mynstur

-------------------------------------------------------<br />
UPPLÝSINGAR FYRIR MYNSTUR:

-------------------------------------------------------

HEKLLEIÐBEININGAR:
Fyrsti tvíbrugðni stuðullinn í umferð er skipt út fyrir 4 loftlykkjur, endið umferð með 1 keðjulykkju í 4. loftlykkju. Fyrsta lykkjan í umferð er skipt út fyrir 1 loftlykkju, endið umferð með 1 keðjulykkju í fyrstu loftlykkju.

MYNSTUR:
Sjá mynsturteikningu A.1 (armband).

-------------------------------------------------------

BYRJIÐ Á STYKKI HÉR:

-------------------------------------------------------

HATTUR - STUTT ÚTSKÝRING Á STYKKI:
Stykkið er heklað í hring ofan frá og niður.

HATTUR:
Heklið 7 loftlykkjur með heklunál 4 með litnum bensínblár DROPS Paris og tengið saman í hring með keðjulykkju í fyrstu loftlykkju.
UMFERÐ 1: Heklið 13 fastalykkjur um hringinn – lesið LEIÐBEININGAR!
UMFERÐ 2: Heklið 2 tvíbrugðna stuðla í hverja fastalykkju = 26 tvíbrugðnir stuðlar.
UMFERÐ 3: * Heklið 1 fastalykkju í næsta tvíbrugðna stuðul, 2 fastalykkjur í næsta tvíbrugðna stuðul *, endurtakið frá *-* umferðina hringinn = 39 fastalykkjur.
UMFERÐ 4: * Heklið 1 tvíbrugðinn stuðul í hvora af næstu 2 fastalykkjum, 2 tvíbrugðnir stuðlar í næstu fastalykkju *, endurtakið frá *-* umferðina hringinn = 52 tvíbrugðnir stuðlar.
UMFERÐ 5: * Heklið 1 fastalykkju í hverja af næstu 3 tvíbrugðnu stuðlum, 2 fastalykkjur í næsta tvíbrugðina stuðul *, endurtakið frá *-* umferðina hringinn = 65 fastalykkjur.
UMFERÐ 6: * Heklið 1 tvíbrugðinn stuðul í hverja af næstu 4 fastalykkjum, 2 tvíbrugðnir stuðlar í næstu fastalykkju *, endurtakið frá *-* umferðina hringinn = 78 tvíbrugðnir stuðlar.

Heklið * 1 umferð með fastalykkjum í hvern tvíbrugðinn stuðul, 1 umferð með 1 tvíbrugðnum stuðli í hverja fastalykkju *, heklið frá *-* þar til stykkið mælist 18 cm, endið með umferð með fastalykkjum.

BARÐ.
UMFERÐ 1: Heklið 1 tvíbruðinn stuðul í næstu fastalykkju, 2 tvíbrugðnir stuðlar í næstu fastalykkju *, endurtakið frá *-* út umferðina = 117 tvíbrugðnir stuðlar.
UMFERÐ 2: * Heklið 1 fastalykkju í hvora af næstu 2 tvíbrugðnu stuðlum, 2 fastalykkjur í næsta tvíbrugðinn stuðul *, endurtakið frá *-* út umferðina = 156 fastalykkjur.
UMFERÐ 3: Heklið 1 tvíbrugðinn stuðul í hverja fastalykkju.
UMFERÐ 4: Heklið 1 fastalykkjur í hvern tvíbrugðinn stuðul.
UMFERÐ 5: Hekli 1 tvíbrugðinn stuðul í hverja fastalykkju.
UMFERÐ 6: Hekli 1 fastalykkju í hvern tvíbrugðinn stuðul. Klippið frá og festið enda.

HEKLAÐ BAND:
Heklið með heklunál 4, byrjið með litnum natur. Heklið 5 loftlykkjur með litnum natur og tengið saman í hring með 1 keðjulykkju í fyrstu loftlykkju sem var hekluð. Heklið síðan eftir mynsturteikningu A.2, þannig að önnur hver umferð (merkt með stjörnu) er hekluð með litnum natur/skær bleikur. Haldið áfram þar til bandið mælist ca 90 cm, hnýtið hnút í hvorn enda. Hnýtið bandið utan um hattinn.

-------------------------------------------------------

ARMBAND - STUTT ÚTSKÝRING Á STYKKI:
Stykkið er heklað í hring.

ARMBAND:
Heklið með heklunál 4 með litnum skær bleikur DROPS Paris.
Heklið 5 loftlykkjur og tengið þær saman í hring með 1 keðjulykkju í fyrstu loftlykkju sem var hekluð. Heklið síðan eftir mynsturteikningu A.1. Þegar stykkið mælist ca 19 cm frá loftlykkjuhring dragið lykkjuna á heklunálinni út þar til hún mælist ca 12 cm, hnýtið löngu lykkjuna (= 2 þræðir) saman með hinum þræðinum (= 1 þráður).
Þræðið perlu uppá 3 þræðina og festið vel með því að gera tvöfaldan hnút yst. Klippið til 3 þræðina svo að endinn verði ca 1 cm.
Heklið annað armband með litnum bleikfjólublár.

Þetta mynstur hefur verið leiðrétt.

Yfirfarið á vefsvæði: 12.05.2020
HEKLAÐ BAND:..Heklið síðan eftir mynsturteikningu A.2,

Mynstur

symbols = heklið 5 loftlykkjur og tengið þær saman í hring með 1 keðjulykkju í fyrstu loftlykkju sem var hekluð. Svartur punktur er byrjun á umferð
symbols = byrjið hér
symbols = 1 loftlykkja
symbols = 1 fastalykkja um loftlykkjuhring, snúið stykkinu einu sinni til vinstri þannig að bakhlið á stykki snúi að þér
symbols = stingið heklunálinni ofan frá og niður í ystu lykkjuna sem liggur yfir kant að vinstri hlið á stykki (hinn lykkjuboginn frá keðjulykkju sem var heklaður til að halda uppi loftlykkjum í hring í byrjun á stykki), bregðið þræðinum um heklunálina, dragið þráðinn í gegnum fyrstu lykkjuna á heklunálinni, sláið 1 sinni uppá prjóninn, dragið þráðinn í gegnum 2 lykkjurnar á heklunálinni, snúið stykkinu einu sinni til vinstri.
symbols = stingið heklunálinni ofan frá og niður í 2 lykkjurnar sem liggja saman yfir kant að vinstri hlið á stykki, bregðið þræðinum um heklunálina, dragið þráðinn í gegnum 2 lykkjurnar, bregðið þræðinum um heklunálina, dragið þráðinn í gegnum 2 lykkjurnar á heklunálinni, snúið stykkinu 1 sinni til vinstri.
symbols = endurtakið þessa umferð þar til stykkið mælist ca 19 cm frá loftlykkjuhring sem var heklaður í byrjun á stykki
symbols = með litnum natur: Stingið heklunálinni ofan frá og niður í 2 lykkjurnar sem liggja saman yfir kant að vinstri hlið á stykki, bregðið þræðinum um heklunálina, dragið þráðinn í gegnum 2 lykkjurnar, bregðið þræðinum um heklunálina, dragið þráðinn í gegnum 2 lykkjur á heklunálinni, snúið stykkinu 1 sinni til vinstri, ekki klippa þráðinn frá með litnum natur
symbols = með litnum skær bleikur: Stingið heklunálinni ofan frá og niður í 2 lykkjurnar sem liggja saman yfir kant að vinstri hlið á stykki, bregðið þræðinum um heklunálina, dragið þráðinn í gegnum 2 lykkjurnar, bregðið þræðinum um heklunálina, dragið þráðinn í gegnum 2 lykkjurnar á heklunálinni, snúið stykkinu 1 sinni til vinstri, ekki klippa þráðinn frá með litnum skær bleikur
symbols = endurtakið þessar 2 umferðir, heklað er í annað hvert skipti með litnum natur og með litnum skær bleikur
diagram
Ertu með spurningu? Sjá lista yfir algengar spurningar (FAQ)

Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.

Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.

Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.

Sjá DROPS kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu /gera prufu

Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.

Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.

Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.

Sjá DROPS kennsla: Get ég notað annað garn en það sem gefið er upp í mynstri?

Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.

Smelltu hér til að fá yfirlit yfir garn í hverjum garnflokki

Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).

Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.

Smelltu hér til að sjá garnreiknivélina okkar

Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.

Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.

Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.

Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.

Þú finnur stærðartöfluna neðst á mynstrinu.

Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.

Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.

Sjá DROPS Kennsla: Hvernig á að mæla prjónfestu

Sjá DROPS myndband: Hvernig á að kanna prjónfestu / gera prufu

Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.

Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.

Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.

Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.

Sjá DROPS Kennsla: Hvernig á að lesa prjón mynsturteikningu

Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..

Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.

Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.

Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.

Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.

Sjá DROPS Kennsla: Hvernig á að lesa hekl mynsturteikningu

Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.

Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.

Sjá DROPS Kennsla: Hvernig á að lesa prjón mynsturteikningu

Sjá DROPS Kennsla: Hvernig á að lesa hekl mynsturteikningu

Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.

Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.

Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.

Sjá DROPS Kennsla: Hvernig á að lesa úr stærðarteikningu

Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.

Loftlykkjur eru aðeins þrengri en aðrar lykkjur og til þess að koma í veg fyrir að uppfitjunarkanturinn verði of stífur, þá gerum við einfaldlega fleiri lykkjur til að byrja með. Lykkjufjöldinn verðu síðan stilltur af í næstu umferð til að passa inn í mynstur og mælingar á teikningu.

Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.

Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.

Sjá DROPS myndband: Hvernig á að fella af með uppslætti

Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.

Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð

Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.

Sjá DROPS kennslumyndband: Hvernig á að klippa upp fyrir handveg

Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.

Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?

Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.

Vertu bara viss um að fylgja vel leiðbeiningunum og skýringum á mynsturteikningu fyrir þína stærð!

Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.

Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.

Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.

Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:

1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.

2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.

3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.

4. Þvoðu flíkina samkvæmt leiðbeiningum á leiðbeiningar miða á garninu.

Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.

Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.

Finnurðu samt ekki svarið sem þú þarft? Flettu þá neðar og skrifaðu spurninguna þína svo einn af sérfræðingum okkar geti reynt að hjálpa þér. Þetta verður venjulega gert innan 5 til 10 virkra daga.
Í millitíðinni geturðu lesið spurningar og svör sem aðrir hafa skilið eftir þessu mynstri eða eða tekið þátt í DROPS Workshop á Facebook til að fá hjálp frá öðrum prjónurum/ heklurum!

Þú gætir líka haft gaman af...

Skrifaðu athugasemd um DROPS 190-22

Við myndum gjarna vilja fá að heyra hvað þér finnst um þetta mynstur!

Ef þig langar að skifa inn spurningu, vertu þá viss um að velja réttan dálk að neðan, til þess að við getum svarað sem fyrst. Það verður að merkja við svæði merktri með *.

Athugasemdir / Spurningar (16)

country flag Anja Silvola wrote:

Pysyykö lieri ihan oikeasti nuin jäykkänä virkattuna Paris langasta? Itse virkkasin kiinteillä silmukoilla ohuen puutarha rautalangan reunaan.

02.07.2023 - 11:48

country flag Guillemette Gondard wrote:

Bonjour, les explications pour le bracelet et le ruban ne semblent pas cohérentes avec la vidéo des bracelets. Un exemple : piquer de haut en bas alors que sur la video le geste est inverse. Au secours le résultat ressemble à une ficelle plutôt qu'à un ruban. Merci pour votre aide.

09.03.2023 - 07:51

country flag Iris wrote:

Minkä kokoiselle päänympärykselle ohje on? Saako ohjeella tai sovellettuna tehtyä 58 cm ympärysmitalla?

23.09.2022 - 16:03

DROPS Design answered:

Mikäli virkkuutiheys täsmää, hatun ympärys on n. 46 cm (hattu venyy hieman). Työ virkataan ylhäältä alas, joten voit sovittaa työtä ja tarvittaessa voit lisätä työhön silmukoita.

29.09.2022 - 18:35

country flag Riviere wrote:

Bonjour, lorsque je crochète la bordure, elle gondole (des vagues). Est-ce que je crochete selon vous trop serré ou trop large ? merci

05.05.2022 - 06:55

DROPS Design answered:

Bonjour Mme Riviere, essayez de conserver la même tension que pour le reste du chapeau, il est possible que vous ayez relâché un peu et que vous crochetiez un peu plus large. Bon crochet!

05.05.2022 - 09:09

country flag Piek wrote:

Wat bedoelen jullie met herhaal van *-* Staat begin van de hoed. Moet je deze toer dus 2x haken? Gr liedi-Janneke

19.04.2022 - 15:48

DROPS Design answered:

Dag Piek,

Hiermee wordt bedoeld dat je steeds herhaalt wat tussen de sterretjes staat.

20.04.2022 - 10:52

country flag Anke wrote:

Hallo, Wat ik lastig vind bij rondhaken is een nette overgang van de ene naar de volgende toer. Jullie geven goed aan afsluiten met een vaste, het eerste dubbele stokje bestaat uit vier lossen en de eerste vaste is een losse. Maar haak ik die vier lossen of die ene losse dan door de eerste steek? Of komen deze steken bovenop de laatste vaste die ik heb gehaakt? En moet ik dan nog een steek overslaan? Bestaan hier filmpjes van.? Ik hoor het heel graag voor het netjes afwerken van de rij.

09.06.2021 - 21:48

DROPS Design answered:

Dag Anke,

Je sluit als het ware de toer met een halve vaste. Deze halve vaste komt zeg maar in de bovenste 4 lossen van het begin van de toer. deze 4 lossen heb je gehaakt als vervanging van het eerste dubbele stokje. Wanneer je de toer hebt gesloten met een halve vaste, begint de toer opnieuw met 4 lossen. Deze komen er dus gelijk boven. Je slaat geen steken over. In deze video wordt het uitgelegd voor stokjes. In het patroon haak je dubbele stokjes en 3 lossen aan het begin van de toer.

13.06.2021 - 09:36

country flag Anne wrote:

I’m a bit confused when the pattern says continue until piece measures 18cm. Is this measured from the first round?

01.02.2021 - 07:29

DROPS Design answered:

Dear Anne, correct, measure from the beginning of piece, ie from the very first round. Happy crocheting!

01.02.2021 - 10:13

country flag Martine wrote:

Bonsoir, j'ai fini le chapeau et depuis des jours j'essaye de faire le ruban mais je ne comprends rien car dans le diagramme A1 il n'y a pas les 2 couleurs et le diagramme A2 ne figure pas dans les explications. Pouvez-vous m'indiquer comment trouver un tuto ou une vidéo pour le faire car je trouve qu'il donne un charme supplémentaire à ce chapeau. Merci Cordialement

12.05.2020 - 00:15

DROPS Design answered:

Bonjour Martine, il semble effectivement qu'il y ait une erreur, nos stylistes vont vérifier ceci, vous devriez crocheter le diagramme A.2 = autrement dit, de la même façon que A.1 mais en suivant les rayures indiquées par A.2. Cette vidéo vous montre comment réaliser A.1, changez simplement de couleur comme le diagramme l'indique. Bon crochet!

12.05.2020 - 09:31

country flag Martine wrote:

Bonsoir, J'ai commencé le crochet depuis peu de temps. Je suis après le 6ème rang: " Crocheter ensuite ...... jusqu'à ce que l'ouvrage mesure 18 cm, terminer par un tour de mailles serrées." Je ne comprends pas 18cm de quoi ?, rayon à partir du centre du chapeau ou de hauteur ? Merci pour votre réponse

27.04.2020 - 01:50

DROPS Design answered:

Bonjour Martine, mesurez ces 18 cm en hauteur, à partir du milieu du chapeau (début du chapeau). Bon crochet!

27.04.2020 - 09:35

country flag Nataliya wrote:

Hi, the brim description doesn't match the photo. I think there sc and hdc . And there are not 6 rounds..

07.04.2020 - 15:37

DROPS Design answered:

Dear Nataliya, make sure you are following the English pattern in the appropriate English since UK and US have different terms - eg a US sc = UK dc etc.. Happy crocheting!

09.04.2020 - 15:51